हेटौंडा । बागमती प्रदेश सरकारले ३४ कानुन संशोधन गर्ने प्रस्ताव गरेको छ । शुक्रबारको प्रदेश सभा वैठकमा प्रदेश सरकारको तर्फबाट आन्तरिक मामिला तथा कानुन मन्त्री शालिकराम जम्मकट्टेलले ३४ कानुन संसोधन गर्ने गरी प्रस्ताव गरेका हुन् ।
मन्त्री जम्मकट्टेलले प्रचलित तथा तर्जुमा भएका कानुनहरुलाई समसमायिक सुधार गर्ने भन्दै संशोधनको प्रस्ताव गरेका हुन् । उक्त प्रस्ताव माथिको सैद्धान्तिक छलफल सुरु भएको छ । संशोधन विधेयकको सैद्धान्तिक छलफलमा प्रमुख प्रतिपक्षी दल नेपाली कांग्रेस सहित विपक्षी दलका सांसदहरुले विरोध गरेका थिए ।
यस्तै शुक्रबार नै बागमती प्रदेशसभाको बैठकमा ४ वटा नयाँ विधेयक पेस भएका छन् । वातावरण संरक्षण सम्बन्धी विधेयक, आर्थिक कार्यविधि ऐन संशोधन गर्न बनेको विधेयक, केही प्रदेश ऐनलाई संशोधन गर्न बनेको विधेयक र प्रदेश सार्वजनिक सडक तथा परिवहन पूर्वाधारको सम्बन्धमा व्यवस्था गर्न बनेको नयाँ विधेयक प्रदेशसभा पेस भएको हो ।
मकवानपुर / मकवानपुरको भीमफेदी गाउँपालिकाले शुक्रबार कृषकहरुलाई ट्याक्टरलगायत विभिन्न कृषि उपकरण वितरण गरेको छ । गाउँपालिकाको चालु आर्थिक वर्षको कृषि यान्त्रीकिकरण कार्यक्रम अन्तरगत अनुदानमा कृषकहरुलाई हाते ट्याक्टर, ह्याचरी मेसीन, मकै, चामल, मसला पिस्ने मेसिन, मकै छोडाउने, फल टिप्ने, भुसा काट्ने, आलु खन्ने मेसिनलगायतका विभिन्न कृषि उपकरण वितरण गरेको हो ।
गाउँपालिकाले ३ वटा कृषि सहकारी संस्थालाई पुर्ण अनुदानमा ह्याचरी मेसीन प्रदान गरेको हो भने अन्य ६५ जना कृषकलाई मागका आधारमा ६० प्रतिशत अनदानमा कृषि उपकरण प्रदान गरेको गाउँपालीका अध्यक्ष हिदम लामाले जानकारी दिनुभयो । गाउँपालिकाले कृषि यान्त्रीकिकरण कार्यक्रम अन्तरगत पुर्ण अनुदानमा ३ वटा कृषि सहकारी संस्थालाई एकलाख ५० हजार दरका ह्याचरी मेसीन प्रदान गरेको उहाँले जानकारी दिनुभयो ।
जिल्ला समन्व्य समिति मकवानपुरका प्रमुख रघुनाथ खुलालको प्रमुख आतिथ्यतामा गाउँपालिकाले आज एक कार्यक्रमको आयोजना गरेर कृषकलाई कृषि उपकरण वितरण गरिएको थियो । किशानलाई कृषि उपकरण वितरण गर्दै प्रमुख खुलालले मकवानपुर जिल्लामा कृषिको प्रचुर सम्भावना रहेको कृषिकै माध्इमबाट समृद्धि प्राप्त गर्न सकिने हुनाले प्राप्त उपकरणको सहि उपयोग गर्न कृषकलाई आग्रह गर्नुभयो ।
त्यस्तै उपकरण प्राप्त गर्ने किशानहरुले यसअघि कृषि क्षेत्रमा उपकरणका माध्यमले काम गर्न धेरै सहज हुने भन्दै यसको भरपुर उपयोग गरेर उत्पादक्त्व बृद्धि तर्फ लाग्ने बताएका छन् । कृषि उपकरण वितरण कार्यक्रममा जिल्ला समन्वय समिति मकवानपुरकी उपप्रमुख भगवती पुडासैनी, गाउँपालीका अध्यक्ष हिदम लामा, उपाध्यक्ष पाबर्ती राना, प्रमुख प्रशासकिय अधिकृत जीवन कुँबरलगाएतको सहभागिता थियो ।
हेटौंडा । बागमती प्रदेशका प्रदेश प्रमुख विष्णु प्रसाद प्रसाई द्वारा सिन्धुपाल्चोक जिल्लाको बाह्रबिसे नगरपालिकामा बाढीका कारण भएको मानविय र भौतिक क्षेति प्रति दुःख व्यक्त गर्नु भएको छ ।अविरल वर्षासंगै आएको भिषण बाढिका कारण मानिसको मृत्यु हुनका साथै अझै मानिस बेपत्ता छन् । भौतिक क्षति पनि त्यतीकै छ । यस घटना प्रति प्रदेश प्रमुख प्रसाईले दुःख व्यक्त गर्नुभएको हो । यस दुःखद घडिमा शोकसन्तप्त परिवारमा समवेदना सहित घाईतेहरुको शिघ्रस्वास्थ्यलाभको कामना समेत उहाँले व्यक्त गर्नुभएको छ ।
खोजि तथा उद्धार कार्यलाई द्रुत र प्रभावकारि बनाउन कुनै कसर बाँकि नराख्न बागमती प्रदेश सरकारको उहाँले ध्यानाकर्षण समेत गराउनुभएको छ । मुलुकभर अस्ती रातिदेखि चार दिन लगातार भारी वर्षाहुने तथा विभिन्न क्षेत्रमा बाढी, पहिरो र डुबानको समस्या हुन सक्ने मौसम पुर्वानुमान गरिएकोले सबै तहको सरकारलाई उच्च सावधानीमा (हाई अलर्टमा) रहन प्रदेश प्रमुख प्रसाइले आग्रह गर्नुभएको छ ।
हालसम्म प्राप्त विवरण अनुसार बाह्रविसे नगरपालिका जम्बुमा दुईजनाको मृत्यू भएको छ साथै पहिरोमा परि यहि गाउँका १८ जना बेपत्ता र तीन जना गम्भिर घाईते भएका छन् । यसै गरि भोटेकोशी गाउँपालिकाको बुलकोटेमा चार जना बेपत्ता र तीन जना गम्भिर घाईते भएका छन् । यस बिपत्तिमा परि हराएकाहरुको खोजी कार्य जारी छ । घाईतेहरुलाई उद्दार गरि अस्पताल पु¥याईएको छ र हालसम्म सबैकोे अवस्था खतरामुक्त छ ।
यो प्राकृतिक विपदमा परि दिवंगत भएकाहरुप्रति भावपूर्ण श्रदाञ्जली व्यक्तगर्नुभएको छ । घाईतेहरुको शिघ्र स्वास्थ्य लाभको कामना गर्दै मृतकका शोकाकुल परिवारजनमा गहिरो समवेदना व्यक्त गर्नुभएकमो छ । यस विपदको घडीमा उद्दार र खोजी कार्यमा जुट्नुहुने स्थानिय जनता, जनप्रतिनिधीहरु, विभिन्न राजनीतिक पार्टीका साथीहरु, सुरक्षा निकाय, राष्ट्रसेवक कर्मचारीहरु लगायत सबैमा हार्दिक धन्यवाद समेत उहाँले दिनुभएको छ ।
सिन्धुपाल्चोकमा अत्यधिक वर्षापछि आएको बाढीले बगाउँदा २ जनाको मृत्यु भएको छ भने २० जना बेपत्ता भएका छन् । बाढीका कारण ५ जना गम्भीर घाइते भएका छन् । बाढीले २० भन्दा बढी घर बगाएको छ, ठाउँठाउँमा अरनिको राजमार्ग कटानका कारण अवरुद्ध भएको छ, आधा दर्जन जति सवारी साधनमा बाढीले क्षति पुर्याएको छ ।स्थानीय जम्बु खोलामा बाढी आउँदा बाह्रबिसे नगरपालिका–५ का २० वर्षका निकेश बस्नेत र उनकी डेढ वर्षकी छोरी निउना बस्नेतको शव भेटिएको जिल्ला प्रहरी कार्यालय सिन्धुपाल्चोकका डीएसपी माधवप्रसाद काफ्लेले जानकारी दिए । निकेशकी पत्नी सविना बस्नेत गम्भीर घाइते भएकी छन् ।
जम्बु खोलाको बाढीले बाह्रबिसे नगरपालिका- ५ मा र बुलुकुटे ठाडो खोलाले भोटेकोशी गाउँपालिका-५ मा बढी क्षति पुगेको छ । बाह्रबिसे-५ जम्बु बजारमा १६ जना र भोटेकोशी गाउँपालिकामा ४ जना बेपत्ता भएका छन् ।बाह्रबिसे नगरपालिका–५ जम्बुका भीमबहादुर वाइवा, चिनमाया वाइवा, लीलामाया वाइवा, पासाङ डोल्मा वाइवा, निमा डोल्मा वाइवा, लक्ष्मण वाइवा, सनमाला वाइवा, जनकबहादुर थिङ, सविना तामाङ, आकाश तामाङ, तोकबहादुर तामाङ, सलिनी तामाङ, सुवेश तामाङ र युक्तबहादुर तामाङ बेपत्ता भएका प्रहरीले जनाएको छ । त्यस्तै, मध्यभोटेकोशी हाइड्रोपावर कम्पनीका सेक्रेटरी हिमेश शर्मा, जाइकाका इन्जिनियर आकाश केसी पनि बेपत्ता भएको डीएसपी काफ्लेले जानकारी दिए ।
भोटेकोशी गाउँपालिका–५ मा बुलुकुटे झ्यालेस्थित बुलुकुटे ठाडो खोलामा बाढी आउँदा ६० वर्षका निमा दोर्जे तामाङ, उनकी बुहारी २७ वर्षकी मञ्जु तामाङ, नातिनीहरू ९ वर्षकी पासाङ नुर्बु तामाङ र ६ वर्षकी साहिल तामाङ बेपत्ता भएका छन् । नुर्बुको घर बगाउँदा उनका छोरा फुर्वा र उनकी १० दिनकी छोरी पनि घाइते भएकी छन् । त्यहाँ एउटा डोजर र एउटा जिपमा क्षति भएको छ । बाढीका कारण बाह्रबिसे–५ जम्बुमा ५ जना घाइते भएका छन् । यहाँ बाढीले १५ वटा घरमा क्षति पुर्याएको छ। बाह्रबिसे नगरपालिका–३ खुर्सानीबारीमा भोटेकोशी नदीले अरनिको राजमार्ग कटान गरेका कारण आवतजावत अवरुद्ध भएको छ ।
त्यस्तै, खागदल भन्ने ठाउँमा अरनिको राजमार्गमा रहेको पक्की पुल खागदल खोलाले १५ मिटर कटान गरेको छ । त्यहाँ १०/११ वटा घर, एउटा ग्यारेज, एउटा गाडी, एउटा ट्यांकर, सडक विभागको अलकत्रा बोक्ने एउटा ट्रक र बस बगाएको छ । त्यस्तै बाह्रबिसे नगरपालिका–८ जुरे नजिक भोटेकोशी नदीले १०० मिटर सडक कटान गरेको छ । सिन्धुपाल्चोककै बलेफी गाउँपालिका–७ मा पाँच वटा घर बगाएको छ ।
भोटेकोशी गाउँपालिका– ५ मै झ्यालेखोलाले ठाउँ ठाउँमा सडक कटान गरेको छ । बाढीले ल्याएको माटोका थुप्रिएका कारण कारण अरनिको राजमार्ग अवरुद्ध भएको डीएसपी काफ्लेले जानकारी दिए । बेपत्ताहरुको खोजी भइरहेको उनले बताए ।
काठमाडौं । कोभिड– १९ ले सिंगै विश्व ठप्प बनायो । ठूला अर्थतन्त्र भएका मुलुक त शिथिल बनेको बेला नेपाल अछुतो रहने कुरै भएन । विशेष त भारतीय सिमा जोडिएका क्षेत्रमा कोरोनाको कहर अझै बढी छ ।
पहिल्यैदेखी मधेशी समुदायमा जन्मिएका महिलाहरुलाई आर्थिक उपार्जनमा जोड्दै आएकी कलाकार सुनैना ठाकुरले यसपाली चित्रकला महिलाका पीडा प्रस्तुत गरिन् ।
‘लकडाउनमा म पनि घर भित्रै बसेँ तर, विनाकाम घरमै रमाउन सकिन कोरोना संक्रमणमा महिलाहरुले भोगेका पीडालाई क्यानभासमा उतारेँ ।’ सुनैनाले भनिन् ।

महोत्तरीको जलेश्वर नगरपालिकास्थित आफ्नै गाउँमा रमाइकी रहेकी सुनैनाले लकडाउन अवधिमा गर्भवती महिला, बालबालिकाहरु र मजदुरको पीड़ालाई चित्रकलामा उतारेकी छिन् ।
‘गर्भवती महिला यसै पनि पीडामा हुन्छन्, कोरोना संकटमा उनीहरु थप त्रासमा रहे त्यहि कुरा मैले क्यानभासमा उतारेँ ।’ सुनैनाको भनाई थियो ।
कोरोना संकटबाट जब पहिलो पटक सुत्केरी महिलाको मृत्यु भयो । उक्त घटनाले कतिपय गर्भबती महिलाहरुमा मानसिक त्रास बढेको अनुभव गरिन् सुनैनाले ।
कतिपय अस्पतालले कोरोना आशंकाको बहानामा सुत्केरी व्यथा लागेर अस्पताल पुगेका व्यक्तिलाई उपचार गर्नै मानेनन् । फोन गरेर बोलाउदा एम्बुलेन्स आउन नमानेको घटना त कति हो कति ।
जब मुलुकमा लकडाउन घोषणा भयो । सार्वजनिक यातायात ठप्प भयो । काम विषेशले यता उती लागेका महिला उतै थुनिए । जहाँ पुगेका थिए सँधै त्यहि बस्न सम्भव थिएन । कतिपय महिलाले हिंडेरै गन्तव्यमा पुग्ने प्रयाश गरे र सो क्रममा महिलाहरुले हिंसाको सामाना समेत गर्नु प-यो । सुनैना भन्छिन् ‘महिलाहरुले भोगेको यो कहरलाई दस्तावेजको रुपमा राख्नका लागि पनि तिनै महिलाको पीडा समेटेर चित्र कोर्न थालेँ ।’

सुनैनाको अनुभवले भन्छ ‘सामाजिक दुरी कायम गर्नुपर्ने वाध्यताले कोही कसैको घरमा जान नपाइने भयो । आफ्नो घरमा त्यो पनि कतिपय अवस्थामा एकान्त बस्नुपदा कतिपय महिलाले ज्यान समेत गुमाए ।’ विभिन्न सञ्चारमाध्यम मार्फत महिलाका यीनै समस्यावारे अनुसन्धान गरिरहेकी सुनैनाले ति पिडित महिलाका दुःखलाई चित्रमा उतारेकी छिन् ।
मधेशमा जन्मेकी सुनैनाले केबल चित्र कोर्न मात्रै काम गर्दिनन् । घुम्टोभित्रै जेलिएर घरभित्रै थुनिएका थुपै्र महिलाहरुलाई सिर्जनाको रंगीन संसारमा आउन बाटो देखाएकी छिन् । आफ्नो यो कदममा श्रीमान शम्भू ठाकुरले गरेको सहयोग कहिल्यै भुल्दिनन् ‘यदि मेरो श्रीमानले मलाई सहयोग गर्नु भएको थिएन भने म आज यो स्थानमा आउन सक्दिन थिएँ ।’ उनले भनिन् ।
जापान, अमेरिका, बांगलादेश लगायत दर्जनौँ विदेशी भूमिमा पुगे आफ्ना सिर्जना प्रस्तुत गरेकी सुनैनाले दर्जनौ अन्तराष्ट्रिय पुरस्कार पाएकी छिन् ।
हेटाैडा। सरकारले कोरोना भाइरस (कोभिड–१९) को गरेको लकडाउनको करिब साढे तीन महिनापछि शुक्रबार असार २६ गतेबाट जिल्ला भित्र मात्र सार्वजनिक यातायात खुला गरेको छ । सरकारले उपत्यकाका तीन जिल्ला काठमाडौं, ललितपुर र भक्तपुरभित्र र बाहिरका जिल्लामा सम्बन्धित जिल्लाभित्र मात्र सञ्चालन गर्न मिल्ने गरी सार्वजनिक सवारी साधन सञ्चालन गर्न दिने निर्णय गरेको हो । सरकारले छोटो दुरीका सवारी साधन सञ्चालन गर्न दिने निर्णय गरे पनि लामो दुरीको सवारी चलाउन अनुमति दिएको छैन ।
सरकारका प्रवक्ता, अर्थ, सञ्चार तथा सूचना प्रविधिमन्त्री डा. युवराज खतिवडाले मन्त्रिपरिषद्का निर्णय सार्वजनिक गर्दै बिहीबार छोटो दुरीका सार्वजनिक यातायातका साधन सञ्चालन गर्न दिने निर्णय भएको जानकारी दिए । सार्वजनिक यातायात सञ्चालकले सुरक्षाका मापदण्ड पूरा गरेर यातायात सञ्चालन गर्न सकिने उनको भनाइ छ ।
सरकारले सिट क्षमताको बढीमा आधा यात्रु राखेर छोटो दुरीको यातायात सञ्चालन गर्न दिने निर्णय गरेको हो । अब कुल संख्याको आधा मात्र सिटमा यात्रु राखेर बस सञ्चालन गर्न पाइने भएको छ । सिट क्षमता आधा मात्र प्रयोग हुने भएपछि भाडादर भने दोब्बर बढाइएको छ । अब सार्वजनिक यातायातमा ५० प्रतिशतसम्म भाडा वृद्धि हुने भएको छ ।
सार्वजनिक यातायात सञ्चालन गर्दा चालक र सहचालकले मास्क र पन्जा अनिवार्य लगाउनुपर्नेछ । ढोका र यातायातका साधनभित्र स्यानिटाइजर राख्नुपर्नेछ भने यात्रुले पनि मास्क अनिवार्य लगाउनुपर्ने नियम बनाइएको छ । सार्वजनिक यातायात सञ्चालन गर्दा सामाजिक दूरी कायम गर्न सिटको एउटा पंक्तिमा एक जना मात्र राख्न पाइने नियम छ ।
यस्तै, एक दिनमा कम्तीमा एकपटक अनिवार्य रूपमा यातायातका साधनलाई संक्रमणमुक्त पनि गर्नुपर्नेछ । सरकारले ट्याक्सीको हकमा चालकबाहेक दुई जनासम्म यात्रु राखेर सञ्चालन गर्न दिने निर्णय गरेको हो । एउटै परिवारका सदस्य भएको खण्डमा भने ५ वर्षमुनिका बालबालिकालाई राख्न दिइनेछ ।

ट्याक्सी पनि उपत्यकाको हकमा तीन जिल्ला र बाहिर जिल्लामा सम्बन्धित जिल्लाभित्र मात्र चलाउन पाइने प्रवक्ता खतिवडाले जनाएका छन् । सरकारले गत १० चैत २०७६ का दिन निर्णय गर्दै ११ चैत बिहान ६ बजेदेखि लकडाउन घोषणा गरेको थियो । पटक पटक थप गर्दै ३२ जेठ २०७७ सम्म लकडाउन लम्ब्याएको थियो । पछिल्लो पटक भने जोर–बिजोर प्रणाली लागू गरेर निजी सवारी साधन सञ्चालन गर्न अनुमति दिएको थियो । लकडाउनकाे अवधी अाउदाे साउन पहिलाे सातासम्म लागू गर्ने निर्णय गरेकाे सरकारले विस्तारै लकडाउन खुकुलेा पार्दै लाने नीति लिएकाेमा पछिल्लाे पटक सार्वजनिक यातायात जिल्ला भित्र सञ्चालन गर्न दिएकाे हाे । काेराना रोकथाम तथा नियन्त्रणका लागि शैक्षिक संस्था लगायतका भिडभाड हुने केही क्षेत्र भने खुलाइएकाे छैन ।