मकवानपुर । मनहरी गाउँपालिकामा जनप्रतिनिधि र वडा सचिवलाई अभिमुखिकरण गरिएको छ ।
मनहरी गाउँपालिकाले वडा सदस्य तथा वडा सचिवलाई उपभोक्ता समिति सम्बन्धी उपभोक्ता समिति गठन प्रकृया, योजना सन्चालन र फर्छ्यौटलगायतको बिषयमा सोमबार अभिमुखिकरण सहित तालिम दिइएको हो ।
कार्यक्रमका गाउँपालिका अध्यक्ष रन्जन कालाखेतीले दिगो विकास र गुणस्तरीय योजना सन्चालन गर्न यस कार्यक्रमले प्रेरणा मिल्ने बताए । उनले सम्पूर्ण योजना कार्यन्वयनको चरणमा गुणस्तरमा विशेष ध्यान दिन सुझाव दिए । ‘समिति गठन प्रकृयामा सम्बन्धीत टोल वा स्थानका व्यक्तिहरुलाई समितिमा समावेश गरी योजना सन्चालन गर्नु पर्छ’ उनले भने ।
यसैगरी प्रमुख प्रशासकीय अधिकृत मोहनकुमार श्रेष्ठले पारदर्शी, दिगो र जनमुखी ढङ्गबाट योजना सन्चालन र कार्यन्वयन गर्न वडा सचिव तथा सदस्यहरुलाई सुझाव दिए । योजना संचालनमा आइपर्ने बाधाहरुको विषयमा सम्बन्धित वडाका जनप्रतिनिधि जानकर भए मात्र गुणस्तरीय र परिणाममुखी कार्य गर्न सकिने उनले बताए ।
२ दिन सम्म सन्चालन हुने उक्त तालिमलाई गाउँपालिकाका योजना शाखा प्रमुख राजेन्द्रप्रसाद चौलागाईंले आगामी दिनहरुमा वडामा सन्चालन हुने योजनाका उपभोक्ता समितिलाई सबै वडामा पुगेर तालिम दिइने योजना शाखा प्रमुख चौलागाईंले बताए ।
योजना अनुगमन तथा सुपरिवेक्षण समितिका सदस्य सविता सुवेदी बर्तौलाको सभाध्यक्षतामा भएको कार्यक्रममा ९ वटै वडाका वडासचिव एवं जनप्रतिनिधिहरुको सहभागिता रहेको थियो ।
१.
नजरसँग नजर मिल्दैनन् नजर झुकाइ रहे
मनसँग मन मिल्दैनन् मनमा माया लुकाइ रहे
फगत दौड जिन्दगीको,चुपचाप एक्लै हिड्दा
व्यथासँग व्यथा मिल्दैनन् व्यथा बल्झाइ रहे ।
२.
तिम्रो रहरमा म अटाउने भए
दिउँसै जून तारा आउने भए
शुभपलमा केही त माग्थे कि
भ्रम र यथार्थ नछुट्याउने भए
३.
जिन्दगीको घनत्व कति
आफ्नाको अपनत्व कति
सिकाइदियो सबै समयले
मर्नु र बाँच्नुको महत्व कति
४.
कृपा सबैलाइ इश्वरको घरमा
सब सकुशल विश्वासको भरमा
छाडेर जाने एकदिन यो चोला
तेरो मेरो किन मान्छेको रहरमा ।
लेखनाथ, पोखरा
मकवानपुर । हेटौंडा उपमहानगरपालिका १८ मा रहेको गोरक्षनाथ वन उपभोक्ता समिति अध्यक्षमा रोशन थापा विजयी भएका छन ।
आइतबार भएको वन समितिको निर्वाचनबाट थापाको अध्यक्षतामा ११ सदस्यीय समिती चुनिएको हो । वन समितिको उपाध्यक्ष अनिता स्याङ्तान, सचीव ज्वाला पराजुली, काेषाध्यक्ष रन्जु थापा,सह-सचीव विबेक पराजुली निर्वाचित भएका छन ।
यसैगरी सदस्यहरुमा बिष्णु दाहाल,राजु खतिवडा,श्यामकाजी नेपाल,अप्सरा चौंलागाई,अमृता धमला(ढकाल)र राममाया नेपाल निर्वाचित भएका छन् ।
मकवानपुर । मकवानपुर जिल्लामा ३ सय ५१ जनामा डेंगू संक्रमण पुष्टि भएको छ ।
जिल्लामा पछिल्लो २४ घण्टामा थप २३ जनामा डेंगू संक्रमण पुष्टि भए संगै संक्रमितको संख्या ३ सय ५१ पुगेको हो । जिल्लामा गत साउन १ गतेदेखि हालसम्म उक्त संख्यामा डेंगु संक्रमण पुष्टि भएको हो ।
पछिल्लो २४ घण्टामा गरिएको परीक्षणमा हेटौंडा उपमहानगरपालिकाका १८, मकवानपुरगढी गाउँपालिकाका एक जना, भीमफेदी गाउँपालिकाका २ जना र मनहरी गाउँपालिकाका २ जनामा डेंगु संक्रमण पुष्टि भएको जिल्ला स्वास्थ्य कार्यालय मकवानपुरले जनाएको छ ।
सबैभन्दा धेरै संक्रमित हेटौंडा उपमहानगरपालिमा रहेका छन् । हेटौंडामा हालसम्म २ सय ४१ जनामा डेंगु पुष्टि भएको छ ।यसैगरी, थाहानगरपालिकाका १ जना, मकवानपुरगढी गाउँपालिकाका ९ जना, बागमती गाउँपालिकाका १६ जना, मनहरी गाउँपालिकाका २३ जना, इन्द्रसरोवर गाउँपालिकाका एक जना, भीमफेदी गाउँपालिकाका १० जना, बकैया गाउँपालिकाका ७ जना र राक्सिराङ गाउँपालिकाका १ जनामा डेंगु संक्रमण पुष्टि भएको स्वास्थ्य कार्यालय जानकारी दिएको छ ।
जिल्लाको कैलाश गाउँपालिकामा हालसम्म डेंगु सक्रमणको पुष्टि भएको छैन भने जिल्लामा डेंगु संक्रमण भएका १ जनाको मृत्यु भएको छ ।
मकवानपुर । मकवानपुरको हेटौंडामा अल्पसंख्यकसंग समुदायको छलफल कार्यक्रम भएको छ ।
भदौ १७ गते जिल्ला प्रहरी कार्यालय मकवानपुर, सामुदायिक प्रहरी सेवा उपकेन्द्र हेटाैडा १० काे आयाेजना तथा हेटाैडा उपमहानगरपालिका १० नं वडा कार्यालयको सहकार्यमा अल्पसंख्यकसंग समुदाय छलफल कार्यक्रम गरिएको हो ।
छलफल कार्यक्रममा प्रहरी नायब निनीक्षक दाताराम अधिकारीले सरकारी तथा गैरसरकारी निकायबाट अल्पसंख्यकहरुकाे समस्या समाधान हुने बताए । ‘उनीहरु आर्थिक उपार्जनको लागि आफ्नाे स्वास्थ्यमाथि खेलवाड गरिरहेका छन’ अधिकारीले भने ‘सराेकारवाला निकायबाट अल्पसंख्यककाे समस्या समाधान हुने भएकोले गलत काम नगर्ने र सभ्य समाज निर्माण गर्न प्रतिबद्दता गर्नु पर्छ ।’
कार्यक्रमका प्रमुख अतिथि १० नम्बर वडाध्यक्ष फुर्वा दोर्जे तमाङले मुलुककाे विधमान समस्या बेराेजगारी भएको रहेकाे बताए । ‘अल्पसंख्यकहरु पछिल्लाे समय खुलेकाले समाजलाई समस्या थाहा हुँदै आएकाे छ’ तमाङले भने सराेकारवाला निकायहरुसंग समन्वय गर्दा समस्या समाधान हुन्छ ।’ उनले हेटौंडाको १, २, ४, र १० नम्बर वडालाई सरसफाइ वडा घाेषणा गर्ने तयारी गरिरहेको अल्पसंख्यक समुदायबाट १ जनालाई राेजगारी दिन सकिने बताए । ‘समस्यासंग नजिक भएमात्र समाधानकाे वाटाे पहिल्याउन सक्ने भएकाेले पिडितले नभनेसम्म समाजमा पुनस्थापनाकाे लागि स्थानिय सरकारले पहल गर्न सक्दैन’ उनले भने ।
फ्रेन्डस हेटाैडाकी संयाेजक किरण थापाले विगतन २५ बर्षदेखि पहिचानकाे लडाइ लडिरहेकाे बताइन । ‘महिला अधिकारको लागि विश्वमा १०० बर्ष अघि लडाइँ हुदा समेत अझै हाम्राे अधिकार अनुभुत भएकाे छैन’ थापाले भनिन् ‘मानव भएकाे नाताले अधिकार प्राप्त गर्न पाउनु पर्छ ।’ ‘याैनिक तथा अल्पसंख्यककाे लागि छुट्टै अधिकार हाेइन महिला र पुरुष कै अधिकार उपभाेग गर्छन, त्यही किसिमकाे अधिकार चाहिएकाे हाे’ उनले भनिन । बाटाेमा याैनिक अल्पसंख्यकलाई मात्र समाजले देख्ने गरेको बताउदै थापाले तेस्राे लिङ्गीहरुले फरक हाउभाउ भएको कारण मात्रैले मानव अधिकार लगायत अन्य अवसरबाट बन्चित गराइएकाे बताईन ।
‘प्रकृतिले कसैलाई फरक व्यवहार गर्दैन दृष्टिकाे दाेषले घर, विधालय, अस्पताल, सरकारी, निजि निकायलगायत हरेक स्थानमा विभेद हुने गर्छ’ थापाले भनिन ‘ पक्षपात नगरी राज्यकाे हरेक निकायमा रोजगारी तथा अन्य अवसर प्राप्त हुनु पर्छ ।’ प्रत्येक स्थानीय तह, प्रदेश तथा संघीय मन्त्रालयहरुले १/१ जना अल्पसंख्यकलाइ मात्र राेजगारीमा राखिदिने हाे भने सडकमा उभिनु पर्ने बाध्यता नहुने उनले बताईन । थापाले व्यक्तिकाे लागि उज्यालोमा अभिसाप तर रातमा मनाेरन्जनकाे साधन बन्नु परेको शाैचालयमा समस्यादेखि नागरिकतमा, सवारी अनुमती पत्र लाइसेन्स पाउन कठिनाइ रहेको बताईन ।
पत्रकार धर्मेन्द्र दहालले प्रदेश सरकार र स्थानीय सरकारसंग समन्वय गर्ने हाे भने याैनिक अल्पसंख्यकहरुकाे समस्या समाधान हुने बताए
सामुदायिक प्रहरी सेवा उपकेन्द्र हेटाैडा १० का अध्यक्ष प्रदिप कंडेलकाे सभाध्यक्षता तथा हेटाैडा १० नम्बर वडाध्यक्ष फुर्वा दाेर्जे तमाङकाे प्रमुख आतिथ्यतामा कार्यक्रम भएको हो ।