मकवानपुर । राष्ट्रिय प्रजातन्त्र पार्टीका केन्द्रीय सदस्य राजाराम बर्तौलाले पदबाट राजिनामा दिएका छन् । ‘पार्टीभित्र गम्भीर सैद्धान्तिक विचलन र स्वेच्छाचारिता मौलाएको भन्दै बर्ताैलाले केन्द्रीय सदस्य पदबाट राजीनामा दिएको बताएका छन् ।
केन्द्रीय समिति बैठकमा महाधिवेशन दौरान निर्मल निवासबाट भएको हस्तक्षेपबारे छानबिन गर्नुपर्ने विषय उठान गरेकोमा नेतृत्वले बेवास्ता गरेको भन्दै बर्तौलाले साधारण सदस्यसमेत नरहने गरी पदबाट राजीनामा दिएका हुन् ।
‘नैतिकरूपमा पार्टीभित्र बस्न सक्ने आधार समाप्त भएकोले नैतिकताको आधारमा आजैका मितिदेखि साधारण सदस्य समेत नरहने गरी केन्द्रीय सदस्य पदबाट राजीनामा दिएको छु’, बर्तौलाद्वारा जारी विज्ञप्तिमा भनिएको छ ।
राप्रपा परित्याग गरेका मकवानपुरका बर्तौला कमल थापाकाे नेतृत्वमा केही दिन अघी गठन भएकाे राप्रपा नेपालमा प्रवेश गर्ने चर्चा रहेकाे छ ।

मकवानपुर । मकवानपुरकाे हेटाैडामा साहित्य महाेत्सव हुने भएकाे हाे । मकवानपुरमा साहित्यमा क्रियाशील महिला साहित्यकारहरुकाे संस्था आँचल साहित्य कला पुञ्जकाे आयाेजनामा साहित्य महाेत्सव हुने भएकाे छ ।
हेटाैडा उपमहानगरपालिकाकाे प्रायाेजन रहेकाे साहित्य महाेत्सव यही फागुन २० गते दिनकाे १२:१५ बजे उद्घान हुने आँचल साहित्य कला पुञ्ज मकवानपुरकी सचिव भावना सापकाेटाले बताइन् । २ दिनसम्म आयाेजना हुने साहित्य महाेत्सव हेटाैडाकाे राेयल पार्टी प्यालेसमा हुने छ ।
साहित्य महाेत्सवमा साहित्य विधाका बहस, कार्यपत्र प्रस्तुती तथा गजल, मुक्तक र कविता वाचन हुने छ । यसका साथै पुस्तक प्रदर्शनी, सांगीतिक कार्यक्रम र कला प्रदर्शनी समेत आयाेजना हुने अध्यक्ष अनिता न्याैपानेले जनाकारी दिइन् ।
मकवानपुर । मकवानपुर प्रहरीले लागुऔषध सहित २ जनालाई पक्राउ गरेकाे छ । हेटौंडाको रातोमाटेबाट लागुऔषध नाईट्राभेट, नुफिम, डाईजापाम, फेनारगनसहित आइतबार २ जना पक्राउ परेका हुन् ।
प्रकाउ पर्नेमा बिरगंज महानगरपालिका वडा नम्बर ९ पर्सा बस्ने वर्ष ४२ को ईश्वर बहादुर उदास र वर्ष २४ को सन्दिप कुमार श्रेष्ठ रहेको मकवानपुर प्रहरीले जानकारी दिएको हो । प्रहरीका अनुसार आइतवार राती साढे ११ बजेको समयमा हेटौंडा उपमहानगरपालिका वडा नं १५ रातोमाटे चेकपोष्ट स्थितमा सवारी साधन रोकी चेकजाँच गर्ने क्रममा विरगंजबाट हेटौडा तर्फ आउदै गरेको बा ४० प ६४७८ नम्बरको मोटरसाईकलसहित उनीहरुलाई लाई पक्राउ गरिएको छ ।
उनीहरुको साथबाट लागुऔषध नाईट्राभेट ३०० ट्याब्लेट,नुफिम ५३ एम्पुल,डाईजापाम ५० एम्पुल, फेनारगन ५६ एम्पुल फेला परेको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक जयश्वर रिमालले बताए । लागुऔषध सहित पक्राउ परेका उदास र श्रेष्ठलाई नियन्त्रणमा लिई जिल्ला अदालतबाट दिन १८ म्याद लिई थप अनुसन्धान कार्य भईरहेको रिमालले जानकारी दिए छन् ।
मकवानपुर । राष्ट्रिय युवा संघ नेपाल भीमफेदी गाउँपालिकाले संगठन विस्तार अभियानलाई तीब्रता दिएको छ । नेकपा एमालेको भ्रातृ संगठन युवा संघको आइतबार भीमफेदी ७ र ८ नम्बर वडामा नयाँ कार्यसमिति चयन गरिएको छ ।
युवा संघ भीमफेदी गाउँपालिकाका अनुसार संयुक्त भेलाबाट नयाँ कार्यसमिति चयन गरिएको हो ।
भीमफेदी–७ मा जनक चुनीको अध्यक्षतामा २१ सदस्यीय र भीमफेदी–८ मा विनेश अधिकारीको अध्यक्षतामा २३ सदस्यीय कमिटी गठन गरिएको हो ।
गाउँपालिकाका सबै वडामा पार्टीका निर्देशन अनुसार नयाँ कार्यसमिति गठन भइरहेको छ ।
मकवानपुर । हेटौंडा भेट्रान्स क्लबले चेपाङ विद्यार्थीलाई न्यानो कपडा सहयोग गरेकाे छ । हेटौंडा–१५ रातोमाटेस्थित जनजागृति माध्यामिक विद्यालयमा ५ कक्षासम्म अध्ययनरत चेपाङ तथा विपन्न परिवारका विद्यार्थीलाई क्लबले न्यानो कपडा ट्रयाक–सुट सहयोग गरेको हो ।
क्लबका उपाध्यक्ष नवराज बज्राचार्यको अध्यक्षता तथा वडा नम्बर १५ का वडा अध्यक्ष महारत्न लामाको प्रमुख आतिथ्यमा आइतबार बिहान ५५ जना विद्यार्थीलाई ट्रयाक–सुट हस्तान्तरण गरिएको हो ।
भेट्रान्स क्लबले ३३ हजार रुपैयाँ बराबरको ट्रयाक–सुट सहयोग गरेको क्लबका सदस्य कविन सांगामीले बताए । हेटौंडा–१ स्थित ग्लोबल सर्जिकल सप्लायर्सका सञ्चालक राजन सञ्जेलले विद्यालयलाई १० हजार रुपैयाँ बराबरको सेनिटाइजर र मास्क सहयोग समेत गरेका थिए ।
सहयोग हस्तान्तरण कार्यक्रममा विद्यालय व्यवस्थापन समितिकी पूर्वअध्यक्ष मीना लामा, प्रधानाध्यापक दीपकलाल खतिवडा, क्लबका कोषाध्यक्ष रमेश उप्रेती लगायतको उपस्थिति रहेको थियो ।