मकवानपुर । मकवानपुर प्रहरीले चेक अनादर मुद्दामा फरार प्रतिवादी १ जना पक्राउ गरेकाे छ । अर्घाखाँची जिल्ला अदालतको २०७६ साल फागुन १८ गतेको फैसालाले चेक अनादर गरेकाेमा जरिवाना भुक्तान गर्न बांकी रहेका फरार प्रतिवादी हेटौडा वडा नं. २ बस्ने ४१ बर्षका केदार प्रसाद न्यौपानेलाई पक्राउ गरेकाे हाे ।
साेमबार चैत २३ गते वडा प्रहरी कार्यालय सानोपोखरा हेटाैडाबाट खटिएको टोलीले न्याैपानेलाई हेटौडा २ स्थित बनस्खण्डी चोक बाट पक्रउ गरी जरिवाना भुक्तानको लागि सम्मानित जिल्ला अदालत मकवानपुरमा उपस्थित गराई जरिवाना भुक्तान गराईएको मकवानपुर जिल्ला प्रहरी कार्यालयका प्रवक्ता जयश्वर रिमालले जानकारी दिए ।
मकवानपुर । आगामी चैत्र २५ गते हुने पत्रकार महासंघकाे निर्वाचनमा महासंघ मकवानपुर शाखाकाे उम्मेदवारी टुंगाे लागेकाे छ । महासंघ मकवानपुर अध्यक्ष पदमा ४ जनाले उमेदवारी घाेषण गरेकाे भए पनि २ जनाले मात्र उम्मेदवारी दर्ता गराएका छन् ।
अध्यक्ष पदका लागि बालकृष्ण अधिकारी र मणिराज गौतमले आज नेपाल पत्रकार महासंघ मकवानपुर शाखाको कार्यालयमा उम्मेदवारी दर्ता गराएका हुन् ।महासंघ मकवानपुरको उपाध्यक्ष पदको लागि ध्रुबप्रसाद अधिकारी र राजन दाहालले उम्मेदवारी गराएका छन् ।
यस्तै महिला उपाध्यक्षतर्फ सम्झाना रिजाल र सरला अधिकारीले उम्मेदवारी दर्ता गराउँदा सचिव पदमा रामशरण दुलाल र शुभलक्ष्मी विश्वकर्मा र बाघी उम्मेदवार इन्द्रबहादुर (रमेश) बन्जाराले उम्मेदवारी दर्ता गराएका छन् ।
सह–सचिव समावेशी महिलातर्फ मन्दिरा बानियाँ (मानबी) र रुपकराज कालिराज, खुल्लातर्फ कपिल खड्का, देवराज पन्त, यम प्रसाद पौडेल (एपी शर्मा) र राज सापकोटाले उम्मेदवारी दिएका छन् ।कोषाध्यक्ष पदका लागि केशव समर्पण सुबेदी र तिलक अधिकारीले उम्मेदवारी दिएका छन् ।
सदस्य महिलातर्फ प्रतिक्षा न्यौपाने र रुपा गुरुङले उम्मेदवारी दर्ता गराएका छन् भने सदस्य दलिततर्फ शान्ति सुनारको मात्र उम्मेदवारी परेकोले उनी निर्विराेध निर्वाचित भइन् । त्यस्तै सदस्य आदीबासी जनजातिमा अजिता नगरकोटी, नवराज वाईबा र सदस्य (मधेशी) आदित्य कर्ण र मनिल महतो, अन्य समावेशीतर्फको सदस्यका लागि भने कसैले पनि उम्मेदवारी परेको छैन ।
खुल्लातर्फको ६ सदस्यका लागि भने १७ जनाले उम्मेदवारी दिएर चुनावी मैदानमा होमिएका छन् ।सदस्य पदका लागि अर्जुन संञ्जेल, अशेष ढुंगाना, उज्ज्वल अधिकारी, जिबराज बख्रेल, दिलबहादुर लामा, नानीमाया सापकोटा (गौतम), प्रदिप अधिकारी, प्रमोद अर्याल, प्रेमकला पौडेल (प्रिया), बलराम पुडासैनी, रेवती प्रसाद तिमल्सिना (नविन), विजय पौडेल, श्यामलाल (गणेश) दुलाल, सुमन दाहाल, सुशन लामिछाने, श्रृजना नेपाल र होमनाथ यादव चौलागाईले उम्मेदवारी दर्ता गराएका छन् ।
उता प्रदेश परिषद् सदस्य (खुल्ला) कैशल पाण्डे, गणेशदर्पण अधिकारी, छबिलाल श्रेष्ठ, विश्वराम अधिकारी (विवश), रविन्द्र गौतम, शिव चौलागाई, सुजन ढकाल, सुनिल शिवाकोटी, प्रदेश परिषद् महिलामा अन्जली थापा, आरती ढकाल, भावना रिजाल, आदीबासी जनजातितर्फ अमर लामा, अशोक सुजन श्रेष्ठ, रञ्जिता डंगोल, रोशन श्रेष्ठले उम्मेदवारी दिएका छन् ।
प्रदेश परिषद् सदस्य दलिततर्फ कृष्णराम परियारको मात्रै उम्मेदवारी परेकोले निर्विराेध भएका छन् ।मधेशीतर्फको परिषद सदस्यका लागि भने कसैको पनि उम्मेदवारी परेको छैन । त्यस्तै राष्ट्रिय परिषद् सदस्य (खुल्ला) मा भानुभक्त आचार्य, राजन (खुसराज) दाहाल, रामकुमार एलन, रिपेश दाहाल, महिलामा नानीमैया विष्ट र सरिता दाहाल उम्मेदवारी परेकाे छ । आदीबासी जनजातिमा सुर्वणलाल श्रेष्ठको मात्रै उम्मेदवारी परेकोले निर्विराेध निर्वाचित भएका छन् ।
चैत २५ गते एकै दिन नेपाल पत्रकार महासंघ केन्द्र, प्रदेश र जिल्ला निर्वाचन हुनेछ । नेपाल पत्रकार महासंघ मकवानपुर शाखामा आवद्ध १६४ जना पत्रकारहरुले मतदान प्रकृयामा सहभागी हुनेछन् ।
मकवानपुर । मकवानपुर प्रहरीले लागुऔषध गाँजा र अफिम सहित ३ जनालाइ पक्राउ गरेकाे छ ।प्रहरी चौकी चैनपुर राक्सिराङ मकवानपुरबाट खटिएको प्रहरी टोलिले राक्सिराङ ५ स्थित चैनपुरबाट राक्सिराङ ५ का २७ बर्षिय देवेन्द्र तामाङलाइ चैत २२ गते अाइतबार अफिम सहित पक्राउ गरेकाे हाे ।
प्रहरी टाेलीले शंकास्पद रुपमा हिडिरहेको अवस्थामा तामाङले बोकेको झोला चेकजाँच गर्दा लागु औषध अफिम १ किलो ६०० ग्राम फेला परेकाेले पक्राउ गरी आवश्यक अनुसन्धान तथा कारवाही गरिरहेकाे जिल्ला प्रहरी कार्यालयका प्रवक्ता जयश्वर रिमालले जानकारी दिए ।
यस्तै प्रहरी चौकी चैनपुर राक्सिराङबाट नै खटिएको प्रहरीकाे टोलिले राक्सिराङ ५ स्थित सडकमा कैलाश ४ का ५२ बर्षिय सानकान्छा चेपाङ र ३६ बर्षिय गाेपाल सिं लाेप्चनलाइ अाइतबार लागु औषध गाँजा ७ किलाे ५ सय ग्राम सहित पक्राउ गरेकाे छ ।
कालिकाटारबाट मनहरी तर्फ अाइरहेका ग १ ख ४३३९ नं. को यात्रु वाहक बसलाई रोकी चेपाङ र लोप्चनको झोला चेकजाँच गर्द लागुऔषध गाँजा ७ किलो ५ सय ग्राम फेला परेकाेले निजहरुलाई लागुऔषध गाँजा सहित पक्राउ गरी आवश्यक अनुसन्धान तथा कारवाही भईरहेको प्रवक्ता रिमालले बताए ।
मकवानपुर । नेकपा हालै सर्वोच्च अदालतकाे फैसलाबाट एकिकरण अघिकै नेकपा एमाले र नेकपा माओवादी केन्द्रमा विभाजन भएअनुसार, बागमती प्रदेशसभामा पनि सत्तारुढ नेकपा एमाले, मोदावादी केन्द्र छुट्टाछुट्टै कार्यालय स्थापना भएको छ। प्रदेश सभामा प्रतिनिधित्व गर्ने अन्य सानो दलहरुको समेत छुट्टाछुट्टै कार्यालय स्थापना भएको छ ।
नेकपा एमालेको आज आइतबार कार्यालय स्थापना गरिएको प्रदेशसभा सचिवालयले जनाएकाे छ । यसैगरी, प्रतिपक्ष दलको रुपमा रहेका नेकपा माओवादी केन्द्रका प्रदेशसभा परिसर भित्र छुट्टै संसदीय दलको कार्यालय र सभागृहको पनि आइतबार नै स्थापना गरिएको प्रदेशसभा सचिवालयका प्रमुख सचिव कृष्णहरि खड्काले जानकारी दिए । तर, प्रतिपक्ष दल नेपाली कांग्रेसको कार्यालय भने साविककै भवना कार्यालय रहेको छ । यस्तै, अन्य साना दलहरुको भने प्रदेशसभा सचिवालयको उत्तरतर्फको पुस्तकालयको माथिल्लो तल्लामा कार्यालय स्थापना भएको सचिवालयले जनाएको छ ।
प्रदेशसभामा हाल नेकपा एमालेको ५७ जना, प्रमुख प्रतिपक्ष दल नेकपा माओवादीको २३, प्रतिपक्ष दल नेपाली कांग्रेसका २२, साँझा विवेकशील दलको ३, नेपाल किसान मजदुर पार्टीको २, राप्रपाको २, र एक स्वतन्त्र सांसद गरी जम्मा ११० जना सदस्यहरु रहेका छन् ।
बागमती प्रदेशसभा सचिवालयको सातौं अधिवेशन बैठक यही चैत्र २४ गते दिनको १ बजे बस्ने भएको छ । गत माघ ७ गतेदेखि सुरु भएको प्रदेशसभाको सातौं बैठक अधिवेशन माघ ९ गते प्रदेशका मुख्यमन्त्री डोरमणि पौडेलविरुद्ध दर्ता भएको अविश्वासको प्रस्तावमाथि सामान्य छलफल पश्चात सूचना टाँसेर पटक पटक स्थगित हुँदै गरिदै आएकाे थियो । स्थगित भएको प्रदेशसभाको सातौं अधिवेशन बैठक मुख्यमन्त्रीविरुद्ध ल्याएको अविश्वासको प्रस्ताव नेकपा एमालेका नेपाल समूहले फिर्ता लिएसँगै बस्न लागेको हो ।
मकवानपुर । बागमती गाँउपालिका खेलकुद विकास समितिकाे आयाेजनामा मकवानपुरको बागमतीमा जारी चौथो बागमती गोल्डकपमा थ्रीस्टार क्लब ललितपुर बागमती युवा क्लब सर्लाही हराउँदै फाइनल प्रवेश गरेकाे छ ।
शनिबार भएको दाेस्राे सेमिफाइनलमा टाइबेकर मार्फत थ्रीस्टार बागमती सर्लाहीलाई ५–३ गाेल अन्तरले जीत निकाल्दै फाइनल प्रवेश गरेको हाे । थ्रीस्टार र बागमती क्लब बीच भएकाे सेमिफाइनल खेलमा निर्धारित समयमा दुबै टाेलीबाट कुनै गाेल हुन नसके पछी खेल टाइबेकरमा धकेलिएकाे थियाे । टाइबेकरमा बागमतीका विजय घलानले प्रहार गरेकाे बल पाेलबारमा ठाेकिएर फर्किएकाे थियाे ।
उपाधिका लागि चैत २३ गते थ्रीस्टार क्लव ललितपुरले र अफ्रिकन रुट्का क्यामरूनसँग फाइनलमा प्रतिस्पर्धा गर्नेछ । खेलमा उत्कृष्ट प्रदर्शन गरेका थ्रीस्टार क्लबका डिफेन्डर जर्सि नं. १९ का जीवन गुरूङ म्यान अफ दि म्याच घोषित भए । उनले ५ हजार रुपैयाँ प्राप्त गरेका छन् ।

खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ ।

प्रतियाेगितामा बागमती खेलकुद विकास समिति, नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका छन् ।