मकवानपुर । कडा प्रतिस्पर्धा र लामो रस्साकस्सीपछि वर्तमान राष्ट्रपति डोनल्ड ट्रम्प पराजीत गर्दै अमेरिकाको ४६औँ राष्ट्रपतिको रुपमा डेमोक्रेटिक पार्टीका नेता जो बाइडेन विजयी भएका छन् ।
उनीसँगै उपराष्ट्रपतिको रुपमा कमला ह्यारिस विजयी भइन् । बाइडेनले संसदमा २ सय ७० इलेक्टोरल कलेज भोट आवस्यक पर्नेमा २ सय ८४ भोट ल्याउँदै विजयी भएका हुन् । निकटतम प्रतिस्पर्धी डोनल्ड ट्रम्पले भने २ सय १४ भोट मात्रै ल्याए ।
निर्णायक राज्य मानिएको पेन्सिल्भेनियामा बाइडेन र ह्यारिसले जितेसँगै सिएनएन, बीबीसी, एपी लगायत अन्तराष्ट्रिय मिडियाले डेमोक्रेट उम्मेदवारहरुले जितेको जनाएका हुन् । यद्यपि आधिकारिक रुपमा घोषणा भएको छैन ।
यसबीचमा अमेरिकामा ट्रम्प र बाइडेन दुबैका समर्थकहरु आन्दोलित बनेका छन् । झण्डै एक साता लागेर सम्पन्न भएको यसपटकको अमेरिकी निर्वाचन ऐतिहासिक मानिएको छ । सबैभन्दा धेरै मतदाता यसपटक थिए । साथै हुलाक मार्फत पनि मतदान गरिएको थियो ।
यसवाहेक कोरोना महामारीका बीच निर्वाचन सम्पन्न भएको हो । नोभेम्बर ३ मा सुरु निर्वाचनको मतगणना भने नोभेम्बर ७ मा मात्रै सम्पन्न भएको छ । मतगणनाको अन्तिम चरणसम्म आइपुग्दा पनि दुई उम्मेदवारबीच कडा प्रतिस्पर्धा नै थियो ।
यससँगै ट्रम्प दोस्रो कार्यकाल चलाउन नपाउने अमेरिकाका थोरै राष्ट्रपतिमध्ये एक हुन् । सामान्यत: अमेरिकामा दुई कार्यकालसम्म राष्ट्रपति बन्ने चलन छ । यसैबीच उपराष्ट्रपतिको रुपमा विजयी हुँदै कमला ह्यारिसले अर्को एक इतिहास बनाएकी छन् । उनी अमेरिकाको इतिहासमा पहिलो अस्वेत र भारतीय मूलकी महिला उपराष्ट्रपति हुन् ।
डेमोक्रेटिक पार्टीका जो बाइडेनको राजनीतिक करियर अधिक लामो रह्यो । राष्ट्रपति पदमा चुनिएर सपथ लिएसँगै उनी ७८ वर्षको उमेरमा अमेरिकाको सबैभन्दा उमेरदार राष्ट्रपति हुनेछन् ।
पूर्व डेलावेयर सीनेटर जो बाइडनलाई सन् २००८ मा राष्ट्रपति बाराक ओबामाको कार्यकालमा ४७ औँ अमेरिकी उपराष्ट्रपति पदका लागि चुनिएको थियो र २०१२ पनि फेरि उनलाई निर्वाचित गरियो । त्यसपछि उनी २०२० को राष्ट्रपति पदका लागि उम्मेद्वार बनेर विजय हासिल गरेका हुन् ।
को हुन् जो बाइडेन?
जो बाइडेन अर्थात् जोसेफ रोबिनेट बाइडन जुनियरको जन्म सन् १९४२ मा पेनसिल्भानिया राज्यको स्क्रेटनमा भएको हो । उनी आफ्नो बालापनमा नै डेलावेयर गएका थिए । उनले राजनीतिमा आउनुभन्दा पहिले केही समय वकिलका रुपमा काम गरे । उनी इतिहासमा पाचौँ सबैभन्दा कम उमेरका अमेरिकी सीनेटर र डेलावेयरका सीनेटरका रुपमा सबैभन्दा लामो समयसम्म कार्यरत रहे ।
राष्ट्रपति चुनावको मैदानमा पहिले पनि उत्रिसके बाइडन
डेलावेयरबाट ६ पटकसम्म सीनेटर भइसकेका बाइडन राष्ट्रपति चुनावको रेसमा तेस्रो पटक मैदानमा आएका हुन्। उनले पहिलो पटक १९८८ को चुनावमा प्रयास गरेका थिए। तब उनी साहित्यिक चोरीको आरोपमा पछि हट्नु परेको थियो । फेरि उनले आफ्नो दोस्रो प्रयास २००८ को चुनावका लागि गरेका थिए ।
बाइडनलाई अमेरिकाका पूर्व राष्ट्रपति बाराक ओबामाको नजिकी मानिन्छ । उनी ओबामाको कार्यकालमा २००८ देखि २०१६ सम्म दुईपटक उपराष्ट्रपति भइसकेका छन् । २०२० को राष्ट्रपति चुनावमा बाइडनको जीतका लागि ओबामा पनि अधिक प्रयासरत देखिएका छन् ।
पारिवारिक मुस्किलका साथ लडेर यस स्थानमा पुगे बाइडन
१९७२ मा बाइडन सीनेटका लागि चुनिएका सबैभन्दा कम उमेरका मानिसमध्ये एक थिए । त्यसको केही हप्तापछि बाइडनको परिवारमा एउटा ठूलो आपत्ति आइपर्याे, जब कार दुर्घटनामा उनकी पत्नी नीलिया र छोरी नाओमीको मृत्यु भयो, जबकि उनका छोरा हन्टर र ब्यू गम्भीर रुपमा घाइते हुन पुगे ।
सन् २०१५ मा बाइडनका जेठा छोरा ब्यूको ब्रेन क्यान्सरका कारण मृत्यु भयो। उनका साना छोरा हन्टर एक वकिल र लबिस्टका रुपमा उनको करियर भ्रष्टाचारको आरोपको निशाना बनिरहेको छ ।
बाइडनको प्राथमिकता के हो?
बाइडनका तीनवटा मुख्य प्राथमिकता रहेका छन्, जसमा स्वास्थ्य सुरक्षासँग सम्बन्धित ढाँचाको विस्तार गर्नु, शिक्षामा अधिक लगानी गर्नु र सहयोगी देशका साथको सम्बन्धलाई नयाँ दिशा दिनु शामिल रहेका छन् ।
विवादसँग जोडिएको सम्बन्ध
बाइडनमाथि ब्रिटिश लेशर पार्टीका नील किन्नकको भाषणको साहित्यिक चोरीको आरोप लागेको थियो । यसका अलावा बाइडनले स्वीकार गरेका थिए कि, उनले ल अफ स्कुलमा आफ्नो पहिलो वर्षका क्रममा कानुनी समीक्षाको लेख चोरी गरेका थिए ।
यौन उत्पीडनको आरोप पनि लागेको थियो
बाइडनको सीनेट अफिसमा काम गर्ने एक महिलाले वाशिंगटन डीसीको प्रहरी समक्ष एक अपराधिक उजुरी दर्ता गराएकी थिईन् । ती महिलाले सन् १९९३ मा बाइडनले आफूमाथि यौन उत्पीडन गरेको आरोप लगाएकी थिईन् । पत्रपत्रिकाकाे सहयाेगमा
मकवानपुर । नेपालकाे संविधानमा नेपाल एक संघीय लाेकतान्त्रिक गणतन्त्रामक राष्ट हुने व्यवस्था रहेकाेमा नाम प्रचलनमा एकरूपता ल्याउन नेपाल सरकारले देशकाे नाम नेपाल मात्र लेख्नु पर्ने गरी निर्णय गरे पछी आलाेचना र समर्थन दुवै थरी प्रतिक्रिया आउन थालेकाे छ ।
सरकारकाे उक्त निर्णयकाे समर्थन गर्दै राष्ट्रिय प्रजातन्त्र पार्टी (राप्रपा) का अध्यक्ष कमल थापाले देशको नाम ‘नेपाल’ भएकाले नामको अगाडि विशेषण जोड्न आवश्यक नरहेको बताएका छन्।शुक्रबार केटीनेपाल ट्वीट ह्रयान्डलमा ट्वीट गर्दै अध्यक्ष थापाले नामका अगाडि विशेषण नराख्ने सरकारको निर्णय ठीक भएको बताएका हुन् ।

उनले ट्वीटरमा अगाडि लेखेका छन्,’संघियता/गणतन्त्रको विपक्षमा रहेको कारणले भनेको होईन,प्राचिनकालदेखि हाम्रो देशको नाम ‘नेपाल’ हो। नामको अगाडी बिशेषण जोड्नु आबश्यक थिएन । सरकारको निर्णय ठीक छ। नाम अगाडी रहेका बिशेषण हटाउंदा षडयन्त्र भएको ठान्नेहरूको मनस्थितिबाट प्रष्ट हुन्छ-ति मान्यता कति कमजोर धरातलमा खडा गरिएको रहेछ’ ।
यस्तै जनता समाजवादीका संघीय परिषद अध्यक्ष डा बाबुराम भट्टराईले ‘संघीय लोकतान्त्रिक गणतन्त्र नेपाल’ नलेख्ने सरकारी निर्णयको प्रतिवाद गर्न आग्रह गरेका छन्।
शुक्रबार बीअारबी १९५४ ट्वीट ह्रयान्डलमा ट्वीट गर्दै संयुक्त राष्ट्र संघमा देश र राज्यका नाम संविधान र राज्यप्रणाली अनुरूप हुने आम प्रचलन रहेको नेता भट्टराईले अवगत गराएका छन्। सोही अनुसार नेपालको नाम ‘फेडेरल डेमोक्रटिक रिपब्लिक अफ नेपाल’ रहेको उनले बताए।
अध्यक्ष भट्टराईले ट्वीट गर्दै भनेका छन्,’संयुक्त राष्ट्र संघमा देश/राज्यका नाम उनीहरूको संविधान/राज्यप्रणाली अनुरूप हुने आम प्रचलन हो।सोही अनुसार नेपालको नाम “Federal Democratic Republic of Nepal” रहेकोमा ओली सरकार किन पछि हटेको हो? यो स्वीकार्य छैन! दालमा कालो छ है! सबैले प्रतिवाद गरौं! खबरदार!!’

मकवानपुर । निजामती कर्मचारीहरूको आधिकारिक ट्रेड युनियन निर्वाचन, २०७७ प्रमुख निर्वाचन अधिकृतको कार्यालयले निजामती कर्मचारीहरूको आधिकारिक ट्रेड युनियनको निर्वाचन कार्यक्रम सार्वजनिक गरेको छ।
प्रमुख निर्वाचन अधिकृतको कार्यालयले मंगलबार कार्य तालिका सार्वजनिक गर्दै निर्वाचन आगामी मङ्सिर २७ गते शनिवारका दिन हुने जनाएकाे छ । साथै आगामी कात्तिक २५ गतेदेखि निर्वाचन कार्यक्रम नसकिँदासम्म मतदानमा सहभागी हुने कर्मचारीको सरुवा वा काज सरुवा गर्न रोक लगाएको छ ।
प्रमुख निर्वाचन अधिकृतको कार्यालयले मन्त्रालयहरूलाई पठाएको पत्रमा भनिएको छ ‘निर्वाचन सम्पन्न नभएसम्म निजामती सेवा ऐन २०४९ को दफा ५३(२) (क) र निजामती कर्मचारीको आधिकारिक ट्रेड युनियनको निर्वाचन सम्बन्धी विनियमावली २०६९ को विनियम १०(१) बमोजिम मतदाता हुने कर्मचारीको कात्तिक २५ देखि सरुवा/काज सरुवालगायत कार्य नगर्न नगराउन र सरुवा भइसकेको भए रमाना नगर्न नगराउन अनुरोध गरिन्छ ।
निजामित कर्मचारीहरू आधिकारिक ट्रेड युनियनकाे निर्वाचन गत असोज २४ गते हुने गरी निर्वाचन कार्यक्रम सार्वजनिक गरी सबै तयारी गिरएकाे भए पनि अन्तिम अवस्थामा नेपाल सरकारले मङ्सिर २७ गतेलाई सार्दै प्रमुख निर्वाचन अधिकृतको कार्यालयबाट नियुक्त सबै विभागीय र जिल्लाका निर्वाचन अधिकृतहरूलाई २०७७ मङ्सिर २७ गते हुने अर्को निर्वाचनसम्म निरन्तरता दिने निर्णय गरेको थियो ।
प्रमुख निर्वाचन अधिकृत कलानिधि पौड्यालद्वारा हस्ताक्षर गरी प्रकाशित निर्वाचन कार्यतालिका अनुसार मङ्सिर २७ गते शनिवारका दिन निर्वाचन हुने छ । मङ्सिर १० मा मतदाता नामावली प्रकाशन गर्ने र २७ गते शनिवार बिहान ९ बजेदेखि ५ बजेसम्म मतदान कार्य हुनेछ । तालिकामा उल्लेख छ । यस अघी नै निर्वाचनकाे सबै तयारी पुरा भइ सकेकाेले अब ताेकिएकाे मितिमा निर्वाचन गर्न समस्या नरहेकाे तर सरकारले नै रोक्न चाहेको अवस्थामावाहेक अन्य कारणले निर्वाचन नहुने या स्थगित हुने अवस्था देखिदैन अव छैन ।


मकवानपुर । नेपाल विद्यार्थी संघले देहरादून घटनामा घाइते विद्यार्थीलाई तत्काल उद्धार गरी निःशुल्क उपचार गराउनु पर्ने माग गरेको छ ।
नेविसंघअध्यक्ष राजिव ढुङ्गानाले एक विज्ञप्ति जारी गरी भारतको देहरादूनस्थित शाक्य एकेडेमीमा अध्ययनरत विद्यार्थीमाथि गत कात्तिक १० गते निर्घात कुटपिट भएको घटनाप्रति दुःख व्यक्त गर्दै घाइते विद्यार्थीलाई तत्काल उद्धार गरी निःशुल्क उपचारको व्यवस्था मिलाउन माग गरेका हुन् ।
“अहिलेको विश्व व्यापीकरणको युगमा विश्वको जुनसुकै शिक्षालयमा गएर शिक्षा लिन चाहने व्यक्तिले असल शैक्षिक वातावरणमा शिक्षा लिन पाउनु मानव अधिकारको विषय हो, मानव अधिकारको आधारभूत विषयलाई सबै देशले सम्मानका साथ लागू गर्नुपर्छ”, अध्यक्ष ढुङ्गानाद्वारा जारी विज्ञप्तिमा भनिएकाे छ ।
नेविसंघ महामन्त्री दिपक भट्टराईले भारतको शिक्षालयमा अध्ययनरत नेपाली विद्यार्थीमाथि लक्षित गरी गरिएको आक्रमण निन्दनीय भएको बताए। देहरादून घटनाले विश्वभर छरिएर रहेका नेपाली विद्यार्थीलाई गम्भीर बनाएको उनको भनाइ छ । विश्वभर छरिएर रहेका नेपाली विद्यार्थीमाथि हुने कुनै प्रकारको अभद्र व्यवहार नेविसंङलाई सह्य नहुने भट्टराईले बताए ।
यस्तै नेविसंघले देशको भविश्य सुनौलो बनाउने सपनाका साथ स्वदेश तथा विदेशमा अध्ययन गरिरहेका विद्यार्थीलाई सबै किसिमको सुरक्षा प्रदान गर्न सरकारसँग माग समेत गरेको छ ।
मकवानपुर । नेपाली काँग्रेसले केन्द्रीय कार्यसमितिकाे बैठक कार्तिक २१ गते बस्ने भएकाे छ ।
पार्टी मुख्यसचिव कृष्णप्रसाद पौडेलले विहीबार प्रेस विज्ञप्ती प्रकाशित गरी कात्तिक २१ गतेका लागि पार्टी केन्द्रीय कार्यालयमा बैठक बोलाइएकाे जानकारी दिएका छन् । २१ गते हुने बैठकमा १४ औं महाधिवेशनबारे छलफल हुने पाैडेलले बताए । पाैडेलका अनुसार अब हुने बैठकमा केन्द्रीय कार्यसमितिका पदाधिकारी, केन्द्रीय सदस्यहरु र आमन्त्रित केन्द्रीय सदस्यहरुकाे उपस्थितिकाे लागि बाेलाइएकाे हाे ।
केन्द्रीय सदस्यमा कोरोना संक्रमण देखिएपछि यसअघि असोज १९ गतेका लागि बोलाइएको बैठक स्थगित भएको थियो ।
