मकवानपुर । कडा प्रतिस्पर्धा र लामो रस्साकस्सीपछि वर्तमान राष्ट्रपति डोनल्ड ट्रम्प पराजीत गर्दै अमेरिकाको ४६औँ राष्ट्रपतिको रुपमा डेमोक्रेटिक पार्टीका नेता जो बाइडेन विजयी भएका छन् ।
उनीसँगै उपराष्ट्रपतिको रुपमा कमला ह्यारिस विजयी भइन् । बाइडेनले संसदमा २ सय ७० इलेक्टोरल कलेज भोट आवस्यक पर्नेमा २ सय ८४ भोट ल्याउँदै विजयी भएका हुन् । निकटतम प्रतिस्पर्धी डोनल्ड ट्रम्पले भने २ सय १४ भोट मात्रै ल्याए ।
निर्णायक राज्य मानिएको पेन्सिल्भेनियामा बाइडेन र ह्यारिसले जितेसँगै सिएनएन, बीबीसी, एपी लगायत अन्तराष्ट्रिय मिडियाले डेमोक्रेट उम्मेदवारहरुले जितेको जनाएका हुन् । यद्यपि आधिकारिक रुपमा घोषणा भएको छैन ।
यसबीचमा अमेरिकामा ट्रम्प र बाइडेन दुबैका समर्थकहरु आन्दोलित बनेका छन् । झण्डै एक साता लागेर सम्पन्न भएको यसपटकको अमेरिकी निर्वाचन ऐतिहासिक मानिएको छ । सबैभन्दा धेरै मतदाता यसपटक थिए । साथै हुलाक मार्फत पनि मतदान गरिएको थियो ।
यसवाहेक कोरोना महामारीका बीच निर्वाचन सम्पन्न भएको हो । नोभेम्बर ३ मा सुरु निर्वाचनको मतगणना भने नोभेम्बर ७ मा मात्रै सम्पन्न भएको छ । मतगणनाको अन्तिम चरणसम्म आइपुग्दा पनि दुई उम्मेदवारबीच कडा प्रतिस्पर्धा नै थियो ।
यससँगै ट्रम्प दोस्रो कार्यकाल चलाउन नपाउने अमेरिकाका थोरै राष्ट्रपतिमध्ये एक हुन् । सामान्यत: अमेरिकामा दुई कार्यकालसम्म राष्ट्रपति बन्ने चलन छ । यसैबीच उपराष्ट्रपतिको रुपमा विजयी हुँदै कमला ह्यारिसले अर्को एक इतिहास बनाएकी छन् । उनी अमेरिकाको इतिहासमा पहिलो अस्वेत र भारतीय मूलकी महिला उपराष्ट्रपति हुन् ।
डेमोक्रेटिक पार्टीका जो बाइडेनको राजनीतिक करियर अधिक लामो रह्यो । राष्ट्रपति पदमा चुनिएर सपथ लिएसँगै उनी ७८ वर्षको उमेरमा अमेरिकाको सबैभन्दा उमेरदार राष्ट्रपति हुनेछन् ।
पूर्व डेलावेयर सीनेटर जो बाइडनलाई सन् २००८ मा राष्ट्रपति बाराक ओबामाको कार्यकालमा ४७ औँ अमेरिकी उपराष्ट्रपति पदका लागि चुनिएको थियो र २०१२ पनि फेरि उनलाई निर्वाचित गरियो । त्यसपछि उनी २०२० को राष्ट्रपति पदका लागि उम्मेद्वार बनेर विजय हासिल गरेका हुन् ।
को हुन् जो बाइडेन?
जो बाइडेन अर्थात् जोसेफ रोबिनेट बाइडन जुनियरको जन्म सन् १९४२ मा पेनसिल्भानिया राज्यको स्क्रेटनमा भएको हो । उनी आफ्नो बालापनमा नै डेलावेयर गएका थिए । उनले राजनीतिमा आउनुभन्दा पहिले केही समय वकिलका रुपमा काम गरे । उनी इतिहासमा पाचौँ सबैभन्दा कम उमेरका अमेरिकी सीनेटर र डेलावेयरका सीनेटरका रुपमा सबैभन्दा लामो समयसम्म कार्यरत रहे ।
राष्ट्रपति चुनावको मैदानमा पहिले पनि उत्रिसके बाइडन
डेलावेयरबाट ६ पटकसम्म सीनेटर भइसकेका बाइडन राष्ट्रपति चुनावको रेसमा तेस्रो पटक मैदानमा आएका हुन्। उनले पहिलो पटक १९८८ को चुनावमा प्रयास गरेका थिए। तब उनी साहित्यिक चोरीको आरोपमा पछि हट्नु परेको थियो । फेरि उनले आफ्नो दोस्रो प्रयास २००८ को चुनावका लागि गरेका थिए ।
बाइडनलाई अमेरिकाका पूर्व राष्ट्रपति बाराक ओबामाको नजिकी मानिन्छ । उनी ओबामाको कार्यकालमा २००८ देखि २०१६ सम्म दुईपटक उपराष्ट्रपति भइसकेका छन् । २०२० को राष्ट्रपति चुनावमा बाइडनको जीतका लागि ओबामा पनि अधिक प्रयासरत देखिएका छन् ।
पारिवारिक मुस्किलका साथ लडेर यस स्थानमा पुगे बाइडन
१९७२ मा बाइडन सीनेटका लागि चुनिएका सबैभन्दा कम उमेरका मानिसमध्ये एक थिए । त्यसको केही हप्तापछि बाइडनको परिवारमा एउटा ठूलो आपत्ति आइपर्याे, जब कार दुर्घटनामा उनकी पत्नी नीलिया र छोरी नाओमीको मृत्यु भयो, जबकि उनका छोरा हन्टर र ब्यू गम्भीर रुपमा घाइते हुन पुगे ।
सन् २०१५ मा बाइडनका जेठा छोरा ब्यूको ब्रेन क्यान्सरका कारण मृत्यु भयो। उनका साना छोरा हन्टर एक वकिल र लबिस्टका रुपमा उनको करियर भ्रष्टाचारको आरोपको निशाना बनिरहेको छ ।
बाइडनको प्राथमिकता के हो?
बाइडनका तीनवटा मुख्य प्राथमिकता रहेका छन्, जसमा स्वास्थ्य सुरक्षासँग सम्बन्धित ढाँचाको विस्तार गर्नु, शिक्षामा अधिक लगानी गर्नु र सहयोगी देशका साथको सम्बन्धलाई नयाँ दिशा दिनु शामिल रहेका छन् ।
विवादसँग जोडिएको सम्बन्ध
बाइडनमाथि ब्रिटिश लेशर पार्टीका नील किन्नकको भाषणको साहित्यिक चोरीको आरोप लागेको थियो । यसका अलावा बाइडनले स्वीकार गरेका थिए कि, उनले ल अफ स्कुलमा आफ्नो पहिलो वर्षका क्रममा कानुनी समीक्षाको लेख चोरी गरेका थिए ।
यौन उत्पीडनको आरोप पनि लागेको थियो
बाइडनको सीनेट अफिसमा काम गर्ने एक महिलाले वाशिंगटन डीसीको प्रहरी समक्ष एक अपराधिक उजुरी दर्ता गराएकी थिईन् । ती महिलाले सन् १९९३ मा बाइडनले आफूमाथि यौन उत्पीडन गरेको आरोप लगाएकी थिईन् । पत्रपत्रिकाकाे सहयाेगमा
इन्डियन प्रिमियर लिग (आईपीएल) मा आज (शनिबार) दुई खेल हुने छन्। पहिलो खेलमा कोलकाता नाइट राइडर्स र दिल्ली क्यापिटल्सबीच हुँदै छ। खेल नेपाली समयअनुसार दिउँसो पौने ४ बजे सुरु हुनेछ।
अंक तालिकाको दोस्रो स्थानमा रहेको दिल्ली चौथो स्थानमा रहेको कोलकातालाई पराजित गर्दै तालिकाको शीर्ष स्थानमा उक्लिने लक्ष्यका साथ मैदानमा उत्रिने छ । यस खेलमा दिल्लीले कोलकातालाई पराजित गरे दिल्ली प्लेअफमा पुग्ने सम्भावना लगभग पक्काजस्तै हुनेछ। तर, त्यसका लागि केही अंक गणितीय तथ्याङ्क मात्र बाँकी रहनेछ।
दिल्लीले कोलकातालाई पराजित गरे ११ खेलमा १६ अंक जोड्दै शीर्ष स्थानमा उक्लिनेछ। यता कोलकाताले दिल्लीलाई पराजित कोलकाता चौथो टोलीका रुपमा प्लेअफमा पुग्ने सम्भावना अझै बलियो हुनेछ।
कोलकाताको हाल १० खेलबाट १० अंक जोड्दै तालिकाको चौथो स्थानमा छ। त्यस्तै आजै हुने अर्को खेलमा किंग्स इलाभेन पन्जाब र सनराइजर्स हैदराबादबीच हुँदैछ। खेल नेपाली समयअनुसार राति पौने ८ बजे सुरु हुनेछ।
आजको खेलमा पन्जाब र हैदराबादका लागि जित्नै पर्ने दबाब छ। प्लेअफमा पुग्ने सम्भावना जीवितै राख्न दुवै टोलीले जीतका लागि गर या मरको अवस्थामा छन्। समान १० खेल खेलेको हैदराबाद र पन्जाबको समान ८ अंक छ। समान अंक भए पनि हैदराबाद रन रेटका आधारमा पन्जाबभन्दा एक स्थान माथि छ।
त्यसैले पनि यो खेल दुवै टोलीको जितका लागि निकै नै आवश्यक छ। आजको खेल जित्ने टोलीको प्लेअफ सम्भावना जीवित रहनेछ भने पराजित टोलीको सम्भावना करिब सकिनेछ। तर, गणितीय झिनो सम्भावना भने जीवित रहनेछ। एजेन्सी
यूएईमा जारी १३औं संस्करणको इन्डियन प्रिमियर लिग (आईपीएल) टी-ट्वान्टी क्रिकेटमा आज शनिबार दुई खेल हुँदैछन् । पहिलो खेलमा रोयल च्यालेन्जर्स बैंगलोर र राजस्थान रोयल्सबीच प्रतिस्पर्धा हुँदैछ ।
दुबई अन्तराष्ट्रिय क्रिकेट स्टेडियममा बैंगलोर छैठौँ जितको खोजीमा हुनेछ । अघिल्ला ८ खेलमा बैंगलोरले ५ जितसहित १० अंक जोडेको छ । विराट कोहलीको कप्तानीमा रहेको बैंगलोर तेस्रो स्थानमा रहेको छ ।
राजस्थान पनि बैंगलोरलाई हराएर चौंथो जित निकाल्न चाहन्छ । ८ खेलमा ६ अंक जोडेको राजस्थान अन्तिमबाट दोस्रो स्थानमा रहेको छ । बैंगलोरलाई हराएर राजस्थान अंक तालिका सुधार गर्ने लक्ष्यमा हुनेछ ।
शनिबार नै हुने अर्को खेलमा दिल्ली क्यापिटल्स र चेन्नई सुपर किंग्स प्रतिस्पर्धा गर्दैछन् । सारजामा हुने खेलमा अंक तालिकाको दोस्रो स्थानमा रहेको दिल्ली र छैठौँ स्थानमा रहेको चेन्नईबीचको खेल रोमाञ्चक हुने अपेक्षा गरिएको छ । एजेन्सी
काठमाडौं । चिनियाँ राष्ट्रपति सि जिङफिङले नेपाल भ्रमण गर्नुभएको एक वर्ष पुरा भएको अवसर पारेर नेपाल–चाइना मिडिया फोरमले प्रकाशित गरेको पुस्तक ‘प्रेसिडेण्ट सि जिङफिङ्स नेपाल भिजिट : अ पिक्टोरियल गाइड’ (President XiÚs Nepal Visit :A Pictorial Guide) को सोमबार पुर्व प्रधानमन्त्री, नेपाल कम्युनिष्ट पार्टी (नेकपा) का वरिष्ठ नेता तथा विदेश विभाग प्रमुख माधवकुमार नेपालले सार्वजानिक गरेका छन् ।
पुस्तक सार्वजनिक समारोहमा बोल्दै पूर्वप्रधानमन्त्री नेपालले नेपाल–चीन सम्बन्ध सधै हार्दिक र सुमधुर रहेको उल्लेख गर्दै यो सम्बन्धलाई अझै कसिलो र घनिभूत बनाउनु पर्ने बताए । चिनियाँ राष्ट्रपति सीको भ्रमणबाट नेपालले कति लाभ लिन सक्यो भन्ने समिक्षा गर्नुपर्ने बेला आएको उल्लेख गर्दै उनले भने–‘कागजीरुपमा त लाभ लियौं तर व्यवहारिकरुपमा कति लाभ लिनसक्यौ ? बेल्ट एण्ड रोड इनिसियटिभ्सबाट कति लाभ लिन सक्यौं ? यसको समिक्षा गर्दै भएका सहमति कार्यन्वयनमा जोड दिनुपर्छ ।’ नेपाल चीनको विश्वासिलो मित्र भएको भएको उल्लेख गर्दै पूर्वप्रधानमन्त्री नेपालले भने–‘हामी चीनसँग अझ विश्वासिलो र साझेदार देशकारुपमा अघि बढ्न चाहान्छौं ।’
पछिल्लो समय सी जिन फिङले चीनको नेतृत्व सम्हाल्नु भएपछि उनले बेल्ट एण्ड रोड सम्बन्धी नयाँ सिल्क रोडको नयाँ अवधारणा अगाडी सार्नु भएको उल्लेख गर्दै नेपालले भने–‘पुरानो सिल्क रोडले जसरी एसिया र युरोपलाई जोडेको थियो, त्यसरी नै सारा विश्वलाई जोड्ने पहल चिनियाँ नेतृत्वले गर्यो । उहाँ आएपछि यो अवधारणालाई अझ गति प्रदान गर्नुभयो । सिंगो मानवजातीको साझा भविष्यको परिकल्पना गर्दै सबैलाई आर्थिकरुपले लाभ हुने जुन प्रस्ताव अगाडी सार्नुभयो, त्यो अत्यन्तै सहनीय छ ।’
कार्यक्रमलाई सम्बोधन गर्दै चीनका लागि नेपालका पूर्व राजदूत लीलामणि पौड्यालले सन् १९६५ मा नेपाल–चीनविच कुटनैतिक सम्बन्ध स्थापना भएयताका विभिन्न महत्वपूर्ण आयामहरुका बारेमा चर्चा गरे । सीमासम्बन्धी सन्धी, पहिलोपटक प्रधानमन्त्री हुँदा केपी शर्मा ओलीले गर्नुभएको चीन भ्रमणमा भएको व्यापार तथा यातायातसम्बन्धी सम्झौता, बेल्ट एण्ड रोड इनिसियटिभ्समा नेपालको हस्ताक्षर, गणतन्त्र नेपालको पहिलो राष्ट्रपति भ्रमणका रुपमा राष्ट्रपति विद्या भण्डारीले गर्नुभएको चीन भ्रमण र चीनका राष्टपतिबाट २३ वर्षपछि भएको सिको नेपाल भ्रमण दुई देशवीचको सम्वन्धमा कोशेढुंगा भएको उनले बताए ।
चीन विश्वमै उत्पादनको घर र ठूलो व्यापार साझेदार देश भएको उल्लेख गर्दै पूर्व राजदूत पौड्यालले नेपालले चीनबाट लिनसक्ने लाभका विविध पक्षबारे उल्लेख गरे । उनले भने–‘विश्वमा उदयीमान देश चीनजस्तो छिमेकी मुलक चीनबाट लाभ लिन सकेमा नेपालको समृद्धिको लक्ष्य पुरा हुनसक्छ र नेपाल पनि चीनसँगसँगै विकास र समृद्धिको यात्रामा अगाडी बढ्न सक्छ ।’
विश्वमै ठूलो व्यापार साझेदार चीन जस्तो मुलुकको प्रभावशाली नेताको भ्रमण नेपालका लागि तात्वीक र आधारभूतरुपमै भिन्न र विशेष रहेको उनले बताए । त्यतिमात्र नभएर उक्त भ्रमण विश्व परिस्थिति र हाम्रो आन्तरिक कारणले पनि महत्वपूर्ण रहेको उनको भनाई थियो । राष्ट्रपति सी को भ्रमणका बेला चीनका लागि राजदूत समेत रहनुभएका पौड्यालले उक्त भ्रमण गराउँदाका आफ्ना अनुभव पनि बताए ।
कार्यक्रममा नेपाल–चाइना मिडिया फोरमका अध्यक्ष किशोर श्रेष्ठले चिनियाँ राष्ट्रपतिबाट २३ वर्षपछि भएको सी को भ्रमण नेपालका लागि विशेष दिनका रुपमा रहेको र यसले द्धिपक्षीय सम्बन्धमा विशेष महत्व बोकेको बताए । साेमबार सार्वजानिक गरिएको पुस्तक ‘प्रेसिडेण्ट सि जिङफिङ्स नेपाल भिजिट ः अ पिक्टोरियल गाइड’ मा चिनियाँ राष्ट्रपति सी, नेपालका पूर्वप्रधानमन्त्रीहरु पुष्पकमल दाहाल ‘प्रचण्ड’, माधवकुमार नेपाल, शेरबहादुर देउवा, परराष्ट्रमन्त्री प्रदीप ज्ञवाली, नेपाल कम्युनिष्ट पार्टीका विदेश विभाग उपप्रमुख विष्णु रिजाल, सन योङ / विएम रेग्मी का लेखहरु समावेश छन् ।
साथै, पुस्तकमा दुई देशका भएका संयुक्त वक्तव्यहरु, दुई देशका उच्चस्तरीय भ्रमणमा भएका सम्झौताहरु, सी भ्रमणका तश्वीर र साथै सी भ्रमणका बेला नेपाली छापा माध्यममा प्रकाशित सामाग्रीहरु पनि समावेश गरिएको छ ।
इन्डियन प्रिमियर लिग (आईपीएल) अन्तर्गत शुक्रबार राती सम्पन्न खेलमा चेन्नाई सुपर किङ्स पराजित भयो । दुबई अन्तराष्ट्रिय क्रिकेट रंगशालामा हिजो उ सनराइजर्स हैदरावादसँग ७ रनले पराजित भएको हो । चेन्नाई सुपर किङ्सकाे आईपीएलमा याे लगातार तेस्रो खेलमा हार हाे ।
हैदराबादले दिएको १ सय ६५ रनको लक्ष्य पछ्याएको चेन्नईले २० ओभरमा ५ विकेट गुमाएर १ सय ५७ रनमा समेटियो । चेन्नईका लागि रबिन्द्र जडेजाले ५० रन तथा कप्तान महेन्द्र सिंह धोनीले अपराजित ४७ रन जोडे पनि टोलीलाई जीत दिलाउन सकेनन । हैदराबादका नटराजनले २ विकेट लिए ।
टस जितेर पहिले ब्याटिङ गरेको हैदराबादका प्रियम गर्गले ५१ रन जोडेपछि टोलीले २० ओभरमा ५ विकेट गुमाएर १ सय ६४ रन बनाएको थियो । जितसँगै ४ खेलबाट ४ अंक जोडेको हैदराबाद अंक तालिकाको चौंथो स्थानमा उक्लिएको छ । ४ खेलबाट २ अंक मात्रै जोडेको चेन्नई पुछारमा रहेको छ ।
आईपिएल क्रिकेटमा आज दुई खेल हुनेछन् । आबुधाबीमा हुने खेलमा रोयल च्यालेन्जर्स बैंग्लोर र रोजस्थान रोयल्स भिड्दा सारजहामा दिल्ली क्यापिटल्सको सामना कोलकाता नाईट राईडर्सले गर्नेछ । एजेन्सी