मकवानपुर । हेटौंडामा माघ १६ गतेबाट जारी भिडोल विजय यूथ हेटौंडा गोल्डकपमा आयोजक विजय युथ क्लबले मुस्किलले जित हात पारेको छ । जीत सँगै आयोजक क्लब र सेन्ट्रल कलेज भरतपुर पहिलो संस्करणको हेटौंडा गोल्डकप फुटबल प्रतियोगिता,२०७७ को सेमिफाइनलमा प्रवेश गरेको छ ।
आयोजक विजय युथ क्लबले सर्लाही जिल्ला फुटबल संघलाई २-० र सेन्ट्रल कलेज भरतपुरले काठमाडौंको एफसी रियालेलाई ४-१ गोलअन्तरले पराजित गर्दै अन्तिम चारमा स्थान बनाएको हो । आयोजक विजय युथ हेटौंडाको जीतमा विदेशी खेलाडी साहिद र हिसुव थपलियाले गोल गरेका थिए । साहिदले खेलको छैठौं मिनेटमा र हिसुब थपलियाले ७२ औं मिनेटमा गोल गरेका थिए । हेटौंडाका विमल राना म्यान अफ दी म्याच घोषित भए ।
सर्लाहीका खेलाडीहरुले उच्च स्तरको प्रदर्शन गरेता पनि पटक पटकको प्रहार हेटौंडाका गोल रक्षक अशोक बरालले विफल तुल्याएका थिए । हेटौंडाको तर्फबाट ए डिभिजन लिगमा सहभागी भइसकेका अनुभवी खेलाडीहरुको अगाडि फिनिसिङमा चुकेको देखिन्थ्यो। हेटौंडाका तर्फबाट राष्ट्रिय टोली सदस्य समेत रहेका खेलाडी रञ्जन विष्ट समेत सहभागी थिए ।
यस अघि आईतबार नै भएको खेलमा एफसी रियाले काठमाडौंलाई सेन्ट्रल कलेज भरतपुरले हराएको थियो । भरतपुरको लागि विदेशी खेलाडी जोन ग्लोरीको ह्याट्रिक प्रेरित भरतपुरको जीतमा रञ्जित आले मगरले पनि थप एक गोल गरे । भरतपुरका ग्लोरीले ३५, ३७ र ६९ औं मिनेटमा गोल गर्दै ह्याट्रिक गरेका थिए । उनी प्रतियोगितामा ह्याट्रिक गोल गर्ने पहिलो खेलाडी बनेका ग्लोरी म्यान अफ दी म्याच समेत घोषित भए । भरतपुरका रञ्जितले १८ औं मिनेटमा गोल गर्दै टोलीलाई अग्रता दिलाएका थिए । काठमाडौंका लागि रञ्जित तिवारीले ५७ औं मिनेटमा एकमात्र गोल गरेका थिए ।
एफसी विजय यूथको आयोजना भएको गोल्डकपमा १० टिमले सहभागिता जनाएका छन् ।
भिडाेलले प्रायाेजन गरेकाे प्रतियोगितामा १० टिमले सहभागिता जनाएका छन् । प्रतियोगिताको विजेता हुने टिमले नगद ३ लाख रुपैयाँ र उपविजेता हुने टिमले नगद एकलाख ५० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन् । यसैगरी प्रतियोगिताको उत्कृष्ट गोलक्षक, फरवार्ड, मिडफिल्डर, डिफेन्डर र प्रशिक्षकलाई जनही पाँच हजार रपैयाँसाहित ट्रफी र प्रमाणपत्र प्रदान गरिने आयोजकले जनाएको छ । प्रतियोगिताको फाइनल खेल माघ २३ गते हुनेछ ।
मकवानपुर । हेटौंडामा जारी ‘विजय युथ हेटौंडा गोल्डकप’ फुटबल प्रतियोगितामा आइतबार दुई खेल हुने भएको छ ।
हेटौंडा-१० को फरेष्ट्री क्याम्पसको खेल मैदानमा आइतबार हुने पहिलो खेल १ बजे एफसी रियाले काठमाडौं र सेन्ट्रल कलेज भरतपुर फुटबल क्लबबिच हुने आयोजक एफसी विजय युथ क्लबले जनाएको छ । यसैगरि दोस्रो खेल ३ बजे सर्लाही जिल्ला फुटबल संघ र आयोजक एफसी विजय युथ क्लब बिच हुनेछ।

माघ १७ गते शनिबार भएको खेलमा हर्दि र दुधौली स्पोर्टस क्लब विजयी भएका थिए । शनिबार सम्पन्न पहिलो खेलमा वीरगञ्ज युनाइटेडलाई २-० गोल अन्तरले हराउँदै हर्दि युवा समाज राप्ती विजयी भएको थियो । त्यसैगरी शनिबार नै भएकाे दोस्रो खेलमा दुधौली स्पोर्टस् क्लब विजयी थियो । दुबै टिम निर्धारित समयमा १–१ गोलको बराबरी रोकिएपछि खेल टाईब्रेकरमा पुगेको थियो । टाईब्रेकर वीरगञ्ज युथ एकेडेमीलाई ४-२ गोल अन्तरले पराजित गर्दै दुधौली स्पोर्टस् क्लब विजयी बनेको हो।
प्रतियोगितामा विजेताले नगद ३ लाख र उपविजेताले १ लाख ५० हजार रुपैयाँ प्राप्त गर्ने छन् भने विधागतरुपमा उत्कृष्ट हुने गोलरक्षक, डिफेन्डर, मिडफिल्डर, फरवार्ड तथा प्रशिक्षकले जनही नगद पाँच–पाँच हजार रुपैयाँ प्राप्त गर्ने छन् । प्रतियोगितामा मोफासलका १० टोलीको सहभागिता रहेको छ ।प्रतियोगिताको फाईनल खेल २३ गते हुने आयोजकले जनाएको छ ।
मकवानपुर । एफसी विजय यूथ क्लब हेटाैडाकाे आयोजनाहेटौंडामा भईरहेको भिडोल विजय यूथ हेटौंडा गोल्डकप अन्गरगत शनिबार भएको खेलमा हर्दी युवा समाज चितवन र दुधौली स्पोर्टस् क्लब सिन्धुली विजयी भएका छन् ।
हेटौंडा–१० स्थित वनविज्ञान खेल मैदानमा भएको खेलमा हर्दी युवा समाज चितवनले वीरगञ्ज युनाइटेडलाई २–० र दुधौली स्पोर्टस् क्लब सिन्धुलीले वीरगञ्ज युथ एकेडेमीलाई टाइब्रेकरमा ४–२ गोलअन्तरले पराजित गरेको हो । चितवनको जीतमा निरज चौधरीले सातौं मिनेटमा र सुरेश कमालले १३ औं मिनेटमा गोल गरेका थिए । चितवनको सुरेश म्यान अफ दी म्याच घोषित भए ।
यस्तै शनिबार नै भएको दोस्रो खेलमा ट्राईबे्रकरमा सिन्धुलीले नतिजा आफ्नो पक्षमा पारेको छ । निर्धारित समय १–१ गोलको बराबरीमा टुंंगिएपछि सिन्धुलीले एकेडेमीलाई टाइब्रेकरमा ४–२ गोलअन्तरले पराजित गरेको हो । टाइब्रेकरमा म्यान अफ दी म्याच भएका सिन्धुलीका गोलरक्षक रेम्बो चौधरीले दूईवटा प्रहार बचाएका थिए । सिन्धुलीका लागि टाइब्रेकरमा विक्रम दनुवार, सञ्जय तामाङ, गोपाल लिम्बु र प्रताप राईले गोल गरेका थिए र वीरगञ्ज युनाइटेडका अजय चौधरी र शेष श्रेष्ठले गोल गरेका थिए । वीरगञ्जका कृष्ण शाक्य र आदित्य शाक्यका प्रहार सिन्धुलीका गोलरक्षक रेम्बोले बचाएका थिए । निर्धारित समयमा वीरगञ्जको तर्फबाट आदित्य शाक्यले गोल गरेका थिए । सिन्धुलीका प्रताप राईले बराबरी गोल गरेका थिए ।
एफसी विजय यूथको आयोजना भएको गोल्डकपमा १० टिमले सहभागिता जनाएका छन् । प्रतियोगितामा एफ.सी रियाले काठमाडौं, विरगञ्ज यूनाईटेड, हर्दि युवा समाज राप्ति, बागमती युवा क्लब सर्लाही, विरगञ्ज यूथ एकेडेमी, दुधौली स्पोट्स क्लब सिन्धुली, सर्लाही जिल्ला फुटबल संघ र एफ.सी विजय यूथ हेटौंडाले सहभागिता जनाएका हुन् ।
प्रतियोगिताको विजेता हुने टिमले नगद ३ लाख रुपैयाँ र उपविजेता हुने टिमले नगद एकलाख ५० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन् । यसैगरी प्रतियोगिताको उत्कृष्ट गोलक्षक, फरवार्ड, मिडफिल्डर, डिफेन्डर र प्रशिक्षकलाई जनही पाँच हजार रुपैयाँ सहित ट्रफी र प्रमाणपत्र प्रदान गरिने आयोजकले जनाएको छ । प्रतियोगिताको फाइनल खेल माघ २३ गते हुनेछ ।
मकवानपुर । हेटौंडामा शुक्रबारबाट भिडोल विजय यूथ हेटौंडा गोल्डकप सुरु भएको छ । प्रतियोगिताको उद्घाटन खेलमा मकवानपुर– ११ लाई सेन्ट्रल कलेज बीएफसी भरतपुर हराएको छ । घरेलु मैदानमा मकवानपुर ११ लाई सेन्ट्रल कलेज बीएफसी भरतपुरले २ –१ गोल अन्तरले हराएको हो ।
उद्घाटन खेलमा दुवै टिमको मध्यम प्रदर्शन रहेको खेलको ५ मिनेटमा भरतपुरको लागि विदेशी खेलाडी जोनले गोल गरेर अग्रता दिलाएका थिए भने मकवानपुर ११ का रिसी मोक्तानले १५ औं मिनेटमा गोल फर्काएर बराबरी स्थितीमा ल्याएका थिए । म्यान अफ दी म्याच बनेका रन्जित आलेले भरतपुरको लागि ३२ औं मिनेटमा गरेको गोल नै निर्णायक बनेको हो । सेन्ट्रल कलेज बीएफसी भरतपुरले अब सेमिफाईनलमा एफ सि रियाले काठमाडौं सँग भोली खेल्ने पक्का भएको छ । खेलको दोस्रो दिन आज शनिबार विरंगव युनाईटेड र हर्दि युवा समाज राप्ती भिड्ने छ ।
प्रतियोगिताको उद्घाटन हेटौंडा उपमहानगरपालिकाकी उपमेयर मिनाकुमारी लामाले गरेकी थिईन् । उद्घाटन गर्दै उपमेयर लामाले हालसम्म खेलकुदको विभिन्न संरचना, कभर्डहल, मिनिरंगशाला लगायत जिम क्बल बनाउदै, मेयर कप फुटबल, उपमेयर कप भलिबल प्रतियोगिता आयोजना गर्दै आएको बताईन् । उनले साथमा खेल, गाँसमा खेल र बाँसमा पनि खेललाई महत्वपूर्ण दिने समयमा विगत ८ महिना देखि खेलकुदको गतिविधि हुन नसकेको भन्दै खेल क्षेत्रले पुनः लय समातेको बताईन् । हेटौंडा उपहानगर खेल क्षेत्रमा सँधै साथ रहेको बताएकी थिईन् ।

एफसी विजय यूथको आयोजना भएको गोल्डकपमा १० टिमले सहभागिता जनाएका छन् । प्रतियोगितामा एफ.सी रियाले काठमाडौं, विरगञ्ज यूनाईटेड, हर्दि युवा समाज राप्ति, बागमती युवा क्लब सर्लाही, विरगञ्ज यूथ एकेडेमी, दुधौली स्पोट्स क्लब सिन्धुली, सर्लाही जिल्ला फुटबल संघ र एफ.सी विजय यूथ हेटौंडाले सहभागिता रहेकाे छ ।
प्रतियोगिताको विजेता हुने टिमले नगद ३ लाख रुपैयाँ र उपविजेता हुने टिमले नगद एकलाख ५० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन् । यसैगरी प्रतियोगिताको उत्कृष्ट गोलक्षक, फरवार्ड, मिडफिल्डर, डिफेन्डर र प्रशिक्षकलाई जनही पाँच हजार रपैयाँसाहित ट्रफी र प्रमाणपत्र प्रदान गरिने आयोजकले जनाएको छ । प्रतियोगिताको फाइनल खेल माघ २३ गते हुनेछ ।
मकवानपुर । हेटौंडामा आजबाट ‘विजय युथ हेटौंडा गोल्डकप’ फुटबल प्रतियोगिता सुरु हुने भएको छ ।हेटौंडा-१० को फरेष्ट्री क्याम्पसको खेल मैदानमा सुरु हुने खेलको तयारी पुरा भएको आयोजक विजय युथ क्लबले जनाएकाे छ ।
आज हुने गोल्डकपको उद्घाटन खेल मकवानपुर-११ र सेन्ट्रल कलेज विएसी भरतपुर बिच हुने कार्यत्रलम संयोजक राजेश भेटवालले बताए । उद्घाटन खेल दिउँसो ३ बजे हुने क्लब अध्यक्ष सुदिप राजवाहकले जानकारी दिए ।
प्रतियोगितामा विजेताले नगद ३ लाख र उपविजेताले १ लाख ५० हजार रुपैयाँ प्राप्त गर्ने छन् भने विधागतरुपमा उत्कृष्ट हुने गोलरक्षक, डिफेन्डर, मिडफिल्डर, फरवार्ड तथा प्रशिक्षकले जनही नगद पाँच–पाँच हजार रुपैयाँ प्राप्त गर्ने छन् । प्रतियोगिताका लागि करिब २५ लाख रुपैयाँ खर्च हुने आयोजकले अनुमान गरेको छ । प्रतियोगितामा मोफासलका १० टोलीको सहभागिता रहेको छ ।
प्रतियोगिताको फाईनल खेल २३ गते हुने आयोजकले जनाएको छ । खेल मैदान प्रवेश शुल्क प्रतिव्यक्ति ५० रुपँया राखिएको समेत आयोजकले जनाएको छ ।