मकवानपुर । पछिल्लो २४ घण्टामा थप ८३ जना कोरोना संक्रमणमुक्त भएका छन् । याे सँगै नेपालमा हालसम्म कोरोना मुक्त हुनेको संख्या दुई लाख ७० हजार ७ सय ६६ पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा १ सय २० जना नयाँ कोरोना संक्रमित थपिएका छन् । मन्त्रालयका अनुसार नेपालमा हालसम्म २ लाख ७४ हजार छ सय ८३ जनामा कोरोना संक्रमण पुष्टि भएको छ । यस्तै पछिल्लो २४ घण्टामा कुनै पनि कोरोना संक्रमितको मृत्यु भएको छैन ।
मकवानपुर । बागमती प्रदेशका ५ जिल्ला अस्पताललाई अाइतबार एम्बुलेन्स हस्तान्तरण गरिएकाे छ । सामाजिक विकास मन्त्रालय अन्तरगतको स्वास्थ्य आपूर्ति व्यवस्थापन केन्द्र मार्फत खरिद गरिएकाे एम्बुलेन्स मुख्यमन्त्री डोरमणि पौडेलले प्रदेशका ५ जिल्ला अस्पताललाई हस्तान्तरण गरेका हुन् ।
अाइतबार एक कार्यक्रमका बीच मकवानपुरको हेटौंडा, नुवाकोटको त्रिशुली, सिन्धुपाल्चोकको चौतारा, धादिङको धादिङबेसी र सिन्धुली जिल्लाको सिन्धुली माडी अस्पतालको प्रमुख चिकित्सक र अस्पताल विकास समितिका अध्यक्षलाई एम्बुलेन्स हस्तान्तरण गरिएकाे छ । एम्बुलेन्स हस्तान्तरण कार्यक्रममा मुख्यमन्त्री पौडेलले प्रदेश सरकारले संचालन गरेका अस्पतालले स्तरीय र गुणस्तरीय सेवा प्रदान गरिरहेकाे बताए ।

‘अस्पतालहरुको सेवा गुणस्तरीय भए विरामी रिफर गर्ने अवस्थाको अन्त्य हुनेछ’ पाैडेलले भने जिल्ला अस्पतालहरुको भवन निर्माणको क्रम जारी रहेकाे छ जनशक्ति र उपकरणको पर्याप्त उपलव्धताका लागि प्रदेश सरकारले काम गरिरहेको छ ।’
कार्यक्रममा प्रदेशका प्रमुख सचिव मानबहादुर विके, मन्त्रालयका सचिव दिपक काफ्ले, आपूर्ति व्यवस्थापन केन्द्रका निमित्त निर्देशक बसन्त अधिकारी, हेटौंडा अस्पतालका अध्यक्ष प्रकाश पौडेल लगायतको उपस्थिति रहेको थियो ।
आपूर्ति व्यवस्थापन केन्द्रले पहिलो पटक सुविधा सम्पन्न ‘ख’ बर्गको एम्बुलेन्स जिल्ला अस्पताललाई प्रदान गरेको जनाइएको छ । अहिले उपलव्ध गराइएका ५ वटा एम्बुलेन्सको लागत एक करोड ४६ लाख रुपैंया रहेको छ ।
मकवानपुर । पछिल्लो २४ घण्टामा थप ९४ जनामा कोरोना भाइरस (कोभिड १९) संक्रमण पुष्टि भएको छ । देशभरका प्रयोगशालामा ३ हजार ६९२ जनाको नमुना परीक्षण गर्दा ३६ जना महिला र ५८ जना पुरुष गरी कुल ९४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यस्तै मन्त्रालयका अनुसार बुधवार ७१ जना संक्रमित भाइरसमुक्त भएका छन्। यससँगै कुल संक्रमित संख्या २ लाख ७३ हजार ७६० जना पुगेको छ । उनीहरु मध्ये २ लाख ७० हजार १३९ जना संक्रमणमुक्त भएका छन् भने कुल २६८४ जनाको मृत्यु भएको मन्त्रालयले जनाएको छ ।
सरकारले सच्यायो कोरोनाबाट मृत्यु हुनेको तथ्यांक
सरकारले कोरोना भाइरस (कोभिड १९) संक्रमणबाट मृत्यु हुनेको संख्या सच्याएको छ । मृत्यु हुनेको संख्यामा बुधबार एकै दिन ६१९ जना थप गरिएको हाे ।
कोभिड १९ महामारीको व्यवस्थापन गरिरहेका अन्य निकायहरुको तथ्यांकको आधारमा अद्यावधिक गर्दा स्वास्थ्य मन्त्रालयको तथ्यांकमा भन्दा थप ६१९ जनाको मृत्यु भएको पुष्टि भएको मन्त्रालयले जनाएको छ ।
यसअघि सरकारले कोरोनाबाट मृत्यु हुनेको वास्तविक तथ्यांक लुकाएको आरोप लाग्दै आएको थियो । यससँगै कोरोना संक्रमणबाट मृत्यु हुनेको संख्या २ हजार ६८४ पुगेको छ । बुधबार भने कोरोना संक्रमणबाट १ जनाको मृत्यु भएको छ ।
मकवानपुर । मकवानपुर सहकारी अस्पताल हेटाैडाको अध्यक्ष पदमा विष्णुगोपाल महर्जन सर्वसम्मत निर्वाचित भएका छन् । शुक्रबार सम्पन्न साधारणसभाबाट महर्जन तेस्रो कार्यकालका लागि ह्याट्रिक गर्दै अध्यक्ष पदमा निर्वाचित भएका हुन् ।
मदन भण्डारी स्वास्थ्य विज्ञान प्रतिष्ठानका निर्देशक डा. हरिबहादुर खड्काको प्रमुख आतिथ्यमा भएको ११ औं वार्षिक साधारणसभाबाट उपाध्यक्षमा नरोत्तम दाहाल, सचिवमा संग्राम श्रेष्ठ, कोषाध्यक्षमा अर्जुन विडारी, सहसचविमा चम्पा कोजु चयन हुनुभएको छ । यस्तै सदस्यमा मुकुन्द सुवेदी, विश्वराज सिग्देल, सुष्मा तिवारी, प्रतिक सुवेदी, ज्योति कापर र गोविन्द अर्याल चयन हुनुभएको छ । नवनिर्वाचित कार्यसमितिको कार्यकाल ४ वर्षको रहनेछ ।
वार्षिक साधारणसभाको अवसरमा सहकारी अस्पतालमा कार्यरत डा. राघवेन्द्र ठाकुर, डा. राम विद्या प्रसाद चौधरी, अनमी रागिनी जैसवाल, पूर्णिमा केसी, कार्यालय सहयोगी इन्द्रमाया थापालाई सम्मान गरिएको छ ।
हेटौंडा–१, भिन्तुनापथस्थित सुनौलो भविष्य सहकारी संस्था लिमिटेडद्वारा सञ्चालित २५ बेडको सहकारी अस्पतालले पछिल्लो समय सेवाको क्षेत्र र स्तर दुबैमा विस्तार गर्दै आएको छ । सहकारी अस्पतालले हालै ट्रमा सेन्टरसहित सेवा विस्तार गरेको छ ।
मकवानपुर । नेपालमा पछिल्लो २४ घण्टामा १ सय २७ जना काेराेना संक्रमित थपिएका छन् । गत २४ घन्टामा ४ हजार पीसीआर परीक्षण भएकोमा १ सय २७ जनामा कोरोना भाइरस संक्रमण देखिएको स्वास्थ्य तथा जनसंख्या मन्त्रालयले जनाएकाे छ । यससँगै देशभर कोरोना संक्रमितको कुल संख्या २ लाख ७२ हजार ५ सय ५७ पुगेको छ।
मन्त्रालयका अनुसार २४ घण्टामा १ सय ३६ जना कोरोना संक्रमित संक्रमणमुक्त भई डिस्चार्ज भएका छन् । यससँगै हालसम्म डिस्चार्ज हुनेको संख्या २ लाख ६८ हजार ७ सय ९६ पुगेको छ।
यस्तै पछिल्लो २४ घण्टामा कोरोना संक्रमणबाट थप २ जनाको मृत्यु भएको छ। यससँगै देशभर कोरोना भाइरसको संक्रमणबाट ज्यान गुमाउनेको संख्या २ हजार ५४ पुगेको छ। हाल देशभर १ हजार ७ सय ७ सक्रिय संक्रमित रहेका छन् । ६२ जनाको कोरोना संक्रमितको आईसियुमा तथा १४ जनाको भेन्टिलेटरमा उपचार भइरहेको मन्त्रालयले जानकारी दिएकाे छ।