मकवानपुर । मानव बेचबिखन पीडित प्रभावितहरुको उद्वार स्वदेश फिर्ती पुनर्स्थापना बारे समन्वय बैठक हेटौंडामा भएको छ ।
बैठकमा सहभागीहरुले कामको सिलसिला भोग्दै आएको चुनौतीबारे छलफल गरिएको थियो । एटविनको आयोजनामा भएको कार्यक्रम स्वदेश फिर्तीपछि प्रभावितको व्यवस्थापनमा चुनौती रहेको बताएका थिए । कोरोना भाइरस (कोभिड-१९) को समयमा स्वदेश फिर्ता ल्याईएका सबैजसो महिलाको बच्चा साथमा रहेको, बालबालिकाको पहिचानको समस्या भएको बारे एटविनको महासचिव बालकुमारी दर्लामीले बताइन् ।
मानव बेचबिखन, बलात्कार जस्ता घटनाबाट प्रभावितहरुलाई उद्वारको क्रममा अधिकारकर्मीहरु आफै पनि समस्यामा पर्नु परेको मान अधिकार संरक्षण तथा मानव बेचबिखन बिरुद्धको सन्जाल मकवानपुरको सह संयोजक माया लामाले बताइन् । आन्तरिक बेचबिखनको समस्या सबैभन्दा चुनौतीको रुपमा रहेको उनले बताइन् । उद्वार तथा फिर्तीपछी ल्याईएका प्रभावितहरुलाई संरक्षणमा समस्या भएको उनले बताइन् । सन्जाल भित्र काउन्सिलर, अधिवक्तालगायत सबैको उपस्थिति भएकोले काम गर्न सहज भएपनि न्यायको पाटोमा कठिनाइ भोग्नु परेको उनले बताइन् । न्यायको क्रममा मुद्दा दर्ता गर्नै नसकिने, दर्ता भए पनि होस्टाइल हुने जस्ता समस्या भएको उनले बताइन् ।
फिर्तीपछि समाजमा पुनर्स्थापना हुन असहज हुने गरेको , सन्तानको पहिचान नभएको, क्षेतिपुर्तीको प्रक्रिया झन्झटिलो भएको उनले बताइन् । प्रभावितको अभिभावकले घटना बाहिर ल्याउँदा परिवारको अन्य सदस्यको इज्जतमा समस्या हुने भन्दै पिडकलाई कानुनी दायरामा ल्याउन नचाहने गरेको लामाले बताइन् ।
विद्यालयको ड्रप आउट बढेको र उनीहरु पीडित प्रभावित हुनसक्ने अवस्थामा रहेको सहभागीले बताए । कार्यक्रममा बेचविखनबाट प्रभावित भएर फर्केकाहरुलाई समाजमा सम्मानपुर्वक पुनस्थापना गराउने बारे विद्यालय स्तरको पाठ्यक्रममा पनि समाबेश गराउनु पर्ने जस्ता सवाल उठाईएको थियो ।
कार्यक्रममा एटविनको अध्यक्ष नातीसरा राईले राज्यबाट जिम्मेवारीपुर्ण भूमिका निर्वाह गर्नुपर्ने बताइन् । कार्यक्रम मकवानपुरमा रहेर मानव बेचबिखन बिरुद्व तथा पीडित प्रभावितको पक्षमा कार्यरत संघसंस्थाहरु प्रमुख प्रतिनिधिहरुको सहभागिता रहेको थियो । प्लान नेपालको आर्थिक सहयोगमा मानव बेचबिखन विरुद्व सक्रिय संस्थाहरुको सन्जाल एटविन समन्वय बैठक गरेको हो । बैठकबाट प्राप्त सुझावलाई संकलन गरि नीति निर्माण तहमा सरकारलाई प्रदान गरिने बताइएको छ ।
मकवानपुर । बागमती प्रदेशका मुख्यमन्त्री डोरमणि पौडेलविरुद्ध अविश्वासको प्रस्ताव दर्ता भएको छ । प्रदेशका तीन जना मन्त्री सहित ४६ जना सांसदले हस्ताक्षर गरेर मुख्यमन्त्रीका विरुद्धमा अविस्वासको प्रस्ताव प्रदेश सभा भबन हेटौंडामा शुक्रबार दर्ता गरिएको हो । नेकपा प्रदेश संसदीय दलका उपनेता शालिकराम जम्कट्टेल प्रस्तावक र सांसद अरुण नेपाल समर्थक रहि अविश्वासको प्रस्ताव दर्ता भएको हो ।

त्यस्तै बागमती प्रदेश सरकारका ३ मन्त्रीले राजीनामा दिएका छन् । राजीनामा दिनेमा आन्तरिक मामिला तथा कानून मन्त्री शालिकराम जम्कट्टेल, उद्योग, पर्यटन वन तथा वातावरण मन्त्री अरुण नेपाल र सामाजिक विकास मन्त्री युवराज दुलाल रहेका छन् ।
प्रचण्ड माधव नेपाल समुहले बागमती प्रदेशमा अष्टलक्ष्मी शाक्यलाई मुख्यमन्त्रीको प्रस्ताब गरेको छ । नेकपाको विभाजन पुर्व नेकपा बागमती प्रदेशकी इन्चार्ज समेत रहेकी शाक्यलाई संसदीय दलको नेता सहित मुख्यमन्त्रीको लागि प्रस्ताब गर्दै आज बागमती प्रदेशसभा सचिवालयमा अविश्वासको प्रस्ताव पेश भएको सांसद जम्कट्टेलले बताए । पार्टीको सिनियर नेता अष्टलक्ष्मी शाक्यलाई संसदीय दलको नेता सहित मुख्यमन्त्रीको प्रक्रिया अघि बढाएका छौ उनले भने ।

बागमती प्रदेशसभा ११० सदस्यीय छ । सरकार सन्चालनका लागि ५६ सिट चाहिन्छ । नेकपाका सांसद मात्रै ८० जना छन् । तीमध्ये प्रचण्ड–माधव नेपाल पक्षीय सांसदको संख्या ४६ छ । केपी शर्मा ओली निकट सांसद ३४ जना छन् । कांग्रेस २२, विवेकशील साझा ३ र अन्य ५ जना सांसद बागमती प्रदेशमा छन् ।
अविश्वासकाे प्रस्ताव र हस्ताक्षर गर्ने सांसदहरू


मकवानपुर । नेपालमा पछिल्लो २४ घण्टामा थप ७ सय ४२ जना कोरोना भाइरस संक्रमण पुष्टि चएको छ । योसंगै कुल संक्रमितको सख्या २ लाख ५४ हजार ५ सय १४ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै सोमबार १ हजार ७१ जना कोरोना संक्रमणमुक्त भएका छन् । आजसम्म २ लाख ४४ हजार ७ सय ४३ जना संक्रमणमुक्त भएको स्वास्थ्य मन्त्रालयले जारी गरेको विज्ञप्तीमा उल्लेख छ ।
यस्तै पछिल्लो २४ घण्टामा थप ७ जना कोरोना संक्रमितको मृत्यु भएको छ। यससँगै नेपालमा कोरोना भाइरसको संक्रमणबाट ज्यान गुमाउनेको संख्या १ हजार ७ सय ९५ पुगेको छ।
हाल देशभर ७ हजार ९ सय ७६ जना सक्रिय संक्रमित रहेका छन् भने ४ सय २१ जना क्वारेन्टिनमा रहेको स्वास्थ्री मन्त्रालयले जनाएको छ ।
मकवानपुर । मकवानपुरको विकट राक्सिराङ गाउँपालिकाका विभिन्न स्थानमा लगाइएकाे गाँजा फडानी गरिएको छ । राक्सिराङ गाउँपालिका वडा नम्बर ३ को लावती लगायतका स्थानहरुमा १५ विगाहामा अबैध रुपमा लगाइएको लागुऔषध गाँजा खेती फडानी गरी नष्ट गरिएको जिल्ला प्रहरी कार्यालय मकवानपुरका प्रवक्ता प्रहरी नायब उपरिक्षक इन्द्रबहादुर रानाले जानकारी दिए।

जिल्ला प्रहरी कार्यालयका प्रहरी निरीक्षक अविनाश अधिकारी र इलाका प्रहरी कार्यालय मनहरीबाट प्रहरी निरीक्षक बिनोद श्रेष्ठको कमाण्डमा खटिएको ६० जना प्रहरी टोलीले बारीमा लगाइएको हरियो गाँजा नष्ट गाँजा नष्ट गरेको रानाले बताए ।
मकवानपुर । मकवानपुरमा बिभिन्न पार्टी परित्याग गरी १३ जना कांग्रेसमा प्रवेश गरेका छन् । कांग्रेस प्रवेश गर्नेहरुमा बैद्य माओवादी समूहका मकवानपुर जिल्ला तदर्थ समिति संयोजक एवं दलित संघका केन्द्रीय सदस्य तथा नेकपा र राप्रपाका १३ जना रहेका छन् ।
नेपाली कांग्रेस बागमती प्रदेश संसदीय दलका नेता एवं मकवानपुर पार्टी सभापति ईन्द्रबहादुर बानियाँको निवासमा भएको पार्टी प्रवेश कार्यक्रममा बैद्य माओवादीका जिल्ला तदर्थ समितिका संयोजक कैलाश गाउँपालिका ९ का हरि विश्वकर्मा नेपाली कांग्रेसमा प्रवेश गरेका हुन् ।
त्यसैगरी भीमफेदी गाउँपालिका १ का नेकपाका सक्रिय कार्यकर्ता ज्ञानु लामा, अमिर लामा, विजय लामा, दावा लामालगायत नेकपा र राप्रपाका १० जना नेपाली कांग्रेसमा प्रवेश गरेका छन् ।
यस्तै नेता बानियाँ निवासमै भएको पार्टी प्रवेश कार्यक्रममा हेटौंडा उपमहानगरपालिका ८ का हरिबहादुर बस्नेत र विक्रम योञ्जन नेपाली कांग्रेसमा प्रवेश गरेका छन् ।
नवप्रवेशीलाई नेता बानियाँ, कार्यबहाक सभापति विष्णुप्रसाद लामिछाने, जिल्ला सदस्य मिलन परियार लामालगायतले टिका तथा खादा लगाएर पार्टीमा स्वागत गरेका थिए ।