मकवानपुर । नेकपा एमाले बागमती प्रदेशको ४ सय ७७ सदस्यीय कमिटी बनेकाे छ । याे सँगै एमालेले बागमती प्रदेश कमिटीले पूर्णता पाएको हाे ।
आनन्द पोखरेल अध्यक्ष र खेम लोहनी सचिव रहेको ४ सय ७७ सदस्यीय प्रदेश कमिटी बनेको हाे । कमिटीको इन्चार्ज एमाले केन्द्रीय सदस्य रामवहादुर थापा बादल, सहइन्चार्जहरुमा मकवानपुरका डोरमणी पौडेल सहित काशिनाथ अधिकारी, अरुण नेपाल, शेरबहादुर तामाङ र कृष्णगोपाल श्रेष्ठ रहेका छन् ।
यसैगरी प्रदेश कमिटि सदस्यहरुमा मकवानपुरका २७ जना परेका छन् ।
प्रदेश कमिटीमा अनन्त पौडेल,एकराज उप्रेती,कृष्ण प्रसाद दाहाल,महेश्वर सुवेदी,रघुनाथ खुलाल, रामचन्द्र राई,जुनेली श्रेष्ठ, सुवास ठकुरी,अणराज जर्गा, पद्मा पौडेल, कमल विष्ट,देवराज रिमाल,सुरेन्द्र पाठक,अर्जुन अर्याल,श्याम श्रेष्ठ, एकलाल श्रेष्ठ रहेका छन् ।
यसैगरी जयराम वाइवा, नवराज तिमल्सिना,भगवती पुडासैनी,सुन्तली चेपाङ,दिल बहादुर घिसिङ, भोजराज ढकाल,भारती पाठक,श्याम ढकाल,नारायण सापकोटा,बरीना बल / बलराम कालाखेती रहेका छन् ।
मकवानपुर । मकवानपुरमा बुधबार १ सय ८९ जना नेकपा एमाले पार्टी प्रवेश गरेका छन् । उत्तरी मकवानपुरकाे उत्तरी क्षेत्रमा रहेकाे थाहा नगरमा भएकाे एक कार्यक्रममा उनीहरु नेकपा एमाले प्रवेश गरेका हुन् ।
बुधबार भएकाे राष्ट्रिय युवा संघ नेपाल थाहानगरको अधिवेशनमा नेकपा माओवादी केन्द्र , नेपाली काँग्रेस लगायत विभिन्न पार्टी परित्याग गरी १ सय ८९ जना नेकपा एमाले प्रवेश गरेका हुन् । एमाले प्रवेश गर्नेहरुमा माओवादी केन्द्रको पार्टी तथा जनसंगठनको जिल्ला तहमा रहेका नारायण बल, संजिव बल, बबिता बल, राजेश गहतराज रहेका छन् ।
त्यसैगरी सोही पार्टीको क्षेत्रीय समतिमा रहेका कृष्ण बल, शान्ता बल, दर्जा पाख्रिन, दिलबहादुर पाख्रिन, हरिचन्द्र घलान, सिर्जना सिन्तान, आकाश थिङ, अनिल सुनार, विकास सुनार, अजय आलेमगर लगायत रहेका छन् । उनीहरुलाई हालै एमाओवादी छाडेर एमाले प्रवेश गरेकी नेतृ बरिना बलले एमालेमा भित्र्याएकी हुन् । स्वतन्त्र युवा समूह थाहानगरका अध्यक्ष सुमन रायमाझीको नेतृत्वमा ४३ जना युवाहरु पनि एमाले प्रवेश गरेका छन् ।
त्यस्तै चित्लाङका ६५ जना युवाहरु एमाले प्रवेश गरेका छन् । पार्टी प्रवेश गर्नेमा यसअघिको स्थानीय तह निर्वाचनमा समाजवादीबाट वडा अध्यक्षको उमेदवारी दिएका समेत रहेका छन् ।
त्यस्तै साविक आग्राबाट माओवादी परित्याग गरी ४१ जना कार्यकर्ताहरु एमाले प्रवेश गरेका छन् । एमाले प्रवेश गर्नेमा वाइसिएलका युवा नेता लिलाबहादुर थिङसमेत छन् । उता थाहा– ११ र १२ बाट नेपाली काँग्रेस परित्याग गरी ६ जना एमाले प्रवेश गरेका छन् ।
उनिहरुलाई नेकपा एमालेका केन्द्रीय सदस्य तथा युवा संघ इन्चार्ज महेश बस्नेत,जिल्ला इन्चार्ज रामेश्वर राना, जिल्ला सचिव एकालाल श्रेष्ठ, नगर इन्चार्ज विष्णुप्रसाद ढकाल, नगर अध्यक्ष अच्युत्तमप्रसाद ढकाल, युवा संयोजक प्रदिप भट्ट लगायतले स्वागत गरेका थिए ।
मकवानपुर । हेटाैडामा रहेकाे एक क्याम्पस र अनुसन्धान केन्द्र बीच समझदारी पत्रमा हस्ताक्षर भएकाे छ । हेटाैडा २ मा रहेका मकवानपुर बहुमुखी क्याम्पस र हेटाैडा १३ मा रहेकाे वनस्पती अनुसन्धान केन्द्र बीच रिसर्च इन्टर्न कार्यान्वयन सम्बन्धी समझदारी पत्रमा बुधबार हस्ताक्षर भएकाे हाे ।
क्याम्पस प्रमुख डाक्टर शंकर प्रसाद उपाध्याय र केन्द्र प्रमुख रघुराम पराजुलीले उक्त समझदारी पत्रमा हस्ताक्षर गरेका हुन् । अनुसन्धान केन्द्रमा वनस्पतिको अध्ययन, अनुसन्धान, संरक्षण तथा वनस्पति सम्बन्धी व्यवहारिक सिकाइको समेत अवसर रहेको बताइएकाे छ । त्यसैले रिसर्च इन्टर्नलाई पनि कार्यालयले प्रोत्साहन दिंदै आएको छ ।
आर्थिक वर्ष २०७८/०७९ को रिसर्च इन्टर्न कार्यक्रममा विज्ञान विषयमा स्नातक तहको पढाइ हुँदै आएको मकवानपुर बहुमुखी क्याम्पसबाट माग भइ आएकोले समझदारी पत्रमा हस्ताक्षर गरिएको पराजुलीले बताए । समझादारी पत्रमा क्पाम्पस र अनुसन्धान केन्द्र बीच रिसर्च इन्टर्नको लागि विद्यार्थी छनोट समन्वय समेत हुनेछ ।
मकवानपुर । मकवानपुरमा भू–तथा जलाधार व्यवस्थापन कार्यालय स्थापना भएकाे छ । बागमती प्रदेशको उद्योग, पर्यटन, वन तथा वातावरण मन्त्रालय अन्तर्गतको भू–तथा जलाधार व्यवस्थापन कार्यालयको बुधबार हेटौंडामा उद्घाटन् गरिएको छ ।
मकवानपुरकाे भू तथा जलाधार व्यवस्थापन कार्यालयकाे प्रदेशका निवर्तमान मुख्यमन्त्री डोरमणि पौडेलले उद्घाटन गरेका हुन् । भू–तथा जलाधार व्यवस्थापन कार्यालय यस अघी प्रदेशका ललितपुर र सिन्धुपाल्चाेक जिल्लामा मात्र रहेकाे थियाे । रामेछाप, नुवाकोट र मकवानपुर जिल्लामा भू–तथा जलाधार व्यवस्थापन कार्यालय थप गरिएको हो । कार्यालय थपिए सँगै अब भएका ५ वटा कार्यालयले प्रदेशका १३ वटा जिल्लाको भू–तथा जलाधार क्षेत्रकाे काम गर्ने छ ।
उद्घाटन कार्यक्रममा उद्योग, पर्यटन, वन तथा वातावरण मन्त्री शान्ति प्रसाद पौडेल, उद्योग, पर्यटन वन तथा वातावरण राज्यमन्त्री सरस्वती बाटी, सामाजिक विकास राज्यमन्त्री जुनेली श्रेष्ठ, जिल्ला समन्वय समिति मकवानपुरका प्रमुख रघुनाथ खुलाल, उद्योग, पर्यटन वन तथा वातावरण मन्त्रालयका सचिब डाक्टर सिन्धुप्रसाद ढुंगाना लगायतकाे उपस्थिति रहेकाे थियाे ।
मकवानपुर । हेटौंडा उपमहानगरपालिका वडा नम्बर १४ का निर्वाचित वडा अध्यक्षले एमाले राेजेका छन् । २०७४ को स्थानीय तहकाे निर्वाचनमा नेकपा माओवादी केन्द्रबाट वडा अध्यक्षमा निर्वाचित भएका दिपक खड्का एमाले मै बस्ने भएका हुन् ।
एमाले र माओवादी एकता भएर बनेको नेकपालाई सर्वोच्च अदालतकाे निर्णयले एकता पूर्वकाे अवस्थामा नै ब्युँताएपछी खड्काले एमालेमा बस्ने निर्णय गरेका हुन् । खड्का माओवादी र एमाले एकिकरण हुदाँ नेकपाको संस्थापन अर्थात ओली पक्ष तिर खुलेरै लागेका थिए ।
सर्वोच्च अदालतलको फैसला पछि नेकपा एमाले र माओवादी ब्युँतिए पछि कुनै पार्टीमा खड्का खुलेका थिएनन् । उनले नेकपा माओवादीका नेताहरु पदमुखी भएपछी आफुले नेकपा माओवादी परित्याग गरी एमाले पार्टीमा बस्ने निर्णय गरेकाे बताए । यस अघी पार्टी हित विपरित कार्य गरेकाे भन्दै खड्का लागि नेकपा माऔवादी मकवानपुरले कारवाही समेत गरेकाे जनाएकाे थियाे ।