मकवानपुर । हेटाैडामा जारी हेटौंडा मेयर कप फुटबल प्रतियोगिताको सेमिफाइनलमा वडा नं. ५ र वडा नं. १३ प्रवेश गरेका छ । हेटौंडाको हुप्राचौरमा बिहिबार भएको खेलमा वडा नं.५ ले वडा नं.६ लाई र वडा नं. १३ ले वडा नं. ११ लाई पराजित गर्दै सेमिफाइनलमा प्रवेश गरेको हो ।
पहिलो खेलमा वडा नं. ५ ले वडा नं. ६ लाई ३–० गोलको फराकिलो अन्तरले हराउँदै सेमिफाइनलमा प्रवेश गरेको हो । वडा नं. ५ लाई जित दिलाउको लागि सुरज बिष्ट, संजय श्रेष्ठ र टिका चौलागाईंले एकएक गोल गरे । वडा नं. ५ का सुरज बिष्ट म्यानअफ द म्याच घोषित भए ।
त्यस्तै दोस्रो खेलमा वडा नं. १३ ले वडा नं. ११ लाई २–० गोल अन्तरले हराउँदै प्रतियोगिताको सेमिफाइनलमा प्रवेश गरेको हो । वडा नं. १३ का लागि दिपक थिङ्गले खेलको २८ औँ मिनेटमा गोल गर्दै १–० को अग्रता दिलाउँदा दोस्रो गोल भने दोस्रो हाफको ४९ औँ मिनेटमा उपहार पायो ।
उक्त आत्मघाती गोलसंगै वडा नं. १३ ले खेल २–० ले जितेको हो । खेलको म्यानअफ द म्याच वडा नं. १३ कै दिलिप मोक्तान घोषित भए ।
शुक्रबार क्वार्टरफाइनलका बाँकी दुई खेल हुनेछ । । पहिलो खेलमा वडा नं. १८ ले वडा नं.७ र वडा नं. १० ले वडा नं. १९ भिड्नेछ । पहिलो खेल दिउँसो १ बजे र दोस्रो खेल दिउँसो ३ बजेबाट सुरु हुनेछ । जित्ने टोलि सेमिफाइनलमा प्रवेश गर्नेछन् ।
नगर खेलकुद विकास समिति हेटौंडा उपमहानगरपालिकाको आयोजनामा भएको प्रतियोगिताको विजेताले नगद दुईलाख रुपैयाँ, उपविजेताले नगद एकलाख ५० हजार रुपैयाँसहित शिल्ड, मेडल र प्रमाणापत्र प्राप्त गर्नेछन् । प्रतियोगिताका सर्वोत्कृष्ट खेलाडीलाई नगद दशहजार रुपैयाँ, उत्कृष्ट डिफेन्डर, मिडफिल्डर, गोलरक्षक, प्रशिक्षक तथा सर्वाधिक गोलकर्तालाई जनही पाँच–पाँच हजार रुपैयाँ प्राप्त गर्नेछन् ।
म्यानमारमा प्रजातन्त्रका पक्षमा सहभागी प्रदर्शनकारीमाथि सुरक्षा फौजले गरेको कारबाहीमा बुधबार ३८ जनाको ज्यान गएको छ। सेनाले सत्ता कब्जा गरी नेतृ आङ सान सुकीलाई नजरबन्द गरेपछि फेब्रुअरी १ यता म्यानमारमा लगातार प्रदर्शन जारी छ।
म्यानमारमा दश वर्षसम्मको लोकतन्त्रको अनुभवपछि सेनाले पुनः सत्ता कब्जा गरेको हो। म्यानमारमा लोकतन्त्रमाथि कू गरेको सैनिक शासक क्रुर बन्दै गएको छ। म्यानमारमाथि अन्तर्राष्ट्रिय दबाब पनि बढ्दो छ र बेलायतले शुक्रबारको बैठकमा राष्ट्रसंघ सुरक्षा परिषदको बैठक पनि डाकेको छ। पश्चिमा मुलुकहरुले म्यानमारका सैनिक नेतृत्वमाथि प्रतिबन्धहरु घोषणा गरेका छन्।
एएक व्यक्तिको टाउकामा गोली लागेको बताइएकाे। देशको मिङ्यान शहरको प्रदर्शन पनि निकै हिंसात्मक बनेको थियो। सैनिकले सत्ता कब्जा गरेपछि गत आइतबार भएको रक्तपातमा कम्तीमा १८ जनाको मृत्यु भएको थियो। देशका विभिन्न भागमा सुरक्षा फौजले पत्रकारहरु र नागरिक समाजका व्यक्तिहरुलाई पनि पक्राउ गरेको छ। एजेन्सी
मकवानपुर । विहीबार देशभरका अदालतमा बन्द हुने भएका छन्। पूर्वप्रधानन्यायाधीश सुरेन्द्रप्रसाद सिंहको निधनमा शोक मनाउन प्रधानन्यायाधीश चालेन्द्रशमशेर जबरासहित सर्वोच्च अदालतमा सबै न्यायाधीशको पूर्ण बैठकले बिहीबार एकदिन सर्वोच्च अदालत, उच्च अदालत, जिल्ला अदालत, विशेष अदालत एवं अन्य अदालत र न्यायाधीकरणलाई शोक बिदा दिने निर्णय गरेको हो।
पूर्वप्रधानन्यायाधीश सिंहको यही फागुन १८ गते साँझ निधन भएको थियो। सर्लाही जिल्लामा १९८८ साल फागुन ३ गते जन्मिएका सिंहले २०१० सालदेखि सरकारी सेवामा अप्रिन्टिसको पदबाट सेवा प्रारम्भ गरी २०५२ साल असोज १० गते प्रधानन्यायाधीश नियुक्त भएका थिए। उनले २०५३ फागुन ३ गतेसम्म प्रधानन्यायाधीशका रुपमा काम गरेका थिए।
सर्वोच्च अदालत आज विदा भएकाले नेकपा नामको विवादमा फैसला आउने मिति पछि सरेको छ । यसअघि गत बिहीबार सर्वोच्च अदालतले आज फागुन २० गते नेकपा नामको विवादमा फैसला सुनाउने निर्णय गरेको थियो ।
तत्कालीन नेकपा एमाले र नेकपा माओवादी केन्द्रबीच एकता भएपछि हालको सत्तारुढ दल निर्वाचन आयोगमा नेपाल कम्युनिस्ट पार्टी (नेकपा) नाममा दर्ता भएको थियो । तर निर्वाचन आयोगमा त्यसअघि नै ऋषिराम कट्टेल नेतृत्वको नेपाल कम्युनिस्ट पार्टी दर्ता कायम थियो । आफ्नो पार्टीको नामसँग मिल्दोजुल्दो नाम राखिएको भन्दै कट्टेलले निर्वाचन आयोगलाई विपक्षी बनाएर २०७५ मंसिर ५ गते रिट निवेदन दर्ता गरेका थिए

मकवानपुर/ मकवानपुर जिल्लामा बुधबार ३ जनाको मृत्यु भएको छ । २ छुट्टाछुट्टै दुर्घटनामा परेर २ जनाको मृत्यु भएको छ भने १ जनाले झुण्डीएर आत्त्महत्या गरेका छन् ।
मकवानपुरको बकैयामा ट्र्याक्टर दुर्घटना हुँदा एक जनाको र पानीमा डुबेर एक जनाको मृत्यु भएको मकवानपुर प्रहरीले जनाएको छ । बकैया गाउँपालिका–९ का ३४ वर्षीय बद्रीलाल वाइवाको आज बुधबार खानेपानीको मुहानमा डुबेर ज्यान गएको हो । प्रहरीका अनुसार वाइबाको शव घरबाट दुई किलोमिटर पर हर्कपुरस्थित खानेपानी मुहानमा डुबेको अवस्थामा फेला परेको थियो ।
वाइवाको मृत्युबारे थप अनुसन्धान जारीरहेको जिल्ला प्रहरी कार्यालयका निमित्त प्रवक्ता प्रहरी निरीक्षक अमरप्रसाद गजमेरले जानकारी बताए ।
यसैगरी जिल्लाको बकैया गाउँपालिकामै बुधबार भएको ट्र्याक्टर दुर्घटनामा परी एक जना बालकको ज्यान गएको छ । दुर्घटनामा सोही ट्र्याक्टरमा सवार हेटौँडा उपमहानगरपालिका १७ का १३ वर्षीय दिलसन माझीको मृत्यु भएको प्रहरीले जनाएको छ । दुर्घटनामा ट्र्याक्टर चालक सोही ठाउँका १८ वर्षीय सुनिल माझी र बकैया ७ भिरकोटका ५८ वर्षीय योगेन्द्र माझी घाइते भएको प्रहरी निरीक्षक गजमेरले बताए।
हेटौँडाबाट सिमेन्ट बोकेर बकैयातर्फ जाँदै गरेको ना ६ त ४५३५ नम्बरको ट्र्याक्टर अनियन्त्रित भई सडकको भित्तामा ठोकिएर दुर्घटना भएको प्रहरीले जनाएको छ । धरान चतरा मार्ग भनिने मदन भण्डारी राजमार्गअन्तर्गत बकैया ५ को तीनतलेमा दुर्घटना भएको थियो । घाइतेको हेटौँडा अस्पतालमा उपचार भइरहेको प्रहरीले जनाएको छ ।
यसैगरी हेटौंडा उपमहानगरपालिका १६ हटियामा एक व्यक्तिको शव फेला परेको छ। रुखमा पासो लगाएको अवस्थामा शव देखेपछि स्थानीयले प्रहरीलाई खबर गरेका थिए । उक्त शव सोही स्थानका अन्दाजी ५० वर्षीय रामकृष्ण बलामीको रहेको जिल्ला प्रहरी कार्यालय मकवानपुरले जनाएको छ ।
बलामीको शब आफ्नै घरबाट ५० मिटर पूर्वमा बकाइनोको रुखमा पासो लगाई झुण्डिएको अवस्थामा आज बुधबार बिहान फेला परेको जिल्ला प्रहरी कार्यालय मकवानपुरले जानकारी दिएको हो ।