मकवानपुर । हेटौंडा उपमहानगरपालिका वडा नम्बर–१८ हर्नामाडी स्थित गुम्बाडाँडामा तीज बिशेष कार्यक्रम भएको छ । हिन्दु नारीहरुकाे पर्व तीजकाे अवसरमा अखिल नेपाल महिलासंघ हेटौंडा–१८ वडा कमिटीको आयोजनामा कार्यक्रम गरिएकाे हो ।
कार्यक्रमको उद्घाटन् गर्दै हेटौंडा उमहानगरपालिकाका मेयर हरि बहादुर महतले गरेका थिए । कार्यक्रममा लोक गायक बद्री पंगेनीले गायनमा स्थानीय महिलाहरुले नाचेर साथ दिएका थिए । गायक पंगेनीसँगै प्रतिमा अर्याल र भूमिका गिरीले लोक भाकामा आफ्ना गित प्रस्तुत गरेका थिए ।
कार्यक्रममा हेटौंडा–१८ का वडा अध्यक्ष अनिल बानियाँ, नेकपा एमाले मकवानपुरका नेता कमल विष्ठ, मेयर महतका राजनीतिक सल्लाहकार नरहरी महत, अखिल नेपाल महिलासंघका केन्द्रीय सदस्य पद्मा पौडेल लगायतकाको उपस्थिति रहेको थियो ।
मकवानपुर । हेटाैडामा भ्रष्टाचार नियन्त्रणमा नागरिक समाजकाे भूमिका सम्बन्धी संवाद कार्यक्रम भएकाे छ । भ्रष्टाचार, बेरुजु नियन्त्रण र न्यूनिकरणमा नागरिक तथा नागरिक समाजको भुमिका विषयक संवाद कार्यक्रम आइतबार हेटौंडामा सम्पन्न भएको हाे ।
अमेरिकी विकास नियोग यूएसएडको आर्थिक सहयोगमा डेक नेपाल र नागरिक समाज मञ्च मकवानपुरको संयुक्त आयोजनामा कार्यक्रम भएको हो । कार्यक्रममा लेखापरीक्षण, लेखापरीक्षणका उद्देश्य, अन्तिम लेखापरीक्षणको भूमिका, भ्रष्टाचार, बेरुजु, बेरुजु फछ्र्यौट, भ्रष्टाचार निवारणमा नागरिक समाजको भूमिका लगायतको विषयमा प्रस्तुतिकरण गरिएको थियो ।
कार्यक्रममा प्रदेश लेखा नियन्त्रक कार्यालय, हेटौंडाका प्रदेश लेखा नियन्त्रक हरिप्रसाद उपाध्यायले सहजिकरण गरेकाे कार्यक्रममा नागरिक समाज मञ्च मकवानपुरकी संयोजक रमिला सापकोटाको अध्यक्षतामा भएको थियो । कार्यक्रममा गैरसरकारी संस्था महासंघ मकवानपुरका सचिव बोलबहादुर कार्की, सामुदायिक बन उपभोक्ता महासंघ मकवानपुरका अध्यक्ष साधुराम चौलागाई, नेपाल आदिवासी जनजाति महासंघ मकवानपुरका अध्यक्ष जंगबहादुर गुरुङ लगायतको सहभागिता रहेको थियो ।
मकवानपुर । हेटाैडा उपमहानगरपालिका वडा न १५ का ४ सय २५ जना एमाले पार्टी प्रवेश गरेका छन् । हेटौंडा १५ मा विभिन्न पार्टी परित्याग गरि उनीहरु नेकपा एमालेमा प्रवेश गरेका हुन् । नेकपा एमालेका प्रवेश गर्नेहरुलाई एमाले केन्द्रीय सदस्य एवं बागमी प्रदेशका निबर्तमान मुख्यमन्त्री डोरमणि पौडेलले टिका र खादा लगाएर स्वागत गरेका हुन् ।
एमाले पार्टी प्रवेश गर्नेहरुमा सङ्घीय समाजबादीका जिल्ला सदस्य राजेन्द्र वाईवालगायत स्थानीय समाजसेवी दिपक ब्लोन, आइजित भोम्जन, सिंह घलान, उत्तम भोलन, मेजर सिंह मोक्तान, लालबहादुर भोम्जन मनोज भोम्जन, जीवन श्रेष्ठ, रामशरण बिश्वकर्मा, सन्जय भोम्जन सहित ४ सय २५ जना रहेका छन् ।
एमाले १५ नम्बर वडाकमिटी पर्शबहादुर भुजेलको सभाध्य्क्षतामा भएको कार्यक्रममा प्रतिनिधि सभा सदस्य कृष्ण प्रसाद दाहाल, प्रदेशका सदस्य तथा जिल्ला समन्वय मकवानपुरका प्रमुख रघुनाथ खुलाल लगायतकाे सहभागी रहेका थिए ।
मकवानपुर । झापा र मकवानपुरकाे रजैया बिच मैत्रीपुर्ण फुटबल प्रतियाेगिता भएकाे छ । सी डिभिजन लिग छनोटका लागि बन्द प्रशिक्षणको क्रममा हेटौंडामा रहेको झापा एफसी र पश्चिम मकवानपुरको रजैया फुटबल क्लबबिच शनिबार मैत्रीपुर्ण फुटबल प्रतियोगिता भएको हाे ।
भदौ ६ गतेदेखि हेटौंडामा बन्द प्रशिक्षण गरिरहेको झापा एफसीले रजैया एफसीसँग हेटौंडामा पहिलो पटक मैत्रीपुर्ण खेल खेलेको हो । क्लबले सी डिभिजन लिग छनोट अन्तर्गत पहिलो चरणको खेलमा भदौ २५ गते सहभागिता जनाउँदैछ ।
मकवानपुरका २ खेलाडीलाई समेत समेटेर मैदानमा उत्रिएको झापा एफसीले रजैया एफसीलाई ७–० को फराकिलो गोल अन्तरले पराजित गरेकाे छ । हेटौंडाको बनबिज्ञान अध्ययन संस्थानको फरेष्ट्रि मैदानमा भएको निर्धारित ९० मिनेटको खेलमा झापाका लागि रबिन राईले २ गोल गरे । यस्तै मकवानपुरे खेलाडी माझन लामासहित गोकुल राजवंशी, दिपेश श्रेष्ठ, राजेश तामाङ र सुरेश राईले समान १/१ गोल गरे ।
- त्रिलोचन ढकाल
आमा बित्नुभयो । कुनामा । कान्छो भाई सात दिनको थियो । त्यही दिनदेखि बा पत्नी बिहीन हुनुभयो । उहाँ बत्तिस वर्षको हुनुहुन्थ्यो । म सबैभन्दा जेठो बाह्र बर्षको थिएँ । बिचमा माहिला र साइँला भाइ पनि थिए ।
काकाहरू आएर भन्नुभयो– “कान्छा ! विवाह गर ! यत्रो जीवन कसरी बिताउँछौ ?” बाबाले सुन्नुभयो । हाम्रा मैलिएका कपडा र डोकोमा गाग्री लिएर पँधेरातिर जानु भयो ।
तिहारमा फुपू आउँनु भयो । टिकाटालो गरिसकेपछि भन्नुभयो–”कान्छा ! विवाह गर । हाम्रो माहिला ससुराकी छोरी छन् । गज्जबकी । यी केटाकेटीलाई पनि आमा भएर सम्हाल्न सक्छिन् । तिमीलाई पनि खुसी राख्छिन् ।” बाबाले सुन्नुभयो । भकारा फाल्न भनेर गोठतिर जानुभयो ।
श्राद्ध गराउन पुरेत आए । उनले “सपत्नी हुनुपर्छ” भनेर संस्कृत वाक्य सुनाए । बाले सुन्नु भयो कि भएन थाहा पाइन । पिण्ड तर्पण गरिसकेपछि घाँस काट्ने खाङ्ग्रे डोको बोकेर खेततिर जानुभयो ।
बाको गुरु आउनुभयो । गायत्री मन्त्र सुनाएको गुरु । बाले उहाँको भनाइ सधँ लागु गर्नुहुन्थ्यो । उहाँले भन्नुभयो– “विवाह गर ! पत्नी विना कुनै पनि कार्य सम्पन्न हुन सक्दैन । रामले अश्वमेधयज्ञ गर्दा सीताको पुत्ला बनाएर साथमा राखेको कुरा तिमीलाई पनि थाहा छ नि !” बाले ध्यान दिएर सुन्नु भयो । गुरुका खुट्टामा ढोग गर्नुभयो । अनि हामीलाई पढाउन थाल्नुभयो ।
यतिधेरै मान्यजनले भनेपछि बाले विवाह गर्नुहुन्छ भन्नेमा म विश्वस्त भएको थिएँ । एकातिर, भान्साबाट निस्कन पाउने आशाले खुसी थिएँ । अर्कोतिर बेखुसी थिएँ । सौतेनी आमा आएपछि तिन जना भाइको बोझ मैले बोक्नुपर्छ भनेर ।
विवाह हुने भयो । दिन पनि तय भयो । पाँचै जनालाई नयाँ दौरा सुरुवाल र टोपी सिलाइयो । सबै तयारी पूरा भयो । मैले भोलिपल्ट आउने सौतेनी आमाका बारेमा सोचिरहेको थिएँ । बाले भन्नुभयो–
“मैले विवाह गर्ने हो भने तिमीहरूले दुःख पाउँछौ । जेठा ! आज तिम्रो विवाह गर्न जाने हो ।
आनन्दआश्रम, स्याङ्जा