मकवानपुर । अभिनेत्री वर्षा सिवाकोटी ‘कालीपुरुष’ फिल्ममा अनुबन्धित भएकी छन्। हालै ‘परदेशी २’को छायांकन सकाएकी वर्षा पछिल्लो समय व्यवसायमा पनि आवद्ध छिन्। सस्पेन्स थ्रिलर कथामा निर्माण हुन लागेको यो फिल्म इभाना इन्टरटेन्मेन्टको ब्यानरमा बन्न लागेको हो।
फिल्म राघव आचार्यले निर्देशन गर्ने छन् भने मानकृष्ण महर्जनको छायाँंकन रहने छ । ‘कालिपुरुष’मा नव–नायक रमेश बाँनियाको मुख्य भूमिका रहनेछ। फिल्मको अन्य टिम छनौटको क्रममा रहेका इभाना इन्टरटेन्मेन्टले जनाएकाे छ।फिल्मको छायाँकन फागुणको अन्तिम साताबाट सुरु बताइएको छ।
मकवानपुर/आँचल साहित्य कलापुञ्ज मकवानपुरले यसवर्ष १० जना स्रष्टाला विभिन्न सम्मान तथा पुरस्कार प्रदान गर्ने भएकाे छ । आँचलले आगामी फागुन २२ गते प्रदान गर्ने सम्मान तथा पुरस्कारको बारेमा शुक्रबार पत्रकार सम्मेलन गर्दै जानकारी सार्वजनिक गरेको छ ।
नारी साहित्यकारहरुले २०६९ साल मङ्सिरको २४ गते स्थापना गरेको संस्थाले साहित्य,कला
पत्रकारिता एवम् संस्कृतिको क्षेत्रमा योगदान पुर्याउनेहरुलाई सम्मान गर्दै आएको छ । संस्थाकी कार्यवाहक अध्यक्ष अनिता न्यौपानेको अध्यक्षतामा भएको पत्रकार सम्मेलनमा साहित्यसेवी तथा पुरस्कार संस्थापक मुक्ति गोविन्द वैद्यसहित कार्यसमितिका पदाधिकारी सदस्यको सहभागिता रहेको थियो ।
घोषणा गरिएको सम्मान तथा पुरस्कार आँचल साहित्य कला पुञ्जको वार्षिकोत्सवको अवसरमा २०७७ फागुन २२ गते विशेष साहित्यिक कार्यक्रमका बीच प्रदान गरिने कार्यवाहक अध्यक्ष न्यौपानेले जानकारी दिइन् ।
बालकुमारी जगन्नाथ भेटवाल स्मृति साहित्य सम्मान–२०७७ (१० हजार राशिको) चितवन निवासी समाचालोक÷कविज्ञानु अधिकारीलाई प्रदानगर्ने निर्णय भएको छ । प्रतिभा धिताल छन्द पुरस्कार–२०७७ (दश हजार राशिको) बाट नवलपरासी निवासी कृष्णदेवि शर्मा, ईश्वर लम्साल स्मृति पत्रकारिता सम्मान–२०७७ (सात हजार पाँचसय राशि)बाट प्रतापविष्ट, टीकादत्त–मायादेवी–कुलकुमारी साहित्यिक पुरस्कार–२०७७ (११ हजार १ सय ११ राशि) बाट कवि ललिता दोषी सम्मानित भइसक्नु भएको छ । सम्मानित गरिने भएको छ ।
यसैगरी अप्सरा तिम्सिना लम्साल स्मृति साहित्य सम्मान–२०७७ (१५ हजार राशि) बाट काठमाडौं निवासी कवि प्राज्ञ लक्ष्मी मालि, मंगलादेवि श्रेष्ठ बालप्रतिभा पुरस्कार सम्मान–२०७७ ( ३ हजार पाँचसय राशि) बाट छात्र प्रज्वल ढुंगाना, वनस्खण्डी खड्ग पौडेल प्रतिभा सम्मान–२०७७ ( ५ हजार राशि) बाट साहित्यकार रामचन्द्र आचार्य (फूर्सती) लाई प्रदानगर्ने निर्णय
गरिएको छ ।
यसैगरी मुक्ति–तारा नवप्रतिभा सम्मान–२०७७ (५ हजार राशि) बाट मकवानपुरे नवप्रतिभा प्रसिद्धिका लम्साललाई प्रदा नगर्ने निर्णय भएको छ । यस्तै सुन्तलीमाया श्रेष्ठ युवा प्रतिभा सम्मान–२०७७ ( १० हजार राशि) बाट मकवानपरे साहित्यकार सुवास खनाललाई प्रदान गर्ने निर्णय भएको छ । यसैगरी आँचल सम्मान–२०७७ (५ हजार राशि) बाट कलाकार चित्रकार सूर्य सन्यासीलाई सम्मान गरिने कार्यवाहक अध्यक्ष न्यौपानेले बताइन् ।
- अम्बु विहानी
केहि छैन यहाँ म सङ्ग भने धेरै चोटी ।
फिक्का छ योवनको रङ्ग भने धेरै चोटी ।
साँझ बिहान पटक–पटक उ धाउदा ,
गरिदेउ यो मोह भङ्ग भने धेरै चोटी ।
कहिले नसुन्ने केहि कुरा बानी अनौठो ,
शुरु नगर नया जङ्ग भने धेरै चोटी ।
मेरो लागि त्याग्ने भयो समाजलाई नि ,
फेरी देउ यो सोच्ने ढङ्ग भने धेरै चोटी ।
समिप आउँदा डरले मेरो मुटु काप्छ ,
नछोईदेउ मेरो अङ्ग भने धेरै चोटी ।
मकवानपुर । गजल मञ्च मकववानपुरले हरेक महिना पहिलो शनिबार आयोजना गर्दै आएकाे गजल यात्राको एक सय ७५ औं शृङ्खला सम्पन्न गरेकाे छ ।
मञ्चका उपाध्यक्ष सीएम रिमालको अध्यक्षतामा शनिबार भएको गजल यात्रा कार्यक्रम गीतकार/गजलकार तुलसी घिमिरेको प्रमुख आतिथ्यता रहेको थियो । कार्यक्रममा एक दजनभन्दा बढी गजलकारले आफ्नो गजल गायन तथा बाचन गरी सुनाएका थिए ।
कार्यक्रममा चितवनका गजलकार चेतनाथ रुवाली, झरना साहित्यिक परिवारका अध्यक्ष दीपक गौतम, सिस्नुपानी नेपाल मकवानपुरका अध्यक्ष गणेशकुमार पौडेल, मातृभूमि साहित्य समाज मकवानपुरका अध्यक्ष माधव पोखरेल, गजलकार पुरुषोत्तम आचार्य, किसन पौडेल, सुन्दर कार्की, हरिप्रसाद पौड्याल, साहित्य संगम मकवानपुरका सचिव डिबी वर्तौला, मञ्चका सचिव केशव समर्पण, नवसर्जक साहित्य चौतारीकी अध्यक्ष प्रसन्ना चौलागाई, सचिव समर्पण न्यौपाने, सहसचिव रचना भण्डारीलगायतले गजल गायन तथा बाचन गरेकाथिए ।
- मसान उपासक
यो देशमा
राजाहरु आए
पञ्चहरु आए
बहुदलबादी आए
गणतन्त्रबादि आए
जो आए सबै सबै पचाएर गए ।
यो देशमा
शिक्षकहरु आए
पत्रकारहरू आए
कर्माचारीहरु आए
ठेकेदारहरु आए
जो आए सबै सबै पचाएर गए ।
ज–जसले खाए यो देशलाई
एउटा चुईगम जसरी
फुलाए, पट्काए र फेरि फुलाए
चपाए, चुसे र फेरि चपाए ।
तर के गालि गर्नु र यिनिहरुलाई
अफ्रिकामा खाए तर अघाएनन्
एशियामा खाए तर अघाएनन्
युरोपमा खाए तर अघाएनन्
उत्तर अमेरिकामा खाए तर अघाएनन्
दक्षिण अमेरिकामा खाए तर अघाएनन् ।
यत्रो देश जावो एउटा चुईगम जसरि घाटिमा
अड्काउन पाउनुपर्छ भनेर हिडिरहेको
एउटा मान्छेलाई तपाईंले बाटोमा भेट्नुभयो भने सोध्नु
सडकमा ओर्लिएपछि हजुरले
निर्मलाका बाआमा पनि देख्नुभयो कि
सिंहदरबार अघिल्तिर सुतिरहेको सपना मात्रै ?

बकैया–४, मकवानपुर