मकवानपुर । नेपाल कम्युनिस्ट पार्टी (एकीकृत समाजवादी) मकवानपुरको जिल्ला अधिवेशन आगामी बैशाख १५ र १६ गते हुने भएको छ ।
पार्टीको आइतबार बसेको सचिवालय बैठकले जिल्ला अधिवेशनको मिति तय गरेको हो । स्थायी कमिटी सदस्य ललित बस्नेतले पार्टीले कृयाशील सबै सदस्यलाई उचित अवसर र मौका दिने बताए ।
बैठकमा केन्द्रीय सदस्य तथा जिल्ला इन्चार्ज मुनु सिग्देलले नेकपा एसका नेता तथा कार्यकर्तालाई पार्टीको नीति र विधिमा रही अधिवेशनमुखी अभियान अघि बढाउन निर्देशन दिएकी छिन् । यस्तै पार्टी जिल्ला कमिटिको विस्तारित बैठक आउँदो चैत २८ गते बस्ने पनि बैठकले निर्णय गरेको छ ।
पार्टी स्थायी कमिटी सदस्य ललित बस्नेतको प्रमुख अतिथ्यता तथा पार्टी जिल्ला अध्यक्ष विष्णुप्रसाद दाहालको अध्यक्षतामा बसेको बैठकमा पोलिटब्युरो सदस्य घनप्रसाद गौतम, केन्द्रिय सदस्य एवं पार्टी मकवानपुर इन्चार्ज मुनु सिग्देल, केन्द्रिय सदस्य राजाराम स्याङतानको आतिथ्यता थियो ।
मकवानपुर । मकवानपुर जिल्लामा छुट्टाछुट्टै घटनामा ३ जनाकाे मृत्यु भएकाे छ । मकवानपुरकाे बागमती गाउँपालिका बकैया गाउँपालिका र हेटौडा उपमहानगरपालिकामा शनिबार र आइतबार भएकाे घटनामा ३ जनाकाे मृत्यु भएकाे हाे ।
जिल्लाकाे बागमतीमा करेन्ट लागेर देबराम रुम्बाकाे मृत्यु भएकाे मकवानपुर प्रहरीले जनाएकाे छ । आइतबार विहान बागमती ८ कायर बस्ने अन्दाजी ५०/५५ वर्षीय रुम्बा आफ्नै घर अगाडीको बारीमा मकै हेर्न जादाँ भुईमा लत्रिएको बिजुलीको नाङ्गो तारमा छुदा करेन्ट लागि घट्ना स्थलमानै मृत्यु भएकाे जिल्ला प्रहरी कार्यालय मकवानपुरले जनाएकाे छ ।
यसै गरी बकैयामा भिरबाट लडी स्थानीय पुर्णिमा भोम्जनकाे मृत्यु भएको छ । शनिबार विहान बकैया ६ ठुलोसुधा बस्ने सन्दिप भोम्जनको छोरी अन्दाजी ८ वर्षीय पुर्णिमा घरबाट निस्कि हिडेकाेमा आफन्तले खोज्दै शनिबार बेलुका आफ्नै घरदेखि पश्चिममा रहेको बाघ भैरब सामुदायिक बनको सुधाभिरबाट २०० मिटर तल खसी मृत्यु भएकाे प्रहरीले जनाएकाे छ । प्रहरी टोली घटनास्थलमा पुगी बुझ्दा पुर्णिमाकाे मानसिक सन्तुलन ठिक नभएको पाइएकाे छ ।
यस्तै प्रहरीका अनुसरा हेटौडामा सवारीकाे ठक्करबाट ज्ञाने सुनारकाे मृत्यु भएकाे छ । शनिबार बेलुका हेटौडा ११ नवलपुर स्थित चन्द्र शुर्य पेट्रोल पम्प नजिक पुर्व पश्चिम सडक खण्डमा प्रदेश १-०२-०१ ज ४३०० नं.को टाटा सुमोले हेटौडा ११ शान्तीचाेक बस्ने ३५ वर्षीय राईलाई ठक्कर दिदा घाइते भएका थिए । उनलाई उपचारकाे लागि हेटौडा अस्पताल लगिएकाेमा शनिबार राती उपचारकाे क्रममा डाक्टरले मृत घाेषणा गरेका थिए ।
राईलाई ठक्कर दिने सुमाेकाे सीसीटीभीबाट पहिचान भएकाे प्रहरीले जनाएकाे छ । सुमाे चालक मोरङ ग्रामथाङ नगरपालिमा ७ बस्ने ३६ वर्षीय चेतनाथ सापकोटालाई इलाका प्रहरी कार्यालय इटहरी सुनसरीले नियन्त्रणमा सोही कार्यालयमा राखिएको जिल्ला प्रहरी कार्यालय मकवानपुरले जनाएकाे छ ।
मकवानपुर । बागमती प्रदेश सरकार मुख्यमन्त्री शालिकराम जम्मकट्टेलले चैत १९ गते प्रदेश सभामा विश्वासकाे मत लिने भएका छन् । विश्वासकाे मत लिन शुक्रबार प्रदेश सभामा प्रस्ताव दर्ता गरिएकाे छ ।
नेकपा माओवादी केन्द्रका मुख्य सचेतक रत्न प्रसाद ढकाल मुख्यमन्त्रीले चैत १९ गते विश्वासकाे मत लिने गरी प्रस्ताव दर्ता गरेकाे प्रदेश सभा सचिवालयले जनाएकाे छ । केन्द्रीय सत्ता समिकरण बदलिएर नेपाली काँग्रेसले जम्कट्टेल सरकारलाई दिएकाे समर्थम फिर्ता लिए पछि गत फागुन २३ गतेबाट उनी अल्पमतमा परेका थिए ।
चैत २२ गते भित्र विश्वासकाे मत नलिए सरकारकाे निरन्तरता नहुने संवैधानिक जटिलताका वावजुद सत्ता गठबन्धन ३ दलले हाम्राे नेपाली पार्टीका शैलेन्द्रमान बज्राचार्यलाई सरकारमा सहभागी गराउन ५ बुदे सहमती गरी मन्त्री नियुक्त गरी सपथ खुवाएका थिए । १ मतले अल्पमतमा रहेकाे सरकाले विश्वासकाे मत पाउने भएपछि प्रदेश सभामा शुक्रबार ढकाले मुख्यमन्त्रीले विश्वासकाे मत लिने प्रस्ताव दर्ता गराएका हुन् ।
यसैबीच बागमती प्रदेश सरकारलाई पूर्णता दिन तयारी थालिएकाे छ । हानेपाका बज्राचार्य सरकारमा सहभागी भएपछि गठबन्धनकाे बहुमत पुग्ने भएकाेले सरकारलाई पूर्णता दिने तयारी थालिएकाे हाे । एमालेलाई सहभागी गराएर सरकारलाई पूर्णता दिन थालिएकाे हाे ।
मुख्यमन्त्री शालिकराम जम्कट्टेलको सिफारिसमा प्रदेश प्रमुख यादवचन्द्र शर्माले बिहीबार मन्त्रिपरिषद् विस्तार तथा पुनर्गठन एवं कार्य विभाजन गरेका थिए । जम्कट्टेलले मुख्यमन्त्री तथा मन्त्रिपरिषद्को कार्यालयसहित आर्थिक मामिला तथा योजना मन्त्रालय, उद्योग, वाणिज्य, भूमि तथा प्रशासन मन्त्रालय, वन तथा वातावरण मन्त्रालय, खानेपानी, ऊर्जा तथा सिँचाई मन्त्रालय र स्वास्थ्य मन्त्रालयको जिम्मेवारी सम्हालि रहेका छन् ।
बिहीबार विस्तारित मन्त्रिपरिषद अनुसार केन्द्रीय समिकरण अनुसार बनेकाे सत्ता गठवन्धन समर्थित दललागि बहुमत पुगेकाले प्रदेश सरकारकाे मुख्यमन्त्रीले सम्हाल्ने गरी ताेकिएका ५ वटै मन्त्रालयहरुमा एमालेले मन्त्री नियुक्तीको तयारी थालेकाे हाे । एमालेका तर्फबाट यसअघि एमाले सहितको गठवन्धन सरकारमा मन्त्री बनेकालेनै मन्त्री पद पाउने संभावना रहेकाे बताइरहँदा मन्त्रीहरुकाे नाम केन्द्रबाट ताेकिने सम्भावना रहेकाे छ । केन्द्रले नाम ताेकेपछि मन्त्री नियुक्तीका लागि मुख्यमन्त्री समक्ष एकै चरण वा दुइ चरणमा पार्टीले सिफारिस गर्ने भएकाे हाे।
नयाँ बनेकाे गठबन्धनमा माओवादी र एकिकृत समाजवादीका तर्फबाट नियुक्ति भएका मन्त्रीहरुले निरन्तरता दिइ रहेका छन् भने हाम्रो नेपाली पार्टीका तर्फबाट बर्जाचार्यले प्रदेशको संस्कृति, पर्यटन तथा सहकारी मन्त्रीका रुपमा पदभार ग्रहण गरेका छन् । आइबारसम्ममा एमालेका तर्फबाट पनि मन्त्री नियुक्तीका लागि नाम आइसक्ने संभावना रहेकाे बताइएको छ । एमालेले बागमती प्रदेशमा पाँच मन्त्रालय दावि गरेको एमाले संसदीय दलका नेता जगन्नाथ थपलियाले बताए ।
मुख्यमन्त्री तथा मन्त्रिपरिषद्काे कार्यालयसमेत १२ वटा मन्त्रालय रहेकाे बागमतीमा हाल गंगा नारायण श्रेष्ठ (आन्तरिक मामिला तथा कानुन मन्त्री), कुमारी मुक्तान (सामाजिक विकास मन्त्राी), युवराज दुलाल (भौतिक पूर्वाधार विकास मन्त्री), डा. राजेन्द्रमान श्रेष्ठ (कृषि तथा पशुपन्छी विकास मन्त्री), लक्ष्मण लम्साल (श्रम, रोजगार तथा यातायात मन्त्री) र शैलेन्द्र मान बज्राचार्य (संस्कृति, पर्यटन तथा सहकारी मन्त्री) छन् ।
- गाेपिनी दाहाल
मकवानपुर । मकवानपुरमा बाघको आक्रमणबाट ४ वटा गाइको मृत्यु भएको छ । मकवानपुरको बागमती गाउँपालिका वडा नम्बर–७ मनसाही जरायोटारका रुद्र बहादुर रानाकाे गाई बाघको आक्रमणबाट मृत्यु भएको छ ।
स्थानीय ६५ वर्षीय रानाको ४ वटा गाई चराउनको लागि शुक्रबार मनकामना सामुदायिक बनमा छाडेकोमा बाघको आक्रमणबाट मृत्यु भएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिए । वन क्षेत्रमा चराउन छाडेको गाई घर फर्की नआएपछि खोजी गर्दै जाने क्रममा सोमबार गाई मृत भेटिएको प्रहरीले जनाएको छ ।
साेमबार वन क्षेत्रमा गाई मृत रहेकाे जानरकाी स्थानीयले प्रहरी चौकी झुरझुरेमा गराएका थिए । झुरझुरे प्रहरी चौकीबाट टोली खटी गई उक्त स्थानमा हेर्दा २ वटा बाघको आधा भाग खाएको अवस्थामा र २ वटा मारेको अवस्थामा भेटिएको प्रहरीले जनाएको छ ।
मकवानपुर । लागूऔषध अफिमसहित २ जनालाई प्रहरी नियन्त्रणमा लिएको छ ।
शनिबार हेटौंडा १० को एक खाजा घरबाट थाहा नगरपालिका ८ का ५४ वर्षीय तेज बहादुर थिङ र ४३ वर्षीय शरण लामालाई २ किलो अफिमसहित नियन्त्रणमा लिइएको जिल्ला प्रहरी कार्यालय मकवानपुरले जनाएको छ । इलाका प्रहरी कार्यालय पशुपतिनगर र लागूऔषध नियन्त्रण ब्यूरो शाखा कार्यालय पर्साको संयुक्त टोलीले हेटौंडा १० स्थित खाजा घर भित्र बसिरहेका थिङ र हेटौडा २ डेरा गरि बस्ने लामालाई जाच गर्ने क्रममा शरण लामाले बोकेको झोलाबाट अफिम २ किलो फेला परेको प्रहरीले जनाएको छ ।
प्रहरीको अनुसार उक्त परिमाणको अफिमसहित दुबै जनालाई नियन्त्रणमा लिई थप अनुसन्धान भइरहेको छ ।