मकवानपुर । हेटौंडा उपमहानगरपालिका १६ स्थित बीपी आधारभूत विद्यालयका विद्यार्थीलाई स्टेशनरी वितरण गरिएको छ ।
भाद्र ९ गते नेपाल राष्ट्रिय शिक्षक संगठन मकवानपुर महिला विभागले हेटौंडाको बिकट क्षेत्र शक्तिखोलामा रहेको उक्त विद्यालयका ८३ जना विद्यार्थीलाई स्टेशनरी सामाग्री वितरण गरेको हो । हरितालिका तीजको अबसर महिला बिभागले गरेको स्टेशनरी बितरण कार्यक्रममा संगठन जिल्ला अध्यक्ष श्रीराम दाहालले सिर्जनशील कार्यक्रम सङ्गठनले गर्दै आएको र आगामी दिनमा पनि विद्यालय शैक्षिक विकासमा सङ्गठन निरन्तर लाग्ने बताए ।
कार्यक्रमका प्रमुख अतिथि लक्ष्मी गजुरेलले तिजको उपलक्ष्यमा देशैभरका जिल्लाका दुर्गम विद्यालयहरुमा शैक्षिक सामग्री वितरण एकै साथ गरिएको बताउदै सङ्गठन निरन्तर शिक्षकको हित र अभिभावक तथा विद्यार्थीकै पक्षमा लागि पर्ने बताईन ।
नेपाल राष्ट्रिय शिक्षक संगठन मकवानपुर जिल्ला समितिका सहसचिव चन्द्रादेवी बल शिक्षक भावना सापकोटा, सबिता लामिछानेले तिजको शुभकामना मन्तव्य राखेका थिए । जिल्ला महिला विभाग प्रमुख तथा जिल्ला उपाध्यक्ष प्रतिमा गौतमको सभाध्यक्षतामा भएको कार्यक्रममा प्रमुख अतिथि लक्ष्मी गजुरेल नेपाल राष्ट्रिय शिक्षक संगठन केन्द्रिय समिति सदस्य, श्रीराम दाहाल संगठन मकवानपुर जिल्ला अध्यक्ष, मुकुन्द न्यौपाने जिल्ला सचिव, डीबी बर्तौला सचिवालय सदस्य तथा प्रचार विभाग प्रमुखको उपस्थिति थियो ।

यसैगरी कार्यक्रममा बालकुमार श्रेष्ठ जिल्ला सदस्य तथा हेटौंडा नगर समिति इन्चार्ज, शशिकला कार्की नेपाल जिल्ला सदस्य, गोपिरमण प्याकुरेल हेटौंडा नगर समिति अध्यक्ष, दीपक अधिकारी शिक्षक महासंघ हेटौंडाका अध्यक्ष, सिताराम दाहाल शिक्षक साकोसका अध्यक्ष, ठाकुर प्रसाद नेपाल विद्यालयका प्रधानाध्यापक, कृष्ण बहादुर रुम्बा विव्यस सदस्य चिनबहादुर थिङ विव्यस सल्लाहकार लगायतको उपस्थित रहेको थियो ।
राष्ट्रपति विद्यादेवी भण्डारीले सरकारको योजनाअनुसार प्रतिनिधिसभाले आफ्ना सबै सुझावलाई पुरै बेवास्ता गरेर नागरिकता विधेयक पुनः पारित गरेपछि नागरिक अगुवा, कानुनविद् तथा सुरक्षा निकायका पूर्व उच्चपदस्थहरूसँग छलफल गरी आवश्यक रायसुझाव लिने कामलाई तीव्रता दिएकी छन् ।
सरकारले प्रतिनिधिसभा र राष्ट्रिय सभाबाट पारित गराई सो विधेयक फेरि राष्ट्रपतिसमक्ष पठाउने तयारीलाई तीव्र पारेको छ ।
राष्ट्रपति भण्डारीले छलफलका क्रममा बुधबार नेपाली सेनाका पूर्व र बहालवाला उच्च पदाधिकारीसँग छलफल गरेकी छन् । छलफलका क्रममा सेनाका पूर्वजर्नेलहरूले राष्ट्रपति संविधानको पालक र संरक्षक भएकाले संविधानको रक्षा गर्नकै लागि पनि यथास्थितिमा आउने नागरिकता विधेयक कुनै पनि हालतमा स्वीकृत गर्न नहुने सुझाव दिएका थिए ।
राष्ट्रपति विद्यादेवी भण्डारीले १५ बुँदासहित नागरिकता विधेयकलाई परिमार्जन गर्न सुझाव दिँदै केही दिनअघि मात्रै प्रतिनिधिसभामा फिर्ता गरिदिएकी थिइन् । तर, २ भदौमा बसेको प्रतिनिधिसभा बैठकले सो विधेयक जस्ताको त्यस्तै स्वीकृत गरेपछि राष्ट्रपति चिन्तित बनेकी हुन् । त्यसलगत्तै राष्ट्रपति भण्डारीले मुलुकका बौद्धिक पक्ष तथा सुरक्षा निकायका पूर्व र वर्तमान उच्च पदस्थसँग छलफल गर्दै सुझाव लिँदै आएकी हुन् ।
बुधबार नेपाली सेनाका बहालवाला र पूर्वजर्नेलहरूसँग भएको छलफलमा पूर्वजर्नेलहरूले मुलुकको सार्वभौमिकता जोगाउन राष्ट्रपतिले अग्रणी भूमिका खेल्नुपर्ने आवश्यकता औंल्याएका थिए । बाहिर राष्ट्रपतिले राजीनामा दिनसक्ने हल्ला पैmलाइएकोमा पनि सुरक्षा निकायका पदाधिकारीहरूले चासो राखेका थिए । उनीहरूले राष्ट्रपतिले कुनै हालतमा पनि राजीनामा दिन नहुने बरु नागरिकता विधेयक होल्ड गरेर राख्न सुुझाएका थिए ।
‘राष्ट्रिय हितविपरीतको सो विधेयक स्वीकृत गर्नुहुँदैन, राष्ट्रपतिले त्यस्तो कार्यलाई रोक्नुपर्छ ।’ राष्ट्रपतिसँगको छलफलमा सेनाका पूर्वजर्नेलहरूले भने । राष्ट्रपतिसँग भएको छलफलमा सरकारले यही अवस्थामा बलपूर्वक नागरिकता विधेयक स्वीकृत गराई लागू गर्न खोजेमा सुरक्षा चुनौती थपिनसक्ने चेतावनीसमेत पूर्वजर्नेलहरूले दिएका थिए ।
राष्ट्रपति कार्यालय स्रोतका अनुसार नागरिकता विधेयकमा देखिएको विवादलाई लिएर सुनियोजित रूपमा राष्ट्रपतिले राजीनामा दिनसक्ने भन्दै विभिन्न खाले हल्ला, अफवाह र भ्रम पैmलाइएको छ । राष्ट्रपतिले राजीनामा दिने कुरामा कुनै सत्यता नभएको र यो गलत हल्ला भएको स्रोतको दाबी छ । राजधा दैनिकबाट
मकवानपुर । बागमती प्रदेशका मुख्यमन्त्री राजेन्द्र प्रसाद पाण्डेले कृषि तथा पशुपन्छी सम्बन्धी कानून अध्यादेशबाटै भए पनि ल्याउने बताएका छन् । कृषि र पशुपन्छी क्षेत्रको विकासका लागि अध्यादेशबाट भएपनि कृषि सम्बन्धी कानून चाँडै ल्याउने खाद्य अधिकार तथा खाद्य सम्प्रभुता सम्बन्धी ऐन कार्यान्वयन सम्बन्धी कार्यक्रममा उनले बताएका हुन् ।
बुधबार बागमती प्रदेशका नीति निर्मातासंग अन्तरसंवादमा मुख्यमन्त्री पाण्डेले प्रदेश सरकारले चाँडै रासायनिक मल उद्योग खोल्ने बताए । ‘कृषि औजार कारखाना हेटौंडामा खोल्ने तयारी भईरहेको छ,’ उनले भने, ‘प्रदेशलाई प्याज र लसुनमा आत्मनिर्भर बनाउँने योजना छ ।’ प्रदेश सरकारले किसानलाई प्याज र लसुनमा प्रतिकिलो १ रुपैंया अनुदान दिने र आवश्यक परे बढाउँदै जाने उनले बताए ।
प्रदेश विज्ञान प्रविधी विश्वविद्यालय स्थापना गर्न बजेट विनियोजन गरिसकेको भन्दै मुख्यमन्त्री पाण्डेले प्रदेश सरकारले १० हजार युवालाई क्लोज क्याम्पमा राखेर दक्ष जनशक्ति उत्पादन गर्ने समेत बताए । अघिल्लो एमाले सरकारको पालामा कृषि क्षेत्रमा चरम भ्रष्ट्राचार भएको भन्दै उनले तिव्र असन्तुष्टी जनाए । ‘अघिल्लो सरकारको पालामा ३० लाख रुपैंया बजेट विनियोजन गर्दा रहेछन्,’ उनले भने, ‘१० लाख मन्त्रीको टेवलमा, १० लाख व्यवस्थापन (विचौलिया)लाई र मात्र १० लाख किसानलाई दिने गरिएको रहेछ ।’ आन्तरिक मामिला तथा कानुन मन्त्री कृष्ण प्रसाद शर्मा खनालले कृषि तथा पशुपन्क्षी क्षेत्रको विकासका लागि व्यवहारिक कानून तर्जुमा गर्न आफुहरुले महत्वपूर्ण भुमिका खेल्ने बताए ।
कार्यक्रम फियान नेपालको आयोजना तथा बागमती प्रदेशको कृषि तथा पशुपन्क्षी विकास मन्त्रालयसँगको समन्वयमा भएको थियो । फियान नेपालका अध्यक्ष गोकर्ण रुपाखेतीले कार्यक्रमको उदेश्यसहित स्वागत गरेको कार्यक्रममा फियानको श्रव्यदृष्य (डकुमेन्ट्री)पनि प्रदर्शन गरिएको थियो । कार्यक्रममा प्रदेशका लागि खाद्य अधिकार तथा खाद्य सम्प्रभुता सम्बन्धी ऐनको मस्यौदा मुख्यमन्त्री पाण्डे र कृषि तथा पशुपन्क्षी विकास मन्त्री बसुन्धरा हुमागाईलाई फियान नेपालले हस्तान्तरण गरेको थियो ।
कार्यक्रममा फियान नेपालका कार्यकारी निर्देशक अशोक बहादुर सिंहले खाद्य सुरक्षा, खाद्य अधिकार र खाद्य संप्रभुता सम्बन्धी अवधारणागत जानकारी, अधिवक्ता तिलक अधिकारीले खाद्य अधिकार तथा खाद्य संप्रभुता सम्बन्धी ऐन २०७५ र कार्यान्वयनमा प्रदेश सरकारको भुमिका र कृषि तथा पशुपन्क्षी विकास मन्त्रालयका वरिष्ठ कृषि प्रसार अधिकृत झलकनाथ कडेलले बागमती प्रदेशमा खाद्य सुरक्षाको अवस्था, प्रदेश सरकारले अवलम्बन गरेका नीति, कार्यक्रम र कार्यदिशाबारे कार्यपत्र प्रस्तुत गरेका थिए ।
कार्यक्रमका सहभागीहरुले कृषि र पशुपन्छीको क्षेत्रमा बजेट बढाउँनुपर्ने, प्रदेश सरकारले सबै जिल्लामा कृषि विकास कार्यालय स्थापना र संचालन गर्नुपर्नेमा जोड दिएका थिए । साथै, प्रत्येक घर परिवारले अनिवार्य तरकारीको विरुवा रोप्ने वा खेती गर्ने अभियान संचालन गर्नुपर्ने भन्दै खाद्य अधिकार सुरक्षित गर्न ‘खाना नफालौ’अभियान पनि संचालन गर्नुपर्ने बताएका थिए ।
कृषि तथा पशुपन्क्षी विकास मन्त्री हुमागाईको अध्यक्षतामा भएको कार्यक्रममा फियान नेपालकी प्रदेश संयोजक लक्ष्मी गुरुङले सहजिकरण गरेकी थिईन् । कार्यक्रममा बागमती प्रदेशका सांसदहरु नेकपा माओवादी केन्द्रका प्रेमबहादुर पुलामी, नेकपा एकीकृत समाजवादीकी मनु सिग्देल, जिल्ला समन्वय समिति मकवानपुर प्रमुख ललित घलान, बागमती प्रदेश नीति तथा योजना आयोगका सदस्य प्रल्हाद लामिछाने, राष्ट्रिय कृषक समूह महासंघ मकवानपुरका अध्यक्ष महानन्द सापकोटा, जिल्ला खाद्य अधिकार संजाल मकवानपुरकी सदस्य उर्मिला पुलामी मगरले मन्तव्य व्यक्त गरेका थिए ।
मकवानपुर । नेपाली कांग्रेसले आगामी मंशिर ४ गते हुने निर्वाचनलाई लक्षित गर्दै ७७ वटै जिल्ला केन्द्रीय प्रतिनिधि ताेकेकाे छ । प्रतिनिधिसभा र प्रदेशसभा सदस्य निर्वाचन लक्षित गरी भदौ १० गतेदेखि कांग्रेसले ३ चरणमा ‘जनताको साथमा कांग्रेस’ अभियान चलाउँदैछ । साेही अभियानकाे लागि केन्द्रीय कार्यालयले ७७ वटै जिल्लामा केन्द्रीय प्रतिनिधिहरू खटाएको हो ।
बागमती प्रदेशकाे राजधानी हेटौडा रहेकाे जिल्ला मकवानपुरकाे लागि कांग्रेसले केन्द्रीय प्रतिनिधिकाे रुपमा उमेश श्रेष्ठलाई खटाइएकाे छ । बागमती प्रदेशका जिल्लाहरु चितवनमा श्यामकुमार घिमिरे, दाेलखामा शान्ति परियार, रामेछापमा हरिशरण नेपाली, सिन्धुली दिलमान पाख्रिन,रसुवामा राजेन्द्रकुमार केसी,धादिङमा मदनकुमार श्रेष्ठ केन्द्रीय प्रतिनिधिको रुपमा खटाइएकाे छ ।
यसैगरी नुवाकोटमा मदनबहादुर अमात्य, सिन्धुपाल्चोकमा बहादुरसिंह लामा काभ्रेपलाञ्चाेकमा रमा कोइराला (पौडेल) भक्तपुरमा अम्बिका बस्नेत ललितपुरमा नानु बाँस्तोला काठमाडौंमा जीतजंग बस्नेतलाई पठाइएकाे कांग्रेस केन्द्रीय कार्यालयले जनाएको छ ।
कांग्रेसले केन्द्रीय प्रतिनिधिहरूलाई अभियान सुरू हुनुभन्दा दुई दिन अगावै सम्बन्धित जिल्ला पुगेर अभियानलाई सफल बनाउन निर्देशन गरेको छ । केन्द्रीय प्रतिनिधिहरू सम्बन्धित जिल्लामा कम्तिमा ५ दिनसम्म कार्यक्रमहरूमा सहभागी भइ सबै निर्वाचन क्षेत्रमा पुगेर त्यहाँ पार्टीको संगठन र वस्तुस्थितिको यथार्थ बुझेर मात्र फर्किनेछन् ।
खटाइएका प्रतिनिधिहरु पहिलो चरणमा भदौ १० देखि बीपी जयन्तीसम्म, दोस्रो चरणमा समानुपातिक उम्मेदवारी दर्ता भएपछि र तेस्रो तथा निर्णायक चरणमा प्रत्यक्षतर्फ उम्मेदवारी दर्तापछि जनताको घरदैलोमा पुगेर राजनीतिका समस्या र कांग्रेसका एजेन्डा प्रचार प्रसार तथा संगठन सुदृढीकरणको काम गर्ने पार्टीले जनाएकाे छ ।
७७ जिल्लामा को काे खटिए ?
प्रदेश १
ताप्लेजुङ्ग : आङ्गेलु शेर्पा
पाँचथर : प्रदीपकुमार सुनुवार
इलाम : महेन्द्रकुमारी लिम्बु
झापा : डिला संग्रौला
संखुवासभा : उमेशजंग रायमाझी
तेह्रथुम : लक्ष्मी परियार
भोजपुर : भीम पराजुली
धनकुटा : राजीव ढुंगाना
मोरङ : ज्ञानेन्द्रबहादुर कार्की
सुनसरी : अमृत अर्याल
सोलुखुम्बु : कल्पना चौधरी
खोटाङ : तारामान गुरुङ
ओखलढुंगा : लक्ष्मी खतिवडा
उदयपुर : बलबहादुर केसी
मधेस प्रदेश
सप्तरी : आनन्दप्रसाद ढुंगाना
सिरहा : महेन्द्रकुमार राय
धनुषा : नगिना यादव
महोत्तरी : मञ्जु खाँण
सर्लाही : दिनेशकुमार यादव
रौतहट : अजयकुमार चौरासिया
बारा : रमेश रिजाल
पर्सा : पद्मनारायण चौधरी
बागमती प्रदेश
दोलखा : शान्ति परियार
रामेछाप : हरिशरण नेपाली
सिन्धुली : दिलमान पाख्रिन
रसुवा : राजेन्द्र केसी
धादिङ : मदनकृष्ण श्रेष्ठ
नुवाकोट : मदनबहादुर अमात्य
सिन्धुपाल्चोक : बहादुरसिंह लामा
काभ्रे : रमा कोइराला
चितवन : श्यामकुमार घिमिरे
मकवानपुर : उमेश श्रेष्ठ
भक्तपुर : अम्बिका बस्नेत
ललितपुर : नानु बास्तोला
काठमाडौं : जीतजंग बस्नेत
गण्डकी प्रदेश
गोरखा : ध्रुव वाग्ले
लम्जुङ : शंकर भण्डारी
तनहुँ : सुरेन्द्रराज पाण्डे
कास्की : प्रदीप पौडेल
मनाङ : गुरु बराल
मुस्ताङ : कृष्णचन्द्र नेपाली पोखरेल
पर्वत : चम्पादेवी खड्का
स्याङजा : चिनकाजी श्रेष्ठ
म्यादी : दिनेश कोइराला
बाग्लुङ : अब्दुल सतार
नवलपरासी सुस्ता पूर्व : सरस्वती अर्याल
लुम्बिनी प्रदेश
नवलपरासी सुस्ता पश्चिम : मानबहादुर नेपाली
रुपन्देही : योगेन्द्र चौधरी
कपिलवस्तु : चन्द्रबहादुर केसी
पाल्पा :अब्दुल रञ्जाक
अर्घाखाँची : गोविन्दराज पोखरेल
गुल्मी : देवेन्द्रराज कँडेल
रुकुम पुर्व : धना खतिवडा
रोल्पा : मैकुलाल बाल्मीकी
प्युठान : जावेदा खातुन जागा
दाङ : गोपाल दहित
बाँके : दिपक गिरी
बर्दिया : गेहेन्द्र गिरी
कर्णाली प्रदेश
रुकुम पश्चिम : कृष्णकिशोर घिमिरे
सल्यान : सीता देवकोटा
जुम्ला : रंगमति शाही
मुगु : कान्तिका सेजुवाल
कालिकोट : जानकी सिंह
जाजरकोट : सिताकुमारी राना
दैलेख : राजीवविक्रम शाह
सुर्खेत : सञ्जयकुमार गौतम
सुदुरपश्चिम प्रदेश
बाजुरा : अर्जुनजंगबहादुर सिंह
बझाङ : गोविन्दबहादुर शाह
डोटी : नृपबहादुर वड
अछाम : रणबहादुर रावल
दार्चुला : यज्ञराज जोशी
बैतडी : रमेश लेखक
डडेलधुरा : ईश्वरी न्यौपाने
कञ्चनपुर : रामजनम चौधरी
कैलाली : एनपी साउद
मकवानपुर । नेपालमा पछिल्लो २४ घण्टामा थप ६ सय ५८ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार सोमबारको भन्दा मगलबारको सङक्रमितको सङ्ख्या बढेको हो ।
सोमबार २ सय ८८ जनामा काेराेना सङ्क्रमण पुष्टि भएको मन्त्रालयकाे तथ्याङ्कले देखाँउछ । पछिल्लो २४ घण्टामा ३ हजार ३ सय ८१ पीसीआर परीक्षणमा ४ सय ५ जना र ३ हजार २ सय ६२ एन्टिजेन परीक्षणमा २ सय ५३ जना गरी ६ सय ५८ जनामा सङ्क्रमण पुष्टि भएको हो ।
त्यस्तै पछिल्लो २४ घण्टामा कोरोनाबाट थप १ जनाको मृत्यु भएको छ । योसँगै नेपालमा कोरोनाबाट मृत्यु हुनेको सङ्ख्या ११ हजार ९ सय ९३ पुगेको छ । अहिले नेपालमा सक्रिय सङ्क्रमितको सङ्ख्या ४ हजार २ सय ९६ पुगेको छ ।