मकवानपुर । स्थानीय तह सदस्य निर्वाचन २०७९ अन्तर्गत मकवानपुरको ३ स्थानीय तहको मतगणना सकिएको छ ।
जिल्लाको १० स्थानीय मध्ये ३ स्थानीय तहको मतगणना सम्पन्न भएको निर्वाचन आयोगले जनाएको छ ।
बाकी ७ स्थानीय तहको मतगणना जारी रहेको छ । जिल्लाको इन्द्रसरोबर गाउँपालिका,भीमफेदी गाउँपालिका र कैलाश गाउँपालिकाको मतगणना सम्पन्न भएको छ ।
इन्द्रसरोबरमा नेकपा एमालेले अध्यक्ष र उपाध्यक्षसहित ५ वटा वडामा २ वटा वडामा जित हाँसिल गरेको छ ।
यसैगरि,भिमफेदीमा नेकपा एमालेले अध्यक्ष जित्दा गठबन्धनबाट नेपाली कांग्रेसले उपाध्यक्ष जितेको छ । यहाँको ९ वटा मध्ये एमालेले ५ वटा वडा जित्दा,कांग्रेस र माओवादीको गठबन्धनले क्रमशः ३ र १ वटा जितेको छ ।
यसैगरी,कैलाश गाउँपालिकाको अध्यक्ष तथा उपाध्यक्षमा नेपाली कांग्रेस र नेकपा माओवादीको गठबन्धनका उम्मेद्वार विजयी भएका छन् । अध्यक्षमा गठबन्धनबाट कांग्रेसका उम्मेद्वार लोक बहादुर मुक्तान निर्वाचित भएका छन् भने उपाध्यक्षमा गठबन्धनबाट नेकपा माओवादीका बाल कुमार मल्ल ठकुरी निर्वाचित भएका छन् ।
यहाँ ५ वटा वडामा नेपाली कांग्रेस विजयी हुँदा नेकपा एमाले र माओवादी केन्द्र क्रमशः ४ र एक वडामा विजयी भएको छ ।
भीमफेदी गाउँपालिकामा निर्वाचित जनप्रतिनिधि
अध्यक्ष: हिदम लामा नेकपा एमाले
उपाध्यक्ष: संजिब श्रेष्ठ,गठबन्धनबाट नेपाली कांग्रेस
१ नंबर वडा अध्यक्ष: सोम बहादुर स्याङतान,नेपाली कांग्रेस
२ नंबर वडा अध्यक्ष: काशी राम बज्यु,नेकपा एमाले
३ नंबर वडा अध्यक्ष: पृति लाल लामा,नेकपा माओवादी
४ नंबर वडा अध्यक्ष: सागर पाण्डे,नेकपा एमाले
५ नंबर वडा अध्यक्ष: जाहार सिं लामा, नेकपा एमाले
६ नंबर वडा अध्यक्ष: सोम बहादुर घलान,नेपाली कांग्रेस
७ नंबर वडा अध्यक्ष: मित्र बन्धु सिजाली,नेपाली कांग्रेस
८ नंबर वडा अध्यक्ष: विष्णु बहादुर लामा,नेकपा एमाले
९ नंबर वडा अध्यक्ष: प्रकाश पुडासैनी,नेकपा एमाले
इन्द्रसरोबर गाउँपालिकामा निर्वाचित हुने जनप्रतिनिधि
अध्यक्ष: देव कृष्ण पुडासैनी शर्मा,नेकपा एमाले
उपाध्यक्ष: उमा कुमारी लामा, नेकपा एमाले
१ नंबर वडा अध्यक्ष: शुवास थापा मगर, नेपाली कांग्रेस
२ नंबर वडा अध्यक्ष: सुमन श्रेष्ठ,नेपाली कांग्रेस
३ नंबर वडा अध्यक्ष: प्रताप भोम्जन,नेकपा एमाले
४ नंबर वडा अध्यक्ष: चन्द्र कुमार बल,नेकपा एमाले
५ नंबर वडा अध्यक्ष: दुत राज तितुङ,नेपाली कांग्रेस
कैलाश गाउँपालिकामा निर्वाचित हुने जनप्रतिनिधि
अध्यक्ष: लोक बहादुर मुक्तान,गठबन्धन नेपाली कांग्रेस
उपाध्यक्ष: बाल कुमार मल्ल ठकुरी,गठबन्धन नेकपा माओवादी
१ नंबर वडा अध्यक्ष: तेज बहादुर ब्लोन,नेपाली कांग्रेस
२ नंबर वडा अध्यक्ष: राजेन्द्र तामाङ घिसिङ,नेपाली कांग्रेस
३ नंबर वडा अध्यक्ष: देव लाल बल,नेकपा एमाले
४ नंबर वडा अध्यक्ष: तीलक बहादुर मुक्तान,नेकपा माओवादी
५ नंबर वडा अध्यक्ष: छेकु लामा,नेकपा एमाले
६ नंबर वडा अध्यक्ष: राम बहादुर गोम्बा,नेकपा एमाले
७ नंबर वडा अध्यक्ष: उदास कुमार भोलन,नेपाली कांग्रेस
८ नंबर वडा अध्यक्ष: आशिष प्रजा,नेपाली कांग्रेस
९ नंबर वडा अध्यक्ष: वन सिं घलान,नेपाली कांग्रेस
१० नंबर वडा अध्यक्ष: सूर्य बहादुर ब्लोन,नेकपा एमाले
मकवानपुर । नेपाल विवेकशील पार्टीले मकवानपुर हेटौडा उपमहानगरपालिका १७ को मतदान केन्द्र सरसफाइ गरेको छ। विवेकशीलले हेटौंडा १७ स्थित लक्ष्मी आधारभूत विद्यालय मतदान केन्द्र सरसफाइ गरेको हो ।
पार्टीका जिल्ला अध्यक्ष नवीन विष्टको नेतृत्वमा नेपाल विवेकशील पार्टीका हेटौंडा १७ का उम्मेदवारहरू र सदस्यहरूको सहभागितामा मतदान केन्द्र सरसफाइ गरेको हो । लक्ष्मी आधारभूत विद्यालय मतदान केन्द्रमा रहेको पानीको बोतल र प्लास्टिकजन्य पदार्थ ८ बोरा संकलन गरेको गरेको अध्यक्ष बिष्टले बताए ।
सानो काम, ठूलो परिणाम (Small ACT, Big IMPACT) भन्ने नाराका साथ नेपाल विवेकशील पार्टीले सफाइ कार्य गरेको हो। “आज लक्ष्मी आधारभूत विद्यालयमा गरेको कामको निरन्तरता दिनेछौं। यस कार्यबाट प्रेरित भएर देशैभरका सबै टोलका युवाहरू सरसफाइ लगायतका अन्य सामाजिक काममा लाग्न आग्रह गर्दछु।” अध्यक्ष विष्टले भने।
सफाइ कार्यमा विद्यालयका सहयोगी अर्जुन चापागाईंले सहयोग गरेका थिए।

मकवानपुर । मकवानपुरको भीमफेदी गाउँपालिकाको अध्यक्षमा नेकपा एमालेका हिदम लामा विजयी भएका छन् ।
उनले गठवन्धन तर्फबाट माओवादीका अध्यक्ष उम्मेद्वार बद्रीबहादुर स्याङ्तानलाई पराजित गरेका हुन् । लामाले मत ५ हजार ५ सय ९१ प्राप्त गरि विजयी हुँदा उनका निकटत्म प्रतिस्पर्धी स्याङ्तानले ५ हजर २ सय ९ मत प्राप्त गरे ।
उपाध्यक्षमा भने गठवन्धनको तर्फबाट कांग्रेसका उम्मेद्वार संजिव श्रेष्ठ विजयी भएका छन् । श्रेष्ठले ५ हजार ३ सय १५ मत प्राप्त गर्दा एमालेकी पार्वती रानाले ५ हजार २ सय ९९ प्राप्त गरिन ।
राना १६ मतान्तरले पराजित भएकी छन् । लामा भीमफेदीका निवर्तमान अध्यक्ष समेत हुन् ।
यसैगरी भीमफेदीको वडा नम्बर १ को वडा अध्यक्षमा काग्रेस, २ को वडा अध्यक्षमा एमाले, ३ को वडा अध्यक्षमा माओवादी, ४ को अध्यक्षमा एमाले, ५ को वडा एमाले, ६ को वडा अध्यक्षमा काग्रेस, ७ को वडा अध्यक्षमा काग्रेस, ८ को वडा अध्यक्षमा एमाले र ९ को अध्यक्षमा एमाले विजयी भएका छन ।
मकवानपुर । मकवानपुरमा शनिबारदेखि चुनावी माइकिङ गर्न र सार्बजनिक सबारीसाधनमा झण्डा राख्न नपाईने भएको छ ।
जिल्ला प्रशासन कार्यालयमा भएको सर्वदलीय बैठकले चुनावी नारा र गीतसहित गाडि प्रयोग गरि गरिने माइकिङले ध्वनि प्रदुषण गराएको र सर्वसाधारणमा असर परेको भन्दै शनिवारदेखि यसलाई बन्द गर्ने निर्णय गरेको हो ।
सर्वदलीय बैठकमा सभा र भेलामा मात्रै माइक प्रयोग गरेर सम्बोधन गर्न सकिने निर्णय भएको छ । यसैगरि बैठकले सार्वजनिक सवारीसाधनमा झण्डाको प्रयोग गर्न समेत रोक लगाउने निर्णय गरेको छ । बैठकमा निर्वाचन आचारसंहिता कडाइका साथ कार्यान्वयन गराउनेबारे छलफल गरिएको बताइएको छ ।
मकवानपुर । २०७४ सालको स्थानीय तह निर्वाचनमा भएको पनि पाँच वर्ष बित्न लाग्यो । राज्य पुनःसंरचना पश्चात मुलुकमा संघीयता आएपछि दोस्रो पटक आगामी ३० वैशाखमा स्थानीय तहको निर्वाचन हुँदैछ ।
पाँच वर्षअघि कांग्रेसका उम्मेदवारलाई हराउँदै मकवानपुरगढी गाउँपालिकाको नेतृत्व एमालेका बिदुर हुमागाईंले विजयी हासिल गरेका थिए । इमान्दार र लगनशील व्यक्तिको परिचय बनाएका हुमागाईंको मुख्य पेशा कृषि तथा पशुपालन हो । कृषि तथा पशुपालनसँगै राजनीति गर्दै आएका हुमागाईंले मकवानपुरगढीको पहिलो अध्यक्ष बन्ने अबसर पाए । उनले यस सुनौलो अबसरलाई कसरी सदुपयोग गरिरहेका छन् त रु कार्यकाल सकिनै लाग्दा चर्चापरिचर्चा गर्नु अपरिहार्य हुन्छ । हुमागाईं अध्यक्ष बनेको पाँच वर्षमा गाउँपालिका कस्तो बन्यो, यहाँका जनताको जीवन स्तर परिवर्तन गर्न कस्तो भूमिका खेलियो ? यसविषयमा बहस गर्नैपर्छ ।
दोस्रो कार्यकालका लागि गाउँपालिका अध्यक्ष, उपाध्यक्ष, वडा अध्यक्षहरु चयन गर्ने समय नजिकिँदै छ । अध्यक्ष हुमागाईंले आफ्नो कार्यकालभित्र पूर्वाधारतर्फ सडक, पुल, स्वास्थ्य तथा शैक्षिक संस्थाको भवन, सामुदायिक भवन, खानेपानी आयोजनालगायतका काम गरेका छन् । कृषिमा गाउँपालिकाले आमुल परिवर्तन नै ल्याए । पर्यटनमा पृथ्वीनारायण शाह हिँडेको खुँडेधारदेखि मकवानपुरगढी दरबारको जीर्णोद्वार, १ नम्बर वडामा रानिसेरा एग्रो टुरिजम पार्कलगायतका थुप्रै काम भएका छन् ।
गाउँपालिकाको मुख्य सडकहरुमा स्ल्याब ढलान भएका छन् । सामरी खोला र ज्यामिरे खोलामा गरी तीन वटा पक्की पुल, एउटा बेलिब्रिज, दुई वटा तीन पाङ्ग्रे सवारी गुड्ने पुल र पाँच वटा झोलुङ्गे पुल निर्माण भएका छन् । विगतमा खोलाबाट ओसारेर वा मोटरबाट तानेर पानी खानुपर्ने बस्तीमा अहिले घरघरको धारामा पानी पुगेको छ । टावरडाँडा खानेपानी आयोजनाबाट २ सय ४० घरधुरी र बुर्जडाँडा खानेपानी आयोजनाबाट ३ सय घरधुरीले खानेपानी घरमै पाएका छन् । १, २, ५, ६, ७ र ८ नम्बर वडामा खानेपानी आयोजना निर्माण भइरहेका छन् । स्थानीय तह हुनुअघि करिब ५०–६० वटा तरकारी टनेल भएको गाउँपालिकामा अहिले ९ सय ५९ वटा तरकारी टनेल निर्माण भएका छन् ।
एक भन्दा बढी व्यवसायिक पशुपालनमा जोडिएका छन् भने ५० भन्दा बढी महिला समूह समूहिक तरकारी खेतीमा लागेका छन् । गाउँपालिकाले चालु आवमा दुग्ध उत्पादक किसान, संचित कोष तथा उपदान प्रोत्साहन साझेदारी कार्यक्रमका लागि २२ लाख ५० हजार रुपैयाँ बजेट राखेको छ । किसानलाई प्रतिकेजी अनाजमा ४ रुपैयाँ अनुदान, प्रतिकेजी तरकारीमा २ रुपैयाँ अनुदान, प्रतिकेजी फलफूलमा २ रुपैयाँ अनुदान र मासुमा प्रतिकेजी ३० रुपैयाँ अनुदान दिइएको छ । सायद, आफू कृषक भएरपनि हुमागाईंले कृषि तथा पशुपालनबाटै पालिकाबासीको जीवनस्तर उकास्ने योजनालाई प्राथमिकतामा राखेका हुन् । उनले कृषि तथा पशुपालनबाट मनग्य आर्जन हुने र यसबाटै जीवन स्तर उकासिनेमा पटक–पटक जोड गर्दै आइरहेका छन् ।

पशुदाना उद्योग स्थापना
मकवानपुरगढी गाउँ पालिकाको मुख्य अगुवाईमा ३ नम्बर वडास्थित तल्लो कालीखोलामा पशुदाना उद्योग स्थापना भएको छ । मकवानपुरगढी दुग्ध उत्पादक विशिष्टकृत सहकारी संघले सञ्चालनको जिम्मेवारी लिएको दाना उद्योगमा मकवानपुरगढी गाउँपालिका, प्रदेश सरकार र संघीय सरकारको लगानी रहेको छ । गाउँपालिका अध्यक्षमा चुनिए लगतै गाउँमा गुणस्तरीय दाना खुवाएर दूध उत्पादनमा जोड दिन हुमागाईंको योजनामा उद्योग स्थापना भएको हो । उद्योगले हाल दैनिक एक सय बोरा दाना उत्पादन गर्दै आइरहेको छ । गुणस्तरीय दाना भएकाले किसानको माग उच्च छ । उद्योगले किसानको मागअनुसार अझै दाना उत्पादन गर्न सकिरहेको छैन् ।
साना किसानलाई ऋण प्रवाह
गाउँपालिकाले साना किसानलाई व्यवसायिक कृषि पेशामा आकर्षित गर्न किसान क्रेडिट कार्डमार्फत ऋण प्रवाह गरेको छ । मकवानपुरमा पहिलो पटक मकवानपुरगढीले किसानहरुलाई क्रेडिट कार्ड वितरण गरेको हो । साना तथा सीमान्तकृत कृषकमाझ वित्तीय पहुँच पु¥याउने उद्देश्यले गाउँपालिकाले किसान कार्ड वितरण गरेर ३ दशमलव ५ प्रतिशत ब्याजदरमा नेपाल बैंगलादेश बैंकबाट ५ वर्षका लागि २ लाखसम्म ऋण दिने व्यवस्था गरेको हो । चालू आर्थिक वर्षभित्र ४ सय जनालाई ऋण दिने योजना गाउँपालिकाको छ । आर एण्ड डी ईनोभेटिभ सोलुशन प्रालि र मकवानपुरगढी गाउँपालिका सहकारी समन्वय समितिको समन्वयमा यो काम भएको हो । यसवर्ष पुस मसान्तभित्र गाउँपालिकाले ५१ जना किसानलाई २ लाख रुपैयाँका दरले १ करोड २ लाख ऋण प्रवाह गरिसकेको छ ।
किसान प्रोत्साहन अनुदान कार्यक्रम
मकवानपुरगढी गाउँ पालिकाले कृषि विकास कार्यक्रम अन्तर्गत तरकारी तथा फलफूल बजारीकरण गर्न ‘कृषक प्रोत्साहन अनुदान कार्यक्रम’ कार्यान्वयन गरिरहेको छ । गाउँपालिकाले गाँउपालिकास्थित सहकारीमार्फत बजारीकरण गर्दै आएको हो । अनुदानले स्थानीय किसानको कृषि उपज बजारीकरणमा सहजता भएको छ । सहकारीमार्फत खाद्यन्न खरिद बिक्री गत आव २०७७÷०७८ बाट सुरुआत गरिएकोमा चालू आवमा तरकारी तथा फलफूलमासमेत बजारीकरणमा प्रोत्साहन अनुदानको कार्यक्रम सुरु गरिएकोे हो । गाउँपालिकामा यसवर्ष अनाज, तरकारी तथा फलफूल बजारीकरणका लागि सात सहकारी संस्था सूचीकृत भएकोमा कुर्ले कृषि सहकारी संस्थाले संकलन र बजारीकरणको काम थालिसकेको छ ।

दूधमा प्रतिलिटर १ रुपैयाँ अनुदान
गाउँपालिकाले पहिलो वर्षदेखि नै दूधमा किसानहरुलाई १ रुपैयाँ अनुदान दिन सुरु गरेको थियो । मवानपुरगढी जिल्लाकै पहिलो गाउँपालिका हो, जस्ले दूधमा अनुदान दिन सुरु गरेको हो । प्रतिलिटर दूधमा अनुदान दिन गाउँपालिकाले चालु आवमा ४५ लाख बजेट विनियोजन गरेको छ । गाउँपालिकाले दूधमा अनुदान दिएपछि प्रदेश सरकारलेपनि २ रुपैयाँ अनुदान दिन थालेको थियो । अहिले गाउँपालिकाबासीले दूधमा प्रतिलिटर गाउँपालिका र प्रदेश सरकारको २ रुपैयाँ गरी कुल ३ रुपैयाँ अनुदान पाउँदै आएका छन् ।
१५ शैयाको हस्पिटल
शरिरमा घाउचोट लागेमात्रै उपचार गर्न सरदमुकाम हेटौंडा जानुपर्ने पालिकाबासीको दुःख अब हट्ने भएको छ । मकवानपुरगढी गाउँपालिका वडा नम्बर ६ मा १५ शैयाको अस्पताल निर्माण भइरहेको छ । ८० प्रतिशत निर्माण सकिएको छ । घाउचोट लागे सदरमुकाम जानुपर्ने यस ठाउँका जनताले अब गाउँमै उपचार पाउने भएका छन् । गाउँपालिकाको पहल पश्चात संघीय सरकारको ९ करोड रुपैयाँ लागतमा अस्पताल निर्माण भएको हो । जिल्लाका १० स्थानीय तहमध्ये मकवानपुरले सबैभन्दा पहिला अस्पताल निर्माण सुरु गरेको थियो ।
एक वडा एक स्वास्थ्य इकाई
हुमागाईंले पाँच वर्षे कार्यकालभित्र प्रत्येक वडामा स्वास्थ्य इकाई स्थापना गरेका छन् । विगतमा भाडाको घरमा बस्नुपर्ने र जीर्ण भवनबाट सेवा दिँदै आएका इकाईहरुले आफ्नै भवनबाट सेवा दिइरहेका छन् । कतिपय वडामा स्वास्थ्य इकाई नभएको अवस्थामा स्वास्थ्य इकाई स्थापना गरेर गाउँबासीलाई स्वास्थ्य उपचार प्रदान गरिएको छ ।
एक वडा एक मावि
गाउँपालिकाको ८ वटै वडामा माध्यमिक विद्यालय स्थापना भएका छन् । कतिपय जीर्ण विद्यालय भवन हटाएर नयाँ भवन बनिसकेका छन् भने अधिकांश विद्यालयमा नयाँ संरचना निर्माण भइरहेका छन् । विदेशी सहयोग नियोगहरु बाट पनि विद्यालयका भवन निर्माण भइरहेका छन् । यसैगरी, गुणस्तरीय शिक्षा प्रदान गर्न ज्येष्ठ शिक्षकहरुलाई प्रोत्साहन स्वरुप अवकाश दिएर युवा शिक्षकहरुबाट पठनपाठन गराउने कार्य भएको छ । बाल विकास केन्द्रलाई स्तरोन्नती गर्दै इसिडी शिक्षिकाहरुको क्षमता अभिवृद्धि गर्ने कार्य भएको छ ।

माटो परीक्षण प्रयोगशाला
गाउँपालिकाको पहलमा २०७६ सालमा ६ नम्बर वडास्थित आइपीएम कृषि सहकारीको भवनमा माटो परीक्षण प्रयोगशाला स्थापना भएको छ । बामती प्रदेशको भूमि व्यवस्था, कृषि तथा सहकारी मन्त्रालयले जिल्लामै पहिलो पटक मकवानपुरगढीमा माटो परीक्षण प्रयोगशाला स्थापना गरेको हो । गाउँपालिकाले प्रयोगशाला कक्ष, जनशक्ती र सञ्चालन खर्च व्यहोर्दै आएको छ । माटो परीक्षण ल्याबबाट माटोमा देखिएको समस्या समाधान हुँदै आएको छ । यसबाट किसानले धेरै राहत पाएका छन् ।
देशकै चौथो बालमैत्री घोषणा
अध्यक्ष हुमागाईंले आफ्नो कार्यकालमा गाउँपालिकालाई देशकै चौथो बालमैत्री घोषणा गर्न सफल भए । ७ सय ५३ वटा स्थानीय तहमध्ये मकवानपुरगढी देशकै चौथो बालमैत्री घोषणा १२ चैतमा भएको हो । बागमती प्रदेश सरकारका मुख्यमन्त्री राजेन्द्र प्रसाद पाण्डेले गाउँपालिकालाई बालमैत्री गाउँपालिकाको रुपमा घोषणा गरेका हुन् । बालमैत्री स्थानीय शासन कार्यान्वयन निर्देशिका २०७८, तथा स्थानीय सरकार संचालन ऐन २०७४ ले निर्दिष्ट गरेका सूचक र मापदण्डहरु पूरा गरेकाले गाउँपालिकालाई बालमैत्री स्थानीय शासनयुक्त गाउँपालिका घोषणा गरिएको हो । मकवानपुरगढी गाउँपालिका जिल्लाको तेस्रो बालमैत्री स्थानीय तहपनि हो ।