मकवानपुर । मकवानपुरकाे हेटौडा उपमहानगरपालिकामा माेटरसाइकल दुर्घटना हुँदा १ जनाकाे मृत्यु भएकाे छ । हेटौंडा–१९ तिनताप्केमा मोटरसाइकल दुर्घटना हुँदा मनहरीका संजिव बलकाे मृत्यु भएकाे प्रहरीले जनाएकाे छ ।
मनहरी गाउँपालिका वडा नम्बर ३ डाेटेका २७ वर्षीय बलकाे उपचारकाे क्रममा मृत्यु भएकाे बागमती प्रदेश प्रहरी कार्यालय हेटौंडाले जानकारी दिएको छ । बुधबार बिहान पुर्वपश्चिम राजमार्ग अन्तर्गत सिद्धकालिबाट हेटौडा १९ बस्तिपुर तर्फ आउँदै गरेको बा प्र ०२–०३९ प ७३०५ नम्बरको मोटरसाइकल अनियन्त्रित भई पल्टिएकाे बागमती प्रदेश प्रहरी कार्यालयले जनाएकाे छ ।
दुर्घटना हुँदा चालक संजिव र माेटरसाइकल सवार ३१ वर्षीय दीपक सिंह बल गम्भिर घाइते भएका थिए । घाइतेहरुलाई उपचारका लागि जिल्ला अस्पताल हेटौंडा ल्याइएकाेमा मोटरसाइकल चालक संजिवको उपचारको क्रममा बुधबार बेलुका मुत्यु भएको प्रहरीले जनाएको छ । घाइते दीपककाे उपचार भइरहेको प्रहरीले जनाएको छ ।
