मकवानपुर–२ मा नेकपा एमालेले अग्रता लिएको छ । यस अघि नेकपा एकीकृत समाजवादीका बिरोध खतिवडाले अग्रता लिएका थिए । ६ हजार ५१८ मत गणना हुँदा एमालेका उम्मेदवार महेश बर्तौलाले अग्रता लिएका हुन । उनले २ हजार ७३३ मत पाएका छन् भने समाजवादीका खतिवडाले २ हजार ६८६ मत पाएका छन् ।
त्यस्तै राष्ट्रिय स्वतन्त्र पार्टीका उम्मेदवार भरत पराजुलीले ५३४ मत पाएका छन् । यो क्षेत्रबाट २०७४ सालमा नेकपा एमालेबाट विरोध खतिवडा निर्वाचित भएका थिए ।
मकवानपुर क्षेत्र नम्बर १ को जारी मतगणनामा सत्तागठबन्धनबाट नेपाली कांग्रेसकी सहमहामन्त्री महालक्ष्मी उपाध्याय डिनाको अग्रता कायम रहेको छ ।
यहाँ ३ हजार ६७५ मतगणना हुदाँ डिनाले १ हजार ८९४ मतसहित अग्रता कायम गरेकी हुन् ।
उनका निकटतम् प्रतिस्पर्धी राप्रपा नेपालका अध्यक्ष कमल थापाले १ हजार १३४ मतसहित डिनालाई पछ्याइरहेका छन् । सोही क्षेत्रमा राप्रपाका केन्द्रीय सदस्य दिपकबहादुर सिंहले २८१ मत प्राप्त गरेका छन् ।
मकवानपुरको हेटौंडामा जारी मतगणनामा जिल्लाको क्षेत्र नम्बर २ मा सत्ता गठबन्धनबाट नेकपा एसका उम्मेदवार विरोध खतिवडाले अग्रता बढाएका छन् ।
प्राप्त मतपरिणाम अनुसार खतिवडाले १ हजार ९२० मत प्राप्त गर्दा उनका निकटतम् प्रतिस्पर्धी नेकपा एमालेका उम्मेदवार महेश कुमार बर्तौलाले १ हजार ६०५ मतसहित खतिवडालाई पछ्याइरहेका छन् ।
सोही क्षेत्रमा राष्ट्रिय स्वतन्त्र पार्टीका उम्मेदवार भरत पराजुलीले ५ सय १ मत, नेकपा मालेका उद्धवप्रसाद अधिकारीले ८४ मत, राप्रपाका राजन मैनालीले ४० मत प्राप्त गरेका छन् ।

मकवानपुर क्षेत्र नम्बर–१ को प्रदेशसभा (ख) मा एमालेका उम्मेदवारले अग्रता कायम गरेका छन् । एमालेका एकालाल श्रेष्ठले गठवन्धनका उम्मेदवार आनन्दराम पराजुलीलाई पछी पार्दै अग्रता कायम गरेका हुन् ।
प्रदेश सभा १ को (ख) को हेटौड़ा उपमहानगरपालिका –१४ को मत गणना सकीएको छ
यस वडामा गन्दाको मतपरिणामः
सूर्यः १०९३
रूखः ७६५
हलोः ७६३
एकालाल श्रेष्ठ ३२८ मत मत ले अगाड़ी
मकवानपुर । मंसिर ४ गते आइतवार हुने प्रतिनिधि सभा र प्रदेश सभा सदस्य निर्वाचनको लागि मकवानपुरका सबै मतदान केन्द्रमा कर्मचारी र सुरक्षाकर्मी पुगेका छन् । मतदान स्थलमा निर्वाचन आयोगले उपलब्ध गराएको बिभिन्न सूचना टाँस गरिएको छ । सर्बदलिए सर्बपक्षिय बैठक पछि कार्य प्रारम्भ गर्न कर्मचारी र सुरक्षाकर्मीरु लागि परेका छन् ।
मकवानपुरको दश वटै मतदान केन्द्रमा कर्मचारीहरु पुगिसकेको मुख्य निर्वाचन अधिकृत ऋषिराम निरौलाले बताए । निरौलाका अनुसार निर्वाचनको आवश्यक सम्पूर्ण तयारी तथा व्यवस्थापन पूरा भएको र कर्मचारी चुनाव सामग्रीसहित मतदान स्थलमा पुगिसकेका बताए ।
निर्वाचनमा सम्पुर्ण सामग्रीहरु प्रहरीको सुरक्षामा मतदान स्थलमा सुरक्षाका साथ राखिएको छ । मकवानपुरमा करिब तीन हजार पाँच सय सुरक्षाकर्मीहरु खटिएको प्रमुख जिल्ला अधिकारी राजेन्द्रदेव पाण्डेले बताए । निर्वाचन सुरक्षाको लागि म्यादी प्रहरी, नेपाल प्रहरी, सशस्त्र प्रहरी र नेपाल आर्मीहरु खटाइएको प्रजिअ पाण्डेले बताएका छन् ।
मतदान केन्द्रमा पुगेका कर्मचारी र सुरक्षाकर्मीहरु मतदान स्थल निर्माणको काम २ गते सुरु गरेका हुन । आज ३ गते मतदानस्थलको निर्माण पुरा हुने मतदान केन्द्रमा खटिएका कर्मचारी बताउँछन् । मकवानपुरका केहि मतदानस्थल अपांग मैत्री समेत रहेका छन । उक्त केन्द्रहरू मध्ये सिद्धार्थ माबिमा मतदान केन्द्र निर्माणको काम ७० प्रतिशत पुरा भएको बताइएको छ ।
मकवानपुरमा करिब ३ हजार कर्मचारी निर्वाचनको लागि खटाइएको छ । खटाइएका मध्य ५ सय शिक्षक छन ।

