लागूऔषध गाँजा ३४ किलोसहित १ जना पक्राउ
Tags: No Comments
मकवानपुर । मकवानपुर प्रहरीले लागूऔषध गाँजासहित १ जनालाई पक्राउ गरेको छ । जिल्ला प्रहरी कार्यालय मकवानपुरले गाँजा ३४ किलाेसहित पर्साको बिन्दावासिनी गाउँपालिका ३ बस्ने २९ वर्षीय रबिन्द्र उपाध्यायलाई पक्राउ गरेकाे हाे ।
जिल्ला प्रहरी कार्यालय मकवानपुरका प्रहरी निरीक्षक अविनाश अधिकारीका अनुसार, उपाध्यायलाई विशेष सूचनाको आधारमा प्रहरी चौकी भैंसे मकवानपुरबाट प्रहरी सहायक निरीक्षक प्रभु राउत कुर्मीको कमाण्डमा खटिएको प्रहरी चेकीङ टोलीले विहीबार बैशाख १६ गते दिउँसो पक्राउ गरिएकाे हाे । उपाध्यायलाई भीमफेदी गाउँपालिका १ सुन्दरीमाईस्थित राप्तीखोलाको बगरबाट उक्त परिणामको लागूऔषधसहित पक्राउ गरिएकाे अधिकारीले बताए ।
मकवानपुर प्रहरीका अनुसार पालुङगबाट हेटौँडातर्फ आउदैं गरेको ना १ ज ४७३३ नम्वरको सुमो भीमफेदी–२ मा रोकी चेकजाच गर्न खाेज्दा नरोकी तीब्र गतिमा भागेकोले उक्त सुमोको पिछा गर्दै भीमफेदी–१ सुन्दरीमाईस्थित राप्तीखोलाको बगरमा फेला पारेको हाे । सुमाे फेलापारी चेकजाच गर्दा उक्त परिणामको लागूऔषध बरामद भएपछि निजलाई पक्राउ गरेको जिल्ला प्रहरी कार्यालय मकवानपुरले जनाएको छ ।
उक्त सुमो र गाँजासहित पक्राउ परेका उनीमाथि आवश्यक अनुसन्धानका साथै कानूनी कारबाही अगाडि बढाइएको जनाएको छ ।
मकवानपुर । मकवानपुरको मालपोत र नापी कार्यालयकाे सेवा प्रवाह बैशाख १६ गते बिहिबारबाट बन्द हुने भएकाे छ । जिल्ला कोभिड–१९ संकट व्यवस्थापन केन्द्रको बैठकले कार्यलयमा सेवाग्राहीहरुको अत्याधिक भिड हुने भएकोले बिहिबार देखी बन्द गर्ने निर्णय गरेकोे हो ।
जिल्लामा कोरोना संक्रमण बढिरहेकोले मालपोत र नापी कार्यालयमा अत्याधिक भिडभाड हुने भएको कारण संक्रमण बढ्न सक्ने भन्दै कार्यलयको आन्तरिक कार्य बाहेकका अन्य सबै प्रकारको सेवाहरु बैशाख १६ गते बिहिबारदेखि अर्को निर्णय नभएसम्मको लागि बन्द हुने बैकठले निर्णय गरेकाे छ ।
यस्तै जिल्लाभित्र बिरामीहरूलाई आवश्यक पर्ने अक्सिजनको आपूर्तिमा अभाव हुन नदिन जिल्लास्थित अक्सिजन सिलिण्डर सप्लायर्सहरूले अस्पतालका चिकित्सकको सिफारिसका आधारमा मात्र व्यक्तिहरूलाई अक्सिजन सिलिण्डर उपलब्ध गराउने भएकाे छ। साथै, अर्को निर्णय नभएसम्मका लागि हाललाई अक्सिजन सिलिण्डरहरू औद्योगिक प्रयोजनका निम्ति उपलब्ध नगराइने भएकाे छ ।
अक्सिजन सिलिण्डर सप्लायर्सहरूले अक्सिजन सिलिण्डरको मौज्दात र वितरण गरिएको सिलिण्डरको विवरण दैनिकरूपमा जिल्ला प्रशासन कार्यालय, मकवानपुर र स्वास्थ्य कार्यालय, मकवानपुरलाई उपलब्ध गराउनु समेत पर्ने निर्णय भएकाे छ । ।
यसै गरी काेराेना संक्रमितकाे स्वाब संकलनको कार्यलाई छिटो छरितो र व्यवस्थित तुल्याउन हेटौडा-१०. स्थित गोरक्षेश्वर मन्दिर परिसरमा बैशाख १७ गतेदेखि स्वाब संकलन गर्ने व्यवस्था मिलाइने भएकाे छ । हेटौडा उपमहानगरपालिका, नगर कार्यपालिकाको कार्यालयले यसकाे व्यवस्थापन गर्ने भएकाे हाे ।
यसैगरी भारत लगायत तेस्रो मुलुकबाट आउने नागरिकहरू होटल वा होम क्वारेन्टिन वा आइसोलेशनमा बसे, नबसेको सम्बन्धमा सम्बन्धित स्थानीय तहले अनुगमन गरी जिल्ला कोभिड-१९ संकट व्यवस्थापन केन्द्रमा नियमितरूपमा प्रतिवेदन गर्नु पर्ने समेत निर्णय भएकाे छ ।
यसै गरी मकवानपुरको थाहा नगरपालिका कार्ययलकाे अत्यावश्यक बाहेकका सबै सेवा आज बैशाख १६ गतेबाट बन्द हुने भएको छ । थाहा नगरपालिकामा एन्टीजेन विधिबाट परीक्षण गर्दा नगरपालिकामा कार्यरत ४ जना कर्मचारीमा कोरोना संक्रमण पुष्टि भए पछी आजबाट ३ दिन कार्यालयकाे सेवा वन्द हुने भएकाे हाे । संक्रमितको कन्ट्याक ट्रेसिङ र संक्रमणको जोखिमको कारण आजबाट बैशाख १९ गतेसम्म अत्यावश्यक बाहेकका सबै सेवा बन्द हुने भएको नगरपालिकाले जनाएकाे छ ।

मकवानपुर । बागमती प्रदेशका नवनियुक्त ३ मन्त्री र १ राज्यमन्त्रीहरुले पद तथा गाेपनियताकाे सपथ लिएका छन् । प्रदेश प्रमुख बिष्णुप्रसाद प्रसाईले मुख्यमन्त्री डाेरमणी पाैडेलकाे उपस्थितिमा नवनियुक्त मन्त्रीलाई सपथ खुवाए भने राज्यमन्त्रीलाई मुख्यमन्त्रीले सपथ ग्रहण गराएका हुन् ।
आन्तरिक मामिला तथा कानूनमन्त्री केशवराज पाण्डे, उद्योग पर्यटन वन तथा वातावरणमन्त्री सरेश नेपाल र सामाजिक विकासमन्त्री सरस्वती बस्नेतलाइ पद तथा गाेपनियताकाे सपथ खुवाइएकाे हाे । साथै सामाजिक विकास राज्यमन्त्री डा.रामकुमार अधिकारीले पनि सथप लिएका छन् ।
नुवाकोटका पाण्डे, सिन्धुपाल्चोकका नेपाल, दोलखाकी बस्नेत र धादिङ्का डा. अधिकारीलाई मुख्यमन्त्री पाैडेलले बुधबार मन्त्रीमा नियुक्त गरेका थिए।
बुधबार विहान मुख्यमन्त्री पौडेलले प्रदेशमा रिक्त मन्त्री ४ महिना पछी नियुक्त गर्दै मन्त्रिपरिषद् विस्तार गरेका हुन् । उनले ३ मन्त्री र १ राज्यमन्त्री नियुक्त गरे पनि ढिलाे गरी मन्त्री हुनेकाे नाम सार्वजनिक भएकाे थियाे ।
मुख्यमन्त्री पौडेलविरुद्ध गत पुसमा अविस्वासको प्रस्ताव प्रदेश सभमा दर्ता भएसँगै आन्तरिक मामिला तथा कानूनमन्त्री शालिकराम जम्मकट्टेल, उद्योग पर्यटन वन तथा वातावरणमन्त्री अरुणकुमार नेपाल, र सामाजिक विकासमन्त्री युवराज दुलालले संयुक्त रुपमा पदबाट राजीनामा दिएका थिए । मन्त्रीहरुकाे राजीनामा पछि मुख्यमन्त्री पौडेल आफैँले रिक्त मन्त्रालयहरुको जिम्मेवारी संहाल्दै आएका थिए ।
मकवानपुरमा बुधबार विहान ६० जना काेराेना संक्रमित थपिए
Tags: No Comments
मकवानपुर । मकवानपुरमा आज बुधबार विहान थप ६० जनामा कोरोना भाइरसको संक्रमण पुष्टि भएको छ ।
हेटौंडा अस्पताल र बनस्खंडी शहरी स्वास्थ्य केन्द्र हेटौंडा २ मा रहेको प्रयोगशालामा १ सय ३९ जनाको परीक्षण गरिएकोमा थप ६० जनामा कोरोना भाइरसको संक्रमण पुष्टि भएको हेटौंडा उपमहानगरापालिकाका स्वास्थ्य निरीक्षक भोलानाथ चौलागाईले जानकारी दिए ।
चौलागाईका अनुसार संक्रमण पुष्टि हुनेहरुमा २१ जना महिला र ३९ जना पुरुष रहेका छन् ।
संक्रमण पुष्टि हुनेहरुमा हेटौंडा उपमहानगरापालिकाका विभिन्न वडाका ५६ जना रहेका छन् भने भिफेदी गाउँपालिका वडा नम्बर ८ र ९ का एक एक जना, मकवानपुरगढी गाउँपालिकाका १ जना, जिल्ला बाहिर बारा अम्लेखगन्जका १ जना र ठेगाना नखुलेका १ जना रहेका छन् ।

मकवानपुर। बुधबार बैशाख १५ गतेबाट मकवानपुर जिल्लामा चल्ने सबै निजी तथा सार्वजनिक सवारीमा जोरबिजोर प्रणाली लागू हुने भएको छ । आज बुधबारबाट लामो दुरी र अत्यावश्यक सेवा बाहेकका सबै सवारी साधनमा जोरविजोर प्रणाली कढाईका साथ लागू हुने भएको हाे ।
यसअघि बैशाख १२ गते बाट हेटौंडामा चल्ने निजी सवारीमा प्रशासनले जोरबिजोर लागू गरेको थियो । बुधबारबाट अर्का सुचना नभएसम्म लामो दूरीका सवारी, सरकारी र अत्यावश्यक सेवा (स्वास्थ्य, खाद्यान्न, खानेपानी, तरकारी, फलफुल, दुध तथा दुधजन्य पदार्थ, बैंक तथा वित्तय संस्था, दुरसञ्चार, क्वारेन्टाइन, आइसोलेसन र फोहोरमैला) बाहेकका जिल्लाभित्र संचालन हुने सबै सवारीमा जोरबिजोर लागू गर्ने जिल्ला कोभिड–१९ संकट व्यवस्थापन केन्द्र मकवानपुरको मंगलबार बसको बैठकले निर्णय गरेको छ ।
बुधबारबाट जिल्लामा सैलुन, ब्युटिपार्लर र मदिरा व्यवसाय अर्का सुचना नभएसम्मको लागि बन्द हुनेछन् । कोभिडको मध्यनजर गर्दै यस्तो निर्णयहरु गरिएको प्रमुख जिल्ला अधिकारी भरतमणी पाण्डेले जानकारी दिए । सेवाग्राहीको अत्याधिक भिड हुने राष्ट्रिय परिक्षा बोर्ड शाखा कार्यालय, यातायात व्यवस्था सेवा कार्यालयको आन्तरिक कार्य बाहेक सबै प्रकारका सेवा अाजबाट अर्को सूचना नहुन्जेलसम्मका लागि बन्द गर्ने निर्णय गरिएको छ ।

यसैगरी मकवानपुरमा संचालित सवै बैंक तथा वित्तिय संस्थाहरू हप्तामा ३ दिन मात्र खुन्ने भएकाे छ । कोभिड-१९ संक्रमण रोकथाम, नियन्त्रण तथा व्यवस्थापनकाे लागि बैशाख १४ गते प्रमुख जिल्ला अधिकारीकाे अध्यक्षतामा बैंक तथा वित्तिय संस्थाका प्रमुख एवं सञ्चालकहरूसँग बसेको बैठकले बैक तथा वित्तिय संस्था हप्ताकाे ३ दिन विहान ११ वजेबाट दिउँसाे २ बजेसम्म खेाली सेवा प्रवाह हुने व्यवस्था मिलाउने निर्णय गरेकाे हाे ।
बैंक तथा वित्तिय संस्थाकाे एटिएम भने २४ घण्टा खुल्ला रहने छन् । सहकारी सस्थाहरूले घर घर गरी गरिने वित्तिय काराेबार भने बन्द रहने भएका छन् । मकवानपुरमा बुधबारबाट बार अनुसार तालिका बनाएर व्यवसाय संचालन हुने भएको छ ।
कोभिड-१९ संकट व्यवस्थापन केन्द्रको बैठकले हप्तामा ३/३ दिनको तालिका अनुसार बजारका पसल, व्यवसाय संचालन हुने निर्णय गरेको हो । केन्द्रको बैठकले मकवानपुर उद्योग वाणिज्य संघलाई समन्वय गर्न परिपत्र गरे पछी संघले सुची तयार पार्दै १७ व्यवसाय तालिकामा संचालन गर्न संयोजक तोकेको छ ।


