मकवानपुर । बागमती प्रदेश सरकारले तेस्रो वर्ष पुरा गरेको छ । आफ्नो तेस्रो बार्षिकोत्सव मुख्यमन्त्री तथा मन्त्रिपरिषद्को कार्यालयमा विहीबार बिहान गरिएको छ ।तेस्राे वर्ष पुरा गरेकाे उपलक्ष्यमा प्रदेश सरकारले ३ वर्षभरी गरेका कामको विवरण समेटिएको पुस्तक समेत विमोचन गरेको छ ।
वार्षिकोत्सवका अवसरमा विभिन्न व्यक्तित्वहरुलाई सम्मान गरिएको छ । बिभिन्न मन्त्रालयबाट उत्कृष्ट काम गर्ने कर्मचारी, बिभिन्न संघसंस्था र कर्मचारीहरु समेतलाई सम्मान गरिएको छ । बागमती प्रदेशका प्रदेश प्रमुख विष्णु प्रसाद प्रसाईको प्रमुख आतिथ्यतामा बार्षिकोत्सव कार्यक्रम भएकाे हो ।










मकवानपुर । नेकपाको प्रचण्ड–नेपाल समूहले तेस्रो चरणको आन्दोलन अन्तरगत आज काठमाडौंमा शक्ति प्रदर्शन गर्ने भएको छ। यही माघ ९ गते काठमाडौंमा आमसभा गरेको सो समूहले आज शक्ति प्रदर्शन गर्न लागेको हो।
यसको तयारीका लागि यो समूहले यसकै पूर्वसन्ध्यामा सभा व्यवस्थापनका लागि खटिने स्वयंसेवकले मार्चपास गरेको थियो। मंगलबार कोटेश्वरको पेरिसडाँडामा बसेको समूहको बैठकमा शक्ति प्रदर्शनमा तीन लाख बढी मानिस सहभागी हुने जानकारी गराएका छन्।
प्रतिनिधि सभा विघटन भएसँगै नेकपा ओली र प्रचण्ड–नेपाल समूहमा विभाजित भएको छ। दुवै समूहले छुट्टाछुट्टै राजनीतिक कार्यक्रम गरेर एक अर्काविरुद्ध आक्रामक अभिव्यक्ति दिइरहेका छन्।
प्रतिनिधि सभा विघटन गरेर प्रधानमन्त्री ओली असंवैधानिक कदम चालेको भन्दै त्यसविरुद्ध प्रचण्ड–नेपाल समूह आन्दोलित भएको हो। यता ओली समूह निर्धारित मितिमा चुनाव हुने भन्दै तयारीमा जुटेको बताएको छ। साे समूह हिजो निर्वाचन आयोगमा पुगेर दुई चरणमा निर्वाचन गर्ने जिल्ला र प्रदेशको नाम पनि टुंगो लगाएको छ। ओली समूहले पनि यही माघ २३ नारायणहिटी दरबार अगाडि आमसभाको आयोजना गरेको थियो।
मकवानपुर । भूमि सम्बन्धी समस्या समाधान आयोग मकवानपुरको अध्यक्षमा रामेश्वर राना मगर नियुक्त भएक छन् । विहीबार बसेकाे मन्त्रीपरिषद बैठकले आयोग मकवानपुरको अध्यक्षमा रानालाइ नियुक्त गरेको हो ।
भूमि व्यवस्था मन्त्रालयको सिफारिसमा नेकपाका केन्द्रीय सदस्य तथा मकवानपुर जिल्लाका सहइन्चार्ज समेत रहेका रानालाई आयोगको जिल्ला अध्यक्षमा नियुक्त गरेको हो । यस्तै आयोगको जिल्ला विज्ञमा हेटौंडा ४ का तुलसी प्रसाद रिजाल र सदस्यमा हेटौंडा ८ का प्रतिमा श्रेष्ठलाई नियुक्त गरेको छ ।
समितिको अध्यक्षले नेपाल सरकारको सह सचिवको सुविधा पाउनेछन् भने विज्ञ र सदस्यले उप सचिव सो सरहको सुविधा पाउनेछन् । सरकारले ७७ वटै जिल्लामा भूमि सम्बन्धी समस्या समाधान गरी भूमिहीन, अव्यवस्थित बसाेवासी, दलित र सुकुम्बासीलाई जग्गा उपलब्ध गराउन जिल्ला समिति गठन गरेको हो । मन्त्रिपरिषद बैठकले ७७ जिल्लामा अध्यक्ष, विज्ञ र सदस्य नियुक्त गरेको हो ।
मकवानपुर । राष्ट्रिय प्रजातन्त्र पार्टी मकवानपुरकाे जिल्ला अधिबेशन आगामी फाल्गुन २९ गते हुने भएकाे छ । मंगलबार हेटौंडामा बसेको पार्टी जिल्ला कार्य समितिको बिस्तारित बैठकले पार्टीको जिल्ला अधिबेशन फाल्गुन २९ गते गर्ने निर्णय गरेकाे हाे ।
बैठकले पार्टीका जिल्ला नेता गोपि प्रसाद न्यौपानेको संयोजकत्वमा जिल्ला निर्बाचन समिति समेत गठन गरेको छ । जिल्ला अध्यक्ष रामहरि न्यौपानेको अध्यक्षतामा बसेको बैठकमा पार्टीका केन्द्रीय कार्य सम्पादन समिति सदस्य राजाराम बर्तौलाले पार्टी र बिचारलाई स्थापित गर्नको निमित्त संगठन केन्द्रित हुनुपर्नेमा जोड दिदै राप्रपालाई मुलुकको बैकल्पिक शक्ति बनाउनु पर्ने बताए।
सकृय सदस्यता अभियानलाई प्रभाबकारी रुपमा संचालन गर्नुपर्नेमा जोड दिदै बर्तौलाले राप्रपालाई मुलुकको बलियो राष्ट्रबादी प्रजातान्त्रिक शक्ति निर्माण गर्दै मुलुकलाई बनाउने र बचाउने अभियान पार्टीले शुरु गर्नुपर्ने आबश्यकता औल्याए । बैठकमा केन्द्रिय सदस्यहरु नबराज बिष्ट,बालकृष्ण कार्की, राम थोकरले अधिबेशनलाई अर्जुनदृष्टिका साथ अगाडि बढाउनु पर्ने बताए ।
बैठकमा जिल्ला कमिटीका पदाधिकारी सदस्य,क्षेत्र,नगर,गाउँ पालिका,जनबर्गिय संगठन र नगर भित्रका वडाका अध्यक्षहरुको सहभागीता रहेको राप्रपा मकवानपुरले जनाएकाे छ ।
मकवानपुर/ राष्ट्रिय समावेशी आयोगले विभिन्न सिफारिसहरु समेटिएको वार्षिक प्रतिवेदन बागमती प्रदेश प्रमुखलाई बुझाएको छ ।
राष्ट्रिय समावेशी आयोगका कार्यवाहक अध्यक्ष विष्णुमाया ओझाले आयोगद्वारा तयार पारिएको प्रतिवेदन शुक्रबार बागमती प्रदेश प्रमुख विष्णुप्रसाद प्रसाईंलाई बुझाएकी हुन् । आर्थिक वर्ष २०७६/०७७ र ०७७/०७८ को प्रतिवेदन प्रदेश प्रमुखलाई बुझाइएको कार्यवाहक अध्यक्ष ओझाले बताइन् । दुई वटा प्रतिवेदनमा गरी झण्डै ६० वटा सिफारिसहरु रहेको ओझाले बताइन् ।
समाबेशिता भित्र पर्ने ११ वटा समूहको समृद्धिमा सरकारले गर्नुपर्ने कामको लागि आयोगले गरेको सिफरिसहरु समेटिएको बताइएको छ ।
प्रदेश प्रमुख कार्यालयका सचिब नारायणप्रसाद भट्टसमेतको उपस्थितिमा आयोगले वार्षिक प्रतिवेदन बुझाएको छ । आयोगले यसअघि प्रदेश १ को प्रदेश प्रमुखलाई समेत वार्षिक प्रतिवेदन बुझाइसकेको ओझाले बताइन् । अन्य प्रदेश प्रमुखहरुलाई पनि २ महिनाभित्र वार्षिक प्रतिवेदन बुझाउने तयारी रहेको ओझाले बताइन् ।
लक्ष्यित वर्गको जीवन अवस्था साह्रै कष्टकर रहेको र सरकारले यि क्षेत्रमा धेरै काम गर्न बाँकी रहेको उनले बताइन् । आयोगले औपचारिक अनौपचारिक क्षेत्रका श्रमिकहरु, उखु किसान, ज्येष्ठ नागरिकलगायतको समावेशि न्यायको लागि काम गर्न आवश्यक सिफारिस गरेको र ति बिषयमा सरकारले छिट्टै सम्बोधन हुनुपर्ने उनले बताइन् ।
‘तल्लो बर्गका नागरिकहरुमा छाना नाना खानाकै अभाव छ, देशको समृद्धिको सपना कसरी पूरा हुन्छ ?’ ओझाले भनिन् । बजेट अभावका कारण आयोगलले राम्रोसँग गर्न नसकेको उनले बताइन् ।वार्षिक प्रतिवेदन ग्रहण गर्दै प्रदेश प्रमुख प्रसाईंले आयोगको बोर्ड पूर्ण नहुदा पनि मेहनतका साथ प्रतिबेदन तयार पारेर बुझाएकोमा खुसी व्यक्त गरे ।
अन्य आयोगहरुले पनि यसैगरी खोज तथा अनुसन्धानको कार्य गर्नुपर्ने तर यस्तो नपाइएको प्रदेश प्रमुख प्रसाईले बताए ।