मकवानपुर । प्रदेश लोक सेवा आयोग बागमती प्रदेशले बागमती प्रदेशका पालिकाहरूकाे प्रशासकनीक र प्राविधिक तर्फ अधिकृत स्तर छैठौँ तहका १ सय ७४ कर्मचारीका माग गरेकाे छ । आयोगकाे हेटाैडा कार्यालयले माघ १२ गते साेमबार उक्त पदमा दरखास्त आह्वान गरेको छ । आयोगले एक सय ४९ जना खुला तर्फ र २५ जना बढुवातर्फका कर्मचारी माग गरेको हो ।
बागमती प्रदेशको प्रदेश लोकसेवा आयोगले अधिकृत स्तरका कर्मचारीका लागि पहिलोपटक विज्ञापन गरेको हो । यसअघि चौथो र पाँचौं तहका कर्मचारीका लागि विज्ञापन गरेको थियो । प्रदेशका विभिन्न पालिकामा गरेर अधिकृत स्तरका १ सय ७४ जना कर्मचारी माग गरिएको प्रदेश लोक सेवा आयोग हेटौंडाले जनाएको छ । प्रदेशका विभिन्न स्थानीय तहले विभिन्न पदका लागि कर्मचारी माग गरे पछी ती सङ्ख्यामा कर्मचारी माग गरिएको प्रदेश लोकसेवा आयोगका निमित्त सचिव भोला दाहालले जानकारी दिए।
आयोगले प्रशासनतर्फ ५९ जना र बाँकी सबै प्राविधिकतर्फका कर्मचारी माग गरिएको छ । लेखातर्फका ६ जना, शिक्षामा ६ जना, तथ्याङ्कमा १ जना, सिभिल इन्जिनियरतर्फका १४ जना, बिल्डिङतर्फका इन्जिनियर २ जना, वातावरण इन्जिनियर १ जना, कृषि प्रसारमा २५ जना, कृषि बागवानीमा १ जना, कृषि बालीसंरक्षणमा २ जना, पोल्टी डेरी डेभलपमेन्टमा ९ जना, मत्स्यमा १ जना, भेटेरिनरीमा १९ जना, कृषि एग्रीमा १ जना कर्मचारी माग गरिएको छ ।
मकवानपुर । माघ १६ गते शुक्रबारबाट पहिलाे ‘विजय युथ हेटौंडा गोल्डकप’ फुटबल प्रतियोगिता हुने भएको छ । एफसी विजय यूथ हेटौंडाको आयोजनामा हेटौंडामा हुन लागेको विजय यूथ हेटौंडा गोल्डकप फुटबल प्रतियोगिताको खेल तालिका सार्वजनिक गरिएको छ ।
माघ १६ गते शहिद दिवसको दिनबाट सुरु हुने खेल २३ गते फाइनल खेल हुने छ । प्रतियोगितामा आयोजक एफसी विजय यूथ र मकवानपुर ११ सहित विभिन्न जिल्लाका १० टिमको सहभागिता रहेको आयोजक एफसी विजय यूथका अध्यक्ष सुदिप राजबाहकले बताए । प्रतियोगिताको उद्घाटन खेल मकवानपुर ११ र सेन्ट्रल कलेज बीएफसी भरतपुरको बीचमा हुने आयोजकले जनाएको छ ।
वन विज्ञान अध्ययान संस्थानको खेल मैदानमा हुने प्रतियोगिताको तयारी अन्तिम चरणमा पुगेको आयोजक क्लबका अध्यक्ष राजबाहकले बताए । प्रतियोगिताको विजेताले नगद ३ लाख र उपविजेता टिमले एकलाख ५० हजार रुपैयाँसहित ट्रफी प्राप्त गर्ने कार्यक्रम संयोजक राजेश भेटवालले जानकारी दिए ।
विधागतरुपमा उत्कृष्ट हुने गोलरक्षक, डिफेन्डर, मिडफिल्डर, फरवार्ड तथा प्रशिक्षकले जनही नगद पाँच/पाँच हजार रुपैयाँ प्राप्त गर्ने छन् । प्रतियोगितालाई भिडोल लुब्रिकेन्ट्सले प्रायोजन गरेको छ । प्रतियोगिताका लागि करिब २५ लाख रुपैयाँ खर्च हुने आयोजकले अनुमान गरेको छ ।
माघ २३ गतेबाट हेटौंडा-१० को फरेष्ट्री क्याम्पसको खेल मैदानमा हुने भनिएको उक्त गोल्डकप विद्यार्थीको परीक्षाका कारण १६ गतेबाट गर्नु परेको आयोजक विजय युथ क्लबले जनाएको छ ।
मकवानपुर/अदालतद्वारा कैद सजाय सुनाएपछि फरार रहेका प्रतिवादीलाइ ४ वर्षपछि प्रहरीले पक्राउ गरेकाे छ ।
सर्वोच्च अदालतले २०७३ जेठ २६ गतेको फैसलाले कैद सजाए सुनाएपछि फरार रहेका प्रतिवादीलाई प्रहरीले पक्राउ गरेको हाे । जवरजस्ति करणी मुद्धामा ३ बर्ष ११ महिना कैद भुक्तान गर्न बाँकी रहेका प्रतिवादी मकवानपुर जिल्ला मनहरी गाउँपालिका–२ का ३४ वर्षीय जीवन स्याङबोलाई प्रहरीले नियन्त्रणमा लिएको हो ।
प्रतिवादी स्याङ्बोलाई प्रहरीले हेटौंडा उपमहानगरपालिका–१० बाट आइतबार पक्राउ गरेको जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाले बताए ।
मकवानपुर/स्वदेशी उद्यम तथा उद्यमशिलतालाई निरुत्साहि तथा विदेशी लगानीलाई प्रोत्साहन गरेको भन्दै कृषि क्षेत्रमा आबद्ध विभिन्न संगठनहरुले सरकारको विरोध गरेका छन् ।
नेपाल सरकारले गत पुस २० गते नेपाल राजपत्रमा सूचना प्रकाशित गरि प्रत्यक्ष वैदशिक लगानीमा आउन चाहने बहुराष्ट्रिय कम्पनीहरुलाई खुला गरिएको जानकारी गराएका थियो । यस कदमको कारण नेपालमा स्थापित कृषि क्षेत्र सक्षम हुँदा हुँदै स्वदेशी लगानीलाई प्रभाव पार्ने गरी मन्त्री
परिषदको निर्णयबाट कृषि क्षेत्रमा सर्त सहित डेरी उद्योग, पशुपंक्षीपालन, माहुरीपालन, माछापालन, फलफुल तरकारी आदी र कृषिका प्राथामिक उत्पादनसँग सम्बन्धित व्यवसायमा प्रत्यक्ष वैदेशिक लगानी खुल्ला गरिएको विरोधमा आन्दोलको घोषणा गरिएको हो ।
नेपालमा माहुरीपालनमा ४ अर्व, माछापालनमा करीव ११ अर्व, डेरी उद्योगमा ३० अर्व, पोल्ट्रीमा १ खर्व २५ अर्व, बाख्रा पालनमा १० अर्व, केरामा ३ अर्व, गरी कुल १ खर्व ८३ अर्वको लगानी भई करीव ३५ लाख भन्दा बढि कृषक तथा श्रमिकहरुमा रोजगारी श्रृर्जना भइरहेको छ । कृषि क्षेत्रमा वैदेशिक लगानी खुल्ला गरिदा यस पेशामा आवद्ध व्यवसायीलाई मजदुर बनाउने र त्यसको लाभ विदेशी लगानीकर्ताको हातमा स्वदेशी व्यवसायीहरुको उद्यमशीलता विकासमा कुठाराघात हुने नेपाल डेरी एशोसियसनका केन्द्रीय महासचिव प्रल्हाद दाहाललले बताए ।
विगतमा पनि कृषि क्षेत्रको प्राथामिक तहमा विभिन्न माध्यमबाट वैदेशिक लगानी भिœयाउने अभ्यास भएकोमा नेपाल उद्योग वाणिज्य महासंघ, नेपाल चम्वर अफ कमर्श लगायत कृषि क्षेत्रमा आवद्ध सबै उद्योग व्यवसायीहरुको असहमति तथा प्रतिनिधि सभाको उद्योग तथा वाणिज्य र श्रम तथा उपभोक्ता हित समिती समेतले कृषिमा बैदेशिक लगानी खुल्ला नगर्न निर्देशन पछि सरकार आफ्नो निर्णयमा पछि हटेको थियो ।
सोही अनुरुप विदेशी लगानी तथा प्रविधि हस्तान्तरण सम्बन्धि कानूनलाई संशोधन तथा एकीकरण गर्न बनेको विधयेक २०७५ को दफा ३ उपदफा (२) वैदेशिक लगानी खुल्ला नगरिएका उद्योग व्यवसायमा स्वदेशका मत्स्यपालन, दुग्ध उत्पादन/प्रशोधन, पशुपंक्षी तथा माहुरीपालन, पोल्ट्री उद्योगलगायत कृषिका प्राथामिक उत्पादनका अन्य क्षेत्रहरुलाई साविक अनुसार कुनै संशोधन नगरी यथावत राखिएको थियो ।
कृषिको प्राथामिक तहमा कुनै पनि शर्तमा वैदेशिक लगानी आउदा ठूलो जनसंख्याको आर्यश्रोत गुम्ने
खतरा भएकोले डेरीलगायत कृषिमा प्रत्यक्ष वैदेशिक लगानी ल्याउने निर्णय अविलम्ब फिर्ता लिन माग गरिएको दाहालले बताए । नेपाल डेरी एशोसिएसनले देशव्यापि आन्दोलनको लागि विभिन्न जिल्लाहरुमा संघर्ष समिति समेत गठन गरी सकेको छ । बागमती प्रदेशको राजधानी हेटौंडामा नेपाल डेरी एसोसिएसनले पत्रकार सम्मेलन गरी यसबारे जानकारी गराएको हो ।
कृषिमा वैदेशिक लगानी भित्रिदाँ स्वदेशी किसान र लगानीकर्ताहरु विस्थापित हुने अवस्था आउन सक्ने भन्दै यसको विरोध गरिएको एशोसिएसनका महासचिव दाहालले बताए । पत्रकार सम्मेलनमा नेपाल उद्योग बाणिज्य महासंघ केन्द्रीय सदस्य तथा कृषि उद्यम केन्द्रका सभापति अरुणराज सुमार्गीले चोरबाटो हुदँै ल्याइएको ऐन मान्य नहुने बताए ।
डेरी एशोसियनका केन्द्रीय अध्यक्ष राधाकृष्ण सापकोटाले सरकारले नेपालमा कृषिमा वैदेशिक लगानी भित्र्याउन ल्याएको अध्यादेश गलत भएको बताए । एशोसिएसनले सात प्रदेशका मुख्यमन्त्रीलाई ज्ञापनपत्र बुझाइएको र केन्द्रमा पत्रकार सम्मेलन गरेर सरकारलाई दबाव दिएको महासचिव दाहालले बताए । १७ वटा विषयगत संघसंस्था मिलेर संघर्ष समिति गठन गरिएको र आगामी १५ गतेबाट चरणबद्ध आन्दोलन गर्ने घोषणा गरिसकिएको दाहालले बताए ।
मकवानपुर/हेटौंडाको हुप्रचौरमा भएको छैटौं हेटौडा भेट्रान्स कप एट ए साइड फुटबल प्रतियोगिताको उपाधि बगरभाइ खलक पोखराले जितेको छ ।
शनिबार भएको फाइनल खेलमा बगरभाइले सानो गौचरण काठमाडौलाई १-० अन्तरमा पराजित गरेको हो । खेलको दोस्रो हाफको ४० औं मिनेटमा मनोज गुरुङले गरेको गोल नै बगरभाइलाई उपाधि चुम्ने निर्णायक बन्यो । खेलको म्यान अफ द म्याच बगरभाइका नरेश श्रेष्ठ घोषित भए ।
विजेता र उपविजेता टिमलाई हेटौंडा उपमहानगरका मेयर हरि बहादुर महत र बागमती प्रदेश प्रहरी प्रमुख बसन्त लामाले नगद, शिल्ड र प्रमाण पत्र प्रदान गरेका थिए । प्रतियोगितामा विजेता बगरभाइ खलक पोखराले प्रमाण पत्र, शिल्ड र नगद १ लाख १ हजार १ सय ११ रुपैया प्राप्त गरेका थिए भने उपविजेता सानो गौचरण काठमाडौंले नगद ५१ हजार १ सय ११ रुपैया प्राप्त गरेका थिए ।

खेलमा उत्कृष्ट मिडफिल्डर बगरभाइका राजकुमार केसी, उत्कृष्ट फरवर्ड बगरभाइका मनोज गुरुङ, उत्कृष्ट डिफेन्स सानो गौचरणका चुन बहादुर थापा, उत्कृष्ट गोलकिपर बगरभाइका दिलिप क्षेत्री उत्कृष्ट समुह कोच बगरभाइका अन्जन देवकोटा, उत्कृष्ट खेलाडी बगरभाइका इश्वर गुरुङ चन्द घोषित भएका थिए । उनीहरुलाई जनही ५ हजार पुरस्कार प्रदान गरीएको थियो । बगरभाइ खलक पाचौं हेटौंडा भेट्रान्स कपको समेत विजेता समुह हो ।