मकवानपुर । सहमतीमै नेतृत्व छान्ने कसरत गरेकाे एमाले बागमतीकाे अधिवेशन अन्ततः निर्वाचनमै गएकाे थियाे । निर्धारित समय भन्दा ढिलाे गरी सुरु भएकाे निर्वाचन शुक्रबार बेलुका सकिएकाे छ ।
एमाले बागमती प्रदेश अधिबेशनकाे लागि भूगोल, जनसंगठन र मनोनीत गरी १ हजार १ सय ७४ प्रतिनिधि चयन भएकाेमा मतदानमा जम्मा १ हजार १ सय ३५ मत खसेकाे छ । मतदानमा ३२ जना अनुपस्थित भएको निर्वाचन कमिटिले जनाएकाे छ । आजै सकिएकाे निर्वाचनकाे आजै रातीसम्म आउने बताइएकाे छ ।
बागमती प्रदेश कमिटीको निर्वाचनमा यस अघि १ सय ६२ पदमा निर्विरोध निर्वाचित भएका छन् । सोमबार एमाले अध्यक्ष केपी शर्मा ओलीले उद्घाटन गरेर सुरु भएकाे अधिवेशनकाे पाचाैं दिन शुक्रबारसम्ममा २ सय ४५ पदमध्ये १ सय ६२ पदमा पदाधिकारी निर्विरोध निर्वाचित भएका हुन् ।
चितवन, सिन्धुपाल्चोक,काभ्रे, रसुवा जिल्लामा सर्वसम्मत हुँदा ९ जिल्लामा आंशिक निर्विरोध भएकाे नेता शेरबहादुर तामाङले बताए । निर्विरोध भएका १ सय ६२ पद मध्ये पदाधिकारीसहित ८३ र लेखा आयोग ७ पदमा निर्वाचन भएकाे हाे । एमाले पार्टी कार्यालय च्यासलमा भएकाे मतदानमा ४० वटा विद्युतीय मेसिन प्रयोग गरिएकाे थियाे ।
बागमतीको अध्यक्षमा केन्द्रीय सदस्यहरू कृष्णप्रसाद दाहाल र कैलाश ढुंगेल प्रतिस्पर्धामा छन् । ढंगेल र दाहालले अन्य ४ पदाधिकारी पदमा समेत प्यानल बनाएका छन् ।
त्यसैगरी उपाध्यक्षमा ईश्वरचन्द्र पोखरेल, दावादोर्जे लामा, नारायण खतिवडा र सुभाषचन्द्र ठकुरी प्रतिस्पर्धामा रहेका छन् । त्यस्तै उपाध्यक्षमा पनि पाँच जनाको उम्मेदवारी परेको थियाे । उपाध्यक्षमा ठकुरी, खतिवडा, लामा, पोखरेल र राजेन्द्र राजथला उम्मेदवारी दिएकाेमा राजथलाले पछि उम्मेदवारी फिर्ता लिएका थिए । यसैगरी सचिवमा रत्न गुरुङ, नवराज सिलवाल, हस्तबहादुर पण्डित र रामकुमार अधिकारीले उम्मेदवार छन्।
उपसचिवमा १२ जनाको उम्मेदवारी दिएका छन्। खड्कबहादुर खत्री, गंगादेवी श्रेष्ठ, डबल पाण्डे, टासी लामा, भक्तकुमारी लामा, ओमराज पन्त, ठाकुरप्रसाद गजुरेल, कृष्णहरि थापा, रमेश महर्जन, प्रेमबहादुर महर्जन, राजेन्द्र श्रेष्ठ र रीता गौतम ढकालले उपसचिवमा उम्मेदवार छन्।
पार्टी कार्यालय च्यासलमा भोली मतदान हुने
मकवानपुर । नेकपा एमाले बाग्मती प्रदेशको प्रथम अधिवेशनको अबधी लम्बिएकोपछि भोली विहीबार मतदान हुँदैछ । असोज ८, ९ र १० गतेका लागि तय भएको अधिवेशन अरू १ दिन लम्बिएको हो ।
प्रदेश कमिटी चयनका लागि एमाले नेताहरूले सहमतिको प्रयास गरेका थिए। तर, सहमति जुट्न सकेन। जसले गर्दा अभिवेशन पनि एक दिन लम्बिएको छ भने मतदान हुने भएको छ।
प्रदेश अध्यक्षका लागि कैलाश ढुंगेल, कृष्णप्रसाद दाहाल, केशरबहादुर बुढाथोकी, सानुकुमार श्रेष्ठ र केशवराज पाण्डेले उम्मेदवारी दर्ता गराएका छन्। त्यस्तै उपाध्यक्षमा पनि पाँच जनाको उम्मेदवारी परेको छ। उपाध्यक्षमा सुवासचन्द्र ठकुरी, नारायणप्रसाद खतिवडा, दावा दोर्जे लामा, ईश्वरचन्द्र पोखरेल र राजेन्द्र राजथला उम्मेदवार बनेका छन्। यसैगरी सचिवमा रत्न गुरुङ, नवराज सिलवाल, हस्तबहादुर पण्डित र रामकुमार अधिकारीले उम्मेदवारी दिएका छन्।
उपसचिवमा १२ जनाको उम्मेदवारी परेको छ। खड्कबहादुर खत्री, गंगादेवी श्रेष्ठ, डबल पाण्डे, टासी लामा, भक्तकुमारी लामा, ओमराज पन्त, ठाकुरप्रसाद गजुरेल, कृष्णहरि थापा, रमेश महर्जन, प्रेमबहादुर महर्जन, राजेन्द्र श्रेष्ठ र रीता गौतम ढकालले उपसचिवमा उम्मेदवारी दिएका छन्।
ओलीको संकेत अनुसार प्रदेश इन्चार्ज बरालले नेताहरुसँग छलफल अझै जारी राखेका छन् । ‘सर्वसम्मतिबाट नेतृत्व चयन गर्ने भनेपछि आकांक्षीहरु मध्ये जसले जसलाई पनि छोड्न अवस्था बन्नुपर्नेमा कैलाश ढुंगेलको नाममा सर्वसम्मति गरौं भनेर छलफल राखिएकोले निष्कर्षमा पुग्न नसकिएको दाहाल निकट स्रोतको दाबि छ ।
नेकपा एमाले बागमती प्रदेश कमिटीको नेतृत्व सहमतिमै चयन गर्ने प्रयास सफल हुन सकेन । निर्वाचन मार्फत पदाधिकारी चयन गर्नु पर्ने भएकोले अधिवेशन लम्बिएको हो । असोज ८ गते उद्घाटन गरिएको अधिवेशनको आज बुधबार निर्वाचन कार्य तालिका सार्वजनि गरिएको थियो भने मंगलबार बन्द सत्र सकिएको थियो । बन्द सत्रले बागमती प्रदेश इन्चार्ज समेत रहेका गुरु बरालको नेतृत्वमा ११ सदस्यीय निर्वाचन मण्डल गठन भएको छ ।
नेतृत्व चयनपछि अधिवेशन समापन हुने भएकाले अधिवेशन अवधि लम्बिएको हो । केन्द्रीय नेताहरूले समेत चासोका साथ हेरेको अधिवेशनमा नेतृत्वका लागि आकांक्षिहरूको लर्को लाग्दा अधिवेशन थप रोचक बनेको ती प्रतिनिधिले बताए ।
एमाले बागमती प्रदेश कमिटी अध्यक्ष पदमा नेतृत्वले सहमतिको प्रयास गरे पनि सफल हुन सकेको छैन । प्रदेश अध्यक्ष पदका लागि नेताहरू कैलाश ढुंगेल, कृष्णप्रसाद दाहाल, कृष्णभक्त पोखरेल, केशव पाण्डे र सानु श्रेष्ठले आकाक्षा देखाएका थिए । अध्यक्षमा पाँच आकांक्षि देखिए पनि अन्तिममा केन्द्रीय सदस्यहरू रामेछापका कैलाश ढुंगेल र मकवानपुरका कृष्ण दाहालबिच प्रतिस्पर्धा हुने देखिएको अधिबेशन प्रतिनिधि बागमतीका नेता बताउँछन् । आकांक्षिहरूले एकले अर्कालाई छोड्न तयार नभएकाले निर्वाचनमार्फत नै नेतृत्व चयन गर्नु पर्ने अबस्था आएको हो ।
सोमबार भृकुटीमण्डपमा अविधेशनको उद्घाटन गर्दै अध्यक्ष केपी ओलीले प्यानल बनाएर प्रतिस्पर्धामा गए उम्मेदवारी नै खारेज गर्ने चेतावनी दिएर सर्वसम्मत रुपमा नेतृत्व चयनका लागि दबाब सहितको आग्रह गरेका थिए । लुम्बिनी प्रदेशमा आफ्नो इच्छा विपरीत नेतृत्व चयन भएपछि बागमतिमा पनि प्रतिस्पर्धा हुने बुझेका ओलीले ‘प्रतिष्पर्धा गरौं, तर प्यानल बनाइएको थाहा भयो भने प्यानल नै खारेज हुनेछ भन्ने अभिव्यक्ति दिएका हुन । प्रदेश अधिवेशनको उद्घाटन सभा गृहमा भएकोमा बन्दसत्र प्रज्ञा प्रतिष्ठानमा भएको थियो । मतदान कार्यक्रम भोली पार्टी कार्यालय च्यासलमा हुने बताइएको छ ।
‘नेतृत्वमा सकेसम्म सर्वसम्मत गर्ने प्रयास गरियो, अन्ततः सफल नभएपछि उमेदवारी दर्ता गरिएको छ, अब लोकतान्त्रिक प्रक्रिया अगाडि बढ्छ’, अध्यक्ष मण्डलका सदस्य अरुण नेपालले भने । सर्वसम्मत नेतृत्व चयन गर्न अध्यक्ष मण्डलका अध्यक्ष रहेका गुरु बराल आफैं लागिपरेका थिए । उनले बुधबार बिहानैबाट अध्यक्षका आकांक्षीहरुसँग छलफल गरेका थिए । उक्त छलफलमा प्रदेश अध्यक्षका आकांक्षीहरु कृष्णप्रसाद दाहाल, कैलाश ढुंगेल, केशवराज पाण्डे, सानु श्रेष्ठ र केशर बुढाथोकी सहभागी थिए । तर छलफलमा कसैले पनि अडान छाडेनन् ।
आकांक्षी नेताहरु अडानमै रहेपछि मतदानको प्रक्रिया अगाडि बढाइएको हो । तर मतदानकै प्रक्रियामा पनि सर्वसम्मत नेतृत्व चयनको प्रयास हुने नेताहरुले बताएका छन् । सर्वसम्मत गर्नकै लागि मतदानको समय विहीबार विहान ११ बजे तोकिएको छ । ‘मतदानको प्रक्रिया अगाडि बढिरहन्छ, तर सर्वसम्मत नेतृत्व चयन गर्न अनौपचारिक संवाद पनि सँगसँगै अगाडि बढाउँछौं’, अध्यक्ष मण्डलमा रहेका एक नेताले भने । उनका अनुसार, अध्यक्षका आकांक्षीहरुबीच एकपटक छलफल भएपनि अनौपचारिक संवाद निरन्तर भइरहेको छ । पाँच पदाधिकारीसहित २४० सदस्यीय प्रदेश कमिटी चयन हुने यो अधिवेशनमा एक हजार १७४ प्रतिनिधि सहभागी छन् ।
यसअघि भुलबस् समाचारमा केही नामावली छुट्न गएकाेमा सम्पादन गरिएकाे छ – सम्पादक।
मकवानपुर । चीनको हाङझाउ सुरु १९ औं एसियाडमा नेपालबाट २९ खेलमा २ सय ५३ खेलाडीले सहभागिता जनाएका छन्।एसियाका ४५ वटै देशको सहभागिता रहेको यस पटकको एसियाडमा नेपालको सहभागिता अहिले सम्मकै उच्च हो।
नेपाल बाट १ सय २७ महिला र १ सय २६ पुरुष खेलाडी सहभागी छन्। एसियाली खेलकुदमा ४० खेलका ४ सत ८१ इभेन्टमा १२ हजार ४ सय १७ खेलाडीहरु प्रतिस्पर्धा गर्दै छन्। एसियाडको इतिहासमै सहभागी यो अहिलेसम्मकै सबैभन्दा धेरै खेलाडी संख्या हो।
१९ औ एसियाली खेलकुदको उद्घाटन शनिबार चिनको हाङझाउ स्थित ओलम्पिक स्पोर्ट्स सेन्टर स्टेडियम अर्थात ‘बिग लोटस’ मा गरिएको हो ।चिनियाँ राष्ट्रपति सी जिनफिङले एसियाली खेलकुदको औपचारिक उद्घाटन गरेका थिए। उद्घाटन समारोहमा ४५ वटै देशका खेलाडीले मार्च पास गरेका थिए। नेपालको तर्फबाट निमा घर्ती मगर र बिरबहादुर महराले राष्ट्रिय झण्डाका साथ मार्छ पासमा सहभागी थिए। उद्घाटन समारोहमा नेपालका प्रधानमन्त्री पुष्पकमल दाहाल प्रचण्ड पनि सहभागी भएका थिए।
कोभिड-१९ महामारीका कारण तोकिएको समय भन्दा एक वर्ष ढिला १९ औं एसियाड सुरु भएको हो ।एसियाडको नारा ‘हृदय देखी हृदय भविष्य’ रहेको छ। उद्घाटन भएको शहर अलिबाबाका संस्थापक ज्याक माको जन्मथलो समेत हो।
नेपालले एसियाली खेलकुदमा १९५१ मा भारतमा भएको पहिलो संस्करणबाटै सहभागिता जनाउँदै आएको छ। सात दशकभन्दा लामो प्रतियोगिताको इतिहासमा नेपालले १९५४ र १९६२ को संस्करणमा बाहेक बाँकी सबै प्रतियोगितामा भाग लिएको छ।
नेपालले पहिलो पदकका लागि १९८६ को एसियाली खेलकुदमा दलबहादुर राना मगरले दिलाएका थिए। दक्षिण कोरियाको सोलमा आयोजित प्रतियोगितामा नेपालले एकैपल्ट ८ कांस्य जितेको थियो।
१९९८ मा तेक्वान्दोकी सविता राजभण्डारीले रजत जित्दा गत संस्करणमा इन्डोनेसियामा भएको पछिल्लो एसियाली खेलकुदमा नेपालले प्याराग्लाइडिङतर्फ रजत जितेको थियो।
२०१० र २०१४ को एसियाली खेलकुदमा भने नेपाल एक-एक कांस्यमै सीमित रहनुपरेको थियो। तेक्वान्दोले सर्वाधिक १ रजत र १५ कांस्य जितेको छ। नेपालका लागि एसियाडमा दुई पटक पदक जित्ने खेलाडीका रूपमा दीपक विष्ट मात्र रहेका छन्। उनले २००२ र २००६ मा तेक्वान्दोमा काश्य जितेका थिए।
नेपालका लागि पदक विजेता खेलाडीहरू
स्वर्गीय दलबहादुर रानामगर (बक्सिङ, काश्य १९८६)
तुल बहादुर थपा (बक्सिङ, काश्य १९८६)
सुशील पोखरेल (बक्सिङ, काश्य १९८६)
मनोज बहादुर श्रेष्ठ (बक्सिङ, काश्य १९८६)
राजकुमार राई (तेक्वान्दो, काश्य १९८६)
विधान लामा (तेक्वान्दो, काश्य १९८६)
स्वर्गीय राजकुमार घर्ती क्षेत्री (तेक्वान्दो, काश्य)
राज कुमार बुढाथोकी (तेक्वान्दो, काश्य १९८६)
चित्र बहादुर गुरुङ (बक्सिङ, काश्य १९९०)
मान बहादुर शाही (तेक्वान्दो, काश्य १९९४)
सीता राई (कराते, काश्य १९९४)
सविता राजभण्डारी (तेक्वान्दो, रजत १९९८)
किशोर श्रेष्ठ (तेक्वान्दो, काश्य १९९८)
सपना मल्ल (तेक्वान्दो, काश्य १९९८)
समर बहादुर गोले (कराते, काश्य १९९८)
दीपक विष्ट (तेक्वान्दो, काश्य २००२, २००६ )
रेनुका मगर (तेक्वान्दो, काश्य २००२)
रितु जिमी राई (तेक्वान्दो, काश्य २००२)
मनिता शाही (तेक्वान्दो, काश्य २००६)
आयषा शाक्य (तेक्वान्दो, काश्य २००६)
दीपक महर्जन (बक्सिङ, काश्य २०१०)
विमला तामाङ (कराते, काश्य २०१४)
प्याराग्लाइडिङ टिम (विमल अधिकारी, विजय गौतम, सुशील गुरुङ, युकेश गुरुङ, विशाल थापा) २०१८ मा नेपाललाई एकमात्र पदकका रूपमा रजत दिलाएको थियाे ।
मकवानपुर । मकवानपुरको मनहरी गाउँपालिकाले पत्रकारहरुलाई पत्रकार सम्मेलनमा निमन्त्रणा गरेर बन्धक बनाएको भन्दै नेपाल पत्रकार महासंघ मकवानपुर शाखाले ध्यानाकर्षण भएको जनाएको छ ।
पत्रकारमाथी भएकाे घटनाप्रति महासंघसँगै प्रेस चाैतारी मकवानपुर, प्रेस सन्टर मकवानपुरले पनि ध्यानाकर्षण जनाएकाे छ । आज मकवानपुरकाे मनहरी गाउँपालिकाको कार्यालयले पत्रकार सम्मेलनमा पत्रकारहरुलाई निमन्त्रणा गरेर नियन्त्रणमा लिने, बन्धन बनाउने, बाहिरी मान्छेहरुलाई पत्रकार सम्मेलन स्थलमा प्रवेश गर्न लगाएर स्वतन्त्र प्रेस माथि धावा बोल्ने लगायतका दुर्व्यवहार गर्नाले मकवानपुरे पत्रकारमा त्रासको अवस्था सिर्जना भएको महासंघ मकवानपुरले जनाएको छ । विज्ञप्ती जारी गर्दै महासंघले गाउँपालिकाले आयोजना गरेको पत्रकार सम्मेलनमा पत्रकार नै असुरक्षित हुँदा समेत जनप्रतिनिधिहरुले पत्रकारलाई सुरक्षा प्रदान गर्न नसक्नु अत्यन्त गैरजिम्मेवार घटना भएको दाबी गरेको छ ।
पत्रकार सम्मेलनमा बाहिरी युवाहरुलाई प्रवेश गराइएकाे र गेट बन्द गरिएछी आफूहरु असुरक्षित भएकाे आभाष गर्दै पत्रकारहरुले प्रमुख जिल्ला अधिकारी तथा प्रहरी प्रशासनसँग सुरक्षा माग्नुपर्ने अवस्था सिर्जना हुनुभन्दा विडम्बना अरु नहुने विज्ञप्तीमा उल्लेख छ । स्थानीय सञ्चारमाध्यममा ‘राजश्व हिनामिना’को विषयमा समाचार सम्प्रेषण भएपछि गाउँपालिकाले पत्रकार सम्मेलनको आयोजना गरेको थियो । पत्रकार सम्मेलनमा पत्रकारहरुसँग गाउँपालिका अध्यक्ष कालाखेती, ८ नं वडाध्यक्ष नारायण उप्रेती, प्रमुख प्रशासकीय अधिकृत मोहनकुमार श्रेष्ठ, बरिष्ठ लेखा अधिकृत राजेन्द्र भट्टराई, जिन्सी शाखा प्रमुख डिल्लीराम रेग्मी लगायतले सवाल जवाफ गरेका थिए ।
मकवानपुर । बागमती प्रदेश सभाकाे शनिबारकाे बैठकमा हेटौडामा भएकाे डाक्टर कुटपिट र १ किलाे सुन काण्डले प्रवेश पाएकाे छ । सांसद एकालाल श्रेष्ठले गत भदौ २७ गते हेटौंडाको सञ्चो अस्पतालमा भएको डाक्टरहरुमाथिको हातपातको विषयमा विशेष समिति बनाएर अनुसन्धान गर्नुपर्ने बताए ।
बागमती प्रदेशसभाकाे दाेस्राे अधिवेशनकाे ३१ औं वैठककाे विशेष समयमा बोल्दै सांसद श्रेष्ठले घटनामा दोषि को हो भनेर विशेष समिति बनाएर छानविन गर्नुपर्ने बताए । डाक्टरमाथि आक्रमण हुनुपर्ने अवस्थाको कारण के गरि सृजना भयो भन्ने विषय पनि महत्वपूर्ण रहेको भन्दै उनले गम्भिर अनुसन्धानपछि निचोडमा पुग्नुपर्ने उनले बताए ।
यसैगरी केही दिनअघि जिल्ला प्रहरी परिसर, काठमाडौंले बरामद गरेको करिब एक किलो सुन प्रकरणमा बागमती प्रदेशका मन्त्री समेत संलग्न भएकाेमा नेकपा एमालेले जवाफ माग गरेको छ ।
प्रमुख प्रतिपक्षी दल नेकपा एमाले संसदीय दलका नेता जगन्नाथ थपलियाले बागमती प्रदेशका खानेपानी,ऊर्जा तथा सिँचाइ मन्त्री तीर्थ लामाकाे नाम सुन प्रकरणमा संलग्न भएकाेमा सांसद समक्ष उनले जवाफ दिनुपर्ने माग गरेका हुन् । थपलियाले भने ‘मन्त्रीको नाम उल्लेख गरेर सुन तस्करी भएको सुनिन आएको छ। यस विषयमा सरकारले सदनलाई जानकारी गराउनुपर्दछ ।’
गत मंगलबार प्रहरीले विशेष सूचनाका आधारमा मलद्वारमा लुकाएर दुबईबाट हिमालयन एयरलाइन्समार्फत ल्याएको सुनसहित प्रहरीले काभ्रेको खानीखोला गाउँपालिका–३ का बाबुलाल दोङलाई पक्राउ गरेको थियो । सो प्रकरणमा मन्त्री लामाको नाम मुछिएको भन्दै थपलियाले सरकारले र मन्त्रीले समेत जवाफ दिनुपर्ने बताए ।
यद्यपी मन्त्री लामाले एक किलो सुन प्रकरणमा आफ्नो नामसमेत जोडिएको भन्दै आपत्ति जनाएका छन् । मन्त्री र कांग्रेस जिल्ला समिति काभ्रे सभापतिको हैसियतमा आफ्नो धेरै जनसम्पर्क हुन्छ, अर्कै प्रसंगमा खिचेको तस्वीरका कारण आफ्नो नाम जोड्नु गलत हुने उनले बताए ।
१ किलो सुन प्रकरणमा काभ्रेका तरुण दलका नेता विकास लामा प्रहरीको खोजी सूचीमा परेकाेमा विकाससँग सम्बन्ध रहेको भन्दै आफ्नो नाम जोडिएकामा मन्त्री लामाले आपत्ति जनाएका हुन् । ‘मलाई विवादमा ल्याउन चाहने दुराशयका साथ भएका यस्ता कार्यप्रति म सचेत छु’ उनले भनेका छन् ।
मन्त्री लामाले उक्त घटनाको सत्यतथ्य छानबिन गर्न र दोषीलाई कारबाही गर्न माग गरेका छन् । छानबिनका लागि आफूले पनि सहयोग गर्ने उनले बताए ।
हेर्नुहाेस प्रदेश सभाकाे बैठकः