मकवानपुर । मनहरी गाँउपालिकामा सामुदायिक आँखा केन्द्र संचालन हुने भएकाे छ । मनहरी गाँउपालिका र हेटौडा सामुदायिक आँखा अस्पताल बीच मनहरीमा नियमित रुपमा सामुदायिक आँखा केन्द्र संचालन गर्ने सम्झौता भएसँगै आँखा केन्द्र संचालन हुने भएकाे हाे ।
हेटैडा सामुदायिक आँखा अस्पतालले नेपाल रेडक्रश सोसाईटी मनहरी उपशाखाको समन्वयमा साप्ताहिक रुपमा सामुदायिक आँखा केन्द्र संचालन गर्दै आईरहेको थियो । साप्ताहिक रुपमा संचालन भएकाे आँखा केन्द्रलाई स्तरोन्नती गरी दैनिक रुपमा आँखा केन्द्र संचालनमा ल्याउनकाे लागि सम्झाैता गरिएकाे हाे हो ।
आँखा केन्द्र संचालनकोलागि मनहरी गाँउपालिकाबाट २ जना कर्मचारीको खर्च एवम् अन्य व्यवस्थापन खर्च उपलव्ध गराउने मनहरी गाँउपालिकाका अध्यक्ष एकराज उप्रेतीले बताए । अस्पताल प्रमुख डा. सुनिल थकालीले हेटौडा सामुदायिक आँखा अस्पतालबाट स्थापना भएको पहिलो सामुदायिक आँखा केन्द्र दैनिक रुपमा संचलान हुँदा यस क्षेत्रका विरामीहरु लाभान्वित हुने बताए ।
नेपाल आँखा कार्यक्रमका कार्यकारीणी सदस्य सिद्धिलाल श्रेष्ठले सामुदायिक आँखा केन्द्र ग्रामीण क्षेत्रको विकासमा निकै महत्वपूर्ण हुने भएकोले नेपाल आँखा कार्यक्रम तिलगंगा आँखा कार्यक्रमबाट बिभिन्न क्षेत्रसंग समन्वय गर्दै सामुदायिक आाखा केन्द्र स्थापना गर्दै आएको बताए । हेटौडा सामुदायिक आँखा अस्तपालका बरिष्ठ प्रशासकिय अधिकृत सुधिर श्रेष्ठले आगामी ३ महिनामा मनहरीमा दैनिक रुपमा आँखा जाँच, चश्मा मर्मत, रिफरल सेवा सहितको सामुदायिक आँखा केन्द्र संचालन गर्ने योजना रहेको जानकारी दिए ।
मकवानपुर / प्रदेश सभा सदस्य मुनु सिग्देलले किसानको जीवनस्तर उकास्नको लागि सरकारले खासै ध्यान नदिएको बताएकी छिन् । भेटेरीनरी अस्पताल तथा पशु सेवा बिज्ञ केन्द्र स्वीकृत बार्षिक कार्यक्रम सार्वजनिकरण गोष्ठीमा सोमबार उनले यस्तो बताएकी हुन् ।
कार्यक्रम प्रदेश सभा सदस्य प्रेमबहादुर पुलामीले कृषिप्रधान देशको कृषि क्षेत्रमा आधुनिकताको लागि सरकार आवश्यकता अनुसार गम्भीर नभएको बताए ।

कार्यक्रममा थाहा नगरपालिकाका प्रमुख लबशेर बिष्टले स्थानीय तहहरुसँगको समन्वय गरेर कार्यक्रमहरू लक्ष्यित वर्गसम्म पुर्याउन पर्ने बताए । वास्तबिक किसानसम्म नपुग्दा अनुदानमा आधारित कार्यक्रमको प्रभावकारिता नहुने बिष्टले बताए । केन्द्रले पशुको शिविर सन्चालन गर्नुपर्ने आवश्यकता रहेको बिष्टले औल्याए । यसैगरी इन्द्र सरोवर गाउँपालिका अध्यक्ष जीवन लामाले स्थानीय तहमा बजेट बिनियोजन हुंदा र कार्यान्वयनमा पठाउंदा राजनीतिक विभेद हुनेगरेको गुनासो गरे । गाउँपालिकामा पशु बीमालगायतको कार्यक्रम समन्वय र सहकार्य नभएको कारण पशुको लागि छुट्याइएको बजेट फ्रीज भएकोमा उनले आक्रोश व्यक्त गरे ।
कार्यक्रम बिज्ञ केन्द्रका प्रमुख सुशील केसी, डाक्टर ध्रुब डीसीले स्वीकृत कार्यक्रमको बारेमा कार्यपत्र प्रस्तुत गरेका थिए । कार्यक्रम जिल्लाका स्थानीय तहका प्रमुखहरू तथा पत्रकारहरुको उपस्थिति रहेको विज्ञ केन्द्रका प्रदीप सापकाेटाले बताए ।

मकवानपुर / कोभिड महामारीको बाबजुद पनि उच्च अदालत पाटन हेटौंडा इजलासले कुल दर्ता भएका मुद्दाहरूमध्ये ८७.९६ प्रतिशत मुद्दा फर्स्यौट गरेको छ ।
उच्च अदालत पाटन, हेटौंडा इजलासले गत आर्थिक बर्ष २०७७/७८ मा लक्ष्यको ८७.९६ प्रतिशत मुद्दा किनारा लगाएको हो । अदालतले गत वर्षमा ९ सय ३९ मुद्दाको फर्स्यौट गर्ने लक्ष्य लिएकोमा ८ सय २६ मुद्दा फर्स्यौट गर्न सकेको अदालतको सूचना अधिकारी केशवराज कौशिकले बताए ।
सोमबार उच्च अदालत पाटन हेटौंडा इजलाशमा पत्रकार सम्मेलनको आयोजना गरेर अदालतले गत वर्षको लक्ष्य र प्रगति विवरण सार्वजनिक गरेको थियो ।
आर्थिक वर्ष ७७/७८ मा अघिल्लो वर्षबाट ४०८ थान मुद्दाको जिम्मेवारी सरेर आएको थियो । यस्तै गत वर्षमा १ हजार ३७ थान नयाँ मुद्दा दर्ता भएको थियो । गत वर्षमा १४ सय ४५ मुद्दाको लगत भएकोमा ८ सय २६ मात्र फर्स्यौट भएको हो । यस्तै उच्च अदालत पाटन हेटौंडा इजलासले चालू वर्षमा ११ सय ४९ नयाँ मुद्दा दर्ता हुने अनुमान गरेको छ ।
यो वर्षको लागि गत वर्षबाट ६ सय १९ थान मुद्दाको जिम्मेवारी सरेर आएको छ । चालू वर्षमा ११ सय ९४ थान मुद्दा किनारा गर्ने लक्ष्य लिएको अदालतका सुचना अधिकारी केशवराज कौशिकले जानकारी दिए । पत्रकार सम्मेलनमा उच्च अदालत पाटन, हेटौंडाका मुख्य न्यायाधीस मोहम्मद साविर हुसेन, उप–रजिष्ट्रार कैलाश भट्टराई लगायतको उपस्थिती रहेको थियो ।
मकवानपुर / विषम परिस्थितिमा मानव अधिकारको संरक्षणको लागि नागरिक समाजको भूमिका कमजोर हुँदै आएको समता फाउन्डेसन कार्यकारी निर्देशक प्रदीप परियारले बताएका छन् ।
प्रदेशमा नागरिक समाज भूमिका चुनौती र अवसर बिषयक अन्तरक्रिया कार्यक्रम उनले यस्तो बताएका हुन् । समता फाउन्डेसनको आयोजनामा कार्यक्रम भएको थियो ।
कार्यक्रममा अधिकारकर्मी गैसस महासंघ बगमती प्रदेश उपाध्यक्ष आरति पाठकले राज्यद्वारा प्रदत्त अधिकारमा आमनागरिकको पहुँच नपुगेको बताइन् । यसैगरी नागरिक समाज मन्च मकवानपुर संयोजक रमिला सापकोटाले नागरिक समाजको भूमिका सशक्त बनाउन सबै वर्ग सबै क्षेत्रको उपस्थिति हुनुपर्छ बताइन् ।
यस्तै अपाङ्ग सरोकार समिति मकवानपुरका ठाकुराम थापाले कोभिडको खोप लगाउने क्रममा समेत अपाङ्गता भएकाहरूले दुख भोग्नुपरेको गुनासो गरे । स्थानीय तहमा अपाङ्गता मैतृ भौतिक संरचना नभएको कारण समस्या भोग्दै आएको उनले बताए ।
यसैगरी ब्लु डाइमण्ड सोसाइटी फ्रेन्च हेटौंडा प्रमुख किरण थापाले बास, गाँस, कपासलगायत सबै सुबिधा उपभोगमा समस्या भोग्दै आएको बताइन् । लैङ्गिक विभेदको कारण शिक्षामा ड्रप आउट भएको, स्वास्थ्य उपचारमा समस्या भोग्दै आएको उनले बताइन् । यसैगरी लियो क्लबका रूपक कालिराजले युवा जमातमा बितृष्णा जागेको बताए । राजनीति आस्थाको आधारमा युवा शक्तिलाई विभेद गरिएको कालिराजले बताए ।
कार्यक्रममा अधिकारकर्मी प्रकाश खतिवडाले कार्यपत्र प्रस्तुत गरेको डेक नेपाल मकवानपुरका कार्यक्रम संयोजक मानबहादुर वाईबाले बताए ।
मकवानपुर । मकवानपुरमा गत बैशाख महिनाबाट जारी निषेधाज्ञा भदौ १० गतेसम्म थप गरिएको छ । मकवानपुरमा काेराेना संक्रमण राेकथाम, नियन्त्रण तथा व्यवस्थापनका लागि निषेधाज्ञा लगाउँदै आइएकाेमा काेराेनाकाे जाेखिम कायम रहेकाेले जारी निषेधाज्ञा थप गरिएकाे हाे ।
पछिललो पटक थप गरिएको निषेधाज्ञाको समयसिमा साेमबार सकिदै छ । मकवानपुरका प्रमुख जिल्ला अधिकारीले जिल्ला कोभिड व्यवस्थापन समिति, मकवानपुरको सिफारिस र जिल्ला सुरक्षा समितिको निर्णय अनुसार आदेश जारी गरी निषेधाज्ञा थप गरिएकाे हाे ।
‘संक्रामक रोग ऐन, २०२० को दफा २, कोभिड-१९ सङ्कट व्यवस्थापन अध्यादेश, २०७८ को दफा ४ र स्थानीय प्रशासन ऐन, २०२८ को दफा ६ को उपदफा ३ बमोजिम निषेधाज्ञालाई निरन्तरता दिई मिति २०७८ साल श्रावण ३२ गते सोमबार राती १२:०० बजेदेखि मिति २०७८ साल भदौ १० गते बिहिबार राती १२:०० बजेसम्म यस मकवानपुर जिल्लाभर निषेधाज्ञालाई भदौ १० गते राति १२ बजेसम्मलाई यस मकवानपुर जिल्लाभर निम्न बमोजिम हुने गरी आदेश जारी गरिएको छ । प्रमुख जिल्ला अधिकारी भरत मणि पाण्डेले जारी गरेकाे आदेशममा भनिएकाे छ ।
आदेश अनुसार जिल्लाका निजि तथा सार्वजनिक सवारीमा जोरबिजोर प्रणाली निरन्तरता र खाद्यन्नको पसलहरु खोल्ने समय थप गरिएको छ । अब अत्यावश्यक उपभोग्य बस्तु खाद्यान्य, मान्छा,मासु, तरकारी, फलफुल, दुध, पानि अण्डा पसलहरु बिहान ५ बजे देखी बिहान ११ बजे सम्म खोल्न पाईने र गरैखाद्यान्य तथा अन्य पसलहरु दिउँसो १० बजे देखी बेलुका ५ बजे सम्म खोल्न पाईने भ्एकाे छ ।
यसअघि प्रशासनले अत्यावश्यक उपभोग्य बस्तु खाद्यान्य, मान्छा,मासु, तरकारी, फलफुल, दुध, पानि अण्डा पसलहरु बिहान ५ बजे देखी बिहान १० बजे सम्म खोल्न र गरैखाद्यान्य तथा अन्य पसलहरु दिउँसो १२ बजे देखी बेलुका ४ बजे सम्म संचालन गर्न दिएको थियो ।
यसैगरी, बैठकले इलेक्ट्रिक तथा इलेक्ट्रोनिक्स पसलहरू, हार्डवेयर पसल, भाँडा पसल, कपडा पसल, टेलर, जुत्ता चप्पल पसल, सुनचाँदी पसल, कस्मेटिक पसल, फर्निचररफर्निसिङ, सवारी साधन मर्मत गर्ने वर्कसप तथा मोटर पार्टस् बिक्री वितरण गर्ने व्यवसायहरु बिहान १० बजेदेखि बेलुका ५ बजेसम्म सञ्चालन गर्न दिने निर्णय गरेको छ । सार्वजनिक सवारीसाधनको हकमा कुल सिट क्षमताभन्दा बढी यात्रु नराख्ने गरी जोर–बिजोर प्रणालीमा बिहान ६ बजेदेखि बेलुका ७ बजेसम्म संचालन गर्न पाइने अनुमति दिएको छ ।
प्रमुख जिल्ला अधिकारीबाट भएकाे आदेश

