मकवानपुर । मनसुन सक्रिय रहदा देशभर सामान्यदेखि पूर्ण बदली रही मकवानपुर सहित देशैभर वर्षा भइरहेको छ ।
हाल मनसुनको न्यून चापीय रेखा सरदर स्थान भन्दा उत्तर नेपाल नजिक अवस्थित रहेकोले वर्षा भएको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
साथै भारतको उत्तर पूर्वी उत्तर प्रदेश तथा उत्तर पश्चिम बिहार आसपासमा रहेको न्यून चापीय प्रणालीको पनि प्रभाव रहेको कारण केही स्थानमा भारी वर्षाको सम्भावना समेत रहेको महाशाखाले जानकारी दिएको छ ।
मौसम पूर्वानुमान महाशाखाका अनुसार कोशी, बामगती, गण्डकी, लुम्बिनी प्रदेशका केही कर्णाली प्रदेशका एक दुई स्थानहरूमा मेघ गर्जन र चट्याङ्गसहित वर्षा भइरहेको छ ।
दिउँसो देशभर पूर्ण बदली रहनेछ। देशका अधिकांश स्थानहरुमा वर्षाको सम्भावना रहेको छ। कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै साथै मधेश प्रदेशको एक दुई स्थानहरुमा मेघ गर्जन र चट्याङ्गसहित भारी वर्षाको समेत सम्भावना रहेको छ।
राती भने देशभर सामान्य देखि पूर्ण बदली रहनेछ। देशका अधिकांश स्थानहरूमा वर्षाको सम्भावना रहेको छ। कर्णाली र सुदूरपश्चिम प्रदेशका केही तथा कोशी, बागमती, गण्डकी र लुम्बिनी प्रदेशका थोरै स्थानहरुमा मेघ गर्जन र चट्याङ्गसहित भारी वर्षाको समेत सम्भावना रहेको छ। साथै सुदूरपश्चिम प्रदेशको एक दुई स्थानमा अति भारी बर्षाको समेत सम्भावना रहेको छ।
भारी वर्षाको कारण नदीको जल सतह बढ्ने, बाढी, पहिरो, भूक्षयको प्रकोप हुने भएकोले आबश्यक सतर्कता अपनाउन महाशाखाले आग्रह गरेको छ ।
मकवानपुर । मुक्तक मञ्च मकवानपुरको बिषेश कार्यक्रममा मिथिला सानु सुनिएका छन् ।
हेटौंडामा शनिबार भएको मुक्तक मञ्चको ११औँ विशेष शृङ्खलामा मकवानपुरका मुक्तककारद्वय मिथिला अधिकारी र सानु खनालका १०/१० वटा मुक्तक सुनिएका हुन। अधिकारी साहित्यमा नव सर्जक हुन भने खनाल मकवानपुरे साहित्यमा परिचित छन् ।
स्थानीय मुक्तककारहरू हेमन्त ढुङ्गेल,ओमभक्त भण्डारी, समीर पाख्रिन, देवराज तिवारी, सुवास सजल, केशव समर्पण, चिरञ्जीवी लामिछाने, रजनी पौडेल, वैकुण्ठ लामिछाने, सुवास सजल, सागर तिमल्सिनाले मुक्तक वाचन गरेर विशेष शृङ्खलाला रौनकता थपेका थिए ।
मुक्तक मञ्च मकवानपुरका अध्यक्ष डी.बी. बर्तौलाको अध्यक्षता र अग्रज साहित्यकार तुलसी घिमिरेको प्रमुख आतिथ्यता भएको कार्यक्रममा स्थानीय साहित्य सङ्घ संस्थाहरूका पदाधिकारीसहित साहित्यकारहरुको उपस्थिति थियो ।
मकवानपुर । नेपाल आदिवासी जनजाति पत्रकार महासंघ(फोनिज) मकवानपुर शाखाले शनिबार प्रभातफेरी गरी स्थापना दिवस मनाएको छ ।
हेटौंडाको सिमाचोकबाट उद्योग वाणिज्य संघ मकवानपुरसम्म प्रभातफेरी गर्दै फोनिजको २४ औं स्थापना दिवस मनाएको हो । ‘पहिचान र अधिकारका लागि समावेशी सञ्चार, ऐन कानुनको निर्माण, संविधान कार्यान्वयनको आधार’ भन्दै हेटौंडामा स्थापना दिवस मनाएको हो ।
प्रभातफेरी पछिको कार्यक्रममा फोनिज मकवानपुर अध्यक्ष अशोक सुजन श्रेष्ठले देशभर आइरहेको आर्थिक मन्दीले पत्रकारहरुको जीविकोपाजर्नमा समस्यामा परिएको बताए ।
श्रमजीवि पत्रकार ऐन पूर्ण कार्यान्वयनमा नआउँदा सम्म पत्रकारका समस्या समाधान नहुने उनले बताए । श्रमजीवि पत्रकारहरुको हकहितका लागि फोनिजले भूमिका खेल्ले श्रेष्ठले बताए ।
मकवानपुर । नेकपा एमालेका बागमती प्रदेश सभाका सदस्य भारती पाठकले वनमा कर लगाउने ऎन खारेज गर्नु पर्ने बताएकी छिन ।
शनिबार हेटौंडामा संचारकर्मी संगको भेटघाटमा पाठकले जथाभावीरुपमा वनमा कर लगाएको आपत्ति जनाउदै वन ऐन खारेज गरिनुपर्ने बताएकी हुन ।
नेकपा एमालेका केन्द्रीय सदस्य तथा वन बिभाग प्रमुख समेत रहेकी पाठकले भनिन् ‘मुलुकमा सामुदायीक वनबाट १५ करोड क्युफिट वनपैदावार उत्पादन क्षमता रहेको छ तर राज्यले कटान गर्न दिदैन ।’
सामुदायिक वनलाई बागमती प्रदेशले काठ विक्रि वितरणमा २० प्रतिशत, स्थानीय तहले १० र संघले समेत कर लगाएकोले सामुदायिक वन उपभोक्ताले आन्दोलन गर्दै आएका छन् ।
प्रदेश र संघीय सरकारले लगाएको करको मारमा वन उपभोक्ताहरु परेकोले सामुदायिक वनमा लगाइएको कर खारेज हुनु पर्छ’ उनले भनिन् ‘ वनमा कर लगाउँदा सामुदायिक वनले काम गर्ने वातावरण नै छैन ।’
पाठकले बाढी पहिरोले ढालेको वन पैदावर मुचुल्का गरेर व्यवस्थापन गरे हुनेमा वन विभागको निर्देशकको स्वीकृति विना उठाउन नपाउने कानुन भएकाले थप समस्या परेको बताईन ।
यसैगरी वर्षायामको समयमा हुने आकस्मिक घटनाहरुको लागि स्टोरको व्यवस्थापन नरहेकोले प्रदेश सरकारले ध्यान दिनु पर्ने उनको भनाई रहेको छ ।
बागमती प्रदेशसभा लामो समयदेखि नबसेको तर्फ औल्याउदै पाठकले अहिले प्राकृतिक घटनाहरु भईरहेकोले जल्दाबल्दा समस्याको संसदमा गर्नको लागि समेत पार्टीको तर्फबाट तुरुन्त संसद बोलाउन आग्रह समेत गरिन ।
अहिलेका युवाहरुले बेैदेशिक रोेजगारी बाहेकहेक अन्य कुरामा सोच्दै नसोच्ने अवस्था रहेकोले युवाहरुलाई माटोसंग साक्षात्कार गराउन आबश्यक रहेको ’ पाठकले बताईन ।
मकवानपुर । मकवानपुरको भीमफेदीमा पहिरोले २ वटा घरमा क्षति पुर्याएको छ । भीमफेदी -२ भैँसेमा पहिरोले २ घरमा क्षति पुर्याएको मकवानपुर प्रहरीले जनाएको छ ।
शनिबार दिउँसो हेटौंडा पालुङको त्रिभुवन राजपथ अन्तर्गत भैँसे नजिकै २ वटा घरमा पहिरोले पूर्ण क्षति गरेको जिल्ला प्रहरी कार्यालय मकवानपुरले जनाएको छ ।
पहिरोले स्थानीय ७० वर्षीय रामकृष्ण देउलाको ब्लकले बनाएको टिनको छानो भएको २ वटा कच्ची घरमा क्षति पुर्याएको मकवानपुर प्रहरी प्रवक्ता डिएसपी टेकबहादुर कार्की बताए ।
पहिरोले मानवीय र पशु चौपायाको क्षति नभएको प्रहरीले जनाएको छ ।
पहिरोको कारण हेटौंडा भैंसे पालुङ नौबिसे काठमाडौं जोड्ने त्रिभुवन राजपथ अवरुद्ध भएको छ ।