मकवानपुर । पूर्वराजा ज्ञानेन्द्र शाहले राजसंस्थाविनाको प्रजातन्त्र नेपालमा सान्दर्भिक नहुने बताएका छन् । विजय दशमीको अवसरमा देशभित्र र देशबाहिर रहे बसेका सम्पूर्ण नेपालीहरुमा शान्ति र सुखको शुभकामना दिदैं उनले प्रजातन्त्रविनाको राजसंस्था र राजसंस्थाविनाको प्रजातन्त्र नेपालमा सान्दर्भिक हुन नसक्ने बताएका हुन् ।
‘देशको तत्कालीन परिस्थितिले हामीलाई बेग्लै जिम्मेवारी ग्रहण गर्न बाध्य तुल्याइए पनि प्रजातन्त्रविनाको राजसंस्था र राजसंस्थाविनाको प्रजातन्त्र हाम्रो जस्तो मुलुकमा सान्दर्भिक हुन सक्दैनन भन्ने बोध हामीले गरेका छौँ’, उनले जारी गरेको शुभकामना सन्देशमा उल्लेख गरेका छन् । यस्तै उनले परराष्ट्र नीति असन्तुलित हुँदा राष्ट्रिय सुरक्षामा चुनौती थपिएको बताएका छन् ।

‘हाम्रो समाज सनातनिक आदर्श र पूख्यौली पौरखबाट पृथक छैन । तर हाम्रो राजनीति र राजकाजी चालचलन त्यस अनुरुप हुन सकेनन् । लोककल्याणका हेतु, राजनीतिक स्वच्छता, जनप्रियता र जनआकांक्षा पूर्तिको दिव्य मान्यतामा आधारित हुनु पर्ने हो । तर राजनीतिक व्यवस्था आफु, आफ्नो समूह र त्यसभित्रको गुट उपगुटमा अल्झिएको छ । कोरोनाको महामारी, अनेक प्राकृतिक विपत्ति, वेरोजगारी, महंगी र अस्थिरताको भुमरीमा फसेका आम नेपालीले सत्य सेवा तथा लोकहितको अनुभूति गर्न पाइरहेका छन् त ?’पूर्व राजा ज्ञानेन्द्र शाहले प्रश्न गरेका छन् ।
‘भ्रमको खेती नगरौं, चुपचाप गणतन्त्रलाई स्विकारेर बस्नु’
यसैबीच जनता समाजवादी पार्टीका संघीय परिषद् अध्यक्ष एवम् पूर्व प्रधानमन्त्री डा. बाबुराम भट्टराईले पूर्वराजा ज्ञानेन्द्र शाहको शुभकामना सन्देशमा व्यक्त विचारप्रति अक्रोश व्यक्त गरेका छन्। मंगलवार पूर्व राजा ज्ञानेन्द्रले दशैंको अवसरमा शुभकामना सन्देश दिदैं राजतन्त्र बिनाको प्रजातन्त्र सान्दार्भिक नहुने उल्लेख गरेका थिए।
भट्टराईले ट्वीटरमा पूर्वराजाको सन्देशसहितको भिडियो साझा गर्दै भ्रमको खेती भएको र देशलाई पुन:द्वन्द्वमा धकेल्ने उद्देश्यको भएको बताएका छन्। उनले पूर्व राजालाई जनताप्रति अलिकति जिम्मेवारीवोध भए चुपचाप संघीय लोकतान्त्रिक गणतन्त्रलाई स्वीकारेर बस्नु वेश हुने सुझाव समेत दिएका छन्।

‘राजसंस्थाविनाको प्रजातन्त्र टिक्दैन भन्नु जनतालाई तातो बरफ वा सिंगसहितको खरायो खोज्न लगाउनु जस्तै भ्रमको खेतीगर्नु र देशलाई पुनस्द्वन्दमा धकेल्नु मात्रै हो,’ भट्टराईले भने, ‘पूर्व राजालाई देश र जनताप्रति अलिकति पनि जिम्मेवारीवोध छ भने चुपचाप संघीय लोकतान्त्रिक गणतन्त्रलाई स्वीकारेर बस्नु वेश हुनेछ!’
मकवानपुर । राष्ट्रिय जनसाँस्कृतिक महासंघ मकवानपुरले चियापान कार्यक्रम गरेकाे छ । नेपालीहरूकाे महान चाड बडादशैं लगायतका चाडपर्वहरूको अवसर पारेर महासंघले चियापान कार्यक्रम आयोजना गरेकाे हाे ।
चियापान कार्यक्रम बागमती प्रदेशका निवर्तमान मुख्यमन्त्री तथा नेकपा एमाले प्रदेश कमीटी ईन्चार्ज डोरमणी पौडेलकाे प्रमुख आतिथ्यतामा भएकाे हाे । कार्यक्रममा राष्ट्रिय जनसाँस्कृतिक महासंघ मकवानपुरका ईन्चार्ज आशाकाजी श्रेष्ठ, कलाकारहरु रविन्द्र चेपाङ, पेमा थापा, पम्फा मगर, घनश्याम ढकाल, किसु थापा, चन्द्रा देवी लामा, अनिल लामाले गायनकला प्रस्तुत गरेका थिए । त्यस्तै रचनात्मक प्रस्तुति तर्फ ह्याग्रीव आचार्य, छवि अनित्य लगायत अन्य कलाकारको प्रस्तुति रहेको थियो।
कार्यक्रममा नेकपा एमाले बागमती प्रदेश सदस्य तथा सामाजिक विकास राज्यमन्त्री जुनेली श्रेष्ठ, जिल्ला समन्वय समितिका प्रमुख रघुनाथ खुलाल, नेकपा एमाले पार्टी जिल्ला अध्यक्ष बद्री लम्साल, उपाध्यक्ष गोपाल श्रेष्ठ, सचिव एकलाल श्रेष्ठ, नेकपा एमाले जिल्ला सचिवालय सदस्य नवीन सिग्देल, सचिवालय सदस्य फुर्वा दोर्जे लामा, नेकपा एमाले जिल्ला कमिटी सदस्य सुनिल मुक्तान लगायतकाे उपस्थिति रहेकाे थियाे ।

यसैगरी राष्ट्रिय खेलकुद महासंघका केन्द्रीय प्रतिनिधि धर्म लामा, मदन भन्डारी स्वास्थ्य विज्ञान प्रतिष्ठान सदस्य रमिला घलान, जिल्ला खेलकुद महासंघका अध्यक्ष सबिन मुक्तान, नगर खेलकुद विकास समिति अध्यक्ष चन्द्र शाही, अखिल फोर्स मकवानपुरका प्रमुख मनिष मान श्रेष्ठ, मकवानपुरका वरीष्ठ संङ्गीत्कार परमेन्द्र महर्जन, साहित्यकार काल ज्यामी र राष्ट्रिय जनसाँस्कृतिक महासंघ मकवानपुरका सहईन्चार्ज मेम्वर लो लगायतको सहभागिता रहेकाे थियाे
कार्यक्रम रास्ट्रिय जनसाँस्कृतिक महासंघ मकवानपुरका अध्यक्ष राजु राम राउतको सभाध्यक्षतामा सम्पन्न कार्यक्रममा महासंघका सचिव रेश्मी कार्कीले स्वागत मन्तव्य व्यक्त गरेका थिए । कार्यक्रम रास्ट्रिय जनसाँस्कृतिक महासंघका केन्द्रीय सदस्य मसान उपासकले सन्चालन गरेका हुन् ।
मकवानपुर / बागमती प्रदेशकी मुख्यमन्त्री अष्टलक्ष्मी शाक्यसहित नेवार समुदायका मन्त्रीहरु सम्मानित भएका छन् । नेवाः गुठी खलः मकवानपुरद्वारा शनिबार हेटौंडामा आयोजित विजया दशमीको शुभकामना आदनप्रदान तथा चियापान कार्यक्रममा बधाई तथा सम्मान गरिएको हो ।
कार्यक्रममा मुख्यमन्त्री शाक्यसहित आन्तरिक मामिला तथा कानून मन्त्री डा. अजयक्रान्ति शाक्य, उद्योग, पर्यटन, वन तथा वातावरण राज्यमन्त्री सरस्वती बाटी, सामाजिक विकास राज्यमन्त्री जुनेलीमाया श्रेष्ठलाई सम्मानित गरेको थियो । कार्यक्रममा मुख्यमन्त्री शाक्यको प्रमुख आतिथ्य तथा बागमती प्रदेशसभाका सभामुख सानुकुमार श्रेष्ठको विशेष आतिथ्य रहेको थियो ।
नेवाः गुठी खलः मकवानपुरका अध्यक्ष अनिल खड्गेको अध्यक्षतामा भएको कार्यक्रममा नेपाली कांग्रेस मकवानपुरका सल्लाहकार अशोक शाक्य, नेकपा माओवादी केन्द्रका बागमती प्रदेश समिति सदस्य ललित घलान, नेवाः साँस्कृतिक पुचः मकवानपुरका अध्यक्ष विष्णुगोपाल श्रेष्ठ, नेवाः गुठी खलःका उपाध्यक्ष यज्ञबहादुर श्रेष्ठले मन्तव्य व्यक्त गरेका थिए । नेपाल बुद्धिचाल संघका अध्यक्ष एकालाल श्रेष्ठ, शिक्षाविद् देवप्रसाद श्रेष्ठ, मकवानपुर जिल्ला भलिबल संघका अध्यक्ष विन्द्रलाल श्रेष्ठ लगायतको आतिथ्य रहेको कार्यक्रममा नेवाः गुठी खलःका महासचिव देवकुमार श्रेष्ठले सहजिकरण गरेका थिए ।
मकवानपुर । हेटौंडा-१६ मा १ सय ५० जना नेपाली कांग्रेसमा प्रवेश गरेका छन् । शनिबार भएको शुभकामना आदानप्रदान तथा चियापान कार्यक्रममा नेकपा एमाले, नेकपा माओवादी केन्द्र र राप्रपा परित्याग गरी उनीहरु नेपाली कांग्रेसमा प्रवेश गरेका हुन् ।
नेपाली कांग्रेस प्रवेश गर्नेहरुमा नेकपा माओवादी केन्द्रका छविलाल दंगाल, रामेश लामा, मेन्दुमाया तुम्सिङ, नेकपा एमालेका योङनाथ दंगाल, भरत गौतम, राप्रपाका अमोज दंगालसहित १ सय ५० जना छन् । उनीहरुलाई नेपाली कांग्रेसकी केन्द्रीय सदस्य महालक्ष्मी उपाध्याय डिना र बागमती प्रदेश संसदीय दलका नेता एवं जिल्ला सभापति इन्द्रबहादुर बानियाँले सदस्यता प्रदान गरेका थिए ।
कार्यक्रममा मेघनाथ पनेरु शंकरको अध्यक्षतामा ३२ सदस्यीय तरुण दल हेटौंडा-१६ इकाई समिति गठन भएको छ । समितिको उपाध्यक्षमा अच्युत नेपाल, विश्वास बस्ताकोटी, सचिव सुवर्ण पौडेल, आशिष बास्तोला, कोषाध्यक्ष प्रेरणा रेग्मी, सहसचिव अर्जुन विश्वकर्मा लगायत छन् ।
नेपाली कांग्रेसकी केन्द्रीय सदस्य डिनाको प्रमुख आतिथ्यता एवं हेटौंडा-१६ का वडा सभापति सोमनाथ दंगालको अध्यक्षतामा भएको कार्यक्रममा कांग्रेस बागमती प्रदेश संसदीय दलका नेता एवं जिल्ला सभापति बानियाँ, जिल्ला सल्लाहकार रिता खनाल, जिल्ला सदस्य प्रदिप कोइराला, नगर सभापति उत्सव इटेनी, उपसभापति रामकृष्ण कोइराला, निवर्तनमान नगरसभापति आनन्दराम पराजुली, तरुण दल जिल्ला सचिव सचित थापा, नगर अध्यक्ष सुनिल गिरी लगायतको उपस्थिति रहेको थियो ।
मकवानपुर । मकवानपुरकोे बकैया गाउँपालिकामा नेपाली काङ्ग्रेसले चियापन कार्यक्रम गरेको छ । हिन्दुहरुकाे महान चाड बडादशै, तिहार र छठ पर्वकाे अवसरमा चियापान कार्यक्रम गरिएकाे हाे ।
नेपाली काङ्ग्रेस बकैया गाउँ कमिटीका सभापति दिल बहादुर भोम्जनकोे सभाध्यतामा भएको कार्यक्रममा बकैया गाउँपालिकाका अध्यक्ष दामोदर खनालको प्रमुख आथित्यता रहेको थियो । कार्यक्रममा काङ्ग्रेस बकैयाका निवर्तमान अध्यक्ष भुमी नन्द गौतम, महासमिति सदस्य धर्मराज लामिछाने लगायतको उपस्थिती रहेको थियो