मकवानपुर । मकवानपुर प्रहरीले गुण्डागर्दीमा संलग्न ५ जना नियन्त्रणमा लिएकाे छ ।
हेटौडा उप-महानगरपालिका वडा नं. १८ रामधुनी चाेक नजिक बैशाख २२ गते राती १० बजेको समयमा हेटौडा १८ रामधुनी चोक नजिक बस्ने बर्ष २४ को अजित नगरकोटी र बर्ष ३१ को बिनोद पहेलीलाई छुरा प्रहार गरी घाईते बनाएकाे बनाएकाे अाराेपमा उनीहरूलाई पक्राउ गरिएकाे हाे ।
पक्राउ पर्नेमा हेटाैडा १८ का बर्ष १९ को रोमश मोक्तान, बर्ष २१ को बिकेश मोक्तान, बर्ष १८ को रोमन भन्ने रामकुमार मोक्तान, बर्ष २२ को किशन बयलकोटी र बर्ष २६ को रोशन भन्ने खड्क बहादुर मोक्तान रहेकाे मकवानपुर प्रहरीले जानकारी दिएकाे छ । आराेपित ५ जनाले एक्कासि गुण्डा गर्दी शैलीमा विना कारण नगरकोटी र पहेलीलाई छुरा प्रहार गरी घाईते बनाएको खबर प्राप्त भए पछी प्रहरी चौकी ठुलोदमार मकवानपुरबाट प्रहरी टोली खटिई गई आराेपितलाइ बैशाख २२ पक्राउ गरिएकाे जिल्ला प्रहरी कार्यालयका प्रहरी निरीक्षक अविनाश अधिकारीले जानकारी दिए ।
छुरा प्रहारबाट घाईतेलाई चुरेहिल अस्पतालमा पठाईएकोमा अवस्था सामान्य रहेको बताइएकाे छ । छुरा प्रहार गर्ने ५ जनालाई पक्राउ पछी पिडितबाट प्राप्त जाहेरी अनुसार ज्यान मार्ने उद्योग कसुरमा थप अनुसन्धान कार्य भईरहेको प्रहरी निरीक्षक अधिकारीले बताए ।
निषेधाज्ञा उल्लङ्घन गर्ने ९५ वटा सवारी साधन नियन्त्रणमा
यसै गरी प्रहरीले बैशाख २३ गते विहीबार निषेधाज्ञा उल्लङ्घन गर्ने ९५ वटा सवारी साधन नियन्त्रणमा लिएकाे छ ।

जिल्ला प्रहरी कार्यालय मकवानपुरबाट खटिएको प्रहरी उपरीक्षक समेतको चेकिङ टोलिले जिल्ला प्रशासन कार्यालय मकवानपुरबाट निर्णय भएको निषेधाज्ञा उल्लङ्घन गर्ने माेटरसाइकल तथा स्कुटर ७३ वटा, अटो १८ वटा, ट्याक्सी ३ वटा र सुमो १ वटा गरी जम्मा ९५ वटा सवारी साधनहरुलाई
नियन्त्रणमा लिईएको हाे । यस्तै निषेधाज्ञाकाे समयमा अटेर गरी पसल संचालन गर्ने ५ जना लाई समेत प्रहरीले नियन्त्रणमा लिएकाे जनाएकाे छ ।
मकवानपुर । नेपालमा पछिल्लो २४ घण्टामा थप २ हजार ७ सय ७ जना कोरोना संक्रमित संक्रमणमुक्त भएका स्वास्थ्य तथा जनसंख्या मन्त्रालयले जनाएकाे छ ।
मन्त्रालयका अनुसार देशभरका विभिन्न अस्पतालमा उपचाररत तथा हाेम अाइसाेलेसनमा रहेका उनीहरु संक्रमणमुक्त भएका हुन्। योसँगै कोरोना संक्रमणमुक्त हुनेको संख्या २ लाख ९२ हजार ४ सय ९० पुगेको छ।
यस्तै पछिल्लो २४ घण्टामा ९ हजार ७० जनामा कोरोना भाइरस संक्रमण पुष्टि भएको छ । मन्त्रालयका अनुसार २० हजार ३ सय ६७ पीसीआर परीक्षणमा ८ हजार ९ सय ७० जना र ७ सय ७५ एन्टिजेन परीक्षणमा १ सय जना गरी ९ हजार ७० जनामा काेराेना संक्रमण पुष्टि भएको हो ।
पछिल्लो २४ घण्टामा कोरोना भाइरस संक्रमणका कारण ५४ जनाको मृत्यु भएको मन्त्राललयले जनाएकाे छ ।
मकवानपुर । मकवानपुरमा थप ६८ जनामा कोरोना भाइरस संक्रमण पुष्टि भएको छ ।काेराेना पुष्टि हुनेमा हेटौंडा उपमहानगरपालिका ५९ जना,थाहा नगरपालिकाका ५ जना र मनहरी गाउँपालिकाका ४ जना रहेका छन् ।
८८ जनाकाे पीसीअार परीक्षणमा ६३ जना पाेजेटिभ र ९ जनाकाे एन्टिजेन परीक्षणमा ५ जना पाेजेटिभ सहित ६८ जनामा काेराेना संक्रमण देखिएकाे हाे ।

मकवानपुर । बागमती प्रदेश सरकार संचार क्षेत्रसँग सहकार्य गर्न तयार रहेको बताइएकाे छ ।बागमती प्रदेशका मुख्यमन्त्री डोरमणि पौडेलले संचार क्षेत्रसँग सहकार्य गर्न तयार रहेको बताएका हुन ।
बिहीबार नेपाल पत्रकार महासंघ बागमती प्रदेश समितिको टोलीसँग भेटघाट गर्दै मुख्यमन्त्री पौडेलले संचार क्षेत्रका लागि आवश्यक सहयोग गर्न प्रदेश सरकार तयार रहेको बताए । आगामी आर्थिक वर्षको नीति तथा कार्यक्रममा संचार क्षेत्रलागि सहयोग पुग्ने खालकाे कार्यक्रम समेट्ने प्रतिबद्धता व्यक्त उनले व्यक्त गरे ।
प्रदेश सरकारले संचार क्षेत्रको विकासमा यस अघि पनि विभिन्न योजना अघि सारेको र प्रदेशमै पहिलो प्रेस रजिष्ट्रार कार्यालय स्थापना गरेर त्यसमार्फत संचार क्षेत्रका समस्या समाधानमा टेवा पुगेको उनले दावी गरे । मुख्यमन्त्री पौडेलले आगामी दिनमा पनि पत्रकार महासंघमार्फत समानुपातिक विज्ञापन, जिल्ला महासंघ शाखामा सूचना केन्द्र स्थापनाका लागि आगामी आर्थिक बर्षमै नीति तथा कार्यक्रम र बजेटमा व्यवस्थापन गरिने बताए । उनले भने ‘सरकार पत्रकार र संचारमाध्यमको बृद्धि विकासका लागि सकारात्मक छ ।’
भेटघाटकै क्रममा महासंघका अध्यक्ष शिव देवकोटाले मुख्यमन्त्री पौडेलसमक्ष प्रस्ताव पत्र पेश गरेका छन् । संचारग्राम निर्माण र संचालन, प्रदेशभित्र संचालित संचारमाध्यममा समानुपातिक विज्ञापन, संचारक्षेत्रलाई उद्योगमा समेटन र मान्यता दिनुपर्ने, सुत्केरी पत्रकार महिला र कोरोना संक्रमित पत्रकारलाई लेखनवृत्ति, स्नातक र स्नात्तकोत्तर अध्ययनका लागि संचारकर्मीलाई छात्रबृत्ति वितरणलगायत माग राख्दै प्रस्ताव पत्र बुझाइएको अध्यक्ष देवकाेटाले बताए ।
मकवानपुर । संचारमाध्यमलाई उद्योगका रुपमा समेट्न माग गरिएकाे छ । नेपाल पत्रकार महासंघ बागमती प्रदेश समितिले बुधबार आन्तरिक मामिला तथा कानुन मन्त्रालय र उद्योग, पर्यटन वन तथा वातावरण मन्त्रालय प्रस्ताव पत्र बुझाउँदै प्रदेशभित्र संचालित संचारमाध्यमलाई उद्योगमा समेटेर अन्य उद्योग सरह ऋण, सहुलियत लागयतका सहयोग प्रदान गर्न माग गरेको हो ।
महासंघ बागमती अध्यक्ष शिव देवकोटाले आन्तरिक मामिला तथा कानुन मन्त्री केशवराज पाण्डे र उद्योग, पर्यटन वन तथा वातावरण मन्त्री सरेश नेपाल समक्ष प्रस्ताव पत्र बुझाउँदै अन्य उद्योगलाई जस्तै सञ्चार उद्योगलाई पनि समान व्यवहार गरी राज्यबाट पाउने ऋण लागयतका सहुलियत प्रदान गर्न माग गरिएको हो । त्यसभित्र पनि साना र स्वरोजगारमूलक लगानीका सञ्चारमाध्यमले प्राथमिकता पाउनुपर्ने महासंघले माग गरेको छ ।
अध्यक्ष देवकोटाले हाल प्रदेशभित्र सयौं साना लगानीका मिडियामा करोडौं लगानी भएपनि दीर्घकाल संचालन गर्न सक्ने अवस्था नभएको र समानुपातिक विज्ञापन उपलब्ध नहुँदा बारम्बार धरासायीमा पर्दै आएको मन्त्रीद्वय समक्ष जानकारी गराए । साना लगानीका संचारमाध्यमलाई उद्योगका रुपमा समेट्ने मात्र नभइ आवश्यक सामाग्री खरिदका लागि सहुलियतपूर्ण ऋण प्रवाहका योजना अघि सार्नुपर्ने महासंघले माग गरेको छ ।
महासंघले आन्तरिक मामिला तथा कानुन मन्त्रालय र उद्योग, पर्यटन वन तथा वातावरण मन्त्रालयमा प्रदेश सरकारले ल्याउने आगामी आर्थिक वर्ष २०७८÷०७९ को नीति तथा कार्यक्रम र बजेटमा संचारग्राम निर्माण, पत्रकारका लागि विभिन्न चरणमा लेखनबृत्ति, तालिम, पत्रकारको क्षमताका विकासका लागि विविध योजना समेट्न ध्यानाकर्षणसहित प्रस्ताव पत्र पेश गरेको महासचिव कृष्ण सारु मगरले बताए ।
प्रस्ताव पत्र बुझ्दै आन्तरिक मामिला तथा कानुन मन्त्री केशवराज पाण्डेले संचारमाध्यम र पत्रकारका लागि आवश्यक योजनालाई आगामी नीति तथा कार्यक्रम र बजेटमा समेट्ने गरी छलफल अघि बढाउने बताए । उनले प्रदेश सरकारले महासंघसँग सहकार्य गरेर पत्रकारका लागि तालिम, लेखनवृत्ति र क्षमता विकासका लागि नयाँ योजनालाई प्राथमितामा राखेर अघि बढ्न आफु तयार रहेको प्रतिबद्धता व्यक्त गरे ।
उद्योग, पर्यटन वन तथा वातावरण मन्त्री सरेश नेपालले पत्रकारको हकहितका लागि प्रदेश सरकारले अघि बढाउन सक्ने योजनलाई प्राथमिकतामा राख्न आफु तयार रहेको धारणा राखे । उनले संचारमाध्मयलाई उद्योगका रुपमा विकास गर्नसके संचारकर्मीको दीर्घकालीन विकासमा टेवा पुग्ने हुनाले त्यसतर्फ सकारात्मक रहेको प्रतिबद्धता व्यक्त गर्दै यसबारे नीतिगत निर्णय गर्न आफु तयार रहेको बताए ।
यसैगरी महासंघले सामाजिक विकास मन्त्री सरस्वती बस्नेत समक्ष कोरोनाको महामारीलाई मध्यनजर गर्दै अग्रपंक्तिमा खटिने पत्रकारका लागि स्वास्थ्य क्षेत्रबाट हुनसक्ने सबै सहयोग तत्काल अघि बढाउन माग गरेको छ । महासंघका अध्यक्ष देवकोटाले मन्त्री बस्नेतसमक्ष प्रस्ताव पत्र पेश गर्दै मन्त्रालयले तत्काल पहिलो डोज कोरोनाको खोप लगाउन छुटेका पत्रकारका लागि तत्काल सुरक्षित तवरबाट खोपको व्यवस्थापन गर्न माग गरेका छन ।
महासंघले स्नातक र स्नात्तकोत्तर अध्ययन गर्न चाहने पत्रकारका लागि अगामी आर्थिक वर्षबाट छात्रबृत्ति व्यवस्था गर्नसमेत माग गरेको छ । मन्त्री बस्नेतले महासंघले पेश गरेको प्रस्तावलाई आगामी नीति तथा कार्यक्रममा समेट्न आफ्नो तर्फबाट मन्त्रिपरिषद्मा छलफल अघि बढाउने प्रतिबद्धता व्यक्त गरिन । मन्त्रालयहरुमा पुगेको महासंघको डेलिगेशनमा उपाध्यक्ष रुपेश दुलाल, महासचिव कृष्णसारु मगर, सदस्यहरु सुदीप शिवाकोटी र रामहरि गजुरेलको उपस्थिति रहेको थियो ।