मकवानपुर । लैङ्गिक समानताको लागि पुरुष सहभागिता संजाल मकबानपुरले अन्तरक्रिया गरेकाे छ । लैङ्गिक हिंसा अन्त्य र लैङ्गिक समानताको लागि ममवानपुरका स्थानिय जनप्रतिनिधिहरुसँग अन्तरक्रिया गरिएकाे हाे । मकबानपुर जिल्लाको मकबानपुरगढी गाँउपालिका, बागमति गाँउपालिका र राक्सिाराङ्ग गाँउपालिकाको जनप्रतिनिधिहरुसँग लैङ्गिक समानताको लागि कार्यक्रम गरेकाे थियो ।
लैङ्गिक समानताको लागि पुरुष सहभागिता संजाल मकबानपुरका संयोजक प्रकाश खतिवडाको सभाध्यक्षतामा भएको कार्यक्रममा उनले मेन ईगेज एलायन्सले सामाजिक न्याय को बकालत गर्दै महिलालाई अग्रभागमा राखेर महिलाको हिंसा अन्त्य तथा संबिधानमा उल्लेखित महिला अधिकार स्थापितका लागि कृयाशिल हुने कार्य गर्ने बताए ।
यसका साथै यौनिक तथा लैङ्गिक अल्पसंख्यक को अधिकार स्थापित, अपाङ्गता भएकाहरुको समाजिक सुरक्षाको प्रत्याभूती दिलाउन र तमाम लैङ्गिक असमानता हटाउन स्थानिय सरकार संचालन ऐन अनुरुप पालिकाले गर्न सक्ने भूमिकाको बारेमा बताउँदै खतिवडाले लोकतान्त्रीक नेपालमा पालिकाका जनप्रतिनिधिहरुको कर्तब्यको बारेमा बोध समेत गराएका थिए ।
यौनिक तथा लैङ्गिक अल्पसंख्यकको अधिकारमा कार्यरत फ्रेन्डस हेटौडाका प्रतिनिधि एबं एलायन्सका सदस्य किरण थापाले यौनिक तथा लैङ्गिक अल्पसंख्यकले भोगिरहेको अपमान र हेलाका साथै बिभिन्न समस्याहरु बाट ग्रसित हुदै स्थीति भयाबह हुदै गएकोले सरकारले बेलैमा समाधान गर्न आग्रह गरे ।

नारि सिप सृजना केन्द्रका कार्यकारी निर्देशक एबं एलायन्सका सदस्य चिरन्जीबि पौडेलले लैङ्गिक समानताको लागि पुरुष सहभागिताको औचित्यको बारेमा, पत्रकार एबं एलायन्सका सदस्य सुरेश श्रेष्टले लैङ्गिक समानताको लागि पत्रकार गर्न सक्ने योगदानको चर्चा गरेका थिए। यसैगरि एस्थर बेन्जामिनका प्रतिनिधि एबं एलायन्सका सदस्य बुद्ध लामाले सिमान्तकृत किशोरिहरुको शिक्षाको अबस्था खस्कीरहेको अबस्थाको बारेमा चित्रण गरेका थिए ।
कार्यक्रममा राक्सिराङ्ग गाउपालिकाको सदस्य सुरेश घलान, बागमति गाँउपालिकाका सदस्य मठु पुलामी मगर , गढि गाँउपालिकाका सदस्य गणेशमान गोले न्यायिक समतिका अधिबक्ता रामशरण लामिछाने , हेटौडा उपमहानगरपालिका कार्यपालिकाको सदस्य कल्पना बिश्वकर्मा लगायतले अब पालिका पालिकाहरुले लैङ्गिक समानता र समाजिक न्यायको लागि मिहिन ढंगले लाग्नु पर्ने औल्याउदै यस तर्फ पालिकाको कार्ययोजना र बजेट बिनियोजन गर्न क्रियाशील हुने प्रतिबद्धता जाहेर गरेका थिए ।
नारी सीप सृजना केन्द्रकी अध्यक्ष सरस्वती बर्तौलाले लैङ्गिक समानताको लागि संजाल गठन हुनु र संजालले कार्य प्रारम्भ गर्नु सकारात्मक कार्य भएकोले सस्थाले संजाललाई कार्यक्रम संचालन र अन्य सहयोग, समन्वय र सहकार्य गर्ने बताइन ।
कार्यक्रममा महिलाजागरण समुहनगर सदस्य दुर्गा नेपाल,र राधिकाचौलागाई लगायतको उपस्थिति रहेको थियो ।
मकवानपुर । हेटौंडाको जारी स्थानीय तह शहीद स्मृति गोल्डकप प्रतियोगितामा आज शुक्रबार नेपाल आर्मी क्लब र जावालाखेल युथ क्लब, काठमाडाैं भिड्ने भएका छन् । हेटाैडाकाे वनविज्ञान अध्ययन संस्थानको खेलमैदानमा हुने प्रतियोगिता अन्तरगतकाे आजजकाे खेल दुई बजेबाट सुरु हुने आयाेजकले जानकारी दिएकाे छ ।
हेटौंडामा विहीबारबाट सुरु भएको स्थानीय तह शहीद स्मृति गोल्डकप प्रतियोगिताकाे उद्घाटन खेलमा रिगल हेटाैडा रिसाेर्ट मकवानपुर-११ ले विजयी सुरुवात गरेको थियाे । नवजनजागृती युवा क्लब सिमरालाई ४-१ गोल अन्तरले हराउँदै मकवानपुर-११ ले अन्तिम चारमा स्थान पक्का गरेको हो ।
नकआउटका आधारमा हुने प्रतियोगिता चैत ७ गते सम्म चल्नेछ भने प्रतियोगितामा १० टोलिको सहभागिता रहेको छ । प्रतियोगिताको विजेता टोलीले ट्रफिसहित नगद १० लाख प्राप्त गर्नेछ भने उपविजेता हुने टोलीले ट्रफिसहित नगद ५ लाख प्राप्त गर्ने आयोजकले जनाएका छ ।त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोउत्कृष्ट हुने खेलाडीले बुलेट बाईक,नगद ट्रफिसहित नगद ५० हजार प्राप्त गर्नेछन् ।
गोल्डकपमा नेपाल आर्मि क्लब,नेपाल एपिएफ क्बल, नेपाल पुलिस क्लब, मच्छिन्द्र क्लब, संकटा क्लब, जावलाखेल युथ क्लब काठमाडौंसहित मकवानपुर–११, नव जनजार्गती युवा क्लब सिमरा, बागमती युवा क्लब सर्लाही र एक विदेशी टिम सहित १० टिम सहभागि रहेका छन् ।
मकवानपुर । संसद विघटन सम्वन्धि अस्पष्टता हटाउन सर्वोच्चले थप व्याख्या गर्नु पर्ने राष्ट्रिय प्रजातन्त्र पार्टी (राप्रपा) का अध्यक्ष कमल थापाले बताएका छन् । गृहजिल्ला मकवानपुरमा टोल-टोलमा राप्रपाले अभियान संचालन गरिरहेकाेमा थापाले मंगलबार हेटाैंडा १३ पदमपोखरिमा आयोजित कार्यक्रमलाइ सम्बाेधन गर्दै सर्वोच्चको फैसलालाई सबैले मान्नु पर्ने बताएका छन् ।
‘प्रधानमन्त्री केपी ओलीको स्वेच्छाचारी कदमको अन्त्यको निमित्त नयाँ जनादेशमा जानकाे लागि चुनाब आवश्यक छ’ अध्यक्ष थापाले भने –‘राजनीतिक रूपमा शान्ति र स्थिरताको निमित्त चुनाव उत्तम विकल्प हाे ।’
थापाले भने बिगत १४ बर्षको राजनितीक रोडम्यापले निकास दिन नसक्ने भएकोले त्रुटिपूर्ण मार्गचित्र सच्याउनु पर्ने बताउँदै स्वाधिन ,सबल र समुन्नत नेपाल निर्माणको सपना पूरा गर्न अब नयाँ ढंगले अघि बढ्नु पर्ने बेला अाएकाे छ । निशेधको राजनिती परित्याग गर्नुपर्छ उनले भने, ‘अपवित्र गठवन्धन बनाएर काग्रेसले सत्ताको लोभ देखायो भने काँग्रेस पनि जनताको नजरबाट खस्नेछ ।’
गणतन्त्र, धर्म निरपेक्षता र संघीयता बिदेशीको एजेन्डा भएकोले त्यो भारी बिसाउनु पर्ने उनको धारणा थियो। ‘बिदेशिको भरिया बन्ने होइन, अब मौलिक किसिमको राज्य ब्यबस्था र प्रणाली कायम गरौ , जुन सहमतिको आधारित होस’ थापाले भने । भ्रष्टाचार, बेरोजगारी र धर्मपरिबर्तनले मुलुकलाई थप अधोगती तर्फ लैजाने भन्दै थापाले यो दुष्चक्रको अन्त्य जरुरी भएको बताए ।
कार्यक्रममा बोल्दै नेता मधु अधिकारिले काङ्ग्रेस कम्युनिस्ट असफल भएकोले राप्रपा अब जनताको छनौट हुनुपर्ने भएको भन्दै संगठन सुदृढीकरणमा जोड दिए । कार्यक्रममा नेताहरु राजाराम बर्तौला, गुरु सापकोटा, इन्दिरा डल्लाकोटी, गुन्जन न्यौपाने, कृष्ण मैनाली, दामोदर वाग्ले, भबनाथ दुलाल, चन्द्र लामा, किशोर मैनाली ,भृगु कार्की लगायतको उपस्थिति थियो ।
मकवानपुर । पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष बाबुराम भट्टराई स्वास्थ्योपचारका लागि भारतको नयाँ दिल्ली जाँदैछन । उनी आज नेपाल वायुसेवाको जहाजबाट भारतको नयाँ दिल्ली जान लगेका हुन ।
भट्टराईको पेटमा समस्या देखिएपछि लामो समयदेखि काठमाडौंको निदान अस्पतालमा परीक्षण तथा उपचार गराउँदै आएका थिए । अहिले चिकित्सकहरुले न्युरो-इन्डोक्राइनको ट्युमर ( Neuroendocrine Tumour )भएको आशंका गरी सल्लाह र सिफारिश गरेकाले उनी दिल्लीमा त्यसको उपचारका लागि जान लागेका हुन। दिल्लीमा ‘इन्स्टिच्युट अफ लिभर एण्ड बिलिअरी साइन्सेस’मा उनको उपचार हुनेछ ।
उपचारका लागि दिल्लीमा रहँदा उनको बसाइ त्यहाँस्थित नेपाली दूतावासमा हुनेछ । उनीसँग पूर्वमन्त्री तथा नेतृ हिसिला यमी र जनता समाजवादी पार्टीका केन्द्रीय सदस्य तथा प्रेस सल्लाहकार विश्वदीप पाण्डे रहनेछन ।
मकवानपुर । मकवानपुर प्रहरीले २० किलो लागुऔषध गाँजासहित एकजनालाई मंगलबार पक्राउ गरेको छ । जिल्ला प्रहरी कार्यालय मकवानपुरबाट प्रहरी सहायक निरीक्षक शिवराज गुरुङको कमाण्डमा खटिएको प्रहरी टोलीले हेटौंडा–३, लेवटबाट मंगलबार पर्सा जिल्ला बीरगन्ज महानगरपालिका–३२ का १९ वर्षीय सञ्जय महतोलाई लागूऔषध गाँजासहित पक्राउ गरिएकाे हाे ।
शंकास्पद अवस्थामा बीरगन्जतर्फ जाने गाडी कुरिरहेका महतोको साथमा रहेको झोला चेकजाँच् गर्दा लागुऔषध गाँजा २० केजी बरामद भएको प्रहरीले जनाएकाे छ । महतोलाई नियन्त्रणमा लिएर थप अनुसन्धान गरिरहेको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक इन्द्र बहादुर रानाले बताए ।
यस्तै मकवानपुर प्रहरीले मंगलबार नै एकजना फरार प्रतिवादीलाई पक्राउ गरेको छ । जिल्ला अदालत मकवानपुरले २०७५ साल भदौ २५ गते चेक अनादर मुद्दामा दोषी ठहर भई फरार भएकी हेटौंडा–१ की ५५ वर्षीया कमला श्रेष्ठलाई प्रहरीले पक्राउ गरेको प्रवक्ता रानाले जानकारी दिए ।