१.
दिवङ्गत नेताको नाममा प्रतिष्ठान खोल्छन्
अनियमितता चरम गर्दै जथाभावी बोल्छन्
कति भए अघाउने हुन् कति भए पुग्ला लौन
बिमारीका नाममा यिनले नैतिकता पोल्छन्।
२.
पूर्णिमाको चन्द्र पनि औंशी आउँदा कालो हुन्छ
उज्यालो दिनलाई पनि रातको अन्धकारले छुन्छ
सधैँ एकनास हुन्छ भनेर नसोच्नु होला किनकी
घैला भएर बसेको बादल पनि पानी बनेर रुन्छ।
३.
प्रत्येक दिन नयाँ नयाँ अनुभव बटुल्नु छ
जन्म देखि मृत्यु सम्मका मूल्य असुल्नु छ
बुझेर या नबुझेर पनि जीवन पढ्नु पर्ने रत
भित्र जति पीडा भए पनि वाहिर खुल्नु छ।
४.
हाँसेर बोल्न कस्ले रोक्यो तिमिलाई
हृदय खोल्न कस्ले रोक्यो तिमिलाई
दुई दिनको चोला बाँच्न पाए हाँसेर,
निराशा पोल्न कस्ले रोक्यो तिमिलाई।
५.
सकिंदैन कसैगरि भुल्न ,पीडा हृदयभरि लेखिएका छन्
सकिंदैन कसैगरि खुल्न , पीडा हृदयभरि लेखिएका छन्
बिर्सन खोज्दछु तर नसकिने बिर्सन, सधैँ सोध्छु आफैंलाई
सकिंदैन कसैगरि असुल्न , पीडा हृदयभरि लेखिएका छन्।
भक्तपुर
मकवानपुर । बागमती प्रदेश युवा परिषदमा सदस्यहरूकाे मनाेनयन भएकाे छ । नवनियुक्त मनोनित सदस्यहरुले विहीबार शपथ ग्रहण गरेसँगै नियुक्ती भए पछी परिषद्ले पूर्णता पाएकाे छ ।
सामाजिक बिकास मन्त्रालयले प्रदेश युवा परिषदमा सदस्यहरुमा इच्छा कुमारी राउत, केदार आचार्य, राधाकृष्ण गिरी, श्याम सुन्दर शिवाकोटी, नम्रता महर्जन, बसन्त न्यौपाने, छोटी लामा, सुदिप गौतम, प्रिती श्रेष्ठ, डालिया नेपाली नियुक्त गरेको छ ।
प्रदेश युवा परिषद् ऐन २०७६ अनुसार मन्त्रालयले उपाध्यक्ष सहित युवाको हक हितको संरक्षणमा योगदान पुर्याएका कम्तीमा महिला ३ जनासहित ६ जना र उद्योग , श्रम, कृषि, खेलकुद, बिज्ञान, प्रबिधि, सुचना सञ्चार लगायत वातावरण, साहित्य तथा कलाको क्षेत्रबाट प्रतिनिधीत्व हुने गरी ४ जना र लैंगिक तथा यौनिक अल्पसँख्यक मध्येबाट १ जना गरि मनोनित ११ जना सदस्यहरु नियुक्त गर्ने व्यवस्था छ ।
सामाजिक बिकास मन्त्रालयमा मन्त्री सरस्वती बस्नेतले परिषदका मनोनित सदस्यहरुलाई शपथ ग्रहण गराएका हुन् । ‘अबको आवश्यकता स्वरोजगार युवा भएकोले युवालाई स्वरोजगारमुखी चिन्तनका साथ कार्यगर्न रअघि बढ्नु पर्छ’ सपथ ग्रहण पछीकाे कार्यक्रममा मन्त्री बस्नेतले भनिन् प्रदेशका सबै जिल्लाका युवाहरुको समस्यालाई समेट्ने गरी काम गर्नुस ।’
गएको असार ४ गते परिषद्को उपाध्यक्षमा सन्तोष चौलागाई नियुक्त हुनुभएको भएपनि सदस्यहरुको नियुक्ति नहुँदा परिषद्ले पूर्णता पाउन सकेको थिएन । सामाजिक बिकास राज्यमन्त्री डा. रामकुमार अधिकारी लगायत मन्त्रालयका कर्मचारीहरुको उपस्थितिमा भएको शपथ कार्यक्रम भएको थियो । यसअघि विहीबार नै बागमती प्रदेशका मुख्यमन्त्री डोरमणी पौडेलद्धारा परिषद्को कार्यालय उद्घाटन भएकाे थियाे ।
- सन्देश घिमिरे
खालि छ मुटु प्रिय दरबार चाहिँदैन
युगयुग बाँच्छ प्रेम घरबार चाहिँदैन ।
तिम्रो मेराे नामका अफवाह कतिकति
यसै बन्छन् समाचार अखबार चाहिँदैन ।
मेटिएर मेटिदैनन बैरीका प्रयासले
एक नजर काफी छ तरबार चाहिँदैन ।
विपक्षीका अनेकन षड्यन्त्रका ज्वारभाटाले
भयो अब अस्थिर यहाँ सरकार चाहिँदैन ।
जोडि हाम्रो सलामतको कामना धेरै आए
पुग्यो अब कसैको सरोकार चाहिँदैन ।
नेप्सेमा मायाले रेकर्ड ब्रेक गरे पछि
थोरबहुत खुद्रा को कारोबार चाहिँदैन ।
तिम्रो त्यो जादुगरी ले पाक्छन् यहाँ अनेकथरी
साथमा छौ तिमी अरु परिकार चाहिँदैन ।
मकवानपुर । मनसुनी न्युन चापिय रेखा नेपालको तराई भू-भाग नजिक रहेकोले जल तथा मौसम विज्ञान विभागको मौसम पूर्वानुमान महाशाखाले जनाएकाे छ । महाशाखाका अनुसार हाल देशभर सामान्यदेखि पूर्ण बदली रहेकाे छ । मनसुनी न्युन चापिय रेखा नेपालकाे नजिक भएकाेले आगामी ३ दिन भारी बर्षाकाे सम्भावना रहेकाे छ ।
अहिले प्रदेश नं १, बागमती प्रदेश, गण्डकी प्रदेश, लुम्बिनी प्रदेश र सुदुरपश्चिम प्रदेशका केही स्थानहरूमा हल्कादेखि मध्यम वर्षा भइरहेको महाशाखाले जनाएकाे छ ।
प्रदेश नं १, प्रदेश नं २, बागमती प्रदेश, गण्डकी प्रदेश, लुम्बिनी प्रदेश र सुदुरपश्चिम प्रदेशका एक-दुई स्थानहरुमा मेघ गर्जन/चट्याङ्गसहित भारी वर्षाको सम्भावना रहेको महाशाखाले जनाएकाे छ । ‘पहाडी भू- भागमा भूक्षय, पहिरो तथा गेग्रान बहावको जोखिम रहेको हुनाले नदीनाला र खहरे खोलामा पानीको सतह बढ्न सक्ने भएकोले आवश्यक सतर्कता अपनाउनु हुन अनुरोध छ। महाशाखाबाट जारी बुलेटिनमा भनिएको छ ।’
आगामी ३ दिनकाे माैसम पूर्वानुमान
साउन २८ गते बिहीबार दिउँसो देशका अधिकांश स्थानहरुमा सामान्यदेखि पूर्ण बदली रही धेरै स्थानहरुमा हल्कादेखि मध्यम वर्षाको सम्भावना रहेको छ। प्रदेश नं १, प्रदेश नं २, बागमती प्रदेश, गण्डकी प्रदेश, लुम्बिनी प्रदेश र सुदुरपश्चिम प्रदेशका एक-दुई स्थानहरुमा मेघ गर्जन/चट्याङ्गसहित भारी वर्षाको सम्भावना रहेको छ।
महाशाखाका अनुसार राती प्रदेश नं १, प्रदेश नं २, बागमती प्रदेश , गण्डकी प्रदेश, लुम्बिनी प्रदेश र सुदुरपश्चिम प्रदेशका एक-दुई स्थानहरुमा मेघ गर्जन/चट्याङ्गसहित भारी वर्षाको सम्भावना रहेको छ।
साउन २९ गते शुक्रबार प्रदेश नं १, बागमती प्रदेश , गण्डकी प्रदेश, लुम्बिनी प्रदेश र सुदुरपश्चिम प्रदेशका एक-दुई स्थानहरुमा मेघ गर्जन/चट्याङ्गसहित भारी वर्षाको सम्भावना रहेको महाशाखाको बुलेटिनमा उल्लेख छ।
साउन ३० गते शनिबार प्रदेश नं १, प्रदेश नं २, बागमती प्रदेश , गण्डकी प्रदेश, लुम्बिनी प्रदेश र कर्णाली प्रदेशका एक-दुई स्थानहरुमा मेघ गर्जन/चट्याङ्गसहित भारी वर्षाको सम्भावना रहेको छ।