मकवानपुर । जिल्लास्तरीय तेक्वान्दो प्रतियोगितामा जनज्योति तेक्वान्दो डोजाङ प्रथम भएकाे छ । मकवानपुर जिल्ला तेक्वान्दो संघको आयोजनामा भएकाे १६ औं जिल्लास्तरीय तेक्वान्दो प्रतियोगितामा जनज्योति प्रथम भएकाे हाे ।
प्रतियोगिता हेटौंडा–४ स्थित बहुउद्देश्यीय कभर्ड हलमा भएकाे प्रतियाेगितामा कर्रा तेक्वान्दो डोजाङ द्वितीय र मकवानपुर तेक्वान्दो डोजाङ तृतीय भएका छन् । प्रतियोगिताको प्रथम, द्वितीय र तृतीय भएकाे समूहले शिल्ड प्राप्त गरे । यस्तै, प्रतियोगिताको महिलातर्फ २० केसी तौल समूहमा नामटार तेक्वान्दो डोजाङको सन्जिता घिमिरे, ४० देखि ४५ केसी तौल समूहमा जनज्योती तेक्वान्दो डोजाङको सृजना कुवँर उत्कृष्ट खेडाली घोषित भएका छन् ।
यस्थै, पुरुषतर्फ ३२ देखि ३६ तौल समूहका इन्द्रसरोवर तेक्वान्दो डोजाङको पेम्बा लामा र ५८ देखि ६२ केसी समूहका कर्रा डोजाङका अमन माझी उत्कृष्ट खेलाडी घोषित भए । प्रतियोगितामा जिल्लाभरका २१ वटा डोजाङबाट ३ सय खेलाडीहरुले सहभागीता जनाएका थिए । प्रतियोगितामा पुरुषतर्फ २० केजीदेखि ६२ केजी तौलसम्म तथा महिलातर्फ २० केजीदेखि ५८ केजी तौल समूहमा प्रतिस्पर्धा भएको थियो ।
प्रतियोगिताको विजेता र उपविजेताका लागि मकवानपुर जिल्ला खेलकुद विकास समितिले शिल्ड उपलब्ध गराएको छ । टाढाबाट आएका खेलाडीका लागि जिल्ला खेलकुद विकास समितिले आवासको व्यवस्था समेत गरिदिएको छ ।
पाँच मिनेट पर्ख आधाघण्टा पछि आइपुग्छु है ! यो भन्नेहरूलाई त्यती बेला साह्रो परेको हुन्छ जब उ कुनै विमानस्थल पुग्नु छ । अनि जानु छ कतै अथवा कसैलाई बिदाई गर्नु छ वा कसैलाई स्वागत गर्न उपस्थित हुनु छ।
काेहि बेला आफैले भनेको कुरा आफैले भोग्नु पर्दो रहेछ। म यस्तै स्थितिमा परे आज । निकै अबेर भएर म चिन्तित थिए । समय बिहान ७ बजेको हुँदाे हो । मलाई मेरो आफन्तलाई बिदाइ दिनु थियो। हवाई जहाजको निर्धारित समय ९:४५ थियो। गाडी पार्किङ स्थलमा राखेर म कुद्दै थिए। पछिबाट मलाई कसैले बोलायो। फर्केर गुड मर्निङ भने मैले पनि।
अलिक समय छ सर !
उसले मलाई भन्यो।
म हाँसे मात्र। वास्तवमा मैले उसलाई राम्रो चिन्न नै सकिरहेको थिइनँ। कसरी भनौं उसलाई ! चिनिन भन्नु पनि कसरी?
उ एक लक्का युवक थियो।
म रोक्किए। केरेला जाँदै गरेको मेरो भतिजोलाई प्रस्थान द्वार अघि सामानसँग बस्दै गर्नु भनेको छु।
सरले मलाई राम्रो चिन्नु भएन होला !- मलाई उसले नै सुबिधा दिँदै प्रश्न गरे पछि मलाई ढुक्क भयो।
हो नि! म अलिक कन्फ्युज भए!- मैले यसो भने पछि उ मज्जाले हाँस्यो।
कुनै दिन उ मेरो कार्यलय आएको भन्दै प्रश्न गर्यो –
अहिले पनि छ तपाईको अफिस ?
मैले ‘छ’ भनिदिए । तर युवकले नाम बताएन । मैले सोधिन पनि ।
उ निक्कै खुलेर मसँग बोल्दै थियो । भन्यो – सर ! बोर्डिङ टाइम छ नि हतार नगर्नुहोस् ।
म हैन मेरो आफन्त जाने हो केरला।- मैले भने।
-ए हो सर ! मेरो पनि त साथीको हजबेन्ड जाँदै छन् । छोड्न आको म!
– लु जाउँ न त !
-हैन साथी छ उसको हजबेन्डसँग।
-हुन्छ ! अहिले भेटौं।
-हुन्छ सर म यतै छु।
म बिमानस्थलको प्रस्थान द्वारतिर हिँडे।
यो बिदाइको समय साह्रै दुखित र पीडामय हुन्छ । यस गरी म भतिजोलाई बिदाइको हात हल्लाउँदै छु । मसंग अरू धेरै हातहरू पनि बिदाइको भावमा हल्लिरहेका थिए।। जानेहरूले पनि ओझेल नहुन्जेल हात हल्लाउँदै गईरहेका छन्। यसै क्रममा आफ्नो लगेज डोर्याउदै गईरहेका व्यक्ति दगुर्दै मेरो छेउमा उभिरहेकी एक युवतीलाई आकस्मिक अंकमाल गरेर युवतीको निधारमा मायाले चुम्मन गर्यो अनि लव यु ! भनेर फेरी लगेज भए तिर गयो। यो दृस्य कुनै रोमान्टिक फिल्म हेरे जस्तै लाग्यो मलाई। यहाँ भएका अन्यलाई पनि यस्तै लागेर होला सबै ट्वाँ परिरहेका थिए।
मेरो छेउमा उभिएकी ती युवतीको आँखा भरी आँसु देखे मैले।
केही अप्ठ्यारो मानेर होला वरिपरी हेर्दै त्यो व्यक्ति ओझेल नहुन्जेल हात हल्लाई रहेको मैले देखे। कुनै अभागी दाम्पत्य जोड़ी हुनु पर्छ यो। दायित्व र परिवारको निम्ति गाँस अनि कपासको खोजमा पलायन हुनुपर्ने मुना र मदन जस्तै लाग्यो मलाई। स्थिति सामान्य हो तर मलाई नमिठो लाग्यो।
भतिजो भित्र पसिसकेको थियो । म पनि पार्किंग स्थल तिर लागे। गाडीमा म अघि बढिरहेको थिए अघि मसंग चिनेर बोल्ने केटो पल्लो पट्टीतिर एउटा स्पोर्ट्स बाइकमा देखे। मैले गाडीको गति घटाए । भनौं रोकेर बोलाउन मात्रै लागेको थिएँ एक युवती आएर त्यही बाइकको पछिल्लो सिटमा हाँस्दै बसी ।
दुवै खुसी भएको मलाई भान भयो दृष्य देख्दा। केटोलाई बोलाउन मलाई मुनासिव लागेन । यो दृष्य पनि कुनै फिल्मको लवली सिन जस्तै थियो।
मैले गाडी रोकिसेको थिए । बाइकको पछिल्लो सिटमा बस्ने ती युवती त्यही युवती थिईन जसलाई केही क्षण अघि एक व्यक्तिले माया पुर्वक चुम्बन गरेर बिदा लिएका थिए।
पाठकहरू….!!
मैले पनि त्यही सोच्दै अघि बढे जो हजुरले अहिले सोची रहनु भएको छ……!!
संयोगवस मलाई चिन्ने त्यो केटो मैले भेट्नु !
साथीको हजबेन्ड कतै जाँदै गरेको खुलासा हुनु।
त्यो बिछोडको रोमान्टिक चुम्बन ! युवतीको आँखामा आँसु।
त्यस पछी बाइकमा हाँसेर चढ्नु अनि रफ्तारमा बाइक अघि बढ्नु….!!
••••••••
तर मलाई पुर्ण विश्वाश छ यी दुई एक असल साथीदेखि माथि अरू केही होइनन् ।
दार्जिलिङ
मकवानपुर । मकवानपुरको थाहा नगरपालिका कुन्छालमा सवारी दुर्घटना हुँदा चालकको मृत्यु भएको छ ।
असोज २० गते शनिबार बिहान ४: ३० बजे थाहा नगरपालिका वडा नम्बर ११ कुन्छाल स्थित त्रीभुवनराजपथ सडक खण्डमा कण्टेनर दुर्घटना हुदा चालक नुवाकोटका ४२ वर्षीय दिप श्रेष्ठको घटनास्थल मै मृत्यु भएको प्रहरीले जनाएको छ ।
बिरगजंतर्फ बाट काठमाण्डौतर्फ जादै गरेको ना.६ ख ३९८७ नम्बरको कन्टेनर गाडी मोडमा आफै अनियन्त्रित भई सडक बाट ५० मिटर तल खसी दुर्घटना भएकोमा चालक नुवाकोट बेलकोट नगरपालिका ५ बस्ने श्रेष्ठको घट्नास्थलमै मृत्यु भएको जिल्ला प्रहरी कार्यलय मकवानपुरले जानकारी दिएको छ ।
दुर्घटनाको सम्बन्धमा कानुनी प्रकृया पूरा गरि थप अनुसन्धान भइरहेको बताईएको छ । दुर्घटना भएको कन्टेनर घट्नास्थलमा रहेको प्रहरीले जनाएको छ ।
मकवानपुर । नेकपा एकीकृत समाजवादी पार्टीका अध्यक्ष माधवकुमार नेपालले मुलुकमा सुशासन र समृद्धिको लागि जागरण अभियान सञ्चालन गरिरहेको बताएका छन् ।
पूर्व प्रधानमन्त्री समेत रहेका नेपालले एकीकृत समाजवादी जागरण अभियान २०८० मेची–महाकाली यात्रा अन्तरगत शुक्रबार हेटौंडामा आयोजित सभालाई सम्बोधन गर्दै उक्त कुरा बताएका हुन । जागरण अभियानमा जनताको गुनासो प्रत्यक्ष सुन्ने र राज्यको निकायसम्म पुर्याएर समस्या समाधान गरिने उनले बताए ।
देशमा भ्रष्टाचारजन्य क्रियाकलाप बढिरहेको र जनताको समस्यालाई बेवास्ता गर्ने प्रवृत्ति विभिन्न पार्टीमा हुर्किरहेको भन्दै यसको अन्त्य गर्न आवश्यक रहेको उनले बताए। उनले राष्ट्रिय पूँजीको विकास गरी मुलुकमा कृषिजन्य उद्योगहरू खोल्न सके युवाहरूमा रोजगारीको सिर्जना गर्न सकिने सम्भावना प्रशस्त भएको समेत उल्लेख गरे । उनले युवाहरुलाई उत्पादनसँग जोडेर स्वरोजगार बनाउने, भ्रष्टाचार नियन्त्रण गर्ने र मुलुकमा सुशासन कायम गर्ने मुख्य लक्ष्य रहेको उल्लेख गरे ।
जनताको चाहना र भावनालाई सम्बोधन गरी सबैलाई साथमा लिएर एकताबद्ध बनाएर अगाडि बढ्दै जनतामा देशभक्तिको भावना जागृत गराउने, लोकतन्त्रको आवाज बुलन्द गर्ने, गणतन्त्र रक्षाका निम्ति लड्ने र संविधानलाई बलियो बनाउने आफ्नो पार्टीको रणनीति रहेको बताए । नेता नेपालले पार्टीका कार्यकर्तालाई जनताका घरघर गएर समस्या समाधानका लागि पहल गर्न निर्देशन दिए ।
अभियानको सभामा पार्टीका उपाध्यक्ष एवम बागमती प्रदेशका निवर्तमान मुख्यमन्त्री राजेन्द्र पाण्डेले पार्टीले भ्रष्टाचार अन्त्य र सुशासनको नारा लिएर हिँडेको बताए । देशमा वर्षेनी ८ लाखको संख्यामा युवा विदेश जान बाध्य भएको अवस्थामा सरकारले कृषिलाई आधुनिकीकरण गरी आवश्यक मल, बीउ स्वदेशमै उत्पादन गर्न सके बिदेश पलाएन रोकिने दाबी गरे ।
एकीकृत समाजवादीका केन्द्रिय सदस्य तथा मकवानपुर जिल्ला इन्चार्ज मुनु सिग्देल आध्यक्षता भएको कार्यक्रममा नेकपा एकीकृत समाजवादी नेता तथा पुर्व प्रधानमन्त्री झलनाथ खनाल, पार्टी केन्द्रिय उपाध्यक्ष प्रमेश हमाल, पार्टी केन्द्रीय सचिव रामकुमारी झाक्री, पार्टी स्थायी कमिटी सदस्य ललित बस्नेत, पार्टी स्थायी कमिटी सदस्य बिरोध खतिवडा लगायत नेताकार्यकर्ताहरुको उपस्थिति रहेको थियो ।