मकवानपुर। हेटौंडाबाट काठमाडाैं जाने तीन वटा सडक अवरुद्ध भएको छ । त्रिभुवनराजपथ भने खुल्ला छ । हेटौंडाबाट काठमाण्डौ जाने सवै सवारीका साधनहरु अहिले त्रिभुवनराजपथ भएर चलेका छन् ।
काठमाडाैं जाने छोटो दुरीको मार्ग अन्तरगत इन्द्रसरोवर गाउँपालिका वडा नम्बर २ देउरालीमा पहिरो लडेर सडक अवरुद्ध भएको छ । पहिराेका कारण सवारीका साधन ओहोर दोहोर गर्न बुधबार देखिनै नपाएको जिल्ला प्रहरी कार्यालय मकवानपुरका प्रहरी नायब उपरिक्षक इन्द्रबहादुर रानाले वताए। त्यसैगरी हेटौंडाबाट काठमाडाैं जाने कान्तिलोकपथकाे ठाउँ ठाउँमा पहिरो लडेको र सडक भासिएका कारण अवरुद्ध भएको छ ।
नारायणगढ-मुग्लिन सडक खण्ड पहिरोको कारण अबरुद्ध भएको छ । इच्छाकामना गाउँपालिका वडा नम्बर ६ स्थित चार किलोमा बुधबार राति पुनः पहिरो खसेसँगै सडक अबरुद्ध भएको हो ।
जिल्ला ट्राफिक कार्यालय चितवनका प्रमुख दयाकृष्ण भट्टकाअनुसार राति लेदोसहित पहिरो खसेका कारण सडक अबरुद्ध भएको हो । सोहि स्थानमा बुधबार दिउँसो ४ः३० बजे पहिरो खसेको थियो । पहिरो पन्छाएपछि साँझ ७ बजेदेखि सडक सञ्चालन गरिएको थियो ।
मकवानपुर/कोरोना भाइरस (कोभिड–१९)को माहामारीपछि वैदेशिक रोजगारबाट फर्किएका युवाहरुलाई स्वदेशमै टिकाउन रोजगारीको व्यवस्था गर्न माग भइरहेको बेला बागमती प्रदेश सरकारले यसतर्फ ध्यान दिएको छ ।
बागमती प्रदेश सरकारले उत्पादन तथा रोजगारी सिर्जना गर्न सहुलियतपूर्ण ब्याजदरमा ऋण उपलब्ध गराउने भएको हो । बुधबार बसको मन्त्री परिषदको बैठकले कृषि, उद्योग, व्यापार व्यवसायसँग सम्बन्धित कार्यक्रमका लागि ऋण लगानी कार्यक्रमलाई व्यवस्थित, सरल, सहज, प्रभावकारी र पारदर्शी रुपमा सञ्चालन कार्यविधि समेत पास गरेको छ । कार्यविधि अनुसार स्थानीय तहले सिफारिस गरेका आर्थिक रूपमा विपन्न, सीमान्तकृत समुदाय तथा लक्षित वर्गका लागि सहुलियतपूर्ण ३ अर्ब ऋण लगानी गरीने आर्थिक मामिला तथा योजनामन्त्री कैलाश ढुगेलले जानकारी दिए । कृषि विकास बैंक मार्फत हुने लगानीले देशमा रोजगार र व्यवसाय बढ्ने सरकारले अपेक्षा गरेको छ । ग्रामिण भेगका बारीहरु प्रयोग विहिन रहेपछि प्रदेश सरकारले यस्ता जग्गा उपयोग गर्नको लागि यसअघि नै विभिन्न कार्यक्रममार्फत प्रेरित गर्दै आएको छ ।
बुधबार भएको निर्णय अनुसारको लगानी पश्चात सरकारले बेरोजगार युवा जनशक्तिहरुलाई रोजगारमा आवद्ध गर्ने, फोहरमैला व्यवस्थापन गर्ने, महिला तथा दलित समुदायको उद्यमशीलतालाई प्रवद्र्धन गर्ने, उत्पादनशील कार्यक्रमको लागि लगानी प्रवर्द्वन गर्ने, कोरोना भाइरसबाट प्रभावित कृषि, पर्यटन एवंम् जगारीमूलक घरेलु तथा लघु उद्योग व्यवसायीलाई पुनर्उत्थान गरीने मन्त्री ढुगेलले जानकारी दिए ।
सहुलियतपूर्ण व्याजदरमा ऋण लगानी कार्यक्रम कार्यान्वयनको नीतिगत विषयमा आवश्यक निर्देशनका लागी सम्बन्धित मन्त्रालयका मन्त्री संयोजक हुनेगरी निर्देशक समिति रहने छ । यसैगरी ऋण लगानी प्रकृया सहजीकरण तथा समन्वय गर्नका लागि सम्बन्धित मन्त्रालयका सचिव संयोजक रहनेगरी समिति बनाइएको मुख्य मन्त्रीका प्रेस संयोजक प्रकाश दाहालले जानकारी दिए ।
प्रदेशले कृषि व्यवसाय सम्बन्धी उत्पादन, प्रशोधन, भण्डारण र बजारीकरण सम्बन्धी, उद्योग व्यवसाय,पर्यटन प्रवद्र्धन, व्यापार व्यवसाय, वन तथा वातावरण जन्य उद्योग,महिला उद्यमशीलता,दलित समुदाय व्यवसाय विकास र फोहरमैला व्यवस्थापन तर्फ ऋण लगानी गर्ने भएको छ ।
यसै गरी बिहीबार बसेको बैठकले नै प्रहरी इकाई भवन निर्माणार्थ बजेट निकासा गर्न स्वीकृत गर्ने पनि निर्णय गरेको छ । यसैगरी प्रदेश विश्वविद्यालयको भौतिक पुर्वाधार, विधेयक, सङ्गठानात्मक संरचना, तथा पाठ्यक्रमको आधारभुत संरचना समेतका लागि सिफारिस गर्न कार्यदल गठन गरी काम कर्तव्य र अधिकार स्वीकृत गर्ने निर्णय समेत गरेको प्रवक्ता मन्त्री ढुङ्गेलले जानकारी दिए ।
प्रदेश सरकारको यो निर्णयले विपन्न तथा बेरोजगार युवाहरुलाई स्वदेशमै काम गर्ने अवसर सिर्जना गर्ने भएकोलो चाँडै कार्यन्वयन गर्न र यस्ता कार्याक्रममा राजनीतिक भागबण्डा नगरि सबै नागरिकलाई सामान अवसर प्रदान गर्नु पर्ने मकवानपुरका युवा जयराम खड्काले सहीखबसँग बताए । ‘प्रदेश सरकारको यो निर्णयले आशा त जगाएको छ, तर भोली यसैले निराशा नल्याओस’ उनले भने ।
मकवानपुर । अहिले देशका ५ वटा प्रदेश पूर्ण बदली रही धेरै स्थानहरुमा हल्का देखि मध्ययम वर्षा भईरहेको जल तथा माैसम विज्ञान विभागले जनाएकाे छ । हाल भारतको छत्तिसगढको उत्तरी क्षेत्रमा न्युन चापीय क्षेत्र रहेको र यो न्युन चापिय क्षेत्र पश्चिम-उत्तरपश्चिम सर्दै गरेकाे कारणा वर्षा भइरहेकाे हाे विभागले वताएकाे छ । अहिले प्रदेश १, प्रदेश २, बागमती प्रदेश, गण्डकी प्रदेश र प्रदेश नं ५ मा वर्षा भइरहेकाे छ भने बाँकी प्रदेशहरूमा सामान्य बदली रही थोरै स्थानहरुमा हल्का वर्षा भइरहेको विभागले जनाकारी दिएकाे छ।
त्यसै गरी असाेज ६ गते राती देशभर सामान्यतया बदली रही केही स्थानहरूमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ । विभागका अनुसार सबै प्रदेशका एक दुई स्थानहरुमा भारी वर्षाको सम्भावना रहेको छ भने बाग्मती प्रदेश , प्रदेश नं ५ र कर्णाली प्रदेशका १-२ स्थानहरुमा धेरै भारी वर्षाको समत संभावना रहेको छ ।
यस्तै असाेज ७ गते बुधबार देशभर सामान्य देखि पुर्णतया बदली रही धेरै स्थानहरूमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ । सुदुरपश्चिम प्रदेशका १-२ स्थानहरुमा धेरै भारी वर्षाको समेत संभावना रहेको विभागले जनाएकाे छ। विभागाका अनुसार असाेज ८ गते विहीबार देशभर सामान्य देखि पुर्णतया बदली रही देशका धेरै स्थानहरूमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ । सबै प्रदेशका केही स्थानमा भारी वर्षाको सम्भावना रहेको छ भने बाग्मती प्रदेश,गण्डकी प्रदेश,प्रदेश नं ५, कर्णाली प्रदेश र सुदुरपश्चिम प्रदेशका १-२ स्थानहरुमा धेरै भारी वर्षाको समेत संभावना रहेको छ।
सबै प्रदेशका थोरै-थोरै स्थानमा भारी वर्षा भइरहेकाेले र प्रदेश नं १, बाग्मती प्रदेश, गण्डकी प्रदेश , प्रदेश नं ५ र कर्णाली प्रदेशका १-२ स्थानहरुमा धेरै भारी वर्षाको सम्भावना रहेकोले ती स्थानहरुका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकोले आवश्यक सतर्कता अपनाउन पनि माैसम विज्ञान विभागले जानकारी गराएकाे छ।
मकवानपुर । सरकारले निजामती कर्मचारीहरूको आधिकारिक ट्रेड युनियनको निर्वाचन स्थगित गर्ने निर्णय गरेको छ । मङ्गलवार प्रधानमन्त्री निवास बालुवाटारमा बसेको बैठकले आगामी असोज २४ गतेलाई तोकिएको कर्मचारीको निर्वाचन स्थगित गर्ने निर्णय गरेको हाे ।
साउन ५ गते सरकारले कानुनका सहसचिव कलानिधि पौडेललाई प्रमुख निर्वाचन अधिकृत तोक्दै असोज २४ गतेको निर्वाचन सम्पन्न गर्ने जिम्मेवारी दिएको थियो । ट्रेड युनियन निर्वाचनकाे कानुनी अड्चनकाबिच कार्यतालिका प्रकाशित गरी निर्वाचनका लागि आवश्यक सबै तयारी र प्रक्रियाहरू पुरा भई सकेकाे बताइएकाे छ ।

सारिएको मिति नतोकिएकोले यसपछि निर्वाचन कहिले हुने भन्ने अन्यौल छ । मन्त्रालयले सोमबार पठाएको प्रस्तावमा निजामती कर्मचारीहरूको आधिकारिक ट्रेड युनियनको म्याद अर्को चुनाव नहुन्जेलसम्म या बढीमा २०७८ वैशाख मसान्तसम्म थप्ने उल्लेख छ ।
युनियनकाे चुनाव राेक्न माग गर्दै मधेसी निजामती कर्मचारी मञ्चले साेमबार सर्वाेच्च अदालत मा रिट दर्ता गरेकाे थियाे । साेमबार नै प्रदेश नं २ का मुख्यमन्त्री लालबाबु राउतले संघीय मामिला तथा सामान्य प्रशासन मन्त्रालयलाई निर्वाचन स्थगित गर्न पत्राचारसमेत गरेका थिए ।
मकवानपुर । बागमती प्रदेशमा ११ हजार ३ सय ९६ जनाले काेराेना संक्रमित डिस्चार्ज भएका छन् । उपचार पछी विभिन्न अस्पतालबाट उक्त संख्यामा काेराेना संक्रिमत डिस्चार्च भएकाे बागमती प्रदेशको सामाजिक बिकास मन्त्रालयका डाक्टर पुरुषोत्तम सेढाईले जानकारी दिए।
देशैभरीमा ६५ हजार २ सय ७६ जना काराेना संक्रमित रहेकाेमा बागमती प्रदेशमा कोरोना संक्रमितको सख्या २१ हजार ७ सय ७८ जना पुगेको सामािजक विकास मन्त्रालयले जानकारी दिएकाे छ । बागमती प्रदेशमा काेराेना संक्रमित मध्यमा एक सय ५५ जनाको मृत्यु भएको मन्त्रालयले जानकारी दिएकाे छ ।
नेपालभरी देखिएका कोरोना भाइरस संक्रमण पुष्टि भएकाहरु मध्य सबै धन्दा धेरै बागमती प्रदेशमा देखा परेका छन् । यस प्रदेशमा कुल संक्रमित मध्यमा ३२ दशमलव २० प्रतिशत संक्रमित देखा परेकाे सामाजिक विकास मन्त्रालयले जानकारी दिएकाे हाे ।