मकवानपुर । मकवानपुरकाे बकैया गाउँपालिका वडा नम्बर १२ मा नेपाली कांग्रेस विजयी भएकाे छ । प्राप्त मतपरिणाम अनुसार नेपाली कांग्रेसका वडा अध्यक्षका उम्मेदवार ज्ञानेन्द्र बजगाई ५ सय १९ मत प्राप्त गरी निर्वाचित भएका हुन् ।
उनका निकटतम प्रतिद्वन्दी एमालेका वडा अध्यक्षका उम्मेद्वार राम बहादुर मुक्तान ४ सय ९९ मत मात्र प्राप्त गरे । नेकपा एमालेका केन्द्रीय सदस्य तथा मकवानपुर क्षेत्र नंबर एकका सांसद कृष्ण दाहालको वडा रहेकाे वकैया १२ मा नेकपा एमालेका वडा अध्यक्षका मुक्तान पराजित भएका छन् ।
यसैगरि,वडा सदस्यहरुमा सबै नेकपा एमालेका उम्मेदवार विजयी भएका छन् । उक्त वडामा नेपाली कांग्रेस र नेकपा माओवादी केन्द्रले गठबन्धन गरेको थियो । गठबन्धनमा कांग्रेसले वडा अध्यक्ष र वडा सदस्यहरु माओवादीले लिएको थियो । तर कांग्रेसले वडा अध्यक्ष जित्दा माओवादीले वडा सदस्यहरुमा हार व्यहोरेको छ ।
मकवानपुर । मकवानपुरकाे थाहा नगरपालिका वडा नम्बर ४ मा नेपाल कम्युनिष्ट पार्टी (माओवादी केन्द्र) विजयी भएको छ । प्राप्त मत परिणाम अनुसार माओवादीको तर्फबाट वडा अध्यक्षका उम्मेदवार नारायण लामाले ७ सय ५३ मत ल्याई विजयी भएका हुन् । उनको प्रतिस्पर्धी नेपाल कम्युनिष्ट पार्टी (एमाले)का उम्मेदवार राम राजा केसीले ५ सय १२ मत प्राप्त गरेका हुन् ।
त्यस्तै वडा सदस्यमा माओवादीकै सुन्दर राज केसी गोतामे,अक्ष कुमार तामाङ्ग,चन्द्र माया थिङ्ग र शान्ती विश्वकर्मा विजयी भएका छन् । यस अघी भएकाे मत परिणाम अनुसार थाहा नगरको वडा नम्बर १,२ र ३ मा समेत माओवादी केन्द्रले जित हासिल गरेको छ ।
मकवानपुर । भीमफेदी गाउँपालिका वडा नम्बर ६ काे वडा अध्यक्षमा नेपाली कांग्रेसका साेमबहादुर घलान निर्वाचित भएका छन् । भीमफेदी ६ को आइतबार सम्पन्न मतगणना अनुसार कांग्रेसका घलान निर्वाचित भएकाे निर्वाचन अधिकृतको कार्यालय भीमफेदीले जनाएको छ ।
घलान ६ सय ८९ मतसहित वडाध्यक्षमा निर्वाचित हुदाँ वडाध्यक्षकै उम्मेदवार नेकपा एमालेका सिताराम थापा मगरले ५ सय १७ मत प्राप्त गरेका छन् । थापा २०७४ सालको चुनावमा एमालेबाट वडाध्यक्षमा निर्वाचित भएका थिए ।
भीमफेदीमा हालसम्म ६ वटा वडाको मत परिणाम सम्पन्न भएको छ । जसमा वडा नम्वर १ मा गठबन्धनले जित हात पारेको छ भने २, ४ र ५ मा नेकपा एमालेले नेतृत्व लिएको छ । वडा नम्वर ३ मा भने माओवादी केन्द्रमा उम्मेदवार विजयी भएका छन् । हाल वडा नम्वर ७ र ८ को मतगणना जारी रहेको निर्वाचन अधिकृत रुद्रहरी भण्डारीले जानकारी दिए ।
मकवानपुर । भीमफेदी गाउँपालिका वडा नम्बर ५ मा नेकपा एमालेका वडा अध्यक्षका उम्मेदवार काशिराम जहार सिं लामा विजयी भएका छन् । भीमफेदी ५ मा आइतबार सम्पन्न मतगणना अनुसार एमालेका लामा ७ सय ७४ मत सहित निर्वाचित भएको निर्वाचन अधिकृतको कार्यालय भीमफेदीले जानकारी दिएकाे छ ।
यस्तै, वडाध्यक्षकै उम्मेदवार माओवादीका उम्मेदवार प्रदिपबहादुर वाईवाले ५ सय ९० मत प्राप्त गरेका थिए । उक्त वडामा १ हजार ४ सय ७८ मत खसेको थियो । वडा सदस्य सबै नेकपा एमालेबाट उम्मेदवार बनेका रिता कुमारी आले, सुमित्रा बिश्वकर्मा, बद्रिप्रसाद पौडेल र लालबहादुर स्याङ्तान विजयी भएका छन् ।
मकवानपुर । मकवानपुरको थाहा नगरपालिका वडा नंबर ३ को वडा अध्यक्षमा हिरेन्द्र कुमार रायमाझी विजयी भएका छन् । नेकपा माओवादी र नेपाली कांग्रेसको गठबन्धनबाट उम्मेदवार बनेका रायमाझी ७५९ मत प्राप्त गर्दै विजयी भएका हुन ।
केहि अघि सम्पन्न मतगणनाको नतिजा अनुसार उनका प्रतिस्पधी नेकपा एमालेका उम्मेदवार सुजन कुमार रायमाझी ५७० मत ल्याएका छन् ।
यसैगरि,राष्ट्रिय जनमोर्चाका दिनेश विष्टले ४६४ र राष्ट्रिय प्रजातन्त्र पार्टीका प्रमोद केसीले ३४ मत ल्याएका छन् ।