- श्रीबहादुर केसी शैलुङ्गे
१. शहरकाे अर्थ
शहरकाे मध्य भाग
जहाँ गुज्रिएको छ
त्याे मलिन अनुहार
हृदय कम्पित भए झै
पाेल्छ अाँखा,
जब देख्छु म कतै
राेगी नगर बधुहरु
शरीर बेच्न अातुर छन्
दिन प्रतिदीन थकित श्रमिक
काम नपाएर भाैतारी रहेका छन्
शहरकाे हर गल्लिहरुमा
कठिन छ शहर हुनुकाे अर्थ
अाफ्नै भाग्य नबुझी
अरुकाे भाग्यमा दाेष दिने दाेवाटेहरु
पुरानाे पुस्तक जस्तै
यस्तै छ यहाँ जीवनकाे सुन्दरमय बाटाे
देखाउन असमर्थ धुले सडक
यात्रुकाे प्रतिक्षामा
पालाे कुरिरहेका थाेत्रा बस र टेम्पाे
कस्ले बुझ्छ र शहर हुनुकाे अर्थ
खै कस्ताे शहर ???
खै कस्ले बुझ्ने ?
फुटपाथमा वसेकाे जुत्ता
मर्मत गर्ने सृजनशील मानिसकाे
ब्यथा, भाेककाे अाफ्नै कथा
बिर्सिएर बाध्य छ गुजारा चलाउन
धेरै रहस्यमय र कठिन पाे रहेछ
शहरकाे शब्दार्थ, पहिल्याउन ।।
२. रंगिन गुलाब
एकाविहानै टिपेर
शिताम्य फूल
याे प्राचीन सभ्यतामय देश
पुर्खाहरुकाे धराेहर
कला संस्कृती परम्परामा
कैद वनाएर
सजिएछ, नतमस्तक भएर
उभियकाे छ
सगरमाथाकाे सर्वाेच्चता
शिर उच्च वनाइ
मुटु जडित रंगिन गुलाव!
याे शहरकाे मूल गेटमा
चेतनाकाे घण्टा वजाएर
अास्थालाइ थाती राखि
भावनामा सजित रानीपाेखरी
कल्पना र विचाराधीन लुम्बिनी
भूगाेल भित्र सभ्यताको अाड्मा
हृदयकाे कुनेटाेमा
सजाएर खालि पानाहरु
वसन्तकाे पहारिलाे घाम झै
म लेखिरहेछु यउटा सत्य
उर्वर भूमि,
धर्तीमा पाइला चाली
तिम्राे गर्भ माथी!!
दाेलखा हाल चागुनारायण न. पा २ भक्तपुर
- भवानी तिमल्सिना न्याैपाने
१.
सफलताको शिखर चढ्दा पाउ गल्न दिने छैन ।
मनमा जो विस्वास छ त्यसलाई ढल्न दिने छैन ।
तनको दुरी रहदा मनमा डुल्न खोज्लान वैरी
रोकी तिनका पाईला अघि चल्न दिने छैन ।
मन मुटाब शुरु होला विश्वासको खडेरीले
शंकाको आगो सल्किएर बल्न दिने छैन ।
नुग्न दिने छैन कहिले उँचो राख्छु तिम्रो शिर
कसैको पाउ झुकि तिमीलाई मल्न दिने छैन ।
भरोसाले सजिएको सुन्दर फूलबारी भित्र
अविश्वास र घृणाको फल फल्न दिने छैन ।
२.
बेचे राष्ट्रियता बेचे स्वाभिमान विडम्बना छ।
नराख्ने भए पुर्खाको त्यो शान विडम्बना छ ।
आमाको लुछियो कोख चेलिको पुछियो सिउँदो
बिर्सिए ती हजारौँको वलिदान विडम्बना छ ।
आफ्नु स्वार्थ सिद्ध गर्न दुष्मनको पाउ मलि
देश टुक्र्याउने गर्छन जमान विडम्बना छ ।
जति सरोस जंगे पिलर चासो छैन कपुतलाई
गर्छन सदा कुर्सिमा तानातान विडम्बना छ ।
देशको चिन्ता नलिएर धाएका छन् छिमेकमा
खाएर दक्षिणेको मोहनी पान विडम्बना छ ।
३.
मेरो मुटु तिमी बिना म सास फेँरु कसरी ।
मन भित्र नै बसेका छौ वास हेँरु कसरी ।
तिम्रा होलान् दौँतरी अनगिन्ति कति कति
छु कि छैन म तिमिलाई खास केरुँ कसरी ।
भन्छौ रमाउ साथमा परे भोगौँला मिली
चल्छ समाजमा गन्ध बतास टेरुँ कसरी ।
स्वच्छ छ हाम्रो सम्बन्ध कञ्चन पानी झै
धमिल्याउने हुदैछ प्रयास बेरुँ कसरी ।
वैरीहरुले एक हुन नदिए नि बाँच्छु म त
पाउछू सधैँ तिम्रो प्रेमाभास सेँरु कसरी ।
हेटाैडा, मकवानपुर
- पारस भट्ट प्यासी
१.
हे भगवान कत्ती दु:ख दिन्छौ
भैसके जवान कत्ती दु:ख दिन्छौ
यसरी आँसु दिनु भन्दा सेल पुरि
देउन पकवान कत्ती दु:ख दिन्छौ ।
२.
तिमी पर्खी बस्नु मेरि बनाउछु नानू म ठूलो भएपछी
तिम्रो हात माग्न पक्कै आउछु सानू म ठूलो भएपछी
तिम्रो आखामा आँसु कहिलै खस्न दिने छैन कस्सम
दु:ख पीडा जे सहेरनी कमाउछु गानु म ठुलो भएपछी।
३.
घरी घरि याद आउदा खेरी नरुनु है तिमी
आमाकै तस्बिर हेरि हेरी नरुनु है तिमी
आमाको माया सासू आमा बाट दिलाउने छु
कस्सम छिट्टैनै हुनेछौ मेरी नरुनु है तिमी।
४.
कत्ती राम्रो मान्थे म तिमी मुस्कुराएपछी
हास्दै हास्दै मेरो नजिक आएपछी
मेरा आमा बा पनि कत्ति खुसी हुन्थे होला
छिट्टैनै तिम्रो र मेरो लगन जुराएपछी।
५.
कत्ती नगरेर गनगन बिताउने भए
आउ मसङ्ग जीवन बिताउने भए
दु:ख सुख तितो मीठो जे खाएरनी
रम्दै रमाउदै फन फन बिताउने भए ।
६.
जाली फटा गुन्डा ठग चोर छैन मँ
किन बुज्दिनौँ तिमी फोहोर छैन मँ
तिमी जत्तित मँ जे सो भएपनी हेर
कपटी मन्को पापी कठोर छैन मँ ।
७.
मैले लगाएको हुँ मन यस्तै सोचेर
धेरै कमाउँनलाइ धन यस्तै सोचेर
हो म पक्कै यसरी प्रदेसिएको प्रिया
उतै काट्न जीवन यस्तै सोचेर ।
मेलौली– २ सुन्दर भुमी सेली, बैतडी
मकवानपुर । कवियत्री एवम् गीतकार राखी गौचनको शब्द रहेको ‘हे मन’ बोलको म्युजिक भिडियो सार्वजनिक भएको छ। मार्मिक तथा हृदयस्पर्शी शब्द रहेकाे यस गीत रेकर्ड भइ सार्वजनिक भएकाे करिव ११ महिना पछी गीतकाे म्युजिक भिडियाे सार्वजनिक भएकाे हाे ।
गितमा गायक शंकर थापा स्माइल काे स्वर रहेकाे छ भने गायक थापाले नै संगीतवद्द गरेकाे गीतमा विश्व अधिकारीले संगीत संयाेजन गरेका छन् । पत्नी गुमाएको एक पुरुषको विक्षिप्त अवस्थालाई मार्मिक ढङ्गमा प्रस्तुत गरिएको म्युजिक भिडियोमा सुधिर श्रेष्ठ, सिर्जना जीसी र प्रनिमा दाहाल फिचर्ड छन्। भिडियोलाई उत्सव दाहालले छायांकन गरेका हुन्।
भिडियोमा शिलन लम्सालको सम्पादन रहेको छ। डश म्युजिक नेपालको च्यानल मार्फत सार्वजनिक गरिएको यस भिडियोलाई मुनाल शिशिर कोइरालाको निर्देशनमा तयार पारिएको हो।
- नैना अधिकारी
१.
एक्लै कुनामा बसी रुन्छे ऊ त्यो चार दिन
बारम्बार आफूलाई धुन्छे ऊ त्यो चार दिन
पीडामा पीडा नथप्नु उसलाई अछुतो भनेर
बिचरी धेरै पीडामा हुन्छे ऊ त्यो चार दिन ।
२.
आँसु जति सबै मलाई नै दिएर जाऊ
टुक्रा भएको यो मुटु मेरो सिएर जाऊ
सक्छौ भने एकपटक अाएर तिमी
तिम्रा सबै यादहरू समेटी लिएर जाऊ ।
३.
मान्छे चाहिन्छ कि चाहिन्छ नोट पहिल्यै भनिदिनु
छ भने थोरै पनि नियतमा खोट पहिल्यै भनिदिनु
छोरी हाम्रो मुटु हुन, बेच्न राखिएको सामग्री होइन,
दाइजोको निहुमा दिइन्छ कि चोट पहिल्यै भनिदिनु।
४.
नाटक सिनेमा हेरेर रुन्छन् यहाँ
कहानी सुनेर भावुक हुन्छन् यहाँ
वास्तविकतामा हेर्दा अर्कै छ हजुर
असहायको पीडा कसले सुन्छन् यहाँ ।
५.
पहिरो गएको जस्तो गरी मन त्यतै गयो
सधैंभरिलाई बसाई सरी मन त्यतै गयो
चुम्बक तिमी म फलामको टुक्रा जस्तै,
बस्न देऊ टासिएर सधैंभरि मन त्यतै गयो।
६.
कर्मको फल पाइन्छ एकदिन हजुर रुनु हुँदैन
भाग्यलाई धिक्कार्दै सधैँ निधार छुनु हुँदैन
दुःखको रात पछि सुखको उज्यालो आउँछ
अधिक समय लाग्यो भनेर हतास हुनु हुँदैन ।
७.
बिग्रिन नपाई सबै काम सम्हाल्न पाएँ हुन्थ्यो
मनका पीडा साथमा बसेर फाल्न पाएँ हुन्थ्यो
तिम्रो मनमा बसिसकेँ अब घरमा भित्र्याए हुन्छ
बुहारी बनि हरेक साँझ बत्ती बाल्न पाएँ हुन्थ्यो ।
८.
गोर्खा चेली हुँ म गुन्युचोली लाउनेे गर्छु
संस्कृति जोगाउने भाषा गीत गाउने गर्छु
अबला नारी बनि बस्नु छैन अब मलाई
अन्याय देख्दा म आवाज उठाउने गर्छु ।
९.
पैसा-पैसा भन्दै यो जिन्दगी खेर जाने हो
किन मरिहत्ते गर्नु आखिर एकपेट खाने हो
सम्पत्ति कमाउने होडमा अन्धो हुन्छौं किन
मरेपछि साथमा खोई हामीले के पो लाने हो ।
कामरूप खेत्री,असम,भारत