मकवानपुर । मकवानपुरको बागमतीमा सुरु चौथो बागमती गोल्डकप फुटबल प्रतियोगितामा नव जनजागृति युवा क्लब सिमराले बिजयी शुरुवात गरेको छ । बागमती-८ जनता माबिको खेल मैदानमा भएको उद्घाटन खेलमा आयोजकलाई ३-१ ले हराउदै सिमराले बिजयी सुरुवात गरेको हो ।
सिमराको जितमा दोस्रो हाफको १६ र २३ औं मिनेटमा जर्सी नम्बर १८ का एलोन राइले दुई गोल गरे । त्यस्तै थप एक गोल भने १४ नम्बर जर्सि सुशान्त तामाङले २८ औं मिनेटमा गरे । आयोजकका तर्फबाट जर्सी नम्बर १२ का उमेश लोप्चनले दोस्रो हाफको ३० औं मिनेटमा पेनाल्टीबाट सान्त्वना गोल गरेका थिए । त्यस पछिको खेलमा अग्रता लिन नसक्दा आयोजकले १ गोल मै चित्त बुझाउनु परेकाे छ ।
खेलको म्यान अफ दि म्याच सिमराका जर्सी नम्बर १८ का एलोन राई घोषित भएका छन् । उनले पुरस्कार स्वरुप नगद ५ हजार समेत प्राप्त गरे । प्रतियोगिता अन्तरगत १५ गते आइतबारको खेल रिगल हेटौंडा रिसोर्ट र एपीएफ नेपाल काठमाडौबीच हुने आयोजकले जनाएको छ ।

खेलको उद्घाटन नेकपा (माओवादी केन्द्र ) स्थायी कमिटी सदस्य तथा पूर्व गृहमन्त्री जर्नादन शर्मा( प्रभाकर)ले गरेका हुन । खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियोगिताको फाइनल खेल चैत्र २३ गते हुनेछ ।
प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ । प्रतियाेगितामा बागमती खेलकुद विकास समिति, नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका छन ।
यस अघी भएकाे पहिलो बागमती गोल्ड कप को उपाधी हरिहरपुर गाउँपालिका, सिन्धुली तथा दोस्रो र तेस्रो बागमती गोल्ड कपको उपाधी सरस्वती क्लब काठमाडौं ले पोल्टामा पारेका थिए ।
मकवानपुर । राष्ट्रिय प्रजातन्त्र पार्टिका अध्यक्ष कमल थापाले ताजा जनादेशको लागि चुनाबमा जानुपर्ने बताएका छन् । उनले वैशाखमा हुने पार्टीको महाधिवेशनबाट ताजा जनादेश र संकटबाट मुक्तीको नारा सहित जनताको माझ जाने भन्दै चुनाबबाटै पार्टीलाई स्थापित गर्ने प्रयास रहने बताए ।
गृह जिल्ला मकवानपुरमा पार्टिको जिल्ला परिषद बैठकलाई संबोधन गर्दै अध्यक्ष थापाले एमाले र माओवादी बिचको फुटपछि सत्ताको लागि भइरहेको कसरत अपवित्र भएकाे बताएका हुन् । अब अपवित्र गठबन्धन होइन चुनाबबाट मात्र देशको संकट टर्ने दावी समेत थापाले गरेका छन् ।
‘परिवर्तन पछि १४ बर्षको गलत राजनीतिक अभ्यासले गर्दा नेपालको इतिहासमा डरलाग्दो भ्रष्टाचारको दलदलमा मुलुक फसेको छ’ उनले भने ‘ सत्ता र प्रतिपक्ष दुबै भ्रष्टाचार र लुटको पक्षमा देखिएका छन् । ’
यसैगरी अध्यक्ष थापाले अाफ्नाे पार्टी नफुट्ने बताएका छन् । उनले पार्टी एकतालाई टुट्न नदिनका लागि दुई अध्यक्षहरु पशुपति शमशेर राणा र प्रकाशचन्द लोहनीलाई गिता छोयर कसम खान लगाएको समेत स्मरण गर्दै पार्टी एकता नफुट्ने दाबी गरेका हुन् । नँया नेपाल निर्माण गर्ने, शान्ती र स्थायीत्व कायम गरेर आर्थिक लक्ष्य बोकेर यात्रा सुरु गरेको अवस्थामा अहिले हामी ठिक विपरित गन्तव्य आईपुगेका छौ उनले भने ।
उनले देशमा २०६२/६३को परिर्वतन पछि अबलम्बन गरिएको अवधारणा र मार्गचित्रबारे पुर्नविचार गर्नुपर्ने र धर्मनिरिपेक्षता,गणतन्त्र र संघियताबारेमा खुला बहस गर्नुपर्ने बताए । उनले राजासहितको प्रजातन्त्रले देशमा विकास समृद्धि आउने बताए । अध्यक्ष थापाले कम्युनिस्ट र कांग्रेस असफल भएको भन्दै देशमा शान्ति र स्थाईत्व,आर्थिक समृद्धको लक्ष्य हासिलको लागि राप्रपा बलियो शक्तिको रुपमा अघि बढ्ने दाबी गरेका थिए ।
यसै बीच राप्रपा मकवानपुरको जिल्ला परिषद् बैठकबाट गुरु प्रसाद सापकोटाको अध्यक्षतामा २५ सदस्यीय जिल्ला कार्य समिती निर्बिरोध निर्बाचित भएका छन् ।

शुक्रबार हेटौंडामा भएको राप्रपा मकवानपुर जिल्ला परिषदबाट सापकोटाको अध्यक्षतामा २५ सदस्यीय जिल्ला समिति सर्वसम्मत चयन गरेको हो ।
यसअघि सापकोटा हेटौंडा उपमहानगर अध्यक्ष थिए । शुक्रबार राप्रपा अध्यक्ष कमल थापाको उपस्थितिमा राप्रपा मकवानपुरको जिल्ला परिषद् सम्पन्न भएको हो । राप्रपा जिल्ला समितिको सदस्यमा अर्जुनप्रसाद गौतम, मीठाराम खड्का, अम्बिका खतिवडा, सीता दाहाल, सुन्दर कुँवर, सरस्वती थिङ लगायत चयन भएका छन् ।
जिल्ला समितिमा निर्वाचित सदस्यको २५ प्रतिशतसम्म मनोनित गरिने नवनिर्वाचित अध्यक्ष सापकोटाले बताए । पार्टीको जिल्ला समितिको पदाधिकारीहरु पछि चयन गरिने भएकाे छ ।
मकवानपुर । शुक्रबार मकवानपुर क्याम्पसमा एक कार्यक्रम बिच ८१ सदस्यीय अनेरास्ववियु मकवानपुर जिल्ला कमिटीको पुनर्गठन गरिएको छ। पुनर्गठित अखिल नेपाल राष्ट्रिय स्वतन्त्र बिधार्थी युनियन (अनेरास्ववियु ) मकवानपुर जिल्ला कमिटीको अध्यक्षमा अरुण बर्तौला चयन भएका छन् ।
लामो समय देखिको साङ्गठनिक शून्यतालाई हटाउदै विद्यार्थी इन्चार्ज मिना लामा, नेकपा एमाले जिल्ला कमिटी सचिवालय सदस्य ईश्वर ढुङ्गाना लगायतको सहभागिता र छलफलको निर्णय अनुसार कमिटी निर्माण गरिएको अनेरास्ववियु केन्द्रिय कमिटि सचिव किशोर टण्डनले जानकारी दिए ।
पुनर्गठित कमिटीको उपाध्यक्षमा शिशिर पराजुली, अमृत बर्तौला, सचिवमा आकास अधिकारी सह सचिवमा कृष्ण चन्द्र पुरी, जोशिना बर्तौला, निर्मल सापकोटा, एसके शर्मा कडेल, उज्ज्वल बर्तौला र रमा देवकोटा चयन भएका छन् ।
कार्यक्रममा अध्यक्ष बर्तौलाले सम्पूर्ण विद्यार्थीको साथ-सहयोग लिएर विद्यार्थीको हक र हितका लागि निरन्तर अघि बढ्ने प्रतिबद्धता जनाए ।
त्यस्तै विभिन्न क्याम्पस कमिटी र स्थानीय तह कमिटीहरु पनि निर्माण गरिएको टन्डनले जानकारी दिए ।
मकवानपुरका स्थानीय तह र क्याम्पस कमिटीका संयाेजक तथा सहसंयाेजकहरूकाे नामावली
१. मकवानपुर बहुमुखी क्याम्पस
संयोजकः मनिष गौतम
सह-संयोजकः विश्वास पराजुली
२. हेटौडा क्याम्पस
संयोजकः अन्जन खड्का
सह-संयोजकः शंकर लामा
३. फरेष्ट्रि क्याम्पस (TU)
संयोजकः विमल सापकोटा
सह-संयोजकः सुसन विश्वकर्मा
४. मनहरी बहुमुखी क्याम्पस
संयोजकः कुमार घिसिङ्ग
सह-संयोजकः
५. निर्मल बहुमुखी क्याम्पस
संयोजकः कल्पना ब्लोन
सह-संयोजकः सरु वाइवा
६. हेटौडा उपमहानगरपालिका
संयोजक: सुपेन लामा
सह-संयोजकः रोजन घिमिरे
७. मनहरी गाँउपालिका
संयोजकः वाशु वतीला
सह-संयोजक: अनुजा गुरुङ्ग
८. राकसिराङ्ग गाँउपालिका
संयोजकः यानेन्द्र थिङ्ग
सह-संयोजकः पवन प्रजा
९. कैलाश गाँउपालिका
संयोजकः मनिष बतौला
१०.थाहा नगरपालिका
संयोजकः मनिष लामा
११.ईन्द्रशरोवर गाँउपालिका
संयोजक: रमा देवकोटा
१२. भिमफेदी गाँउपालिका
संयोजकः सुदन विश्वकर्मा
१३. मकवानपुरगढी गाँउपालिका
संयोजकः ईन्द्र प्रसाद लम्साल
सह-संयोजकः संन्चमान भोलन
१४. बैंकैया गाँउपालिका
संयोजक: शंकर लामा
१५. फरेष्ट्रि क्याम्पस (AFU)
संयोजक: निरन्जन रिजाल
१६.पालुङ्ग बहुमखी क्याम्पस
संयोजक: सुशान्त रुम्बा
मकवानपुर । शुक्रबार हेटाैडा उपमहानगर क्षेत्र सहित मकवानपुरकाे आकाश एक्कासी तुवाँलाले ढोकेको छ । घाम समेत राम्ररी नलागेकाे तथा हावा समेत नचलेको कारणा तुवाँलो लागेजस्तो देखिने मौसमले गर्दा घरबाहिर निस्क्दा आँखा पिरो हुने समस्या देखिएको छ ।
केही समय अघिदेखि हेटाैडा आसपासका सामुदायिक वन तथा मकवानपुर जिल्लाका अधिकांश क्षेत्रका वन जंगलमा डढेलाे लागेकाे कारण बायुमण्डलमा धुँवाकाे मात्र बढ्रन गइ वातावरणा धुमिल बनेकाे थियाे । हेटाैडा वरपर डढेलाे लाग्दा वातावरण केही प्रदुसित भएकाे देखिएकाेमा अहिले डढेलाे प्राय निभिसकेकाे भएता पनि शुक्रबार एक्कासी वायुमण्डल तुवाँलाेले ढाकेकाेले तामक्रम समेत बढेकाे अनुभव भएकाे तथा आँखा पाेल्ने टाउकाे दुख्ने गरेकाे हेटाैडा २ उद्धव हुमागाइले बताए ।
हेटाैडा कै एक सरकारी कार्यालयमा काम गर्ने कर्मचारीले समेत मौसम पूर्वानुमान महाशाखाले पनि वरपरको क्षेत्रमा डढेलो लागेका कारण मौसम विग्रिएको अनुमान गरेको छ । आज आँखा पाेल्ने तथा टाउकाे दुख्नाले कम्प्युटरमा काम गर्न समस्या भएकाे हिजाे अस्तीकाे जंगलमा लागेकाे डढेलाेकाे कारण भएकाे हाेला भन्ने लागेकाे थियाे पछी त वायुमण्डल पुरै धुमिल भएकाे देखिएकाेले वायु प्रदुशषाकाे कारण नै भएकाे लागेकाे बताए ।

खास गरी गर्मी माैसममा वन जंगलमा डढेलाे लाग्ने गर्दा वातावरणमा धुमिलता देखिने गरेकाे छ । अहिले देशै भरी डढेलाेका कारण वायु प्रदुषणाकाे मात्रा बढेकाे छ । शुक्रबार एक्कासी आकासमा देखिएकाे तुवाँलाेकाे कारण लामाे समय सम्म पानी नपर्दा परेकाे खडेरीले हावामा आद्रताकाे मात्र घट्न गइ सुख्खा भएकाे वायुले धुँवा धुलाे ल्याएकाे कारण वातावरणा प्रदुषण भएकाे माैसमविद बताउँछन् ।
पानी पर्नका लागि न्युन चाप भएको क्षेत्रमा हावाले बादल लिएर आउनु पर्नेमा वायुले धुलो र धुवाँ लिएर आएकोले वायु प्रदुषण भइ आकास धुमिल देखिएकाे जल तथा माैसम विज्ञान विभाग माैसम पूर्वानुमान महाशाखाले जनाएकाे छ । मौसम पूर्वानुमान महाशाखाले पनि वरपरको क्षेत्रमा डढेलो लागेका कारण मौसम विग्रिएको अनुमान गरेको छ । खास गरी अहिले पश्चिम नेपाल देखिकाे हावाले वायु प्रदुषण गराइरहेकाे र अन्य क्षेत्रमा फैलिरहेकाे तथा भारतका नेपालसँग सिमाना जाेडिएकाे अधिकांश प्रदेश र स्थानमा समेत वायुमणडल धुँवाले ढाकेकाे जल तथा माैसमविदहरू बताँउछन् ।
नेपालमा हालसम्म करिव ५०० वन डढेलोको घटना भएको त्यहाँबाट निस्किएकाे धुवाँले वायु प्रदुषणलाइ बढाएकाे बताउँछन माैसमविद् । डढेलो र अरु प्रदुषणका कारण वायुको गुणस्तर बिग्रिएको अहिलेकाे अवस्थाकाे माैसम देखिएकाे हाे । राजधानी काठमाडाै शहरमा समेत वायु प्रदुषणकाे कारण अाकाश धुमिल देखिएकाे छ । यस्तो माैसमबाट हुने असरबाट बच्न घर बाहिर ननिस्कनु नै उपयुक्त विकल्प रहेकाे चिकित्सकहरू बताउँछन् ।
मकवानपुर । ‘नेपालमा कम्यूनिष्ट आन्दोलन अहिले गम्भीर अवस्थामा पुगेको ’नेकपा (माओवादी केन्द्र) का स्थायी कमिटी सदस्य एवं पूर्व गृहमन्त्री जनार्दन शर्मा ‘प्रभाकर’ले बताएका छन् । ‘राष्ट्र र स्वाधिनतामाथि हमला भएकाले राष्ट्रवादी कम्यूनिष्टहरु गाउँगाउँबाट उठ्नुपर्ने बेला आएको छ ।’ उनले भने – ‘पूर्ण–समानुपातिक निर्वाचन प्रणाली, प्रत्यक्ष कार्यकारी राष्ट्र प्रमुख र पहिचानसहितको नेपाल निर्माण अहिलेको प्रमुख माग हाे ।’
उनले पार्टीलाई केन्द्रसँगै गाउँतहबाट सुद्धीकरण गरी बलियो कम्यूनिष्ट पार्टी बनाउँने बताएका छन् । माओवादी केन्द्र मकवानपुरका नेता–कार्यकर्तासँग शुक्रबार हेटौंडास्थित पार्टी कार्यालयमा भेटघाट गर्दै उनले राष्ट्र, राष्ट्रियता, स्वाधिनता र आत्मनिर्णयको अधिकारको पक्षमा सशक्त रुपमा अघि बढ्नुको विकल्प नभएकाे बताए ।
पुँजीवादमा निर्भर हुँदा नेपालमा गरिब झन् गरिब र धनी झन् धनी बन्दै गएको भन्दै उनले राज्यले बजारको अनुगमन मात्र गर्दा जनता धेरै मारमा परेको बताए । ‘विश्वभर पूर्णपुँजीवादी व्यबस्था असफल भईसकेको छ,’ उनले भने, ‘राज्य नियन्त्रित पुँजीवाद अर्थात् समाजवाद आवश्यक भईसकेको छ ।’
नेपालमा समाजवाद प्राप्त गर्न नेतृत्व गर्ने पार्टी आवश्यक भएको भन्दै त्यसका लागि माओवादी केन्द्रलाई उत्पादनसँग जोडिएको पार्टी बनाउनुपर्नेमा स्थायी कमिटी सदस्य प्रभाकरले जोड दिए । पार्टीका सबै कमिटी आन्तरिक जनवाद(लोकतन्त्र)मुलक बनाउनुपर्ने भन्दै सबै नेता, कार्यकर्ता गम्भीर भई गाउँगाउँमा संगठन विस्तारमा तत्काल लाग्न उनले आग्रह गरे ।
उनले अर्काे प्रशंग जाेड्दै भने ‘संघीयता, समावेशी र धर्म निरपेक्षता स्वीकारेर आएकाले एमालेसँग सहकार्य गरेपनि धोका भएको छ ।’ सर्वोच्च अदालतले नेपाल कम्यूनिष्ट पार्टी (नेकपा) फुटाउने फैसला गरेर आत्मनिर्णयको अधिकार हनन् गरेको भन्दै शक्ति केन्द्रहरूका कारण अदालतले त्यस्तो गरेको आरोप पनि लगाए ।
कार्यक्रममा नेकपा (माओवादी केन्द्र) मकवानपुर ईन्चार्ज कुमारी मोक्तान, जिल्ला अध्यक्ष प्रदेश सांसद प्रेमबहादुर पुलामी, नेताहरु ओम घलान, सर्केश घलान, विरबहादुर घलान ‘ज्वाला’, कमानसिं पाख्रिन, प्रकाश पाण्डे, विवेक राई, बालकृष्ण चौलागाई, सुमन पाख्रिन, रामहरी सुवेदी लगायतको सहभागिता रहेको थियो ।