मकवानपुर/ बागमती प्रदेशमा पछिल्लो २४ घण्टामा १२ जनामा कोरोना संक्रमण पुष्टि भएको छ ।बागमती प्रदेश सामाजिक विकास मन्त्रालयका अनुसार पछिल्लो २४ घण्टामा काठमाडौंमा १० जना र चितवनमा २ जनामा कोरोना संक्रमण पुष्टि भएको हो ।
हालसम्म प्रदेशमा ९ सय ८ जनामा कोरोना संक्रमण भएको मन्त्रालयले जनाएको छ । मन्त्रालयका अनुसार प्रदेशको रसुवा जिल्लाका सबै (११ जना) कोरोना संक्रमितहरु निको भएर घर फर्केका छन् भने यस जिल्लामा पछिल्ला २४ घण्टामा नयाँ संक्रमित भेटिएको छैनन् ।
हालसम्म प्रदेशको काठमाडौंका २ सय ७६, ललितपुरका ८१, भक्तपुरका ५१, नुवाकोटका ३६, धादिङ १ सय ३०, चितवन १ सय २१,सिन्धुली २४,मकवानपुर ४३, रामेछाप ३५, दोलखा १०, काभ्रेपलाञ्चोक २१ र सिन्धुपाल्चोकका ६९ जनामा कोरोना संक्रमण भएको पुष्टि भएको मन्त्रालयको तथ्याङ्कमा उल्लेख छ ।
कोरोनाको कारण देशभर ४४ जनाको मृत्यु भएकोमा यस प्रदेशको १० जना रहेको मन्त्रालयका प्रवक्ता डा. पुरुशोतम राज सेढाईंले बताए । हाल यस प्रदेशमा ३ सय १७ जना आइसोलेशनमा रहेको मन्त्रालयले जनाएको छ ।
हेटौंडा । नेपाली कांग्रेसका संस्थापक तथा नेपालका पहिलो जननिर्वाचित प्रधानमन्त्री बीपी कोइरालाको ३८ औं स्मृति दिवसमा मंगलबार नेपाली कांग्रेस मकवानपुरले रक्तदान कार्यक्रम गरेको छ ।
नेपाली कांग्रेसकी केन्द्रीय सदस्य महालक्ष्मी उपाध्याय डिना तथा कांग्रेस बागमती प्रदेश संसदीय दलका नेता एवं कांग्रेस मकवानपुर सभापति ईन्द्रबहादुर बानियाँले ब्लड ब्याग दिएर उद्घाटन गर्नुभएको कार्यक्रममा ३० जनाले रक्तदान गरेका थिए ।
जननायक बीपी कोइरालाको स्मृति दिवसमा आयोजित रक्तदान कार्यक्रममा नेकपाका जिल्ला सल्लाहकार रामचन्द्र कार्की र प्राध्यापक दीपेश खड्की नेपाली कांग्रेसमा प्रवेश गर्नुभएको छ । नवप्रवेशीलाई कांग्रेस केन्द्रीय सदस्य डिना र कांग्रेस बागमती प्रदेश संसदीय दलका नेता बानियाँले सदस्यता दिंदै खाँदा तथा टिका लगाएर पार्टीमा स्वागत गर्नुभएको थियो ।
बीपीको १९७१ साल भदौ २४ गते भारतको वनारसमा जन्म भएको थियो भने २०३९ साल साउन ६ गते क्यान्सरबाट निधन भएको थियो । जीवनभर प्रजातन्त्रका लागि लडेका बीपी शालीन, सुझबुझ र गम्भीर चिन्तन, अदम्य साहसी नेता थिए । उनी भारतीय स्वतन्त्रता आन्दोलनमासमेत सहभागी भई भारतीय नेताहरूसँगै जेल परेका थिए ।
नेपालको प्रजातान्त्रिक समाजवादी आन्दोलनका प्रतीक मानिने बीपी तत्कालीन नेपालमा अन्तर्राष्ट्रिय पहिचान बनाउन सफल राजनीतिक व्यक्तित्वका रूपमा समेत चिनिन्थे । २०३४ सालमा मेलमिलापको नीति लिएर नेपाल फर्किएका बीपीले त्यसपछि भने सम्पूर्ण राजनीतिक दलको नेता बन्ने अवसर पाए ।
कार्यक्रममा कांग्रेस बागमती प्रदेश संसदीय दलकी प्रमूख सचेतक राधा घले, कांग्रेस मकवानपुरका प्रमूख सल्लाहकार माईकल रामचन्द्र अर्याल, जिल्ला सचिवद्वय बुद्ध लामा र आनन्द कठायत, कोषाध्यक्ष गोपीलाल विश्वकर्मा, सल्लाहकार उमा दाहाल, भरत पुराजुली प्रवक्ता प्रदिप कोइराला, थाहा नगरका उपमेयर एवं जिल्ला सदस्य खड्ग गोपाली, हेटौ.डा उपमहानगर सभापति आनन्दराम पराजुली, बकैया गाउँपालिका प्रमूख दामोदर खनाललगायत जिल्ला कार्यसमितिका सदस्यहरु, भातृ तथा शुभेच्छुक संघसंस्थाका पदाधिकारी एवं सदस्यहरुको उपस्थिति रहेको थियो ।
हेटौँडा । अविरल वर्षाका कारण काठमाडौँ–हेटौँडा जोड्ने छोटो दूरीको मदन भण्डारी राजमार्गअन्तर्गत भीमफेदी–कुलेखानी सडकखण्डमा पहिरो जाँदा सवारी आवागमन अवरुद्ध भएको छ।
भीमफेदी गाउँपालिकाको गढी नजिकै गए राती पहिरो जाँदा सवारी आवागमन बन्द भएको इलाका प्रहरी कार्यालय भीमफेदीका प्रहरी निरीक्षक सुरेन्द्र श्रेष्ठले जानकारी दिए। अहिले ठूलो पानी परिरहेकाले तत्कालै पहिरो पन्छाउन पनि समस्या भएको उनले जनाएको छ ।
काठमडौँ–कुलेखानी–भीमफेदी–हेटौँडा सडक पहिरोका कारण अवरुद्ध भएपछि अहिले गाडीहरु त्रिभुवन राजपथ भएर सञ्चालन भइरहेका छन्।
हेटौडा । शनिबार एक सय तीन जना कोरोना संक्रमित डिस्चार्ज भएका छन् । याे कोरोना संक्रमितको ६६.२३ प्रतिशत हाे । हालसम्म ११ हजार ६ सय ३७ डिस्चार्ज भएका स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले वताए ।
प्रादेशिक तथ्यांकअनुसार प्रदेश १ मा सात सय ४९ जना डिस्चार्ज भएको छन् । प्रदेश २ मा दुई हजार ६ सय ३३ जना, बागमती प्रदेशमा चारस सय ३२ जना, गण्डकी प्रदेशमा नौ सय ४६, प्रदेश ५ मा तीन हजार सात सय १५, कर्णाली प्रदेशमा एक हजार चार सय ९२ जना, सुदुरपश्चिम प्रदेशमा एक हजार ६ सय ७० जना छन् ।
मन्त्रालयका प्रवक्ता डा. जागेश्वर गौतमका अनुसार शनिबार थप ५७ जनामा संक्रमण पुष्टि भएको छ । यो संगै संक्रमितको संख्या १७ हजार पाँच सय दुई जना पुगेको छ ।
हेटौँडा । हेटौँडाका गायक शकुल विश्वकर्माको “च्याप्प समाई” गीत तथा म्युजिक भिडियो सार्वजनिक भएको छ । आज उनको अफिसियल युटुब च्यानल मार्फत गीतको म्युजिक भिडियो समेत सार्वजनिक गरिएको हो । हेटौँडा आसपास छायांकन गरिएको गीतको संगित तथा रचना स्वय्म शकुलकै रहेको छ भने उक्त गीतलाई हेटौँडामा रहेको आफिया रेकडिङ स्टुडियोमा रेकर्ड गिरएको हो ।

गितमा अमृत विश्वकर्माको एरेन्ज रहेको छ भने गितको म्युजिक भिडियोलार्ई अजय वाईवाले निर्देशन तथा सम्पादन गरेका हुन् म्युजिक भिडियोमा शकुलको साथमा अञ्जली रसाईली, अमृत विश्वकर्मा तथा डिजे लामाले अभिनय गरेका छन् । म्युजिक भिडियो सार्वजनिकपछि प्रतिक्रिया दिँदै शकुलले आफुले यो गितमा सक्दो मेहनत गरेको बताए । मकवानपुर आसपासको चिनारी सहित गितको छांयाकन गरिएको भन्दै उनले आफ्नो गितलाई सबैले सुनिदिन तथा हेरिदिनको लागि अनुरोध समेत गरे ।
हेर्नुहाेस भिडियाे