मकवानपुर । हेटाैँडाकाे संस्थागत विद्यालय ज्ञानदीप शिक्षा (जी. एस.) निकेतन माविले मंगलबार ‘भर्चुअल अभिभावक भेला तथा साँस्कृतिक कार्यक्रम’ गरेकाे छ । विद्यालयले २१ औ स्थापना दिवसकाे अवसरमा अभिभावक भेला तथा साँस्कृतिक कार्यक्रम गरेकाे हाे ।
विद्यालय व्यवस्थापन समितिका सदस्य सचिव तथा विद्यालयका प्रिन्सिपल ईश्वरप्रसाद लामिछानेकाे अध्यक्षता एवम् विद्यालयकाे मातृसंस्था ज्ञानदीप बहुद्देश्यीय सहकारी संस्था लिमिटेडका अध्यक्ष जिधराज ढकालकाे प्रमुख आतिथ्यमा सम्पन्न कार्यक्रममा संस्थागत विद्यालय अभिभावक सङ्घ मकवानपुरकी अध्यक्ष रमिला सापकाेटा, शिक्षक-अभिभावक सङ्घका अध्यक्ष प्रकाश बानियाँकाे विशिष्ट आतिथ्य रहेकाे थियाे ।
शिक्षक, कर्मचारी, अभिभावक तथा विद्यार्थी गरी करिब ४५० काे सङ्ख्यामा सम्पन्न उक्त कार्यक्रममा अभिभावकहरूले मन्तव्य राख्नुका साथै विद्यार्थीहरूकाे तर्फबाट गायन, नृत्य तथा साहित्यिक रचना प्रस्तुत गरिएकाे विद्यालयका सहायक प्रिन्सिपल तथा अतिरिक्त क्रियाकलाप प्रमुख दीपक गाैतमले जानकारी दिए ।
विद्यालयका प्रिन्सिपल ईश्वरप्रसाद लामिछानेले विद्यालय व्यवस्थापन समितिकाे तर्फबाट शैक्षिक प्रगति प्रतिवेदन प्रस्तुत गर्दै प्रतिकूल समयमा पनि अनलाइन कक्षामा ९० प्रतिशतभन्दा बढी विद्यार्थीलाई प्रभावकारी अनलाइन कक्षा सञ्चालन गर्न सकिएकाे जनाकारी दिए । लामिछानेले विद्यालयले खेलकुद, कलासाहित्यलगायत विविध क्षेत्रमा उल्लेख्य उपलब्धि हासिल गर्न सफल हुनु, १ तला भवन निर्माण गर्नु, कक्षा-४,५ र ६ मा १/१ वटा थप सेक्सनसहित करिब १ सय जना थप विद्यार्थी भर्ना गर्नु, शिक्षकलाई सहुलियत किस्ताबन्दीमा संस्थाकाे समेत लगानीमा ल्यापटप उपलब्ध गराउने क्रमकाे थालनी हुनु, सरस्वती मन्दिर स्थापना हुनु, विद्यालयसम्म आउने बाटाेका लागि जग्गा खरिद गरिनु लगायतकाे कार्य प्रगति प्रस्तुत गरेका छन् ।
उनले विद्यार्थीकाे सुविधाका लागि थप एक थान बस थप गर्ने प्रकृया अघि बढ्नु, कम्प्युटर प्रयाेगशाला मर्मत सम्भार गरिनु, बाल उद्यान निर्माण कार्य अघि बढ्नुजस्ता कार्यलाई उपलब्धिकाे रूपमा उल्लेख गर्दै शैक्षिक सत्र २०७९ देखि लागू हुने गरी १०+२ कार्यक्रम सञ्चालन गर्ने, प्रशासनिक जनशक्ति थप गरी विद्यालयकाे प्रशासनिक कार्यक्रममा थप प्रभावकारिता ल्याउने, प्रविधिमैत्री/बालमैत्री कक्षाकाेठाकाे विकास गर्ने याेजनामा विद्यालय रहेकाे जानकारी दिP ।

कार्यक्रममा बाेल्दै संस्थागत विद्यालय अभिभावक सङ्घ मकवानपुरकी अध्यक्ष रमिला सापकाेटाले कम शुल्कमा स्तरीय शिक्षा प्रदान गर्न जीएस निकेतन सफल भएकाे भन्दै विद्यालयकाे मुक्तकण्ठले प्रशंसा गरेकी छन् । शिक्षक अभिभावक सङ्घका अध्यक्ष तथा अन्य अभिभावकहरूले प्रतिकूल समयमा पनि जीएसले सञ्चालन गरेकाे अनलाइन कक्षालगायत अभिभावक-विद्यार्थी- शिक्षक अन्तरक्रिया कार्यक्रमकाे सापकाेटाले खुलेर प्रशंसा गरिन् ।
कार्यक्रमका प्रमुख अतिथि सञ्चालक समिति अध्यक्ष जिधराज ढकालले विद्यालय स्थापना दिवसकाे सन्दर्भमा भर्चुअल कार्यक्रम गरिएकाले उत्कृष्ट शिक्षक, कर्मचारी, अभिभावक तथा विभिन्न विधा एवम् क्षेत्रमा उत्कृष्टता हासिल गर्ने विद्यार्थीलाई पुरस्कृत तथा सम्मानित गर्न नसकिएकाे र उपयुक्त समयमा सम्मानित गरिने तथा विद्यालय व्यवस्थापन समितिका तर्फबाट प्रिन्सिपलले प्रस्तुत गरेकाे प्रतिवेदनकाे मर्म, भावना तथा अभिभावक अन्तरक्रिया कार्यक्रमका क्रममा आएका महत्त्वपूर्ण सल्लाह सुझावलाई सञ्चालक समितिकाे तर्फबाट तदारुकताका साथ कार्यान्वयन गरिने प्रतिबद्धता व्यक्त गगरे ।
स्थापना दिवसकाे सन्दर्भ पारेर माघ १५, १६ र १७ गते भर्चुअल रूपमै तहगत अभिभावक अन्तरक्रिया सम्पन्न गरी काेभिड-१९ काे तेस्राे लहरका कारण भाैतिक उपस्थितिमा अभिभावक दिवस आयाेजना गर्न नसकिएकाले भर्चुअल रूपमै भए पनि स्थापना दिवस सफलतापूर्वक सम्पन्न गरिएकाे प्रिन्सिपल लामिछाने जानकारी दिए ।

मकवानपुर । मकवानपुरकाे हेटाैडामा मगलबार भएकाे रक्तदान कार्यक्रममा ५७ जनाले रक्तदान गरेका छन् । नेकपा एमाले निकट राष्ट्रिय युवा संघ नेपाल मकवानपुर जिल्ला कमिटी रोट्रयाक्ट क्लब अफ मकवानपुरको आयोजनामा मंगलबार भएकाे रक्तदान कार्यक्रममा ५७ जनाले रक्तदान गरेका हुन् ।
राष्ट्रिय युवा संघ नेपाल मकवानपुरद्वारा हेटौंडा–५, सानोपोखरास्थित नेकपा एमाले पार्टी कार्यालयमा आयोजित रक्तदान कार्यक्रममा ३७ जनाले रक्तदान गरेका हुन् । यस्तै रोट्रयाक्ट क्लब अफ मकवानपुरले हेटाैडाकाे बुद्धचाेकमा आयोजना गरेकाे रक्तदान कार्यक्रममा २० जनाले रक्तदान गरेका छन् ।
पछिल्लाे समय कोभिड–१९ का कारण रक्तदान कार्यक्रम नहुँदा रगत अभाव भएकोले युवा संघले रक्तदान कार्यक्रमको आयोजना गरेको जनाएको छ । युवा संघ नेपाल मकवानपुर जिल्ला कमिटीका अध्यक्ष लक्ष्मण उप्रेतीको सभाध्यक्षतामा भएको कार्यक्रममा नेकपा एमालेका केन्द्रीय सदस्य एवम् मकवानपुर जिल्ला ईन्चार्ज रामेश्वर रानाको प्रमुख आतिथ्य रहेको थियो ।
रोट्रयाक्ट क्लब अफ मकवानपुरले हेटाैडाकाे बुद्धचाेक रोटरी क्लब अफ मकवानपुरका अध्यक्ष कृष्णबहादुर कार्कीको प्रमुख आतिथ्य तथा क्लबका अध्यक्ष प्रतीक्षा न्यौपानेको अध्यक्षतामा रक्तदान कार्यक्रम भएको हो ।
रक्तसञ्चार केन्द्र हेटौंडाको प्राविधिक सहयोगमा भएको रक्तदान कार्यक्रम भएकाे हाे । कार्यक्रममा रोटरी क्लब अफ मकवानपुरका निवर्तमान अध्यक्ष कविन संगामी, रोट्रयाक्टका पदाधिकारी तथा पूर्व समितिहरुको उपस्थिति रहेको थियो ।

मकवानपुर । मकवानपुर प्रहरीले १ सय १० किलाे गाँजासहित सहित १ जनालाई पक्राउ गरेकाे छ । लागुऔषध गाँजा १ सय १० किलोसहित राक्सिराङ–५ का ३६ वर्षीय राम कुमार प्रजालाई पक्राउ गरेकाे जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिए ।
माघ १७ गते साेमबार ईलाका प्रहरी कार्यालय मनहरीबाट गस्तीमा खटिएको प्रहरी टोलीले राक्सिराङ–५ स्थित सडकखण्डमा मानिसहरु शंकास्पद रुपमा पिढ्युँमा भारी बोकी आईरहेको अवस्थामा प्रजालाई नियन्त्रण लिई जाँच गर्दा उक्त परिमाणकाे गाँजा बरामद गरेकाे हाे ।
उक्त गाँजा ओसरपसारमा संलग्न रहेका अन्य व्यक्तिहरुको खोजतलास कार्य भइरहेको र प्रजालाई लागुऔषध गाँजासहित नियन्त्रणमा लिई थप अनुसन्धान भइरहेको रिमालले जानकारी दिए ।
मकवानपुर । एम्नेष्टी ईन्टरनेशनल नेपाल समूह–६७ हेटौँडाको संयाेजकमा हेमन्त ढुंगेल चयन भएका छन् । समूह–६७ हेटौँडाको २२ औँ साधारण सभा तथा ११ अधिवेशनबाट अधिकारकर्मी ढुंगेलको संयोजकत्वमा नयाँ कार्य समिति चयन गरिएको हाे । ।
यसैगरी समितिको उपसंयोजक प्रकाश ढकाल, सचिव रेणु ज्ञवाली, सहसचिव योगेन्द्र उपाध्याय, कोषाध्यक्ष रघुनाथ खराल र सदस्यहरु देवकुमारी ढकाल, अक्कल सिं लामा, प्रभा कुमारी घिमिरे र पूर्ण प्रसाद अर्याल चयन भएका छन् । साधारणसभाले विगत ४ दशकभन्दा लामो समय लोकतन्त्र, मानव अधिकार र वकालत क्षेत्रमा कृयाशिल व्यक्तित्व विरगंज निवासी देबेन्द्र लाल नेपालीलाई ईन्द्र बहादुर श्रेष्ठ स्मृति मानव अधिकार सम्मानबाट सम्मानित गर्ने निर्णय समेत गरेको छ ।
समूहका संयोजक उत्तम शर्मा ढकालको सभाध्यक्षता एवम् एम्नेष्टी ईन्टरनेशनल नेपालका केन्द्रीय सदस्य महेश कुमार पौडेलको प्रमुख आतिथ्यतामा सम्पन्न कार्यक्रममा समूहका पूर्व संयोजकहरु जिवनकाजी माकजु श्रेष्ठ, बिजेन्द्र अग्रवाल, विजय कुमार वैद्य, हयग्रिव आचार्य लगायतले एम्नेष्टी इन्टरनेशनल र मानव अधिकारको विषयमा मन्तव्य राखेका थिए । कार्यक्रमको सञ्चालन समूहका सचिव प्रल्हाद घिमिरेले गरेका थिए ।
एमनेष्टी इन्टरनेशन अन्तर्राष्ट्रिय ख्याति प्राप्त नोबेल पुरस्कारद्वारा पुरस्कृत र सम्मानित संस्था हो । संस्थाले राज्यपक्ष, विद्रोही पक्ष र अन्य पक्षबाट गरिने मानव अधिकारको उल्लंघनको घटनाहरूमा दवावमूलक कार्यक्रमहरु दिश्वव्यापी रुपमा संचालन गर्दै आएको छ ।
मकवानपुर । स्थानीय तहको निर्वाचन माग गर्दै मकवानपुरका क्याम्पसहरुमा ‘कालो ब्यानर’ टाँगिएको छ ।
नेकपा एमाले निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) मकवानपुरले स्थानीय तहको निर्वाचनको माग गर्दै क्याम्पसहरु ‘कालो ब्यानर’ टाँगेको हो ।अनेरास्ववियुले मकवानपुर बहुमुखी क्याम्पस, हेटौंडा क्याम्पस, वन विज्ञान अध्ययन संस्थान तथा निर्मल बहुमुखी क्याम्पसको गेटमा ‘कालो ब्यानर’ टाँगेको हो । ब्यानरमा ‘स्थानीय तहको निर्वाचन तुरुन्त गर,संविधान र लोकतन्त्रको रक्षा गर ।’ लेखिएको छ ।
यसअघि साेमबार नै अनेरास्ववियु मकवानपुरले जिल्ला प्रशासन कार्यलय मकवानपुरका प्रमुख जिल्ला अधिकारी भरत मणी पाण्डेलाई ज्ञापनपत्र बुझाउँदै आगामी बैशाखमै स्थानीय तहको निर्वाचन गर्न माग गरेको थियो ।
